زوجي يطبخ !!!!!؟؟؟

[amera1]

على فكره أنا مو متزوجه
بس يات على بالي هالفكره وبصراحه أعتبرها فكره حلوه

وهي :

لو الزوج ساعد زوجته في شغل البيت هل

راح ينقص من الحب بينهم؟

أو راح يزيده ؟

أو راح يعتبره الزوج إهانه في حقه ؟

أو راح تعتبر الزوجه مسيطره على الزوج ؟


رايكم يهمني بصراحه

تحياتي لكم :)

[وردالشمال]

.انا مو متزوج ..
بس اذا تزوجت
.
هذا وجهي اذا طبخت ...
.

[نجمة المساء]

الزواج مشاركه والحياه مشاركه
والقدر مشاركه
وانا اأيدك في هذي الفكره ان علي الزوج مساعده زوجته في كل شي

[الحفار]

على فكره انا طباخ ماهر اسوي اشياء كثيره

يا بختها اللي تاخذني :)

وما اعتقد ابدا فيها شيء


بس سؤال
؟؟؟؟

هل الحريم الحين يطبخون ؟؟؟

[amera1]

افاااااا ليش بس ياورد الشمال :(

من كلامك أفهم أنك تعتبره إهانه موجذي ؟؟؟



هلا نجمه
فعلأ الزواج مشاركه وما اعتقد هالشي يقلل من قيمة الزوج

من بعد يأيدنا في هالفكره ؟:)

[amera1]

صج والله
يابختها فيك زوجة المستقبل عزيزي الحفار :)

بس راح أقول لك شغله من وجهة نظري
لاتعتقد الزوجه راح تخلي زوجها يدخل المطبخ لانه الزوج صراحه
مكانه صدر البيت مو المطبخ بسسسسسسسسس أنا اقول إنه يساعدها
يعني بعض الأوقات تحتاج الزوجه للمساعده مو بس في الطبخ

وعجبني ردك وتطمنت على زوجتك أخوي الله يهنيكم :)

وجواب على سؤالك
اقول اكيييييييييييييد وأنا وحده منهم :):)

[خله على كيفه]

من ناحيتي انا والله اساعد
بس مو مثلا بالطبخ والاشياء
الي تكون الزوجه اهي افهم
مني فيها مثلا اشتري غراض للبيت
ساعات اساعدها بتجهيز الاكل
تجهيزه يعني تزيينه
مو طبخه وانا على العموم
من مناصرين المراه بس
كل شي له حدود
على فكره انا مو متزوج
بس نظرتي للمستقبل
__________________________
وين البخت وتقول مبخوت
مو اشتغلت حفار قبور
ما شفت احد قام يموت

[amera1]

بصراحه

خله على كيفه
هذا الكلام الحلو
فعلأ المفروض تكون المساعده بين الزوجين على هذا الأساس

ومشكور أخوي :)

[وردالشمال]

.
لا مو اهانة :(..بس ......بس ....بس ...اخخخخ من بس
.
.
انتي دقيتي على الوتر الحساس ..:( ..في موضوعك
.
انا ..
.
(((..اعــــتـــرافـــات..عــــزوبـــي..)))
.
.
انا مليت من المطبخ
إلى متى اطبخ
.
متى احصل اللي ..اخخخخ
.
متى ارجع للبيت ..بدون تفكير بالمطبخ :(
.

والقدور
.
.
.
لا يا..amera1...مو اهانة
.
الأهانة العزوبيه:(
.
.

[amera1]

آسفه أخوي ورد

فعلأ دقيّت على الوتر الحساس

بس ولا يهمك الله كريم وتلقى اللي تنسيك الطبخ :):)
بس كل خوفي تنسيك طبخ البيت وتعودك على طبخ المطاعم :):):)


وماعاش من يهينك أخوي
تحياتي لك :)

[ساهر الليل]

انا ما رح اطبخ ابد .. لاني ما اعرف :(

وهي ما رح بعد تطبخ .. لانها بتجيب شغاله :(

وبعدين هذي تفرق من وحده لوحده....

يعني اذا زوجتي احبها وعاجبتني ما رح اخليها تدخل المطبخ :)

اما اذا اني قرفان عيشتي معاها .. ولا هي عاجبتني ..يمكن اخليها تنام بالمطبخ .. :) تستاهل خليها..


تحياتي

[فارس مشاعر]

الزوج الذي عنده ثقه بنفسه اولا00وثانيا يعلم علم اليقين بانه يعيش مع امرأه فاهمه وتقدر وعاقله وتثمن دخوله للمطبخ00وانه ليس انتقاص من رجولته00فلا مانع لدى الرجل00
لكن00ولكن00اذا كانت امرأه0تشبه واحد من اصحابه خاصة عند القيام من النوم في الصباح لها شنبات ودقن حتى الحلاوه ماتنفع معاها يعني كل صباح الله يعينه يشوف كابوس مزعج وتكون هي تصطاد في الماء العكر00وتتذكر النواقص00والعيوب00وامرأه من اخر لقمه00ولاتفتكر الا كل شي سلبي00يعني امرأه غبيه00وللاسف الاغلبيه كذلك:(00فاعتقد بان على الرجل ان يتكأ في الصالون ويتصفح جريدته ويشاهد قناة المستقبل وال بي سي00وعندما تقبل عليه شيخ الغفر00اسف اقصد بعلته00يغير القناه الى قناة السودان او اليمن00ويقول في نفسه انشقي ياصاله وابلعي بعلتي:):)

[نجمة المساء]

ورد الشمال اشلون يعني ما تدخل المطبخ

رجل شرقي بمعني الكلمه ;)

[نيسان]

ما في أحلى من منظر الزوجين و هما يتعاونان في تسيير دفة حياتهما .. يعني مو شرط الطبخ .. ممكن يتسوقوا سوا .. أو الرجل يساعدها في ترتيب السفرة مثلا ..
بالعكس هي الأشياء بتزيد روح المحبة و الألفة بينهما ..
و رسولنا الكريم كان أحسن الرجال لهله ، و كان يساعد زوجاته ، بل مان يلعب -عليه الصلاة و السلام - مع زوجته السيدة عائشة و هي صغيرة ..

[لمسه]

تصدقين..ذكرتيني بأبوي..:)
أبوي مرات لين يكون فاضي..يحب يطبخ العشاء "شيء خفيف"..:)
<-- ادري انج مالج خص فابوي..بس مادري ليش ذكرتيني فيه :)

المهم..نرد لموضوعنا .. والله في رايي هو عادي الرجل يطبخ..بس على فترات..يعني كل شهر او شهرين يطبخ مرة مثلا..بس باقي الايام علينا احنا :) <-- هذا رايي اللي بطبقه في المستقبل البعيد هههه:)
و حلوة انه يشارك المرأة في اعمالها.. بس مو كل الأعمال.. يعني ما ييلس ينظف الصالة"المجلس" أو يكنس أو يغسل الصحون..يعني هو يسوي الاشياء الخفيفة " طبخ - كوي ملابسه" <-- خاصة لين تكون البشكارة مو موجودة :)
و هذا رايي :)

[شوق الامارات]

اميرة والله فكرة حلوه
تعرفيني راح اطبقها في المستقبل
طبعا ما راح ادخله المطبخ كل اشوي .. بس هي وقت الغدا .. راح اقسمها بيني وبينه .. يعني يوم الغدا عليه و يوم علي .. و افكر اجييب الغدا من المطعم في اليوم اللي لازم انا اطبخ فيه .. لان الغدا بصراحه متعب جدا .. .. و الله يعينه علي ..
اما شغل البيت .. ما ادري يعني ممكن يشاركني فيه .. يعني هو يغسل الملابس و ينظف البيت و اذا كان فيه زرع يسقي الزرع و غيرها من الاشياء ..
امزح معاكم .. اكيد اذا سويت شذيه راح يكسر راسي و يمكن ثاني يوم انا عند اهلي ..
بس انه ما يساعدني .. ساعتها لكل حادث حديث ..

[عبد_حلال_العقد]

هذا انتم يا الحريم حتى ابسط شئ من واجباتكم التي يجب ان تقوموا بها ما ودكم تسونهاما ادري ليش؟
الظاهر الايه يتنقلب والرجال هم اللي يطبخون ويربون والله يستر بعد ما يحملون!!!!!!!!!!!!!

[wildorchid]

فكره مش بطاله :)

[barby]

يااااريت:)

و لكن فى هذة الايام

اصبح الرجل هو من

يعلم المراة الطبخ

بدليل اعظم المطاعم

ناجحة و المسؤل

طبيخ الرجل .

متزعلوش منى يا اخواتى.

[النابغة الطائي]

أنا ماعندي ماتع ..ودائماً أساعد وأحب الأبتكارات بالطبخ ..وإذا زوجتي تطبخ ..ولا يوجد خدامة ..





















ماعندي مانع لو أقشر بصل .....

[مفتون]

والله اساعدها بس في اشياء بسيطه اذا احتاجت لي !!:)

[amera1]

موووووو مشكله لاتطبخ ولاتخلي زوجتك بعد تطبخ

وإنشالله ماتلقى إلا الزوجه اللي تحبها و وتحبك علشان ماتحكم عليها بالنوم في المطبخ المسكينه :):):)

بس أنت ليش أخذت فكرة الطبخ بس ؟؟؟

أنا قلت الزوج يساعد زوجته والمساعده مو بس في الطبخ :)


وتحياتي لك :)

[amera1]

لا اخوي فارس مشاعر
زعلت يوم قلت الأغلبيه من هالنوع :(


بعدين أنت ما اخذت هالفكره إلا بسبب قناة المستقبل والـ LBC

:):):)

تحياتي لك :)

[amera1]

ايوه يانيسان

تمااااااام هذا اللي قصدته من الموضوع :)

ومشكوره على المشاركه عزيزتي

تحياتي لج :)

[amera1]

لمسه الله يخلي لج الوالد ويطول بعمره إن شاءالله

وخطتك المستقبليه روعه و جهنميه :):)
متى مانفذتيها عطيني خبر عشان أطبقها أنا بعد :):)
وإذا نجحت نطرحها في الأسواق :):)

تحياتي لج :)

[amera1]

شوق الامارات

بصراحه مادري شاقول لج :):)

غيري أقوالك بسسرعه قبل مايكسرون راسك الحين مو بعدين

تحياتي لج عزيزتي :):)

[amera1]

عبد_حلال_العقد هلا فيك أخوي
أنت فهمتني غلط :):)

أنا ماقلت الزوج يمارسس واجبات الزوجه ‍‍‍!!!!
ولا الزوجه تمارس واجبات الزوج

كل اللي قلته لو الزوج ساعد زوجته في بعض الإمور البسيطه
ومو دائمأ بعض الأوقات اللي الزوجه فعلأ تكون محتاجه فيها للمساعده

وتحياتي لك اخوي :)

[amera1]

عزيزتي هلا فيج
وهالفكره راح ندرسها في المستقبل القريب
خصوصأ أنتي أول المؤيدين :):)
تحياتي لج :)

[amera1]

عزيزتي كلامك صححححححح ولانقدر ننكره
بس لاتنسين أنهم طباخين مهره في المطاعم والفنادق لكن
في البيت هم مجرد أزواج ..... ملزومه الزوجه بخدمتهم وتلبية كل طلباتهم
و
تحياتي لج عزيزتي :)

[amera1]

بصراحه هذا الكلام السنع :):)

تحياتي لك أخوي :)

[amera1]

مفتون
مؤيد للفكره بعد وآآآآآآآآيد تمام :):)
تحياتي لك أخوي :)