الاعضاء ومشرفكم العزيز في أحد المجمعات .."الحلقه الاولى "

[حروف سوالف]

السلام عليكم ورحمه الله وبركاته
فكرت وفكرت وبعد فكرت وقلت خلاص بمشي للشرقيه وبالصدفه ومن دون سابق أنذار رن تلفوني الجوال ..

أنا : منو ؟!
المتصل : صبرك على طول كذا منو !!.السلام عليكم ورحمه الله وبركاته .

أنا: وعليكم السلام ورحمه الله وبركاته .من ؟!

المتصل : يا اخوك اصبر وراك عجل ؟!.أنا ابو غازي:D ....ما عرفتني ؟!
أنا: هلا والله بالغالي ،يا اخوك اعذرني تراني مشوش ..
ابو غازي : طيب ليش ما ركبت اريل "انتل"...هههههه..:D
.

أنا: ياشين خفه الدم الزايده ..خير وش تبي متصل ؟!>>>>>:corsair: :corsair: على باله معصب ..
.........................................مقدمه فقط ..:)

الى صلب الموضوع :)
كان الاخ ابو غازي طفشان وقررنا نمشي انا وهو للغالي ومشرفنا الموقر عزيز 2000 ونمشي نغير جو فالي صاير معنا سجلته لكم على حلقات معي ومع الاخ ابو غازي والاخ المشرف عزيز :)...

قررنا نروح احد المجمعات التجاريه وكان القرار سريع ودار بينا هذا الحوار الي كان جاد شويتين :)..
أنا: وش رايكم نروح لمجمع"......"مو أحسن ،نغير جو ونشرب كفي ونمر محلين ابي امرهم ..ممكن ؟!
عزيز 2000 :يا اخوك اذا تقدر تاجل زياره المحلين وتكون بروحك يكون احسن ..أنت عارف انا ما احب المجعات التجاريه ..
أبو غازي : والله انا طفشان وودي اتمشى واتفرج على التحف "يقصد الاوادم" الي بالسوق ..تعرفون نشوف حاجات غريبه بس تضحك :D ..
.
أنا: شوف يا عزيز أحنا نحكم بالديمقراطيه وراح نستخدم التصويت وبما اني ابو غازي نمثل ا75% اذا احنا الاغلبيه الساحقه وبكذا تمشي قراراتنا ..
..........................................................ومع المشهد الاول في المجمع ..
في الحلقه القدامه ..
حروف في ورطه
لماذا عزيز يسابق الرياح ....
ابو غازي وينه؟!

في الحلقه القادمه ..يتبع

[حروف سوالف]

وصلنا المجمع وطبعا وقفنا السياره ودخلنا المجمع وهذا اول المواقف الي صااارت ..
أنا: عزيز وش فيك ؟!..طاير ماشي 260 عقده في الدقيقه <<<<ثقافه اخونا مدردش البحريه :)..بس حايسها :)..وبعدين شطالع فوق ؟!!..يا اخوك اصبر ..
طبعا مو متخيلين الموقف الاخ في الله والغالي عزيز طاير بين المحلات وانا وراه حاط يدي على الشماغ لا يطير واليد الثانيه رافع الثوب ويالله يا هرواله ورا المشرف ..في الاخير وقف بعد جهدا جهيد ..يا اخوك وقف عاد الناس بتسمع الي صار ..
أنا: يا اخوك اش فيك طاير ؟!!وش الي معك صاير ؟!!..
عزيز 2000 : خير وش تبي ؟!..عادي جالس امشي وما احب اسحب رجليني بالاسواق ..صراحه فيه مناظر تضيق الصدر ..وما ابي اشوف شي من كذا خلنا ناخذ شغلنا ونمشي ..

أنا: وش تقصد ؟!!.
عزيز 2000 :شف ذاك الي يمشي كنه علبه الوان زيتيه ما ترك لون ما حطه حتى شعره ما سلم منه ،شف اثر التشرب للفكر الغربي شف الانحطاط والذل الي هم عايشينه ،بزعمهم مواكبه لتطور ،عمر التطور ما كان بلبس .لا وتبي تشوف شيء يهول ..."وما امداه يكمل جملته الا وثنتين من الي باعو انفسهم باسعار رخصيه وعرضو انفسهم بشكل زهيد وجرتهم خطى الشيطان نحو الهاويه ،يمرون من امامنا "...
ويكمل عزيز2000 : ولا هالاشكال شف يالله اذا كانو هذولا مربين الاجيال القادمه وهذولا هم اساس المجتمع القادم وشف وش همهم والادهى شف وين وصلو من مرحله وتقول لي وقف ..والمر في هذا كله انهم يسمونها حريه .
أنا: هدء اعصابك يا اخوك ،حلوه كلمه وبزعمه هذي حريه ،تدري مصيبتنا في هالزمان تسميت الاشياء بغير مسميتها وللاسف .
طبعا انا وعزيز كنا متحمسين في نقاش جاد وبكذا نسينا خوينا الثالث !!!!..الا وين ابو غازي يالربع ؟!!

أنا: اقول عزيز2000 ما لحظت شيء ؟!.
عزيز 2000 : كل هالكلام ولا لحظت شيء !!!.تستهبل علي انت ؟!!.
أنا: يا اخي افهم ..وش فيك معصب علينا ؟!!.قصدي وين ابو غازي !!!.
عزيز2000: اي والله وين ابو غازي ؟!!،تحمسنا في النقاش ونسينا الرجال تراه بارد ولا يهمه شيء ..ويالله عاد بيضيع اليوم وحنا ندوره .
الي صاير انو انا وعزيز اتصلنا على جوال ابو غازي وصار مقفل :help: :help: :help: :mad: ..او بالاصح هذي التجنولجيا لا يعتمد عليها ابدااا ..وكثير تصير مع الواحد مواقف اذا كان متكل على التكنولجيا بعد الله ..المفروض نكون محتاطين اكثر ..الي صاير او المهم انو سمعنا رقم لوحه سيارتي يعلن عن طريق المكبرات وما ندري ليش !!.فقررت اترك عزيز والوعد محل المجوهرات حسب رأيه يقول فيه شيء بيفرجني عليه !!!...وانا قلت لو تأخرت تعال هناك البوابه الرئيسيه ..المهم هو راح يدور على ابو غازي وانا رحت البوابه ....

طبعا بقول لكم تابعونا :)
اخوكم حروف سوالف ..................اذا احد يشوف هذا الطرح سخيف وغير مفيد يبلغني ويبين السبب وموطن الظعف علشان ما اتعب نفسي ..

[MUSLIMAH]

:D :D

و عليكم السلام و رحمة الله و بركاته ،،،

كمل ياخوي ، خنشوف تالية الثلاثي اللي رايحين السوق :rolleyes:

[bnt-alsaif]

:D :D :D صراحة مغامراتكم عجيبة :D :D
كمل السالفه خنشوووف أخوكم الضايع شنو قصته !!
عسى مو خاطفينه :D

[aziz2000]

الله يهديكم انت وبوغازي .. ماتنتودّون مجمعات تجارية :black:

بعدين احنا في عصر السرعة .. لازم نمشي بسرعة في المجمعات وانت منزل راسك ونظرك للأرض لئلا ترى منظرا يضيّق صدرك ويعفس عليك يومك كله :headshak:

ويسلم قلم حروف الحب .. وتصبح على خير :sleep:

[أبو غازي]

الرز على النــــار ..

أتعشى واصحصح زين .. وراجع لك ..:D

[ابو الفياصل]

الفكره جميله.

لكن فيه استعجال شديد في طرح الموضوع وكأن فيه احد لاحقك.

اطرح القصه بهدوء وبتركيز اكثر.. عشان تأخذ الفكره مأخذها وحقها من النص..:)

ننتظر البقيه..

[أسير الليل]

هلا وغلا حروف الحب

يعني أنت ما حصلت غير هالأثنين .. واحد ما يفكر الا في بطنه
والثاني ما يعجبه العجب ولا الصيام في رجب :)
تقله تمشيه يقلبها عليك غم :D

تعاااااااال ابوغازي ياوجه الغفله :D
يعني خالك مكسر الجوال عليك من اليوم :D واخرتها تتعشى بروحك
قولهم اتصلوا بخالي الحبيب .. عشان أفتح نفسك للاكل :D

يالله حروف الحب .. ننتظر التكمله مع الأفنديه ذول :)
ويا حليلي جيت متأخر ;)

[حروف سوالف]

أشكر الاخوان والاخوات الي تفاعلو مع الموضوع ...
وتحياتي وتقديري للغالي ابو غازي ..ومن الان اقول له اعذرني يا ابو غازي ما لقيت اغلى منك :)............واذا زعلت بلغني والله اجيك لعندك وبوس راسك ..:)..



(عزيز راح يدور على أبو غازي وبعدين مل من اللف في السوق وما حصل ابو غازي والمشكله انه ضيع ساعه كامله يدور عليه !!!..ومو كذا بعد قال يمكن يتأخر علي في المكان الي اختاره .....وينتظر عزيز ..ولكن لا حياه لمن تنداني :(...)
عزيز :يا اخي وين راحو هذولي ؟!..انا والله الي مضيع عمري وجاي مع ذا الاثنين..:(..أنا احسن اروح البوابه اشوف حروف وينه :mad:

(والي حصل ..تقابلت انا والعزيز عزيز عند البوابه وحصل معنا ما حصل ..)..

عزيز :هلا حروف ها وشذا الي صاير فيك !!! اش فيك تعرج ووين شماغك ؟!..وش فيه الثوب مشقوق ؟!..
يا اخوك تقل طالع من معركه حربيه ؟...اف اف كل هذا وش ذا الي في وجهك ؟!..يا اخوك وش صار خبرني ؟!!

أنا:أخخخخخ أييييييي أفففففففففف ..وخر تكفى لا تضيق صدري ...يعني ما تشوف حالتي ؟!..يا اخوك تضاربت انا وشباب ..

عزيز : وشلون ؟!!!!.وكيف ؟!!.وليش ؟!!.وجع ذا موب طق شباب كنك طالع من حادث سيارة.
أنا: يا ابن الحلال تراني طقيتهم بعد (ما يبي يبين انه مغلوب)..بس هم صار اكثر مني ..


عزيز : طيب ممكن تجلس هنا وتقول لي وش الي صار معك ؟!.
أنا: ممكن توخر يدك عني لانها توجعني وضاغطه على الجرح ؟!...أيييييييي......
(وجلسنا وبديت احكي لعزيز السالفه ......)

أنا: هذا الله يسلمك الفزعه والنخوه في هالزمن تسوي في الواحد كذا .هذي الطيبه والشهامه تخلي الواحد ينظرب:(..هذولي مجموعه شباب يلحقون بنيتين:mad: وشكلهم علين قلوب هالمسيكينات قلت افزع للبنيات ووقفت في وجيههم وصار انو كلمه مني وكلمه منهم وبعدين ضربه مني وعشر منهم وبس هذي الحكايه .

:cry: :cry: :cry:

عزيز : وش الي حاشر يالملقوف .وبعدين على شخصيتك ذي بيقولون هذا واحد يبي البنيات ..كوبر ومحدد الذقن ومتعطر كنك رايح لعرس ......
أنا: يا اخي اولا هذا طبعي ثانيا انا ما تكلفت في اللبس ثالثا يا اخي زين الواحد يلبس رابعا واخير وش دخل لبسي في المظاربه ؟!!.يقولون لاحقهم ؟.يقلولون هو وانا مالي ؟!..انا في قناعتي الذاتيه جاي اسوي واجب لاخت شفت انها في حاجتي ..
عزيز:اسمع نصيحه لوجه الله ..خلك بحالك يا حروف ..خلك بحالك ...ويالله قم ندور على ذا الدب ابو غازي ..والله احساسي انه بالمطعم ..
أنا: انت ما دورته ؟!..
عزيز : تعبت من اللف ...بس يالله تقدر تمشي ولا لا ؟!!.
أنا: ايه اقدر ..يالله مشينا ..
(لفينا السوق بأكمله ولكن لم نجد المدعو ابو غازي ..) وبصراحه خفت ...
أنا: اقول لا يكون خطفوه ؟!!.
زيز: وش يبون بهالشين ؟!..لا فلوس ولا شي يسوى من يخطفه
أنا: ؟؟!!...............لا تقول كذا على ابو غازي ...
عزيز: شف... شف ..مو كنه ابو غازي ؟!هذا الي وسط محل التحف ؟!.
أنا: ..تصدق الا هو ....والله انه تحفه
(ودخلنا المحل وشفنا ابو غازي المسكين ..تدرون اش يسوي ؟!!..الله يهديه بس مانيب معلم بخلي المشهد يحكي .)
أنا: افا يا ابو غازي احنا ندور عليك وانت مسمر عيونك في هذي ؟!.
عزيز : ؟؟!!, وش فيك حروف ما تشوف الرجال عايش حاله يرثى لها شوي شوي عليه ..
(ابو غازي واقف ويبحلق عيونه بـــــ......)
أنا: يا اخي غض البصر ...
ابو غازي : وش فيكم ماسكين علي من دخلتو ؟؟!!..أنا جالس اطالع هالسجاده تعالو شوفو ...
أنا: والله ضلمناك توقعتك تتفرج على الصوره الي جنبها ...
ابو غازي : بلا خفه دم تعال شوف الرقم الي مكتوب على السجاده .
أنا: وترقمني بعد !!!.
ابو غازي : وش فيك كذا انت غبي ومتنح اليوم وبعدين ما لقيت الا انت وخشتك نرقمك؟!!
انا: احترم نفسك رجاء ..
ابو غازي : وبعدين وش الي مبهذلك البهذله هي كلها لا يكون عزيز ؟!!.سوى مشرف عليك وضربك لما بصبصت يمين وشمال؟!؟؟؟؟...
أنا: اقول اعقل وانا مب راعي ذا الحركات ...السالفه نخبرك بها بعدين ..المهم اش سالفه الرقم وش الي شاد انتباهك بهالقطعه ؟!..(مو قطعه على فهم بعض الشباب ..لا قطعه سجاد ..)
..ابو غازي : شف الرقم الي عليها ..اقصد السعر ..شوف
( المهم طلع سعر السجاده الي ما يتجاوز حجمها 4x3 ..120000...(عدو الاصفار زين )..:)؟؟؟)..
أنا: وش ذا كلها ؟!!...يمكن غلطانين ؟!!..
ابو غازي : لا انا استفسرت بنفسي ..تدرون انا مو شادني سعرها كثر ما شدني شيء قبل شوي على المدخل ..تتذكرون الولد الي عند الاشاره يبيع مويه ؟!!...هذاك يبيع مويه في المشس والحر علشان يطلع شي ياكله وناس ثانيه تفرش بيتها بقطعه سعرها 120000الف ريال .......مو ظلم هذا البذخ ؟!!!..هذا كله علشان ايش ؟!!علشان المظاهر والديكورات الكذابه وللاسف ..
عزيز: الحمدلله يا ابو غازي هذي نعمه ربي علينا والتفاوت الطبقي بعد نعمه لكن مو المشكله في السجاده لا بالعكس السجاده من النعمه الي يحب ربي يشوفها على عباده بس تدري المشكله مو هنا ،المشكله في هذا الي يبي يشتري السجاده ..بعضهم الله يهديه لو تقول تصدق او تبرع قال خير اكد على عميان ومستخسر كم ريال يحصلهم عند ربه ..ومو مستخسر 120000 في سجاده ..وللاسف ..
أنا: اقول مشينا انا مليت من هالمحاظره ..ما جيت تعطوني دروس ..مشينا ...
(طلعنا من المحل ووين رحنا تتوقعون ؟!!....زي ما خبرتكم عزيز يبي يفرجيني على شي في محل المجوهرات (الذهب)..لا يكون الرجال ناوي يخطبني ؟!!..:)........)
وباقي الاحداث في الحلقه القادمه ..........اذا تحبون واذا شايفين اني ما اعرف اقدم هالنوع من الكتابه رجاء تنبيهي :)..
تحياتي حروف سوالف .....

[ابو الفياصل]

كذا طلعت ابهه..

ظبطت وتجاوزت الاخطاء.

ننتظر البقيه..:)

[bnt-alsaif]

الحمد الله حسبالي إخطفو صديقكم
تصلح مغامرتكم فلم ... راح ينجح صدقوني خاصه إن فيه أكشن :laugh:
كمل المغامرات خلونا إنشوف آخرتها :) :) :)

[جمال الروح]

:)

[حروف سوالف]

اهلا بك اخوي ابو الفياصل ...شكرا على تواجدك ومجاملتك الكريمه ..


اهلا بك اختي بنت السيف ...شاكر تواجدك ..وصبرك بندور لنا منتج ينتج الفلم ..:)........


هلا بك اختي جمال الروح ...شاكر تواجدك الكريم ..

انبه به ان القصه خياليه تماما ولا تمت للواقع بصله ...

واخير اعتذر عن تاخري في الرد ..:)
اخوكم ..