الرجيم....

[موج البحر]

أحيانا نقرر نعمل رجيم ، في ناس تقدر تقاوم لذات الأكل وتستمر والأكثرية عندما يقررون يعملون رجيم يسمنون أكثر !!!!
أحد فيكم عنده تجربة مع الرجيم ....

[ونات]

اهلين موج البحر
انا والله سويت ريجيم ...من ثلاث سنوات تقريبا كان وزني تقريبافي بداية التسعين ..واستمريت فيه لمدة 3 اشهر ..مع ممارسة الرياضة
وخفيت حوالي 25 كيلو..وانا الحين وزني 63 كيلو
والحمدلله الحين انا احاول يقدر الامكان ان اخفف من الاكل علشان احافظ على وزني ..يعني اذا دقيتها في الغداء اخفف في العشاء ..الخ
الله يعين..
ليش انت كم وزنتش وكم طولتش ...علشان نحدد الوزن المثالي
وشو انواع الاكل اللي تحبينها علشان اقدر انصحتش بنظام يناسبتش ..
:)

[موج البحر]

ونات أهلييييييييين ومرحبتيييييييين فيك .... ومشكووووورة على المشاركة الحلووة حلووة حلووة
أنا معجب بقدرتك على افمتناع عن الطعام ؟ ولكن ما هو الحافز الذي دفعك للرجيم وبهذا الإصرار ؟ وما هو رجيمك ؟ وشنو نوع الرياضة التي داومت عليها ؟ و.....؟؟؟
أنا أحب الحلويات بشكلها العام كله بس .. لو ما آكل طوال اليوم ما يهم بس حلويات يكفيني وأحب السلطة كثيرا ، وزني ألحين تقريبا 62 والطول 160سم يعني الوزن زين

[خله على كيفه]

انتو الحين تتكلمون عن الرجيم واوزانكم كل ما اقراها اموت قهر والله لو ما سكتو بيكم وبوكلكم لما تمتنون وتصيرون امتن مني وانا ارويكم
ارحمو من في الارض يرحمكم من في السماء امانه تكفون فضوها سيره



_________________________
use your freedom
if you don`t used now
when will used

[موج البحر]

ليش يا بابا ليش يا خله على كيفه ، إشفيك معصب علينا إحنا نتناقش ليستفيد الجميع وإنت جاي تسكتنا ؟؟؟!!
قولي ما هي مشكلتك يمكن أقدر أساعدك من غير ما تمتنا ، كم وزنك يعني ؟ وكل مشكلة لها حل ....

[ونات]

هلا موج البحر
شلونتش ؟
شكرا على الرد...
وبعدين انت يمكن عندتش زيادة كيلوين...بس الحمد لله ..
اهم شي يكون الجسم متناسق
اهم رياضة هي المشي لمدة ساعة يوميأ ونط الحبل والسباحة
:):):)

[موج البحر]

ولو يا ونات مرحبتييييين ما كو أحد أغلى منك علشان ما أرد عليك .....
أنا أحب رياضة المشي بعد ....

[خله على كيفه]

انا وزني فوق الميه

يلا شوفلي حل وطولي تقريبا 173

بس يعني وزني راكب على طولي بس انا ابي اضعف وايد

يلا شوفنا يا بروفيسور

[موج البحر]

شوف إنت أول شيئ لازم ما تأكل حلاو وكاكاو وبطاط .... إنزين... وما تشرب بيبسي ....
ولا تأكل أكل دسم وتنام وخفف منه أحسن يعني ما كو مشخول ولا مكبوس ولا معكرونة فقط سلطة وفواكهه وكل خبز أسمر مع جبن خالي الدسم وخل أكلك أسمر بأسمر ....إنزين
بعدين كل ما تنزل كيلو تدعيلي هذا أهم شيئ علشان تضعف ...
وبعدين يا أخي شارع البحر طويل في الكويت تمشى الحين الجو حلو بالليل واركض لا تستحي عادي الناس تطالع ترى ما كو عندهم شغل بس إنت ولا يهمك منهم ..... :)

إشرايك حليتها و إلا.....

[خله على كيفه]

شوف انت تقول انا امتنع عن هذي الشغلات
انا لو فكرت شوف شلون لو فكرت يعني ما صممت
راح اموت من القهر وبعدين من اليوع
وبعدين خلاص بطلت ما ابي ريجيم لاني ريال يعني باجر راح القى وحده تتزوجني الحمدلله مو حرمه والا طاحت بجبد اهلها
هااهاهاهاهاهااهاهااااا
على العموم مشكور وما قصرت بس اقول انا اقرا كل يوم عن حبوب
للتخسيس بصراحه فكرت فيها وودي اشتريها تنصحني فيها والا لا ؟؟؟؟
___________________________
وين البخت وتقول مبخوت
مو اشتغلت حفار قبور
ما شفت احد قام يموت

[موج البحر]

وإلالالالا
إنت تصدق الدعايات والحبوب ، أفففففففففففاه طحت من....
لو كانت صج لكنا الآن كلنا رشيقيين...
خلك منها اسمع مني وبطل أكل وااااااايد ترى البنات الحين ما يبون المتين أنا أقول لك وإنت بكيفك ، باكر أمك تندب حظها فيك إذا طحت بكبدها ..
امش على البحر بالليل إشدعوه إشعندك يعني ...

[نجمة المساء]

السلام عليكم
الرجيم أعوذ بالله من الشيطان الرجيم

فكرت بالرجيم ونزلت تقريبا 5 كيلو وفي ظرف يومين زاد وزني 7

مره ثانيه فكرت بالررجيم بس للاسف امتن ولا اظعف

طولي 153 والوزن 76

والله قهر

[خله على كيفه]

هيه شفيج نجومه شالرجيم هذا الي يمتن الله يستر منكم انتو يالحريم حتى ريجيمكم غير الناس
يمه يمه يمه منكم

-----------------------

وين البخت وتقول مبخوت
مو اشتغلت حفار قبور
ما شفت احد قام يموت