سوالف للجميع - _الاهـــــــلي رفــــــع الــــــــراس

مهوس العين

23-10-2002, 11:02 PM

السلام عليكم .....................

نجح فريق الاهلي الامارتي في التاهل لدور الاربعة على حساااااب الاهلي

السعودي , بتعاااااااااادله 2_________________2 على ملعب

الاهلي السعووووووووووووووودي

سجل اهداف الاهلي السعوووودي من الشوط الاول عن طريق

المحترف البرازيلي و الهدف الثاني من خطا من الحلرس اثر تقدمه

فسجل المصري بركاااااااات

في الشوط الثاني حرجوااااااا الاهلاوية الاماراتيين ففتتحوا اولى

الاهداف عن طريق ساااااااالم خميس من هجمة مرتدة , و الهدف

الثاني من الاعب فيصل خليل كان منفرد ويا الحارس

كاااااااااان اللعب حلوووووووو في الشوط الاول السيطرة سعودية

و الشوط الثاني سيطرة اماااااااااااااااااراااااااااااااااااتية

مبروك للاهلى الاماراتي

هارد لك للسعوديين

مبرووووووووووك للاهلاوووووووية
رفعتواااااا راااااس الامارات

أسير عيونها

24-10-2002, 12:47 AM

والأصابات .. أثرت على الاهلي السعودي ..
حيث تم تبديل السويد بديالو .. ووليد عبدربه بنايف القاضي ..
في الدقائق الاولى من الشوط الاول .. نظرا لأصابتهم ..

على العموم مبروك للأهلي الاماراتي ...
وهاردلك للأهلي السعودي ..

تحياتي ...

ابو محمود

24-10-2002, 01:25 AM

الله يقطع سوالفك انا راح بالي ان اهلي جده هو الي فاز!! قلت في نفسي مب معقوله انا شايفهم تعادلوا وشلون الاهلي يرفع راسنا وهو متعادل؟!!!:confused:

صار العكس اهلي دبي هو الي فاز !
عموما مبروك للاهلي وحظ اوفر للاهلي!
عموما تأهل الاهلي ولا الاهلي ما احد فيهم بياخذ الكاس!
لانه في ظل التحكيم الاسيوي السيء ما راح يفوز بها فريق عربي!
:mad:

عاشق الريال

24-10-2002, 02:16 AM

مبروووووووووك التأهل وهاردلك للأهلي السعودي

:)

ARAE

24-10-2002, 03:44 AM

مبروك للأهلي الإماراتي .؟؟؟ الفوز . وهاردل لفريق الأهلي السعودي .. وعقبال الكأس:)

lolly

24-10-2002, 07:50 AM

مبرررررررررررررررروك عليكم شباب:cool:
الاداء كان جيد يقولون انا ما شفت المباراة :(

تحياتى
:)

منصور السالم

24-10-2002, 10:14 AM

مبروك ويستاهل الاهلي الامارتي لكن في الاخير كادت ان تفلت المباراة والله يجازي من كان السبب:D

أسير عيونها

24-10-2002, 11:21 AM

رد مقتبس من منصور السالم
مبروك ويستاهل الاهلي الامارتي لكن في الاخير كادت ان تفلت المباراة والله يجازي من كان السبب:D

تفلت من مين ؟؟؟
من الاهلي الاماراتي قصدك منصور ؟؟؟

خفايا الروح

24-10-2002, 12:25 PM

الف الف الف مبرووووك للأهلي الاماراتي

وهارد لك للأهلي السعودي

صراحه من وقت ما سمعت ان حسين عبدالغني لاعب في المباراه

عرفت ان الاهلي ما هيتأهل

المهم هارد لك لفريق الاهلي السعودي انشالله تعوضوعها بكأس الصداقه السنه الجايه:D :D :D

مهوس العين

24-10-2002, 01:43 PM

مشكوووووووووووررررررررررررررررررين على الردود و تفاعلكم بعد

()(())()()()()()()()()()()()()()()()()

على فكرة الاهلي الاماراتي بيلعب مبااااااارااااانه اليايه

ضد الاتحاد القطري او كانيجاور الاوزباكستاني

اليوم بيتحدد الفريق يلي بيلعب ضد الاهلي

عن طريق مباااارااااة الليلة ما بينهم :)

lolly

24-10-2002, 04:03 PM

رد مقتبس من خفايا الروح

صراحه من وقت ما سمعت ان حسين عبدالغني لاعب في المباراه

عرفت ان الاهلي ما هيتأهل

:D :D :D

لوووووووووووووول:D
ليش انتم بعد ما اتحبون حسين عبد الغنى :) يحليلة احم
هذا اله اسم خاص عندنا مو حسين عبد الغنى لوووووووول خلوها مستورة احم

وهارد لك للجميع :)

صحيح اسير عيونها شو فيك بابا ادور على الكلام من بين السطور احم

تحياتى

ابو محمود

24-10-2002, 05:57 PM

انت تذكر مباراة نهائي كأس آسيا 96
الي فزنا بها وطرد فيها الاعب حسين عبد الغني بسبة لاعب اماراتي مدري اسمه حسن سعيد مدري حسن سهيل ؟؟!!!
المهم الاماراتيين كرهوه بعد ذيك المباراة لانه شلخ لاعبينيهم تشليخ وطلعوا من المباراة مهزومين ومتكسرين وحاس مهاجمهم عدنان الطلياني وخلى زهير بخيت ما يتنفس!:)

أسير عيونها

24-10-2002, 09:43 PM

لولي ..
انتم اكثر ناس تعرفون منهو حسين عبدالغني .. الفتى الذهبي
الي جننكم .. وخبلكم وفي ارضكم هستربكم ..
طبيعي تحقدون عليه .. وترى الاسم الي مطلقينه عليه في بلدكم
على حسب كلامك .. هذا يرجع لقمة أخلاقكم ما شاءالله .. :D
لولي ؟؟
((صحيح اسير عيونها شو فيك بابا ادور على الكلام من بين السطور احم))
انا السؤال كان لمنصور السالم .. ماهو لك .. :) احم احم ..

- ابو محمود ..
اااالله ذكرتني بكأس اسيا 96.. ايام ما اخذناهم شوارع الطلياني وزهير
بخيت وطقتهم .. :D

تحياتي .. :)

ايطالي

25-10-2002, 12:17 AM

معليش هاااااردلك للاهلي .. توقعتهم بيفتحون الشوارع بالاهلي الاماراتي .. بس اكيد في شي صار

مو معقولة من 2-0 بالشوط الاول .. الى 2-2 والاهلي يلعب بجده !!

على العموم مبروك للاماراتيين .. وانشاء الله يكون حظكم رايح فيها وتلاقون الزعيم بالادوار القادمه :D

اختي لولي .. مالقيتي الى حسين عبدالغني تتكلمون عليه :D هذا لعب بمباراة نجوم العااالم .. يعني لعب ضد رونالدو وزيدان وباتستوتا :cool:

واذا قدر اي لاعب من الخليج يترشح للمباراة هذا .. ذيك الساعه تكلمو زي ما تبون :p .. وهارد لك خسارتكم كأس اسيا 96 :D

أسير عيونها

25-10-2002, 05:26 AM

رد مقتبس من ايطالي

اختي لولي .. مالقيتي الى حسين عبدالغني تتكلمون عليه :D هذا لعب بمباراة نجوم العااالم .. يعني لعب ضد رونالدو وزيدان وباتستوتا :cool:
واذا قدر اي لاعب من الخليج يترشح للمباراة هذا .. ذيك الساعه تكلمو زي ما تبون :p .. وهارد لك خسارتكم كأس اسيا 96 :D

لولي كيف الحال .. :D :p :D :p :D

lolly

25-10-2002, 09:05 AM

صباح الخيرات

تونى اشوف الرد احم احم

اخ أسير عيونها والاخ ايطالى...
منو حسين عبد الغنى الفتى الذهبي
الي جننكم .. وخبلكم وفي ارضكم هستربكم ..
ماشاء الله

راح اذكرك فى شىء حصل فى ايام كأس اسياء فى الامارات اذا انتة نسيت اانا ما نسيت اخوى الاعب هذا الى اتقول عنة من افضل الاعبين عندكم ماشاء الله علية ...

لما كانت السعودية تلعب مع الامارات بالتحديد((( تفل))) على حسن سعيد لاعب الامارات :mad: انا شفت اللقطة وللحين راسخة فى مخى ولا راح انساها هذا الاعب الى اتقول عنة انة مجننا على شو على لعبة ولا على اخلاقة العالية ماشاء الله علية...

لما بترمسون عن لاعبين اختارو الاعبين الى يستحقون مو اى لاعب ..
الاعب مو شرط يكون لعبة سنع ولكن الاخلاق تأتى فى المرتبة الاولى على ما اعتقد ...

شو هارد لك على كأس اسيا عاددددى حلالا عليكم ولكن هارد لك 8-0 فى كأس العالم اوكى...

تحياتى

خفايا الروح

25-10-2002, 11:42 AM

أخوي اسير عيونها انا بسألك سؤال

وابغاك تجاوبني بصررراحه

يوم يلعب حسين عبدالغني مباراه مع الفريق هل تتوقع

الفوووز وخصوصا يوم يلعب قدام الاتحاد ؟؟؟

<><><><><><><><><><><><><><><><><><>

وتري كل اتحادي يفرح يوم يشوووف حسين عبدالغني يلعب لأنه عارف

ان الفوووز مضمون والاهداف كمان تجي من جهته

واكبر دليل السنه اللي فاتت كاس ولي العهد لعبتوا بدونه وفزتوا

لكن شوف المباراه اللي قبلها بأسبوع أكلتوها اربعه صفر وهو يلعب

يعني لاعب مثل حسين عبدالغني لا تعطيه اكبر من حجمه وشوف

لعبه وأخلاقه العاليه :D مع حمزه ادريس وسيرجو

وادخل المنتدي الاهلاوي بعد كل مباراه يلعب فيها وش ايش يقولوا فيه

على العموم يالحبيب وسع صدرك ترى اللاعب ما يستاهل

تقبل تحياتي

أسير عيونها

25-10-2002, 12:29 PM

ما اظن الشيء هذا صار من حسين عبدالغني ...
صح انه يتنرفز ويعصب .. وبعض الاحيان يفقد اعصابه ..
لكن ما اظن انها توصل منه انه ( يتفل ) في احد اللاعبين ..

اما بخصوص المنتخب .. انا ما راح ادافع عنهم في سالفة 8/0 :D
لانها فعلا تقهرر ... بس يعتبر انجاز انهم تأهلوا ثلاث مرات لكأس
العالم ..

لولى ما ابغي ادخل في نقاش معك .. تكون نهايته خلاف وزعل بيننا
كل الي نبيه في المنتدى .. هو التواصل وحتى لو فيه نقاش ما نبغاه
يوصل لسب الللاعبين او المنتخبات او الاستهزاء بالفرق .. :)

تحياتي لك .. :)

أسير عيونها

25-10-2002, 12:35 PM

صدقني حسين عبدالغني محبوووب من الجمهور الأهلاوي ..ومكروووه
طبعا من جمهوركم .. :D

زي ما قلت للأخت لولي .. انه عصبي ويفقد اعصابه بعض الاحيان
ولكن هذا ناتج من سوء أخلاق الفريق المقابل .. وخاصة الاتحاد
ولا تنسى حركات حمزه ادريس .. وانت عارف وش حمزه ادريس

واذا بتتكلم عن اخلاق حسين عبدالغني ... شوف لاعبكم الخلوق
محمد نور .. ولاحظه في الملعب وابعد عنك التعصب لناديك ..
لاحظ نظراته حركاته انبراشاته :D .. ما كسر القهوجي غير تطبيقه
للعبة الكارتيه في المستطيل الاخضر .. :D

على العموم .. هذي كوره ونوسع صدورنا فيها وفي سوالفها
وما راح توصلنا للزعل .. :)

تحياتي لك ..

رحال الليل

25-10-2002, 01:53 PM

رد مقتبس من أسير عيونها

تفلت من مين ؟؟؟
من الاهلي الاماراتي قصدك منصور ؟؟؟

ضحكتني

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

lolly

25-10-2002, 03:08 PM

مساء الخيرات

اخ اسير عيونها انا ما اجيب الكلام من عندى وهذا الشىء حصل فى كأس اسيا 96 :rolleyes: فى الامارات وعلى سوء لعبة طرد من الملعب ويستاهل لان حركتة بايخة...

وبعدين انتة ليش ما اتصدق يعنى هل اذا هو قام بهذا الفعل يعنى معاة حق الواحد فى الكرة يحترم غيرة ولا يفعل هذى الاشياء الغير مستحبة ولا لانة من النادى الى تحبة ادافع عنة ..

انه عصبي ويفقد اعصابه بعض الاحيان
ماشاء الله يعنى وايد من الاعبين يفقدون اعصابهم ولكن ما توصل لحد الفعل الغير لائق منة..

هذا ناتج من سوء أخلاق الفريق المقابل
ماشاء الله :rolleyes: شىء حلووو وجميل يعنى هذا الاعب لازم يراعون شعورة لانة ما يستحمل حد يدقة ولا يقولة شىء...نصيحة منى لا يلعب احسن..

وبخصوص 8-0 حلووو والله ليش ما ترمست عنة احم ...صحيح انكم تأهلتو 3 مرات ولكن المستوى مو شىء وهذا الشىء وضح فى كأس العالم ولكن بس مباراة كانت حلوووة مع جنوب افريقيا على ما اظن:)

فى النهاية انا ما ازعل من اى شىء وهذا نقاش اخوى ولكن الحق حق والى انا قلتة حاصل وحتى المباراة مسجلتنها:rolleyes: اذا تبغيها احم

تحيات

خفايا الروح

25-10-2002, 03:28 PM

مرحبا اخوي اسير

الا اقول ايش في المنتدي حق الاهلي مقفل ؟؟؟:D :D :D

لايكووون مسوين له صيااانه :D :D :D

مشالله بعد كل هزيمه تسوووا له صيانه

على العموم تري الاتحاديه يسبشروا بحسين يوم يلعب

لأنه هوه نقطه ضعف الاهلي

وبخصوص محمد نور تري الاهلي يتمنى لاعب مثله

يلعب لعب رجولي واذا كان زي ماتقووول يلعب كارتيه ماكان الاعب طلع

المنتخب ويلعب اساسي مو زي اللي يطلع ويتمرن في المعسكر

ويرجعووه لفريقه

وتري العبدلي افضل من حسين بمرااااحل

وهذي وجهه نظري

ايطالي

25-10-2002, 10:59 PM

اختي الغاليه لولي .. لا تزعلين من الكلام او النقاش هذا .. بس والله حسين عبدالغني بالذات اكثر لاعب غير هلالي يعجبني لعبه

وبعدين احنا كنا نتكلم على لعبه .. وانا اشوف انه افضل ظهير ايسر بالمملكة وبالخليج .. وبدون منافس كمان

واذا بنتكلم على الاخلاق .. فبصراحه حسين شكله انسان محترم خارج الملعب :D .. عكس لاعبين كثير عندنا تلاقي مافي فرق بين داخل وخارج الملعب

بس هو مشكلته الوحيدة انه انسان يفقد اعصابه بسرررعه وزيادة على كذا .. يتحمس لفريقه وما يرضى بالخسارة

واللي اتذكرة انه مرة اخذ ثلاث كروت حمر بالدوري وكانو في مده قصيرة .. وبعدها نصحوه الناس انه يروح لطبيب نفسي عشان يشوف حالته

يعني اللي ابغا اقوله يا لولي انه في فرق بين لاعب اصلا اخلاقه منتهيه .. ويكسر ويتفل على اللاعبين بكل الاوقات .. وبين لاعب ما تصير منه التصرفات هذي الى لما احد يستفزة .. وانا اتذكر بالنهائي كان اللاعب الاماراتي من اول الى اخر المباراة وهو يحتك مع حسين وضربه على وجهه .. صح ولا لا ؟؟

أسير عيونها

25-10-2002, 11:43 PM

صدقيني مهما تناقشنا والله وتحاورنا واخذنا واعطينا .. ما راح تغيرين نظرتنا في الفتى الذهبي .
حسين عبدالغني .. :)
يكفي ان سبب عصبيته .. حبه لناديه ولمنتخبه .. على عكس بعض
اللاعبين .. الي ما يحركون ساكن لا في المشاعر ولا في اللعب .. :)

لولي .. انا ما اكذبك .. انا اشكك بس في التصرف .. وسبق اني
قلتلك .. ان حسين صح عصبي ..
بس ما اظن يصدر منه الفعل هذا . الي لدرجة انه ( يتفل ) على الغير ..
هذا عندنا فريق متخصص في الشيء هذا :D اسألي خفايا الليل عنه .. :p
وبعدين انا قلت هذا ناتج من سوء أخلاق الفريق المقابل .. ليش
تفهميني غلط ؟
انا اقصد الحركات الغير اخلاقيه والاستفزازيه الي تصدر منهم .. مو يدقه
والا يدفه والا يطيحه .. لا ما خفي كان اعظم .. اقل شيء اقل شيء
السب باللسان .. الي لا الحكم ولا الجمهور يسمعه .. :)

بالنسبه للمنتخب السعودي .. وتأهله لكأس العالم ثلاث مرات .. ويكون
اداءه مو شيء على قولتك .. لا تنسين ان الارجنتين طلعت من الدور
التمهيدي .. ;)

أختلاف الرأي لا يفسد للود قضيه .. :)
تحياتي ..

أسير عيونها

25-10-2002, 11:56 PM

منتدى الجمهور الأهلاوي .. مقفل من زماان ماهو الحين ..
ولو زي ما قلت بعد كل هزيمه يتقفل .. كان فتحوه بعد بطولة الخليج ..
لكن نفس المنتدى فيه عطل او شيء لا يعلم به الا الله ...

على العموم .. فيه اكثر من موقع للجمهور الأهلاوي (( ما شاءالله كثيرين
ومنتدى واحد ما يكفيهم )) :)
وهذا واحد منهم ..
http://www.alkwasser.net/vb/index.php
منتدى الكواسر للجمهور الأهلاوي ..ننتظر زيارتك فيه .. :)

على فكره .. انت من وين جايب (وبخصوص محمد نور تري الاهلي يتمنى لاعب مثله ) ؟؟؟
هذا رأي شخصي واجتهاد منك ؟؟؟
والا مسوي استفتاء عن اراء الجماهير الاهلاويه ؟؟؟
صدقني النادي الاهلي لا يسمح بوجود امثال محمد نور .. :)

وبخصوص وجهة نظرك .. ان العبدلي افضل من حسين عبدالغني ..
نحترمها ... ونقولك ... العبدلي وحسين عينين في رأس واحده بالنسبه لنا .. :)

خفايا ..صحيح الي سمعناه من منتداكم ؟؟ ... يقولون بيبيتو طلع
مقلب .. :D والله توقعنا بتبدعون في القادسيه .. واخرتها 1/0 :D

تحياتي لك .. :)

أسير عيونها

26-10-2002, 12:03 AM

كلامك كله حقائق .... احترم فيك صراحتك وقولك للحق فعلا كلام منطقي وكلام عاقل وفي محله ..
تسلم .. :)

تحياتي لك ايطالي .. :)

====

* رحال الليل ... !!!
انتبه ترى الضحك الكثير .. يسببلك مغص .. :D

lolly

26-10-2002, 09:38 AM

صباح الخيرات

الى تعقيب على كلامكم:( اخوانى مرة ثانية..
ما الى خاطر اليوم اتناقش بشىء..

:(

أسير عيونها

26-10-2002, 01:17 PM

سلامات .. عسى ما شر ..:confused:

ننتظرك ونتمنى ما تنقطعين عن المشاركه معنا ..

تحياتي :rolleyes:

lolly

26-10-2002, 03:09 PM

هلالا اخوى اسير عيونها الشر ما ايك..
ولكن ما الى خلق اناقش وارد :( خال امى توفى امس ونحن فى حالة ولا رحنا اليوم الدومات:(

الله يرحمة يارب ويغمد روحة الجنة:(

أسير عيونها

26-10-2002, 08:36 PM

عظم الله اجرك ..
والله يصبركم .. ويصبر اهله ..
واسكنه فسيح جناته ..

تحياتي ..

ايطالي

27-10-2002, 12:40 AM

لولي .. عظّم الله اجرك

والله يرحمه ويغفرله انشاء الله

والحمد لله الموضوع خلّص بدون اي اصابات :p .. ومستنيين مشاركاتك بالمواضيع الثانيه :)

______________

هلا اسير .. وتسلم على كلامك .. بس صدقني ما اظن انه في احد ممكن يقول غير الكلام هذا عن حسين .. والدليل انه لما جته الاصابه وغاب عن المنتخب .. كانت دايما الجهة اليسرى هي نقطه ضعف المنتخب .. ومافي لاعب بالسعوديه قدر يملى المركز

وبعدين انت متأكد انك ما تبي محمد نور بالاهلي :D .. صحيح انه لاعب مزاجي واخلاقه حلوة :p .. بس لا تنسى انه ممكن يشيل خط النص لوحده

وتحيــاتي لك :)

أسير عيونها

27-10-2002, 01:48 AM

فعلا حسين خانته ما احد يقدر يغطيها الا هو .. :)

وبخصوص سؤالك اذا اتمنى محمد نور يكون في الاهلي ..
والله ما اتمناه يجي .. صدقني ما اظن اشجع الاهلي لو محمد نور
كان من ضمن صفوفه :p .. انت ليش تفاول علينا الله يهديك .. :p
بعدين الحمدلله فيه الي افضل منه في الاهلي ..
هو الافضل في الاتحاد لان ما فيه غيره .. :)

تحياتي .. :)

R3boob

27-10-2002, 05:02 AM

:D :D :D :D ماعنده كلام يقوله ومتشقق ضحك على الردود:D :D :D

lolly

28-10-2002, 09:41 AM

صباح الخيرات

البقاء والدوام لله:(

الموضوع ما خلص:D لازم ارد عليكم ما يصير ما ارد احم..

اخوى اللعب هو لعبة حلوووو وابصملك على العشرة..ولكن شو الفايدة من لاعب لما يتعرض لموقف بسيط يتنرفز :confused: يعنى لازيم يكمل صورتة امام الكل مو يتنرفز على كل لحظة..

وعن المباراة الى جمعت بينا..
انتة شوف اذا هو كان فى خط الهجوم لازم لاعبينا بيمنعونة من التحرك يعنى نخلية يتحرك على راحتة لانة ما يستحمل كلمة:eek: صج مشكلة

انا ابغى اوصلة انة لازم يعد اسلوبة مو اسلوب علية..

شكرا لك مرة ثانية

:cool:

lolly

28-10-2002, 09:47 AM

صباح الخيرات

البقائ والدوام للة اخوى..

اخوى انا ما يخصنى الفتى الذهبى او غيرة هذا رائيكم ولكن راى انا يختلف عن اسلوبة فى اللعب وطريقت تعالملة مع الاعبين من الفريق الثانى اذا استوى شىء بسيط ومن دون قصد...

اخوى عن حركتة للاعب الامارات والله شفت هذا الشىء جدام عينى:mad: انا ما اجيب كلام من عندى وليش اطلع علية كلام مثل هذا الشىء يعنى اخلاقى الرياضية ما تسمحلى اتمداء..

وبعيدن والله ضحكتنى شو اتشبة الارجنتين بالمنتخب السعودى:confused: وين المستوى محترفين وانتم هواة يختلف ترة:)

قصدى مو التقليل ولكن حبيت اوضح

وشكرا مرة ثانية

تحياتى
:cool: