من حقه يتزوج؟؟!!

[wildorchid]

في الحقيقه صديقتي لفتت انتباهي الى موضوع مهم جدا..
واللي هو....
هل من حق الرجل انه يتزوج لما تتحول زوجته الى أم فقط؟
برأيي..............نعم.

[BRABUS]

صح لسانج أوركيد :)


بس :(

[دكتور / مجنون]

:)

------------------
خلوني ياجماعه اضحك لحالي***وإن قلتوا يامجنون ياناس مجنـون
سبة جنوني واحد كان غالي***راح وخلاني معذب ومحزون

[wildorchid]

هلا برابوس..

في الحقيقه صعب ان المرأه تهمل زوجها تماما وتتفرغ لتربية
عيالها..مهما كان عمرها ومهما كان طول عمر زواجهم...
يبقى الرجل هو الرجل..وصعب ان احنا نتجاهله ونتجاهل احتياجاته
بهالسهوله....
ولكن هل راح يتقبل الابناء هذا الموضوع؟؟

[wildorchid]

هلا دكتور :)
اكيد مبسوط :)

[شوك]

ًWhy Notttt !!


الا ويش اخبار زواج المسير هاي الايام ؟


------------------
((((((( Shock 240 Volt )))))))

[شرخشين2000]

المفروض انها توفق بين الامومة ،، و زوجها

و الشي لا زاد عن حدّه انقلب ضده ،،

تحياتـــــــ للجميع ــــي

------------------
اكتب اكتب أيها القلم ..
...... الحب ذكرى والذكرى ألم

[ساهر الليل]

-- تحياتي لك اوركيد :)

سؤال حلو

- الحريم عدة انواع :- حسب تصنيفي :)

- وحده لك . - الاماراتيه والكويتيه .
- وحده لك ولعيالك . - السوريه .
- وحده لعيالك . - السعوديه .والبحرينيه
- وحده لا لك ولا لعيالك . - المصريه
:) :) :) :) :) :)

اكيد لازم يتزوج اذا صارت بس لعياله .

انا افضل تكون لي يعني النوع الاول . ما احب العيال ..

*********************************************************

------------------
وسترجع يوماً يا ولدي ..
مهزوماً .. مكسورالوجدان ..
وستعرف بعدرحيل العمر..
انك كنت تطارد خيط دخان .

[wildorchid]

اهلين شوك..
مافيه احد يقول لا....
ولكن هل يترتب على خطوته هذي وعشان السبب هذا مشاكل؟
هل يستاهل الموضوع كل هالعناء؟؟
وزرواج المسيار يسلم عليك :) :)ويقول لا تنفضنا :)


اهلين شرخشين....

صدقت..
لازم توفق بينهم..
بس احيان كثيره يصير صعب على الوحده انها تضبط عيار مشاعرها فيصير
فيه ضحايا..بعض الزوجات يقولون لازواجهم انتم حرين انكم تتزوجون..
طيب وش السبب اللي يخلي مشاعر الوحده تتحول تماما..هل هو عدم
احساس بالامان؟أم الاكتفاء؟

[الحفار]

هلا وركيد

ما اعتقد ان من حقه انه يتزوج عليها اذا كان هذا السبب فقط هو الداعي للزواج
كان المفروض عليه من بدري انه يحدد معاها كم يبي من الاولاد
,,,
بالنسبه لتصنيف

اللي قاله الساهر ما اعتقد انه سليم
خصوصا ان الاماراتيات والبحرينيات والكويتيات
مجهولات بالنسبه لنا
ولا اعتقد انه فيه فرق بين الخليجيات في هذه المساله
الاغلبيه من برا الله الله ومن جوا يعلم الله :-)))امزح لا تزعلون
.
.


------------------
تتغير معالم الكثير من لاشياء
الاالنساء

تبقى كالمدينه القديمه

نحفظ كل ممراتهاالتي تؤدي

الى ينابيع الماء

[wildorchid]

أهلين ساهر :) :) :)

بصراحه تصنيفك....مجحف :(
ولو دروا عنك المصريات..كان علوم :) :)

بس خلني اسألك سؤال..

وش معنى الاماراتيات والكويتيات؟- مجرد سؤال-
ماتعتقد ان الانسان هو عبارة عن كائن منفرد لا يمكن انك تربطه
بشعب ولا جنس؟ولا حتى هويته تفرض عليه طباعه؟؟

[شوك]

ولا انا ملاحظ هاااي الايام المتزوجين مش طايقين بعض بدون سبب !!

.
.
.

بس بصراحه العمليه هاذي الايام ماتسوى الواحد يتزوج اكثر من وحده !!

------------------
((((((( Shock 240 Volt )))))))

[ma3gool]

نعم!!!من متى!!!

هذا قمة الانانيه... :(

------------------
كل شي معقول

[wildorchid]

أهلين الحفار..

طيب وحددوا عدد الأطفال..وبعدين؟
هل تعتقد ان الوحده لما تتحول لأم تماما محتاجه عدد معين عشان
توصل لهذا الشعور؟؟ويتملكها هالاحساس؟؟
افرض قالوا واحد..وفجاه صار ماعاد عندها وقت لها..وطلبت منه
انه يتزوج..هل بيقول لا؟؟

وعلى تصنيف الساهر :( فأنا معاك..

[وردالشمال]

اقول سجلوها بكتاب جينيس للأرقام القياسية
.
,
اول مرة اشوف وحدة من النساء :) تقول الحقيقة في هالأمور
.
.
مبروك اوركيدا ... هذا خرق لقانون النساء
.
كفك
0
0
0
0
0
0
0
0
0
0
0
0
0
0
0
0
اسحبي ملفك
:) :)

[ساهر الليل]

-- اهلين اوركيد :)

-- الله لايوقعني بيد مصريه --

-- تصنيفي هذا راي شخصي من خلال اطلاع ومعرفة جيده بالنساء ..
ويحتمل الصواب والخطأ ... حقوق النشر محفوظه

-- متاكدان الهويه لها تاثير على اطباع الناس وخاصه النساء
هذا شئ متاكد منه كرجل ...

-- مشكلة السعوديات عندهن نصيحه مستمره من الامهات .. كثريله
العيال تمسكين بحلق الرجال ...
علشان كذا يهملن رجالهن ويهتمن بعيالهن كعدد فقط ...

في الكويت والامارات اعتقد ان هذه النصيحه غير موجوده ..

-- يمكن طلعت عن الموضوع
لكني متمسك بتصنيفي ويمكن ادخل عليه اضافات وتعديلات ..

لكِ تحياتي
*************************************************************

------------------
وسترجع يوماً يا ولدي ..
مهزوماً .. مكسورالوجدان ..
وستعرف بعدرحيل العمر..
انك كنت تطارد خيط دخان .

[غاية النفس]

<<---------- (( ارتفع ضغطها من جد هاللحين ))

اوركيد .. لي رجعه لموضوعك ... لازم تعرفين اول ايش الاسباب اللي

تخلي اي امرأه انها (( تتحول !! )) لأم .. واكيد راح تعرفين بعدها الجواب

على سؤالك .. :)

لي تعليق بسيط فقط .. وهو انه غلط انك تقولين (( تتحول )) لان مشاعر

الامومه موجوده مع الانثى منذ ولادتها .. واكبر مثال البنت الصغيره لما تلعب

بدميتها .. تحنو عليها وترعاها لان هالشيئ غريزي .. فالاصح انك تقولين

(( تكتفي )) .. :) والا وش رايك ؟؟
:) :)

[عسل]

غاية بعدي عن الملح وانا ولد ولدك ...يرفع الضغط .. :)
وعليك بالثوم :) :) :)
-----
عســــــــ كمان يرفع الضغط ـــــــــل

[الصواعق المرسلة]

شكرا لكي اختي اوركيد

واعتقد أن هذا الموضوع ليس خاضعا لأرائنا ومقولاتنا لإن عندنا كتاب ربنا الذي يقول فيه عز وجل
(( فأنكحوا ما طاب لكم من النساء مثنى وثلاث ورباع ))

فأباح التعدد للرجل إلى أربع نسوة إن إستطاع العدل بينهن بالنفقة والفراش وغير ذلك

الموضوع يحتاج للإستطراد ولكن سأكتفي بما ذكر

وجزاك الله خيرا


------------------
http://mypage.ayna.com/mmlaka/1.htm

[The Ocean]

اذا حاول معها ونصحها ولا نفع من حقه يتزوج غير كذا ما اتوقع :)

[القط الوردي]

أقـول مو من حـقه .؟!!

[wildorchid]

أهلين بالجميع,, :)

باقولكم رأيي كاملا....

الحياة بين الزوجين مشاركه وتفاهم وتفهم للاحتياجات من قبل الطرفين
اذا أخل احدهما بأحد هذه الاساسيات اذن من حق الطرف الثاني انه
يخل بحياتهم..بالطريقه اللي هو يشوفها مناسبه له..ومن هنا شّرع الاسلام
واباح تعدد الزوجات ومن حق الزوجه انها تطالب بالطلاق لو هي ماهي
مرتاحه.
من الظلم انك تحرم الطرف الآخر من مشاعرك ومن حقوقه وتزعل لو هو
مارس حق مشروع له.
أعرف انه شعور مر..بس ليش الاحساس بالظلم وعدم الوفاء؟
لماالمرأه تتحول مشاعرها أو زي ماتفضلت غاية وقالت "تكتفي" مع اني
ضد مبدأ الاكتفاء أي التشبع..لأن المشاعر وخصوصا الامومه مايتشبع الواحد
منها أبدا الى أمومه كامله من حق زوجها انه يبحث عن البديل الحلال.
والا هو متزوجها عشان ايش؟
الا اذا كان متزوجها بس عشان تربي عياله..فهذي حالة ثانيه..


ساهر الليل :)
لي عودة أخرى :) :)
ماراح أعتقك :)

[wildorchid]

هلا ساهر :)

صدقني تصنيفك هذا جائر واعتبره في قمة القسوة..
وخصوصا انه صادر من رجل..
لو أنا باتبع تصنيفك كان قلت ان افضل الرجال
هم المصريين لانهم خواتم في اصابيع زوجاتهم :)
ولكن صدقني ان الهويه وكون الشخص ينتمي الى بيئه
اجتماعيه معينه لهم تأثير في شخصية الانسان ولكن ليس
بالكامل..
فالانسان يؤثر عليه عوامل كثيره من ضمنها المجتمع
ولكن لو لاحظت حاليا ان المجتمع نفسه تغير ونظرتنا لامور
كثيره تغيرت ماصارت زي الاول..ومهما كان تأثير البيئه الا
اننا صرنا نتعامل مع أمور كثيره بالعقل والمنطق ونرفض
جميع مايخالفها حتى لو تعرضنا لصدامات..
وكونك تقول ان الكويتيات والاماراتيات ماعندهم نفس المشكله
اللي عندنا- من ناحية ربط الزوج بالعيال والحماة الخ الخ-
فاسمح لي اقول لك انك غلطان..ليه ماشفت مسلسلات؟:)
وهذي ظاهرة منتشره في جميع المجتمعات وان كانت تتميز بها
المجتمعات العربيه نظرا لارتباطها الاسري..


وسلامتك:)