الى الجميع ......وخاصة الهلاليين..... عطوني رايكم

[فتى عنيزة*]

سلام

اشوف الناس بدأو يشككون بأني سعودي والا لأ والموضوع هذا ما يعنيني كثير شككوا والا ما شككوا لأن التابعية بالمخبات ....

المهم انا ابي اجابة واحدة فقط لكل سؤال ......

1- هل يجوز لأي دولة تجنيس اي شخص يفيد البلد ؟؟؟؟

ملاحظة : قبل ما تجاوب هالسؤال تأكد من لاعبين فريقك قبل ... اما اذا كنت مشجع هلالي - نصراوي - اتحادي - اهلاوي .... فمايحتاج تتأكد لأني اعرفهم زين واحد واحد.....

2- اذا دولة جنست اي لاعب هل يجوز ان نقول انه ليس له احترام لمجرد انه غير جنسيته ؟؟؟؟

3- هل يجوز لأي فريق في اي مباراة ان يطلب من خصمه الا يدافع وان يفتح المرمى ؟؟؟؟

4- هل يجوز ان يلوم اي فريق خصمه على انه دافع ؟؟؟؟

5- فريق في مباراة حساسة نقص لاعب بالطرد الا يعتبر ان الفريق المقابل لديه فرصة للتفوق ؟؟؟؟ وماذا نقول اذا لم يستغلها؟؟؟؟؟

6- فريق في مباراة حساسة ياخذ بلنتي في اخر دقيقة الا يعتبر ان لديه فرصة للتفوق ؟؟؟؟ وماذا نقول اذا لم يستغلها؟؟؟؟؟

7- هل للفريق المستفيد من الطرد والبلنتي في السؤالين 5&6 الشكوى من سوء التحكيم ؟؟؟؟

**************************************************************

يا اخوان خلونا نتناقش بهدوء بعيد عن التشنجات ... عمري ما استهزءت لا بالهلال ولا غيره لكن المشكلة عندنا " امدح فريقي او فانت تكرهه"
قلتلكم في موضوع السد العالي انه مادام فرقنا تدخل المباريات وهي الفريق المتوج راح تنهزم مثل ما خسرنا بطولة الخليج اللي فاتت (المنتخب) ... بدينا بالألقاب والمديح لين اللاعبين صدقوا وناموا وخسرنا البطولة ...

ياشباب ليش دايم نعطي انفسنا اكبر من الحجم الحقيقي ... واحد يقول فريقي عالمي والثاني يقارن فريقة بمانشستر والثالث يترحم عللاى خصم فريقة ...

ياشباب لاتغركم البطولات اللي اخذتوها على هالملايين اللي تصرف على الكورة عندنا ...... واقرب مثال المغرب دولة فقيرة و80% من لاعبيهم في اوروبا ...
ليش ؟؟؟؟ لأنهم يعرفون قدراتهم ومستواهم واشتغلوا على هالأساس ...

**************************************************************

على العموم .... بعض الهلاليين ( آهات والعالمي والهايم ) يوم انهم ما قدروا يردون على كلامي تعرضوا لي شخصياً بالسب العلني ... ولن اقول الا كما اوصانا القرآن الكريم " واذا خاطبهم الجاهلون قالوا سلاما "

**************************************************************

الأخوان اللي فهموا من بعض ردودي كره الهلال .... اقولكم الهلال لا قام ولا قعد عندي عشان احبه او اكرهه .... لكن خلونا واقعيين وش الفرق اللي بينا وبين القطريين عشان تقولون عليهم منتخب الأفارقة .... وهل الأفارقة عيارة
يعني عشان عندكم ريالين نظفتكم صرتوا انتم احسن ناس .... وبعدين مررررة معجبكم منتخبنا اللي كلهم من آصل اهل نجد !!!!

قال تعالى " ان اكرمكم عند الله اتقاكم "

الرسول صلى الله عليه وسلم يقول " لافضل لعربي على أعجمي الا بالتقوى" او كما قال صلى الله عليه وسلم.

المثل يقول " اذا كان بيتك من زجاج لا ترمي الناس بحجر"

*****************************************************************
وبعدين لا تقولون اني نصراوي ..... وفيه واحد فريقه يدخل بطولة العالم ما يمدحه او يكتب ولو كلمتين فيه !!!

قولوا شي ينبلع .....

****************************************************************

[كويتي]

كثر الله من امثالك http://www.swalif.net/swalif1/ubb/smile.gif

[القبطان]

أخي أعيطك رد لبعض أسئلتك :
1- لا

2- لا

3- نقول لهذا الفريق أنه اذا كان لديه مصلحة في ذلك فمن حقه ...
أما اذا كان ليس له أي أمل فمن المفروض ان يحاول ان يمسح الصورة الهزيلة اللي ظهر بها وأن يحاول ان يظهر مباراة جيدة لا أن يقتلها ويلعب بطريقة لا تمت لكرة القدم بصلة فكرة القدم الهدف منها الأمتاع والأستمتاع

4- في أعتقادي أن الجمهور هو الذي يلوم الفريق الذي ينتهج هذه الطريقة لأن الجمهور يريد بالأستمتاع من مشاهدة كرة القدم .... لا من (أقطع الكورة وشوت) اللي ينتهجها هذا الفريق ,,,

5- حظ ,,, وعم توفيق من الله سبحانه وتعالى ..

6- أعتقد ان هناك مشكلة في هذا الفريق من هذه الناحية ولابد من معالجتها من الجهاز الفني والأداري ...

7- نعم .. لأن أي فريق له الحق أن يأخذ جميع حقوقه في المباراة وليس بمجرد أن أخذ جزء من حقه لا يطالب بالباقي ,,,,

===============

أتمنى منك الرد على هذه الأسئلة....

س1) لماذا الفرق كلها تلعب أمام فريق واحد بطرق دفاعية وخشونة وووو ..
ولا تلعب أمام منافس هذا الفريق بنفس الطريقة ؟؟؟؟

س2) لماذا يقوم فريق باللعب بطريقة لايريد منها سوى أفادة فريق آخر بالرغم من أنه قدم مستويات هزيلة ولم يسعى الى تحسينها ؟؟ ألم يكن هناك جهات خارجية أثرت عليه ؟؟؟

س3) لماذا يتم التركيز على لاعبين من فريق واحد ويتم التأثير عليهم ؟؟

س4) لماذا يقوم الحكام بالوقوف ضد فريق ومحاباة فريق آخر ؟؟؟

أتمنى منك أخي النقاش الهادىء ...


------------------
Captin@Uk2.Net

[فتى عنيزة*]

سلام

ج1- لو صف الفريق كله داخل الـ18 ما تقدر تلومهم هذي احد اساليب اللعب ليش تفرض عليهم يهاجمون .... كيفهم هم احرار يلعبون بالطريقة اللي يبونها ما احد يقدر يفرض عليهم شئ ..... لكن المفروض ان الفريق المقابل يستغل هذا الشئ ويسجل لو بلنتي !!!!

ج2- اللي تكسب به العب به ... فريق يبغى يحسن صورته بأنه ما ينهزم آخر مباراة .... وش المشكلة !!!! وحتى لو فيه اسرئيل ( يعني مهب اطراف خارجية وبس) هل هو مجبور يفتح اللعب ... ما فيه احد يقدر يجبره على هالشئ...ارجع واقول هم احرار !!!

وبعدين الفريق حسن من مستوياته ومن أدائه والدليل انه تعادل مع المرشح البطولة الوحيد ..... صح والا لأ ....

ج3- متى تم هالشئ انا ما شفته ؟؟؟؟

ج4- الحكام مجبورين يحابون الهلال ..... اسف انت تقصد العكس انهم ضد الهلال.. طيب خل نناقشها بالعقل .... امام القادسية الكويتي منافسكم على البطولة .... طرد الحكم لاعب قدساوي د27 الشوط الأول.... اسألك بالله وين محاباة القادسية .... انا اول مرة اشوف حكم يساعد فريق بأن يطرد منه لاعب ؟؟؟ ياخوي المباراة كانت تساق لكم سوق ولكن ؟؟؟؟؟

***********************************************************

سؤال : هل الهلال فريق كبير والا صغير ؟؟؟؟ طبعاً بتقول كبير مثل مانشستر ... ممتاز.... وهل تتوقع ان فرق الخليج تبي تلعب مع الهلال بطريقة مفتوحه وهم يشوفون انه كل مباراة يجيب اربعه .... لوهو انتم يالهلاليين ما سويتوها ...لو تلعبون قدام فريق قوي كان قفلتوا الدفاع والا لأ ؟؟؟؟
*****************************************************************

[سداح]

ما شاء الله عليك يا فتى عنيزة* ,,,,,,,,,,,,,,,,
والله عيني عليك باردة. وهذا يكفي!!!!!!!!.


------------------
تحيــــاتي
أخـوك زيـــــــاد
almoroge@yahoo.com

[الهايم]

سلام
أخوي الفاضل فتى عنيزة...حنا تعدينا عليك بالسب والشتم؟؟؟
من الي قال ماعندكم عقل..(قلة عقل)؟؟؟؟
هذي كلمه طيبه صادرة من قلب أبيض...صح؟؟؟
وراك مدهر على الهلال......وشغال نقد وسب...؟؟؟
وأما النصر عشانه عالمي ما تنتقده... http://www.swalif.net/swalif1/ubb/smile.gif
آسف والله أني نسيت هالنقطه ان النصر عالمي http://www.swalif.net/swalif1/ubb/smile.gif
وبعدين من قال أننا ماحنا قادرين نرد عليك؟؟؟
حنا مانبي نحط عقولنا بعقلك والله......
وهذي هو ردي لك يالحبيب..
اي بالعربي الفصيح ....الله وأعلم من الجاهل والله يا اخ فتى عنيزة.
وشف طريقة كلامك وبعدين تكلم.... http://www.swalif.net/swalif1/ubb/smile.gif
الاخ الكويتي...( والله مع الخيل يا شقرة).
يا أخوي الفاضل فتى عنيزة....عندي سؤال ,ابي له إجابه.
ليه أنت كلامك كله نقد بالهلال؟؟؟
والنصر ماغير تمدح فيه؟؟؟؟.
والسلام
أخوكم
الهايـــــــــــــم بحب الهلال




------------------
قال عليه الصلاة والسلام"لعن الله المتشبهين من الرجال بالنساء والمتشبهات من النساء بالرجال"

[فتى عنيزة*]

سلام

اخوي الهايم ... اول شي اقرأ الموضوع اعلاه وبعدين رد عليّ ...

1- اذا جاء واحد وقال ليش الفريق اللي قدامنا يلعب دفاع مرة ... هذولا انذال وحقيرين ..... وش يصير عبقري ومؤدب .... والا قليل عقل وأدب...

لاحظ انتم سلبتوا القطريين حقهم بأنهم يلعبون بأي طريقة يريدونها وهذي في دنيا الكورة تصير قلة عقل لأنك لو كان عندك عقل كان تعرف تفوز بأي حالة .... الشي الثاني ليش تصفونهم بالأنذال والحقيرين ... هذي قلة أدب ... صح والا لأ؟؟؟

2- لو ترفع عيونك فووووق راح تشوف كلمة بحث .... دور في كل مواضيعي اللي بقسم الرياضة .... اذا لقيت موضوع واحد يمدح النصر ولا عليك امر اسحبه لي هنا.... واذا لقيت موضوع يسب الهلال ... وليس ينتقد كلام مشجعينه ... برضوا اسحبه هنا .....والسبب الأساسي لنقدكم هنا هو الكلام اللي مكتوب تحت اقره مره وثنتين .... وبتعرف وشو غلطكم .... واتحداك ترد على الكلام اللي بين السطور

**************************************************************

الأخوان اللي فهموا من بعض ردودي كره الهلال .... اقولكم الهلال لا قام ولا قعد عندي عشان احبه او اكرهه .... لكن خلونا واقعيين وش الفرق اللي بينا وبين القطريين عشان تقولون عليهم منتخب الأفارقة .... وهل الأفارقة عيارة
يعني عشان عندكم ريالين نظفتكم صرتوا انتم احسن ناس .... وبعدين مررررة معجبكم منتخبنا اللي كلهم من آصل اهل نجد !!!!

قال تعالى " ان اكرمكم عند الله اتقاكم "

الرسول صلى الله عليه وسلم يقول " لافضل لعربي على أعجمي الا بالتقوى" او كما قال صلى الله عليه وسلم.

المثل يقول " اذا كان بيتك من زجاج لا ترمي الناس بحجر"

*****************************************************************



[b]<small><small>[ تم تعديل الموضوع بواسطة &nbsp; فتى عنيزة* &nbsp; يوم &nbsp; 01-02-2000]