باسحب منهم الجنسيه!!

[wildorchid]

بصراحه..يؤسفني ان أصحاب الثروات السعوديين هم من أصل
غير سعودي..
ليه؟
لأنهم أثبتوا عدم ولائهم لهذا البلد..
أول دلائله في رفضهم لاحلال السعوديين مكان الأجانب في
الشركات التي يملكونها..
ثانيا في استثماراتهم الخارجيه..
ثالثا في تصريح البعض منهم بذلك....

مثل هؤلاء المفروض يتم معاقبتهم بسحب جنسياتهم..
لأنه اذا ماكانت البلد ولا أهلها الأصليين عاجبينهم المفروض
أنهم يطلعون منها...وهي أكيد راح تعمر.!!!


وبس!

[ساهر الليل]

تحياتي اوركيد العزيزه :)

انتي نسيتي اذا سحبتي الجنسيه منهم ومشيتيهم من البلد

خواتهم اللي مع الكبار وين يروحون وش بتسوين معاهم :)


************

------------------
وسترجع يوماً يا ولدي ..
مهزوماً .. مكسورالوجدان ..
وستعرف بعدرحيل العمر..
انك كنت تطارد خيط دخان .

[القط الوردي]

يـاااااااه
الموضــوع كبـيـر
طويـل يبيله جلسة.

[wildorchid]

أهلين ســــــاهر الليل :)

سؤالك وجيه..وفي محله :( :( لكن اعتقد انهم بيروحون معاهم...
بس والله بالفعل شيء يقهر...
يعني انت شفت تصريح المدعو صالح كامل ورفضه التام لتوظيف سعوديين
في شركاته باعتبار انهم كسالى وغير صالحين للعمل..وكل موظفينه
اما مصريين عشان....المدام..والا باكستانيين عشان أصله..حتى انه
في استقبال رسمي لبس اللبس البنجابي؟؟!!!
وهذا ماهو تعدي على حريته وطبعا هو حر..لكن لو هو وغيره وغيره
اتبعوا نفس المبدأ...مين راح يعمر البلد هذي؟
هل تعتقد ان القطاع الحكومي راح يقدر يغطي جميع احتياجات المواطنين؟
والا انه يوظفهم؟ من غير دعم القطاع الخاص؟
مهما كان احنا شعب واحد واذا كان الموضوع كذا ومعتبر ان احنا مانستاهل
اذن رح انت للي يستاهلون..مو تجيبهم هنا..
مو كفاية السته مليار ريال اللي تتحول لبلاد هالاجانب هذا غير استثماراتهم
الصغيره والكبيره الي تتم بالمشاركه.....هذا كله وين يروح؟!!


تصبحون على خير!

[صميدع]

السلام عليكم أوركيد والجميع

أي بلد في هالعالم دائم ينلقى أغلب أصحاب الثروات فيه ليسوا من أهل البلد الأصليين ماهوب فقط السعوديه ...

بعدين تعالوا لو أسحبوا الجنسيه من أبو كامل :) من وين لنا أحد يقول بنحبكم :) :) :)

دراهمه هي اللي منحته الجنسيه , وأي دوله في العالم مستعده منحك جنسيتها بسرعة البرق لكن بيسألونك كم معك ؟ :)

[سليمان.]

انتم ما سمعتوا عن هذاك بعد اللي يقول يا (( حبيبي السعودي يبي راتب خمسه الاف اقل شي وكرسي دوار)) لا وبعد لو تشوفونه وهو يتكلم كيف خشته اللهم لك الحمد

[b]<small><small>[ تم تعديل الموضوع بواسطة &nbsp; سليمان. &nbsp; يوم &nbsp; 21-07-2000]

[الحفار]

لو سحبنا الجنسيات منهم

مين يبقى بجده ؟؟؟؟؟؟؟؟؟؟؟؟

------------------
سلام مني للامـــارات ******واللي سكن في مساكنها

سبع تعلت مثل نجمات ******يا ليتني كنت انا منها

[شرخشين2000]

أقول أوركيد ،،
خلّيهم يزبطون الدولة ،، بعدين خذي جنسياتهم ،،
و اشحتيهم برّه ،، خليهم يروحون بلدهم يتسلتحون هناك

تحياتـــــــي

------------------
اكتب اكتب أيها القلم ..
...... الحب ذكرى والذكرى ألم

[heartking]

ياليت, بس مــافي أمـــل

[khalid99]

اختي الفاضله لاتنكشين جراحي

والله ان هذا الموضوع يقهرني

ناس جونا حافيين وغادرونا بطياراتهم الخاصه

والسبب خير هالارض الطيبه

ولاحمدا ولا شكورا

ومازلت أذكر تصريح الي مايتسمى ( غيث رشاد فرعون)

قبل سنوات ان ثروته الي كونها جاءت من عرق جبينه

يلعن ابو العرق الي يطلع مليارات في سنوات

وينه وانا اعرق لين اذاني:(

عموما الاخ ساهر جاب مربط الفرس واللبيب بالاشارة يفهم

[click]

Nothing could raise my blood pressure like this topic



I am not a racist though


لكن عندي سؤال برئ

مين أعطاهم ؟؟ وليش؟؟
يعني العله في ربعنا :):)


وين الـــــــــــ Adalat ???

[عسل]

يعني...ماهم سعوديين ..يمكن اصولهم ماهي سعوديه ...بس كم لنا احن وكم لهم ..هم ...عايشين هنا ...كيف مسكوا السوق ...كيف صاروا تجار..بالبيد..باعشن...الافندي...صالح كامل ..العمودي..بن زقر..محمود سعيد...عبداللطيف جميل....علي رضا ..وين ابوك وابوي ..وجدك وجدي...يوم هذولا ..صارو اصحاب ملايين,,,,..شباب خلوكم واقعيين ..هذولا اشتغلوا وكدوا..وطلعوا فلوس...وحنا ندور واسطة عند ولد عم خال ابو جدي...عشان نوظف فلان على المرتبة الثالثة:(
يعني معروف من قبل ان الحضر في امور الدنيا احسن واكبر من البدو..والدليل..قوله تعالى (وجعلناكم شعوبا وقبائل ...الاية)
يعني الشعوب اول ...ممكن دليل ..على كثرتهم ...وممكن اشياء اخرى ..بس الاكيد انهم الاول في العلم ..العمل....حسين بكري قزاز..عنده ملايين الدنيا ...وعنده 8 بنات ...كلهم متزوجين غير سعوديين ..(من مصر)...ليش ماقال هذولا طمعانين ...في عطوري...وحنا يالله لك الحمد ..الاب سواق تكسي..ولا جا رجال يخطب عنده ..قعد يسأل ..منهو ولده ..ووش يقرب لهم فلان ...ولا طابت الامور ..رفض ...ليش اخوه خذا وحده 110...ياجماعه ...خلهم يشتغلون ..وخلهم يرفعون اقتصاد البلد ...
الشيء..الثاني...ماوظف سعودي...اصلن مو بكيفه ..الدولة تجبرهم ..والسعودي اللي يقولون له لا..في ابواب ...لا دقها يجون يمزعون اذون صاحب الشركة ...
بعدين بصراحه مثل ماقال ساهر ...هذولا ناس السياسه والتعامل مع الكبار تجري في دمهم ...مايقولون انا ولد فلان ...والا انا اخو فلان ...عندهم كلمة حاضر وعلى امرك ...(ناس مطيعة)..يعني ليش نضرهم ..
-----------
عســـــــــ على حيـــــــــاد ـــــــــل

[wildorchid]

اشكركم جميعا على ردودكم..
والآن جاء دوري - احم احم- على ان اعقّب بصورة عامه :)
----

في الحقيقه ماننكر أنهم جمعوا ثرواتهم هنا ومن هذي الأرض..
واحنا مالنا الحق في معرفة كيف جمعوها- مع ان الكثير منهم
قصصهم معروفه- لان هذا شيء بينهم وبين ربهم..
وقت ماكانوا يجمعون الفلوس كانوا اهلنا اصحاب مزارع وشيوخ قبايل فماكانت الفولس أكبر همهم..
كانوا أصحاب نعمه فعشان كذا ماحرصوا انهم يجمعون الفلوس لأن كان
عندهم خير مو زي بعض اصحاب الثروات الآن اللي جوا حفايين
وجوعانين فعشان كذا حرصوا انهم يلمون كل قرش..
وكون أن الواحد منهم يزوج بناته للي هو يبيه فهذا شيء خاص
فيه..وهو حر لكن انه يعلن كراهيته وبغضه للسعوديين فهذا امر غير مقبول على الأطلاق..

للحديث بقيه

[ma3gool]

للمعلوميه صالح كامل بالذات واثق ثقه زايده لان المسؤلين السعوديين هم اللي ترجوه وقالوا له تعال اعمل مشاريعك عندنا(درة العروس) لا والارض اللي عليها المشروع ببلاش..يعني اموره مسهلينها..ليش ما ادري!!!وشوفوا اللي مسويه في درة العروس...دعاره عيني عينك...:(

[عسل]

وتشوفي..ان ما مصعت اذونك ..:)
ردي جاهز...مستوي... وش رايك ..نغرف :):)
--------
عســـــ الله يرحم قزاز اللي ينثر عليكم مكياجكم ...بفلوسكم ـــل

[wildorchid]

شوف يا أخي ..
أنا ماني بصدد مناقشة من فين جابوا فلوسهم..لأنه شيء
مايهمني ولاهو محور النقاش..الدنيا أرزاق..

ولكن اذا انت تقول انهم عايشين هنا من زمان أجل احنا وين كنا؟
في المريخ؟
ممكن أن احنا كنا في السابق اكثر عنصريه وحبا للقبليه ولكن
الحال تغير..
ماعلينا..
هم لما جوا هنا - انشالله لو من ألف سنه- كانوا ولا شي..ولا شيء..
كونوا ثرواتهم - الله يرزقهم ماقلنا شيء- هنا..هنــــــــــــا
طيب كون انهم جوا من زمان..وان فلوسهم مصدرها استثمارهم
اللي هنا مو المفروض ان البلد تحظى ولو بشوي من ولائهم؟

وصالح كامل - والا زي مايسمونه طالح ناقص - بالذات من اكثر المعارضين للسعودة..واجتماع الغرفة التجاريه الاخير اكبر شاهد
على ذلك..مع ان ربعنا حاولوا يضغطون عليه..بس أمر الله شق القربه


وش تقول؟

[عسل]

تصدقوا ... زمان اللي كان يشتغل عندنا ,,,نسميهم صناع ونحتقرهم..وما نزوجهم...الحين....كم ودنا ...نصير ..(صناع)
على فكرة..انا مدير قسم..عندي..ثلاث مهندسين اجانب...وخمسة سعوديين....وابشرك..السعودي..(المرتز)...لا وصيته بعمل.. حوله على الاجنبي...(صدقيني..انا اقول الحمدلله..لانه لو هو سواها.. رحت في خرايطها..)السعوديين الحبايب..مرتزين على التلفون..والانترنت...(هذا غير الفركات...والاستئذان اليومي)..
وريحة العطر..واصله لهناك(ابه من قده مهندس...حبيب ماما )
ولا جا دورة والا انتداب تطامروا علي بعض ولا جا شغل..ادور عليهم ..الا كلهم ..يدخنون ...عند الحمام ,...والشغله اللي تاخذ له يوم... اخوان نوره يسونها في اسبوع...:):)
طبعا..مو كلها ولكن انا اتكلم... عن نسبة كبيره..(الله يعين بس)
طبعا انسان مثل صالح كامل..( اكن له كثير من الاحترام..لاعتبارات شخصيه)الثانيه..عنده تسوى ملايين..ويبون لها ..ناس يعرفون....قيمة الملايين...وعلى فكرة..صالح كامل عنده كثير..خبرات سعوديه..جيده جدا...ومؤهله...
---------
عســـــــــــ للحديث بقيه ــــــــــــل

[wildorchid]

والله شوف..
هذولا من العصر القديم..
الشباب الآن صار عندهم حماس غير عادي..يمكن انعدام الفرص
الوظيفيه هو اللي أدى الى ذلك حرصا منهم على ابراز مواهبهم
وقدراتهم..
صدقني انا اتعامل مع شباب وشابات كثير جدا ولاحظت ان الاصغر سنا
هم الاكثر حرصا على العمل وحبا له..
اذن اتهامك لهم بالتسيب والدلع اتهام غير سليم ابدا..

وبرضه..يتبع