قيموا لنا كل دوري في الخليج

[RED Chevy]

بسم الله الرحمن الرحيم

السلام عليكم ورحمة الله وبركاته

كيف أحوال شباب قسم الرياضة:rolleyes: عساكم بخير:p المهم نبي نشوف رايكم في كل دوري بالخليج ومانبي نعرف من الأقوى لأنها محسومة للسعودي نبي نشوف وش هو أكثر دوري متطور وأكثر دوري في حماس ومنافسة يلا سموا بإسم الله وإبتدوا ومع إني عارف المشاركة راح تكون قليلة لكن قلنا نحرك القسم شوي من بعد خليجي 16 صار قسم ميت نسبياً;)

بالنسبة لي ماعرف الدوري العماني ولاقط سمعت عنه.
القطري متميز والمحترفين سووا شغل ونتمنى له مزيد من التطور.
البحريني إنتوا تحكمون عليه إذا سمعتوا عنه:D
الكويتي أشوفه دوري ممل نسبياً وماشوف فيه تميز مثل قبل.
السعودي وآه من السعودي الأقوى والمنافسة فيه قوية وبين فرق كثيرة يعني اشوفه الأفضل.
الإماراتي وهذي اللي رفع راسنا العين منه بس ماشوف المنافسة فيه كبيرة وافرق القوية محددة ويلا نبي آرائكم:)

[مهوس العين]

لي عوده للموضوع .. لكن اخالفك الراي بان الدوري السعودي محسوم نتيجته !! إلا في عده نقاط !!

[RED Chevy]

هلا مشرفنا وأنتظر ردك بس ماقلت السعودي محسومة نتيجته بالعكس قلت المنافسة فيه قوية;) وننتظر مشاركات باقي الشباب..:)

[محامي الزعيم]

مرحبا اخوي انا اشوف الدوري السعودي هو الافضل
يليه الدوري الاماراتي
اما القطري افشل دوري بدليل مباراه شفتها قبل كم من اسبوع نهائي بين السد وقطر مباراه بارده لابعد الحدود لو لعب الاتفاق والخليج من دورينا كانت المباره فيها حماس شوي

هذا وجهه نظري
تحياتي لكم

[RED Chevy]

هلا إخوي محامي الزعيم، وصحيح السعودي الأقوى بعده الإماراتي بس القطري ممكن يكون فيه فتور بس المحترفين يشفعون له كفاية لما تقول باتيستوتا يلعب لنادي خليجي;)

[محامي الزعيم]

بس لاعب منتهي باتستوتا ماانكر ان له تاريخ

[RED Chevy]

حتى لو منتهي إخوي محامي الزعيم ولين إنتهى رونالدو بتشوفه بعد في الخليج:D

أهم شي جابوا محترف على مستوى مو مهم إحتفظ فيه أو لا، عندنا بالبحرين في أفارقة وفي عرب لكن من يدري عن الدوري البحريني لكن خل يجيبون واحد مشهور وشوف كيف يصير الدوري حتى لو مالعب ولا مباراة يسوي حماس وشهرة للدوري مو للفريق بس...:cool:

[مهوس العين]

RED Chevy ..

الدوري السعودي :
دوري كبير بنجومه المواطنين و زاخر بالخامات الجيده و التي تندرج تحت عماد المنتخب السعودي , يتسم بالاثاره و النديه المطلقه ما بين انديه القمه عاده , فهناك عده انديه كبيره في السعوديه و التي تساهم في رفع معدل الاثاره و لا شك بان للجمهور دور الا اننا لا نراها الا في المباريات الكبيره و هذا من خلال متابعتي للدوري السعودي , مما يعيب الدوري السعودي هو المدربين و المحترفين الاجانب و الذين ليسوا بمستوى الفرق و لا ايضا الدوري ..

الدوري الاماراتي :
دوري سطع في السنتين الماضيتين من خلال الاعبين المواطنين و بمساعده الاجانب , تغلب على الدوري السعودي في العام الماضي و بشاهده الخبراء و النقاد الرياضيين , يتسم بالاثاره و النديه المطلقه في مباريات القمه فقط و المربع الذهبي في ايه بطوله , بدات الجماهير بالزحف الكبير منذ عامين فقط و الان يستكمل المسلسل ايضا .. و للاثاره طعم اخر في دوري الامارات ;)

الدوري القطري :
دوري فقد طعمه و اثارته منذ ان اقر بالسماح للانديه باللعب باربعه لاعبين اجانب و هذا مما يجعل انتهاكا للاعب المواطن بكافه الامور , و لكن كان مستوى الاجانب اقل من العادي لم نجد فيهم ذره معرفه في كره القدم .. !! و نزل مستوى الدوري بفعل فاعل !!

الدوري العماني :
دوري جميل ليس فيه لاعبين اجانب و يعتمد على المواطنين فقط و هذا مما جعل المنتخب العماني مزدهر بالاعبين الناشئين المتمكنين , تنقصه الشهره الاعلاميه في الصحف و المجلات و التلفزيون ..

الدوري الكويتي و البحريني :
مع احترامي لهما ليسوا بمستوى او بمنزله كلمه دوري , لان معظم المباريات تفتقر الى الجمهور و اللعب الجميل , و هناك اسباب كثيره اتحفظ عن ذكرها و اتركها لنفسي ..

اذا فتقيمي للدواري هو على النمط التالي :
1\ السعودي + الاماراتي
2\ القطري
3\ العماني
4\ الكويتي + البحريني

:)

[RED Chevy]

هلا مشرفنا وكتبت لك رد طويييييييييييل بس السيرفر:headshak:
المهم كلامك حلو بس عندي بعض الملاحظات، البحريني والكويتي صحيح مو قد المستوى، لكن الجمهور عندنا مسوي شغل لو تسمعهم على القناة الرياضية( يسمونها قناة بعد:D )

لكن العماني محتاج دفعة إعلامية كبيرة لأن تصدق مانعرف عنه شي:headshak:

[الأنصاري]

اول شئ الدوري السعودي طبعا

ثانيا الدوري القطري بس هذة ردود سريعة
العجوز الي اسمه باتستوتا المنتهي طبعا طلع هداف الدوري وحطم الرقم القياسي الي سجلة النجم القطري منصور مفتاح
شوف كم عدد سكان قطر وعدد المهتمين في الرياضة قبل كنا نروح الملعب نعد كم واحد موجود الحين العدد صار الوف
وماعندي تعليقات مادري ايش مقياس تحديد المحترفين بالنسبة لشباب اعتقد انهم الأفضل في الخليج الصراحه

الدوري الإمراتي الصراحه مثير وفيه تحدي بس يعيبة هبوط مستوى المحترفين والدعم مع قليل من الإهتمام بصير التوب

بعدها مادري اشلون ارتبهم العماني-البحريني-الكويتي

[Ibra7im]

بصراحة انا ارى انه الدوري الاماراتي يحتل المركز الاول
يليه الدوري السعودي
اما بقية الدوريات فصراحة ما اسمع عنها نهائيا....
مع الشكر....

[RED Chevy]

هلا والله بالشباب:

بوعبود : وش جابك هني:D عن المحترفين صدق إسمه كان باتي حتى لو يلعب على ويل جير:D ومشكور على ردك يابطل:banana:

Ibra7im : هلا فيك إخوي ومشكور على ردك:banana:

[TOP-SECRET]

انا اشوف الدوري القطري والاماراتي في المرتبه الاولى الطراحه المباريات يكون لها طعم خاص وتشجيع

والدوري العماني والكويتي في المرتبه الثانيه اعتقد في بعض المباريات بين انديه كبيره يكون فيه حماس وتشجيع متوسط


وبعدها اشوف الدوري البحريني يتحسن بصوره افضل من قبل بس التشجيع بسيط فيه:(

الدوري السعودي مايعجبني الصراحه:p


هذا راي شخصي:cool:

[RED Chevy]

يه قسم السيارات إنتقل هني أشوف:D

حمد: كلامك منطقي جداً وعن الجمهور وش لنا بعوار الراس اللي يشوف زيدان يلعب دام يحطونها على التلفزون خلنا في البرد أحسن:D لكن لي فاز الفريق اللي نشجعه سلم على التواير بس:D

ذاك اليوم موستنج غطى عمارة 5 طوابق بالدخان:D التشجيع برى الملعب:blink:

[TOP-SECRET]

رد مقتبس من RED Chevy
يه قسم السيارات إنتقل هني أشوف:D

حمد: كلامك منطقي جداً وعن الجمهور وش لنا بعوار الراس اللي يشوف زيدان يلعب دام يحطونها على التلفزون خلنا في البرد أحسن:D لكن لي فاز الفريق اللي نشجعه سلم على التواير بس:D

ذاك اليوم موستنج غطى عمارة 5 طوابق بالدخان:D التشجيع برى الملعب:blink:

انا دخلت هني قلت يمكن احصل موضوع عن نادي الريان ولا شي:D وشفت ذي الموضوع استغربت قلت يه الشباب مطيحين هني وانا مادري;)

بس ترى التشجيع في الملاعب غير تحس بحماس;) وعن التواير حدث ولا حرج انتو موستنقات احنا معروفين شنو عندنا :p ترى التشجيع برع الملعب نتيجته الحماس الي داخله;)

[RED Chevy]

:D حمد:D

:headshak:

عن الجمهور ماشفت أمس عيل تتويج محرق:banana: أمس كان في حضور لكن الأدهى في المحرق نفسها التواير تسلم عليك:D وعن إستعراضاتكم إنتوا خلكم على صوب الجيوب تسوي شغل مب هين:D

[TOP-SECRET]

رد مقتبس من RED Chevy
:D حمد:D

:headshak:

عن الجمهور ماشفت أمس عيل تتويج محرق:banana: أمس كان في حضور لكن الأدهى في المحرق نفسها التواير تسلم عليك:D وعن إستعراضاتكم إنتوا خلكم على صوب الجيوب تسوي شغل مب هين:D
:p هلا والله عبدالرحمن,,بالنسبه للتواير عندنا وعندكم خير:D انا الي اعرفه الشباب الي يحبون الإستعراض والعب في الشوارع شباب المحرق والريان والعين والشارجه من الامارات :cool: بس يستاهل المحرق والف مبروك لان شكلك محرقي;)

[مهوس العين]

الجماعه حولوا الساحه لساحه تزويد و تواير و حرق :damp:

[RED Chevy]

رد مقتبس من TOYOTA - OBAS
:p هلا والله عبدالرحمن,,بالنسبه للتواير عندنا وعندكم خير:D انا الي اعرفه الشباب الي يحبون الإستعراض والعب في الشوارع شباب المحرق والريان والعين والشارجه من الامارات :cool: بس يستاهل المحرق والف مبروك لان شكلك محرقي;)

:D

100% أباً عن جد( إذا لحق الجد على كرة القدم الله يرحمه:D )

مافي غير شباب المحرق والرفاع وحصيلة المحرق عندنا قير ودفريشن مال كابرس وتايرين جداد بدال اللي خلصوا:D


مهوس العين: :D هذي طال عمرك نعتبرها من أول أساليب التشجيع بدال الملاعب في الشوارع كل واحد يطلع اللي عنده، والمرور مايسوون شي مسئول المخالفات محرقي:D