المخــــرج المــــراهق !!

[مهوس العين]

سلام عليكم ..

امس و في مباراه الامارات × الكويت , الكل شاهد المباراه بالتلفزيون , و بكل تاكيد لفت انتباهكم للمخرج و التصوير للمباراه !!

يعني من بدايه المباراه حط الكاميرا على مدرج العائلات و التي تضم بكل تاكيد عوائل و بنات , المخرج و بكل برود مسوي zoom in على البنات !! هاي اول مره في المباراه , عقب كل البنات تلثمن يمكن خوفا من ظهورهن امام الشاشات , لكن هالمخرج الفاشل عادها مره ثانيه .. !

حتى وقت المباراه , يوم تبتدي الهجمه ما نشوف شي الا صور البنات
الكويتيات !! .. يعني نحن نبا نشوف المباراه و لا البنات !! يعني هالمخرج الفاشل حط على البنات ما يقرب من 9 او 8 مرات !! شكله مراهق هالمخرج :D

لا و بعد حاطين ميكروفات على سياج مدرج العائلات يعني كل ما وحده تضارخ صوتها مسموع !!!!!!

و الله حاله :mad:

مراسلكم : مهوس العين , من امام شاشات التلفزيون .

[lolly]

وعليكم السلام ورحمة الله وبركاته

هههههههه انا حتى اطلقت علية مراهق فى احدى المنتديات لانة اسلوبة يتضح من التصوير الديام على البنات ولا يطول :damp: جية نحن يالسين نشوف مباراة ولا يعرض النا اشكال :D

بس الكويتيات ماشاء الله تارسين المدرجات :damp:

[عاشق الريال]

وعليكم السلام و ياهلا بمراسلنا حول العالم : مهوس العين :D

بالفعل هذه نقطة أصبحت واضحة جدا وخصوصا في مباريات الكويت

:cool:

[مهوس العين]

لولي ...

و الله هذا المخرج شكله اجنبي و ما يعرف العادات و التقاليد :headshak: , حتى اذا حط عليهن الكاميرا , بيحط مره او مرتين عااادي لكن يحط كل 10 دقايق او على كل هجمه ... ما يصير :headshak:


عاشق الريال ...

المفروض يتغير من مستشار الى مراسل القسم الرياضي :D

و تبا الصدق هاي اول مره اشوف بنات خليجيات في استاد و بالتحديد درجه ثانيه لاني شاهدت قبل و لكن في اماكن في المقصوره الرئيسيه حيث الكابنات العائليه اما في الدرجه الثانيه لاول مره !!!!

مشكورين على المشاركه :glasses2:

[Dreams Mix]

بصراحه هذي ثاني مره .. اشوف فيها مشجعات في الخليج .. بعد عمان .. والكويت الأن ..


من جد مخرج :laugh:

يسلمو أكرم خزام :p

[عاشق اليوفي]

لا بالفعل مراسلنا العزيز اخوي مهوس.....


كان مركز على مدرج العائلات..

بس يعني في سبب حنا غافلين عنه.....







يمكنه يدور بنت الحلال...:D :D :D

شكرا جزيلا...

[مهوس العين]

دريم ميكس ..

حتى اليوم في مباراه البحرين و اليمن شفنا بنات لكن ليس بحجم مباراه الكويت و الامارات :cool:
تسلم على المشاركه :)

عاشق اليوفي ..

اذا مثل ما تقول يدور بنت الحلال , كان تلقاه هاد الكاميرا في صوب و سار يقعد وياهن , و يلقط صور تذكاريه معاهن :D :D :D
العفو :cool:

[حمامه]

و عليكم السلام و رحمة الله و بركاته




:OO:


صووورة بنات في المنتدى :eek:


كأنه ممنوع عرض صووور للبنات في المنتدى :damp:

[Supra_Rider]

هذا التشجيع و الا بلاش:D






;)

[مهوس العين]

حمامه ....

اوووووه وين الاشراف ؟؟

توني ادري و الله .. السموحه :(

انا مالي خص لولي ألي حاطنه الصوره , عن يحذفون كل الموضوع !!

تراه يسووونها :D :D

Supra_Rider ...

هههههههههه , لو في الامارات نفس الشي , كان شفت الاستاد متروس على الاخر :D , و هذا التشجيع يذكرني بــال NBA :D

مشكورين على المشاركه :cool:

[المبتسم]

سلملي على العادات والتقاليد :).

وبعدين البنت لو محترمة نفسها كانت جلست في بيتها تتابع المباراة:)..
واذا راحت المباراة ..علي الاقل تغطي وجهها !! بحيث ان المخرج ما يلاقي شئ يصورة :p


انا شخصيا اعتقد ان السعودية عمرها ما راح تستضيف كأس العالم ..
لأن ما عندنا مدرجات عوائل:D



تحياتي :)

[مهوس العين]

المبتسم ..

و الله صدقت , المرأه اذا بتطلع اي مكان لازم تكون محتشمه من كل الجوانب منها اللبس و لازم تحط الشيله او الحجاب و هذا الشي المفقود في بعض فتيات هذا الزمن و هن يعتبرن الحجاب منقود !!!

حتى لو كانت بتسير النادي على الاقل تغطي وجهها و تمسح الوان الطيف على وجهها !اتقول هي سايره العرس !!!

و حال السعوديه من حال معظم الدول العربيه , ليس لديهم مدرجات مخصصه للعائلات , و اعتقد ان الحل الانسب لوضع العائلات هو فوق مكان الدرجه الاولى و يكون على شكل كابنات و يكون نفس الكابنات ألي في المطاعم حتى يكون اكثر سترا على المرأه و المكان المستور هو البيت و ليس النادي .

تسلم على المشاركه :)

[AbO-QaZe]

السلام عليكم

بصراحة انا معاكم بالشغله هذي المخرج خله اللعب وراح على البنات

بس المفروض ما تنحط صور بنات في المنتدا الواحد داش يشوف صورت

بنات ديرته بصراحه هذي ما نرضاها وارجو من المشرف يلغي الصوره

اكيد وضعت من غير قصد من قبل العضو لكن المفروض تنشال احد

يرضى يشوف صور اهلى بالمنتدا !! ما اعتقد




وييعطيكم العافيه اخوكم فيصل من الكويت

[مهوس العين]

AbO-QaZe ..

مثل ما قلت المخرج شكله مراهق و ما تعدى العشر سنوات !!
كلنا من خليج واحد و بنات الكويت هم نفس بنات الامارات يعني مافي فرق , و محد يرضى يشوف صور اهله في المنتدى و لا في اي مكان كان . و لان تحط في خاطرك و لا تزعل , و المشرف عاشق الريال حذف الصوره و يعطيه الف عافيه :)

تسلم على المرور . :)

[مهوس العين]

و تستمر مهزله المخرج المراهق في مباراه الكويت و اليمن من خلال الشوط الاول .. !!

لين متى و هذا المخرج يلعب باعصابنا , يعني ما نشوف الهجمه بس عشان الاخ يالس يصور الجمهور !!!

شوفولنا حل !! :help: :help:

[أسير عيونها]

والله ما احد قالهم يرحون المدرجات ..
يعني لو قرب الكاميره منهم وشفناهم ..
ما راح احد يشوفهم في المدرجات ؟؟

والله من جد منطق :)
لو خايفه على نفسها ما راح المدرجات تشجع ..


تحياتي .. :)

[المبتسم]

يا جماعة حرام تظلموا المخرج ...
يمكنه يدور بنت الحلال:p


مين يدري:D

[ابو الفياصل]

رد مقتبس من المبتسم
سلملي على العادات والتقاليد :).

وبعدين البنت لو محترمة نفسها كانت جلست في بيتها تتابع المباراة:)..
واذا راحت المباراة ..علي الاقل تغطي وجهها !! بحيث ان المخرج ما يلاقي شئ يصورة :p


انا شخصيا اعتقد ان السعودية عمرها ما راح تستضيف كأس العالم ..
لأن ما عندنا مدرجات عوائل:D



تحياتي :)

ما بعد هالكلام كلام..:)