شفيكم يا اهل الكويت مسكين بيوت الله :-(

[علي الشمري]

السلام عليكم ورحمة الله وبركاته .
.
.
.
.
.

انا شفت شغلة من مدة وقلت يمكن حالة شاذة ولكن تفاجأت لما لقيتها منتشرة وبقرار وزاري
الا وهي اغلاق المساجد بعد الصلا بعشر دقائق !!
لماذا ؟
اذكر قبل 9 اشهر رحت للمسجد الساعة 1 صباحا كنت ابي اقيم الليل بالمسجد واقرأ قرءان لأن الانسان بين فترة واخرى محتاج يطهر نفسه ويقوي الرياضة الروحية الدينية حتى يتزن المزاج والنفس .
وتفاجات بأن المسجد مقفول
معقوله ليش : كنت اسأل نفسي ؟
قلت اكيد عندهم صيانه ... ورحت الى مسجد ثاني في منطقة ثانية ... وتفاجأت انه مغلق شنو صاير ؟
قلت يمكن فيه شي انا ما اعرفه...
وبعد فترة ليست ببعيدة ايضا ذهبت بالليل الى احد الجوامع ووجدتها مغلقة ... شنو الموضوع ليش مسكرة شفيهم اهل الكويت صاروا يصكون بيوت الله بالليل ؟
قلت يمكن بالليل يصكونها لأن يمكن فيه بعض العمال ينامون في المساجد ..
ولكن تفاجات اني قبل يومين وانا رايح لأحد المساجد الساعة 1 الظهر بصلي صلاة الظهر لأنها فاتتني وانا كنت مشغول بالدنيا الله يكفينا شرها مريت على احد المساجد وانا راد من المراجعة وتفاجأت ان المسجد مغلق ! ليش ؟
والله رحت ودقيت غرفة حارس المسجد لقيته نايم وخاطبته ..
ليش مسكرين المسجد ؟
البقالي حارس المسجد : شنو يبي انت ؟ ونفسه خايسه
قلت بابا انا يبي يصلي وين مفتاح المسجد ؟
الحارس : ممنوع
ليش ؟
الحارس : وزارة يقول مو انا

طيب عطني المفتاح يبي يسوي صلاة

الحارس : تعال بابا .. انا قلت جاني الفرج بيعطيني المفتاح .. اخذني الى عند الباب وقال لي اقرا شنو مكتوب هذا كلام وزارة ..!



قلت الحين شكلي انا وياه بنسوي جنجان كبير خلني اترجاه انا جاي اصلي ما ابي اكسب ذنب .
قلت بابا انت مسلم ؟
الحارس : انا حارس مسجد وانا يسوي اذان بعد شنو انت مسلم ؟ ناقد علي !
قلت زين واجد زين ... انا يسوي صلاة انتا فيه اجر سيم سيم انا ..
الحارس : اوكي بابا آخر مرة انتا يجي يبي مفتاخ ..
اوكي حبيبي ..
فكرت دورة المياه عند المسجد لكن لقيتها منفصله عن المسجد وهذي مشكله بعد لأنها مغلقة ... واللي هذا شلون اجيه الحين اهو زين فتحلي المسجد .. رحتله بابا ممكن يفتخ خمام ؟
الحارس : بابا انا في نوم انتا يسوي تعطيل وازد ..
مومشكل رفيق هذي لاست تايم مايجي مرة تاني ..
الحارس : قام متثاقلا وفتح الحمام
توظيت وصليت .. والحمدلله مامداني ركبت السيارة الا واذان العصر مأذن ....

طيب السؤال ليش يصكون المساجد ؟

اليست المساجد لله ؟

يعني الواحد يبي يعتكف 3 او 6 ايام شلون ؟ لازم نجيب ترخيص من الحارس ؟

انا مادري ليش هذا القرار ولمصلحة من



ياريت اعرف راي الاخوان والسؤال في بلادكم يتم اغلاق المساجد ؟
تحياتي لكم

[نور بوظبي]

الحمد لله الذي عافانا فيما ابتلى فيه كثيراً من خلقه و فضلنا على كثيراً من خلقه تفضيلا..

قرار مؤلم جداً

لا حول ولا قوة إلا بالله ..

ما سمعت بهذا القرار لدينا .. و إن شاء الله لا يطبق ..

هذا اللي ناقص .. يحرمون عباد الله من مساجد الله ..

[علي الشمري]

اي والله يا اختي لا حول ولا قوه الا بالله


مانقوله هو حسبي الله ونعم الوكيل

فوضنا امرنا لله

بارك الله فيك اختي

[dbooor]

الحمد لله الذي عافانا فيما ابتلى فيه كثيراً من خلقه و فضلنا على كثيراً من خلقه تفضيلا..

قرار مؤلم جداً

لا حول ولا قوة إلا بالله ..

ما سمعت بهذا القرار لدينا .. و إن شاء الله لا يطبق ..

هذا اللي ناقص .. يحرمون عباد الله من مساجد الله ..

القرار هذا مطبق عندنا في الامارات ... ولا حول ولا قوة إلا بالله القوي العزيز

[عضو محترم]

أخي العزيز علي ..
أما بالنسبة لإغلاق المساجد بعد إنتهاء الصلاة فرأيي الشخصي هو أنه أمر ضروري لعدة جوانب منها الجانب الأمني .. ونستطيع هنا نستذكر ما حدث بالكويت من عدة سنيـــــن عندما حصلت جريمة في إحدى المساجد وللأسف المجرم إستغل عدم اغلاق المسجد وأرتكب جريمته حينئذ. والذي أشهده هنا أن المساجد عادة مفتوحة الأبواب بين الصلوات ما عدا الفترة بين صلاة العشاء وصلاة الفجر وبين صلاة الفجر وصلاة الظهر أما باقـــــــي الأوقات فالأبواب مفتوحة ... وهنا يبرز التساؤل التالي بكل بساطة ما المانــــــــع من أداء الصلاة في المنزل عند حدوث أمر يمنع أدائها بالمسجد ؟؟ ..
وبالنهاية أشكرك أخي الكريم على طرح الموضوع .

[علي الشمري]

القرار هذا مطبق عندنا في الامارات ... ولا حول ولا قوة إلا بالله القوي العزيز

لا حول ولا قوه الا بالله حسبي الله ونعم الوكيل

[علي الشمري]

أخي العزيز علي ..
أما بالنسبة لإغلاق المساجد بعد إنتهاء الصلاة فرأيي الشخصي هو أنه أمر ضروري لعدة جوانب منها الجانب الأمني .. ونستطيع هنا نستذكر ما حدث بالكويت من عدة سنيـــــن عندما حصلت جريمة في إحدى المساجد وللأسف المجرم إستغل عدم اغلاق المسجد وأرتكب جريمته حينئذ. والذي أشهده هنا أن المساجد عادة مفتوحة الأبواب بين الصلوات ما عدا الفترة بين صلاة العشاء وصلاة الفجر وبين صلاة الفجر وصلاة الظهر أما باقـــــــي الأوقات فالأبواب مفتوحة ... وهنا يبرز التساؤل التالي بكل بساطة ما المانــــــــع من أداء الصلاة في المنزل عند حدوث أمر يمنع أدائها بالمسجد ؟؟ ..
وبالنهاية أشكرك أخي الكريم على طرح الموضوع .

يا الغالي المشكله ان يوم رحت انا كان فترت ظهر طالع من الدوام ورايح دامك من الكويت رايح مسيد شرق لقيته مسكر ورحت كذا مسيد

اما بسالفة الجرايج فهذي فعلا مشكله

الله كريم يا العضو المحترم

تحياتي لك

[أبوالدحداح]

صح كلامك أخوي
وحجة الوزارة

أنها ما تبي العمال ينامون في المسجد !!!!!!!!!!!

أنا شخصيا صارتلي مشاكل وايد والسبب هذا القانون

لكن من جوانب اخرى ربما يكون للوزارة حق

بس المسجد مقتوح بين المغرب والعشاء وباقي الصلوات يفتح قبل الآذان بنصف ساع ويغلق قبل الصلاة بنصف ساعة وهذا القرار


ممكن صارله سنتين