للنصراويين فقط..............

[بابافرحان]

السلام عليكم
اول شي احب ارحب فيكم لأني بصراحة اكتب اول موضوع لي
واتمنى تقبلون مشاركاتي بكل ترحيب
ما رأيكم في مستوى النصر بعد قدوم المدرب آرثر؟!
انا بصراحة أشوف إنه مدرب جيد
خاصة إنه لعب بلاعبين شباب وظهر بالمستوى المطلوب
وبعدين لاتنسون أنه قدر يتأهل في البطولة العربية للأندية
و شكرا
صديقكم : بابافرحان

[الاماراتي]

بس ليش عنوانك جذيه

[heartking]

مدرب كويس ويعرف يقراء المباراة,والله يتممها على خير لأني متفائل بالمدرب

[هاوي نغم]

اول شي انا ماني نصراوي ..بس دخلت من باب اللقافه ..
ثاني شي مع احترامي لكل النصراويين والكلام اللي بقوله الحين
تراني مااقصد فيه غلط على احد ... ترى النصراويين بالذات
اول مايجيهم اي مدرب جديد .. انواع المدح .. هذا احسن مدرب و
اذكى مدرب.. الخ وبعد فتره تنقلب نظرتكم لذا المدرب راسا على
عقب !!!! وبتتذكرون كلامي آخر الموسم الرياضي الحالي ان شاء الله

هاوي نغم

[nizar]

SO FAR SO GOOD

[ابو لحج]

الغريب انك نصراوي....ولك ذوق حلو لانك تسمع خالد عبدالرحمن??!!

[زعيم الشواهين]

اهلاً وسهلاً.
المدرب جيد وماعليه كلام وترى سمعته في اوروبا مثل الجنيه الذهب من قبل مايتعاقد معه النصر.
لكن واّه من لكن هذي, الجو عندنا ما هو جو كورة وخلينا نكون واقعيين, عندك الصحافة من جهة وعندك الاداريين من جهة ثانية وكذالك اللاعبين واخيراً الجمهور.
اول ماحضر المدرب مسك بعض المخربشين في صحافتنا في شنب المدرب زي ماقالوا عن ميلان انه معلم شاورما, بالله عليك هل هذي الصحافة وهل هذا نقد وبعدين لو كنا في بلد ثاني غير هنا لرفع 90% من المدربين دعاوي قضائية على كتاب صحائف الحائط وشف كم من التعويضات راح تندفع للمتضررين.
الاداريين بصراحة مابي اتكلم عنهم لانهم متطوعين للعمل الاداري بس هذا مايمنع من وجود امور تستحق الوقوف عندها للنقد.
اما اللاعبين فبكل وضوح اتضح ان عندنا قلة من اللاعبين اللي ينطبق عليه صفة لاعب والا الباقي مايصدق تطيح القريشات في يده وهواء على المغرب والا مصر وتاليتها يجيك في الملعب من المطار ماهو قادر يصلب طوله او في كل مقابلة صحفية يفتخر انه مصادق له ليلى علوي والا المطربة نوال والا بيتزوج وفاء عامر...كفوه الرزيل اللي ما شاف خير واخيراً مابي اتدخل في موضوع ابن الناس خميس العويران لان وبصراحة موضوعه الى الان غامض علي واللي عنده خبر اكيد يسوي لي بريد على:saleh9898@yahoo.com
الخلاصة ياوخيي ان المدرب ارثر يمكن يجيب للنصر بطولة هالسنة بس لو يصبرون عليه من سنتين الى ثلاث سنين ترى بيجيب بطولات بس يبي له صبر لانه من عينة المدربين اللي عارف وش يسوي حيث ان المدربين الاوروبيين شغلهم مايبين بسرعة ماهو مثل البرازيليين اللي يجيب بطولات بأي ثمن حتى لو لعب لك لاعب مصاب بالبنج مثل هيليوفيرا مع الشباب بس على مين يلعبها عنده واحد مفتح له مثل الامير خالد بن سعد وسلامه تسلمك ياعيوني.

[الهديف]

هاوي نغم // خلك ابعيد ... وراح تشوف البطولات ان شاء الله
زعيم الشواهين // والله كلامك صحيح .. وتسلم



..شكرا..