بس في الكويت

[الناي_الحزين]

بس في الكويت ...نطلب دبل تشيز برغر وبطاط حجم سوبر و بيبسي دايت
بس في الكويت ...الناس تروح المطاعم والمجمعات عشان الخز والحش اخر الليل
بس في الكويت...في بدون
بس في الكويت...يطلعون لستات باسامي خلق الله لانه ماكو شغل
بس في الكويت...المطار فيه المستقبلين اكثر من المسافرين
بس في الكويت...الهنود والمصاروة اكثر من الشعب
بس في الكويت...الدوري مافيه جمهور
بس في الكويت...بوق ولا تخاف
بس في الكويت...لازم مدرس خصوصي
بس في الكويت...الشوارع زحمه ليل نهار
بس في الكويت...الوحده لازم عندها بويفريند وقيرل فريند
بس في الكويت...اللي ما عنده شاليه يصير هيليقي
بس في الكويت...اذا صار حادث على سايد اللي رايح ..السايد اللي راد يوقف يطمش
بس في الكويت...اللي ما تحط ميك اب معقده او ليز
بس في الكويت...اليهال الصبيان لازم سبايكي والبنوتات قلوس وماسكارا
بس في الكويت ...مذيعه غريبه تخترع لكنه غريبه والبنات يقلدونها
بس في الكويت...المواقف فُل والمجمع زحمه والمحلات تصفر هدوووء ماكو احد
بس في الكويت...اللي عنده فلوس اصيل واللي ما عنده بيسري
بس في الكويت...في ستار بكس في كل مستشفى
بس في الكويت...ينادون الواحد بسم سيارته
بس في الكويت...السايق عنده موبايل
بس في الكويت...اللي يدش الجيش بشهاده متوسط معاشه اقوى من معاش الجامعي اللي يشتغل في وزارة
بس في الكويت...الشباب كلهم يشابهون بعض ونفس قصة الشعر بعد
بس في الكويت...التاكسيات والباصات مافيه كويتين
بس في الكويت...كل بيت فيه خدامه ومربية وسواق وطباخ
بس في الكويت...اللي تبي تتزوج تروح عرس او درس ديني
بس في الكويت...السيارة الغالية او الكبيرة يطوفونها والقوطي ماله رب يشرشحونه
بس في الكويت...لي سافرت ديرة فيها كويتين يقعدون يخزون بعض عشان لي ردوا يقولون بنت فلان سوت وولد فلان سوا
بس في الكويت...افلام السينما قديمه وبايخه ومقطعه وما تلقى تذكرة
بس في الكويت ...بيت رئيس الوزراء على شارع البلاجات وجيرانه ناس عاديين
بس في الكويت...يقلبون حرف القاف غين والغين قاف
بس في الكويت...لازم سمبوسه وجباتي
بس في الكويت ...يسوون استقبال اللي تولد في المستشفى
بس في الكويت...نشتري من ستار بكس بخمسة دنانيير ونطلع اناشب راعي البرد على الامية فلس
بس في الكويت ...اليهال تحت 10 سنيين يطلعون بروحهم مع السواق يمرون ربعهم ويقزون الديرة قز
بس في الكويت...اذا رحت السوق لازم تشوف احد تعرفه واذا شفته تخزه وتشوف شلابس عشان الحش تالي الليل
بس في الكويت...لي طلبت الفزعه الكل عند ويهك
بس في الكويت...اذا اشتغلت فب القطاع الخاص يمشيلك معاش من الحكومة بعد
بس في الكويت...يمشي للمطلقة والارملة معاش
بس في الكويت ...ما نذكر المنتخب الا كل سنتين
بس في الكويت...مافي استاد نفس الاوادم
بس في الكويت...ولا حتى مسرح اوادم
بس في الكويت...مجمعات وايد يم بعض وفيها نفس المحلات والمطاعم
بس في الكويت...سيارة احلى من الثانية
بس في الكويت...العاصمه مالها ملامح
بس في الكويت...قبل لايروحون مطعم كشخة يمرون مطعم وجبات سريعه ياكلون بالسيارة عشان يفضون حق الخز والترزز في المطعم الكشخة
بس في لكويت ...خطوط تلفون اكثر من الناس
بس في الكويت...لازم شاليه ومزرعه ومخيم والصيف لازم سفر
بس في الكويت ...يبوق ايميلات ويقول انا هكرز ..قولها عدل اول

بس في الكويت...الناس مو عاجبها شي وكل شوي مطلعين ايميل

[المجاهد عمر]

السلام عليكم ورحمة الله وبركاته ، ، ،

بس في الكويت...يقلبون حرف القاف غين والغين قاف

:D

غلطان أخوي ، حتى في السودان بعد !! :D


الله يهديك ، ويصلحك...

لو كانت الحسنة الوحيدة للكويت الشيخ "عثمان الخميس" ، لكفاها فخراً طول عمرها !!

شباب الكويت وبناتهم فيهم الخير إن شاء الله ، فلا تعمم السيء على الصالح ، وكل ديرة فيها مقبرة :)



المجاهد عمر

[RED Chevy]

مو بس في الكويت نص الخليج وأولهم البحرين والإمارات:D

[أسير الليل]

صباح الخير أخوي الناي الحزين

مدري إيش أقولك صراحه .. ما كان ودي تكون ملاحظاتك لهالدرجه

يكفيني في الكويت ( مجلة المجتمع ) فهي تضم نخبه كبيره من

المثقفين وطرحها للكثير من القضايا الاسلاميه والتربيه والكثير الكثير

وكلامي هذا بحكم متابعتي للمجله من 15 سنه .

تصرفاااااات الشباب حدث ولا حرج في كل دول الخليج
النظره الدونيه في كل دول الخليج حدث ولا حرج
المظاهر الكذابه في كل دول الخليج حدث ولا حرج

الكويت فيها اهل الخير وفيها اهل الشر

أتمنى أخوي الناي .. لا تأخذ ردي بزعل :)