في القلب واحد ...

[بياع القلوب]

تسوى عيونه دنيتي وروحي ..
اللي وصاله يشفي جروحي ..
ماغير اني احبه وافرخ بشوفه ..
اللي يعطر حياتي كل ماجاني..
في القلب واحد ما معاه ثاني ...
اهواه وادري صار يهواني ...
يستاهل الحب مني يوم حبيته ..
يستاهل القلب ماذاكر يوم بكاني..
في القلب واحد ...
دنياه دنيا غيرت حالي ..
ليته حبيبي دايم قبالي ..
اللي ياهو ملكني سحره وطيبه ..



ابيات سمعتها وعجبتني

مدري لكن هل كل الناس كذا ؟؟ تيجيهم حالات رومانسية مدري من وين طلعت له ( تقول جني المصباح ) شبيك لبيك قلبك بين ايدك ..
تامر وتنهي وىخرتها تقول ( مالت عليك يالمصباح ) ليتني طلبت طياره ابرك لي ...
مساء الخير عليكم جميعا .. ( وينكم ؟؟؟)

[شوق الامارات]

كلمات رائعة تستحق الإعجاب

و الأحلى الجني اللي طلع من المصباح
ليته في يوم يطلعلي

تقبل تحياتي

[بياع القلوب]

هلا شوق الامارات

شكرا للاطراء على الاختيار :)

بس بصراحة .. وش لك وش ذا الجني ؟ تراه ما وراه الا عوار القلب والهم والدموع .... إلا اذا كنا اخترنا صحيح .. يمكن !!!!

عشان كذا انا سميت حالي بياع قلوب :)

[شوق الامارات]

هلا بياع

والله احتاج الجني بأشياء ثانية
إذا ممكن يعني

( امزح )
مشكور يا بياع القلوب

[بياع القلوب]

ولا يهمك ابرسله اك احين


- يا ولد يا جني .؟؟
- شبيك لبيك ...
- اقول لك ياجني .. روح وشوف طلبات ...... وين راح الجني؟؟ اختفى قبل ما اقول له وين يروح ؟؟

ماشاء الله عليه ، من زود الحرص من سمع كلمة روح وهو اختفى ..
معليش الله يعيننا ننتظر شوي على بال هالجني الفطين يعرف نفسه وين ذلف بعمره احين ويرجع لي :)

[شوق الامارات]

هلا بياع
طيب بس يرجع الجني لا تقول له روح
قوله مثلا في وحده اسمها شوق تبي منك تنفذ لها بعض الطلبات روح لها



شو رايك مب شذيه احسن

[سليمان.]

بياع
اجل تفرخ هاه:):)
طيب :):):):)

[زهرة الليلك]

ياعيني عليك وعلى الكلمات ..
بس ممكن ترسل لي الجني شوي :)

وبعدين ايش هالطيارات اللي ماخذع عقلك .. وين صورتك اشوفك بطلت تحطها :)

[بياع القلوب]

هلا شوق
رجع الجني
ومن قلت له فيه وحده تبغاك قام اغمى عليه من الدهشة والفرح . مو مصدق نفسه :)
بس يصحي ابطرشه لك :)


سليمان
عاد مشيها عاد
غلطمه مطبعية
ومين ما يفرخ لما يشوف محبوبه ؟ إلا يبيض ويفقص من الفرحة :)



هلا زهرة
ابشري
الجني بطريقك بس خليه يفوق من صدمة شوق وبعدين الله يعننها على الصدمه الثانية لما يدري انك تبينه :)
وسالفة الطيارات ، هذا ادمان عندي ،حتى يوم رحت لندن طرت الين قلت خلاص .... وصورتي ان شاء الله بحطهاقريب
تحياتي

[نجمة المساء]

كلمات جميله جداً

[الشرقاوي]

كلمات حلوة ورائعه جدا جدا:)

[marwah]

تصدق عاد
انا لما سافرت على الطيارة كانت معانا بنت صغيرة طول الرحلة وهي تغني : القلب واحد
لا والامر لما وصلنا الفندق طاعت نازلة معانا في نفس الفندق..
يا محاسن الصدف

[بياع القلوب]

نجمة المساء
هذا من ذوقك :) شكرا ...


الشرقاوي
والله ردك هو الأحلى .. على فكرة انت من الشرقية ؟؟؟



مروه
اصدق والله ..
:):)
ياحليلها
بس عساها ما كملت أغنيتها طول اقامتها في الفندق ؟؟؟ :) عاد تصير مصيبة :)

[زهرة الليلك]

آآآآآآآآآآآه يامروة ..

لو جات على هذي البنت وبس تهون .. وانتي عارفة قصدي :)

[طيبة]

مين ناداني؟:D

كلمات جدا رائعة ....
مليئة بالإرهاف الحسي النابع من القلب

[بياع القلوب]

هلا طيبة
الكل بناديك .. :)وين هالغيبات ؟؟؟

[khalid99]

اختيار جميل جدا

ايوالله في القلب واحد

على فكره ممكن سلف جني؟؟؟

[بياع القلوب]

هلا خالد
وشكرا لردك اللطيف

والجني لسه ما خلص من طلبات الاصدقاء لكن بسجلك في قائمة الانتظار ولما يخلص ابرسله لك :)
تحياتي

[هدى]

القلب الصالح والنظيف اهوه يكون القلب الخلوق والمخلاص
انا اشكر الرد الرائع منكم .............
وشكراا
هدى من الكويت

[بياع القلوب]

هلا هدى
فعلا التواصل هو الاجمل في الموضوع
ولك تحياتي وياهلا بك :)

[marwah]

زهرة اعتقد انك انتي الوحيدة اللي كنت متعذبة ولا لأ ؛)

[زهرة الليلك]

اي والله .. بس لا تنكرين انتي بعد :)