آآآآآآآآآآآخر لـــخـــــبــــطــــــه

[الحفار]

يسعد صباحكم جميعا

,,,
من اهد مميزلت هالانترنت انها غيرت شوي في لهجاتنا المحليه الخليجيه وقربت بيننا بكثير من النواحي الفكريه واعتقد ان الشباب الخليجي كان في الاول غير متصل ببعض وما كنا نعرف عن بعض الشيء الكثير
..
واعطتنا النت ايضا فرصه للحوار مع الفتيات عبر المنتديات :):)
(( حلوه وجديده ))
, يعني اول عمره ما خطر في بالي اني ممكن اكون جالس في مكان ومعاي مجموعه من الشباب الخليجي سواء ذكور واناث واتناقش معاهم باي شيء وعن اي شيء ,

كان الشيء هذا ضربا من الخيال واحد المستحيلات,,

,,
وش فيكم ما احد سالني وقال وين اللخبطه :)

انا اقول لكم

اللخبطه صارت في بعض الكلمات اللي اقولها واللي عندي هنا ما يفهوم علي
( صرت ارمس اوردو) :)

وخوذو عندكم

...

بس جيه ( اماراتيه ) يرادفها عندنا بالسعوديه ( بس كذا )

نشيت = = = = = = = = = = = =( صحيت من النوم )

اتروش او اتحمم كلمه نقولها عندنا بالسعوديه باقي دول الخليج اتسبح :)


وشو كلمه اماراتيه عندنا نقول ايش ؟؟

نرمس :) اماراتيه عندنا نقول نتكلم :)

.
.
.
.
.
.
والحين دوركم وش الكلام اللي لاحظتوا انكم صرتوا تقولونه والسبب الانتر نت :)

[الروح]

صباح الخيــــر عبد الله .. :)

موضوع حلو عزيزي ..

في كلمة بعد ..
إنتوا ما تقولون ( قطــو ) .. تقولون ( بس ) <---<< ( مادري صح ولا غلط ) :(

مممممممممممم .. أعتقد بعد إنكم ما تقولون ( وايد ) تقولون ( مررره ) .. صح ..؟؟؟


تدري ..؟ عندنابنت في الجامعة .. تمـــــــوت وتتعلم كلمات سعودية .. عاد أنا ما عرفت أعلمها غير ( مررره ) هاي .. :) :)

[الحفار]

ايه صح حنا نقول بس وانتم تقولون قطو

وحنا نقول واااااجد يعني كثير انتم تقولون وااااااايد

وعلى طاري وايد ,,

تذكرت شيء ولو انه ما يغيب عن بالي

اسمعي شو هو ..


traa wayed

waayed

waaaayed

waaaaaaayed

waaaaaaaaaaayed

b3d waaaaaaaaaaaaaaayed

walla waaaaaaaaaaaaaaaaaaaaaayed

!?!?!?
.
.
.
.
.
.


أحـــبــهـــــــا


:):)

...

تحياتي لك اختي الروح

[Huda76]

هلا وغلا عبدالله

صباح الورد ( يعني أنا مستانسة .. قلت لك هالكلام من قبل )

فعلا .. كلامك صحيح .. الانترنت والمنتديات على وجه الخصوص قربت بيننا كثير والله .. وبصراحة هذي غايتنا جميعا ..

بالنسبة لموضوع الكلام واللهجات فحدث ولا حرج ... فعلا كلامي صار من كل بحر قطرة .. عفوا .. من كل ديرة كلمة ..

أنا من البحرين بس كلامي الحين ماله جنسية معينة .. صار خليجي أمريكي .. هاهاهاهاهاهاهاهاهاهاها ..لأني استخدم الانجليزي أيضا ..

على سبيل المثال :

احنا نقول جذي .. انتوا تقولون كذا ..

احنا نقول عيل .. انتوا تقولون أجل ..

احنا نقول نتحجي .. واهل الامارات يقولون نرمس ..

احنا نقول شنو .. واهل الامارات يقولون شو ..

هذا اللي اذكره الحين ..

تحياتي

[الروح]

إتصدددددق عــــاد إن أنا بعد
وااااااااااااااااااااايد

وااااااااااااااااااااااااااااايد

واااااااااااااااااااااااااااااااااااايد

واااااااااااااااااااااااااااااااااااااااااايد

أحبها ....؟؟؟

" أقول .. شو السالفة ..؟ " :D

[الحفار]

شو بلاج انتي شنو قاعده ترمسين

:):):)


عيل فاهمتني انتي :):)

.
.
.
.
.
.
.
.
هلا بالروح

اقول

انتي مو مهم تفهمين :):)
لاتزعين :)امزح معك اختي :)

بس تذكرت هالسالفه وقلتها

[طيبة]

صباح الإحساس والطيبة

موضوعك جدا شيق ...
ألم يقل الله سبحانه وتعالى :
" وجعلناكم شعوبا وقبائل لتعارفوا "

وأجمل ما في النت إن البعض وإن لم يكن الكل أصبح لديه حصيلة لغوية جيده ...
وخاصة اتقان الكتابة باللغة العربية ...
وأما عن كلمات اللهجات قد أثرت على لهجتنا ثقافيا ...
في حياتنا العامة وأصبحنا نستخدمها في حياتنا اليومية ..
وتكونت لدينا لهجة حديثة تختلف عن اباءنا وأمهاتنا ..
حتى أنهم في بعض الأحيان يتعجبون منا ...
وهم لايعلمون ان النت كان له تأثير بالغ على لهجتنا المحلية العامة ...

حتى أن النت صقل مواهبنا المدفونه وهذا من أهم مميزاته ...
وأكسبنا الجراءة في الكتابة والتعبير عن أنفسنا :) ..

تحياتي وتقديري ..

[Huda76]

وش هالهرج هذا ;)

[الحفار]

يسعد صباحك

فعلا كما ذكرتي النت تسبب الان باحداث لهجه جديده في الخليج العربي

وزين اللي ما معنا مغاربه وتوانسه ويمنيين ومصريين


كان والله شفتي العجب ):)

تلاقينا كل واحد قاعد على النت وقاموسه جنبه :)


تحياتي لك اختي طيبه .؟.
.
.
.
.
.
.
.
.
.

هلاااااا هدى
هاهاهاهاهاهاهاهاهاها
:):):)

قويه هذي من وين جبتيها :)

[khalid99]

وازيدك من عندي

عندنا بالسعوديه نقول قطوه/ بسه

بعض مناطق البحرين ( سنور )

الكويت ( بزون ) الظاهر كلمه عراقيه

--------------------------

عندنا نقول ادخل

بالكويت دش ( مو انتيل ):)

---------------------------

عندنا نقول كبك ( الي في طرف الثوب )

الكويت ( بزمه )

------------------------------

وتعال لشغلات السياره:):)

نقول زيت وبالكويت دهن؟

نقول قماشات وعندهم سفايف

نقول صدام ( مو الي بالي بالك):)

يقولون دعاميه

كرسي السياره عندهم ( كشنه )

ملاحظه ( الكشنه عندنا البهارات صح :؟):)

وايد بعد( قصدي واجد بعد كلمات )

اممممممممم شفيه بعد

ايه النشله:)( مو بالمعنى المصري )

فلان منشول يعني مزكوم

خلني بس اتذكر

ايه اترياك (بالاماراتي)

انطرك ( بالكويتي)

احتريك ( بالسعودي )

يكفي ؟؟:):)

[طيبة]

:)

[Huda76]

"تلاقينا كل واحد قاعد على النت وقاموسه جنبه"

حلوة هذي والله ..

والله سالفة .. الحين اتكلم مع customer وانا اقرا رد طيبة اللي فوق ردي ..

تخربطت .. هو يقول "السلام عليكم" وانا اقرا رد طيبة قلت له "الحمدلله"
هاهاهاهاهاهاهاهاهاهاهاهاهاها

[الحفار]

يسعد صباحك

اشكرك على هالمعلومات

بس فيه عندك خطأ واحد

الكشنه :)

عندنا معناها

لما تقلي البصل بالزيت قبل لا تحط عليه اللحم او الدجاج :)

وليس كما ذكرت :)



تحياتي لك اخوي

[الحفار]

والاحلى كمان

لو معانا من ارتيريا والصومال

كان شفتي العجب :):)
.
.
.
.
.
.
.
.
يا ويلك ياهدى رحتي فيها :)

اتخيلي

لو اللي اتصل قال السلام عليكم

وانتي كنت بنفس اللحظه تردين علي

وكنتي تكتبين

( هلا وغلا عبدالله )

وقلتيها له :):)

وطلع اسمه بالصدفه عبدالله

:):)

والله ينهبل الريال :):)

هاهاهاهاهاهاهاهاهاهاها

[طيبة]

هدى لا والله بجدك :) ..
هذاكي من غير دكشنري ....
ههههههههههههههههههههه

[heartking]

هلا بالجميع وكلام الحفار صحيح والله يوحد قلوبنا بعد

[طيبة]

لأ ....... والأدهى لو كانوا هنود ...
ياسلام ...
كيفك أنت .. أنا في روح بابا :)
بابا في روح ...
بابا في نوم http://qal3ah.com/qal3ah/ubb/icons/icon15.gif >>

[الحفار]

حيا الله اخوي

يا مرحبا في بعد غياب

نورت سوالف


تحياتي لك .
.
.
.
.
.
.
.
.
.
.
لالالا طيبه موكذا
اسمعي وش راح يقولون

((
ايس هازا منتدى قرقر :) كله نفر فيه كلام كتير وكل سويه فيه نفر زديد يكتب كلام انا عزو زديد وين ترحيب مال انت صديق :):)



قرقر = سوالف

زديد = جديد

عزو= عضو
:)

[طيبة]

بجد ..
وفي ذي الحالة ...
شر البلية ما يضحك :) ...
لا لا ما تخيل إن ممكن نتكلم كذا !!!!!!!
أبد الآبدين :) ...
كان تكلمنا مثل الشغالات في البيت ..
صح مو لذي الدرجه :) ...

[Huda76]

عبدالله ..

ضحكتني والله .. كان من جد احراج http://www.swalif.net/sforum/images/icons/icon11.gif
لكن ربنا ستر :)

---------------------

طيبة .. اي والله يالغالية ..

الموقف اللي صار فعلا آآآآآآآآخر لخبطة ..

اجل هنود ها :)
غير ما تشوفين عناوين كالتالي :
"كومااااااااار .. وين فيه .. مافي شوووف واحد سبوع"

:)

[طيبة]

حسافه ...
بنشوفها في واجهات المحلات الكبيره
هنا في خطاط ورسام :) ...
هنا تصليح بنشر:) ..
وهلما ما جرى من الكتابه :) ..
بلوحة إعلانات كبيره :) ...
مدري وين البلديه عنهم :) ..
آآآآآآآآآآآآآآآآخر لخبطه :) ...
ياسلالالالالالالالالالالالالالالالالالالالالالالالالالالام

[khalid99]

صدقت الحفار

كلامك صحيح

الظاهر الفول عامل عمايل:):):)

[سردال]

لهجات حلوة.... ضحكتوني من الخاطر ... والله كلامك صحيح أخوي الحفار، من قبل الإنترنت ما كان هناك تواصل بين شباب الخليج، ألحين ما شاء الله شو تريد أكثر من (( كذا )) تواصل ;).

من اللهجة المغاربية والتونسية اخترت لكم هذه:
عندما تقول أنت لأحد المغاربة: الله يعافيك ..... يرد عليك بغضب ويقول: تحرق فيك! :p لييييش (وبالسعودي: لييييه).

الله يعافيك في عند المغاربة دعاء على الشخص وهو بمعنى الله يدخلك النار!!!!

[شجون المحبه]

الحفار .....الله يسعد صباحك ومساك....:):)



والله النت ما عتقت حد ابد...
الكل صارت رمسه منقعه من الزين ..

محد تم ما يرمس اوردوا...

محد =مافي احد ,,, تم =..ظل...

بس الله يستر ما نخترع اوردوا جديد..
يكون مزيج بين كل اللهجات ..

[الحفار]

سردال
يا مرحبا الف :)
حياك اخوي

جان السالفه جذي ... ( شفت كيف ارمس اماراتي )
برمسك :)

ايل الله لا يعافيك :):) بالمغاربي بس :):) لاتزعل امزح معك

حياك اخوي
وترى السالفه مزح
.
.
.
.
.
.
.
.
.
هلا شجون كيفك :)
هاهاهاهاهاهاهاها
ضحكتيني والله

شو شايفتني من جزر القمر حتي تترجمين لي :)

اسمعي
.
جان زين اتم رمستنا وحده على الاغل :) نوحد خليجنا بالرمس :)


..
تحياتي لك شجون

[UAE_BaBe]

مرحبا اخويه الحفار
صحيح الانترنت قربت المسافات واللهجات بين دول الخليج
بس في وايد كلمات نحنا ما نفهمها واكيد انتوا بعد ما تفهمون كل الكلمات اللي نحنا نقولها
وانا سبقتك في الفكرة :p

http://www.swalif.net/sforum/showthread.php?threadid=58902

تحياتي لك ولمواضيعك الحلوة :)

[شوق الامارات]

ايه والله آخر لخبطة

بس لخبطة حلوه


الحفــ يسعد أيامك ـــار

[الحفار]

كيف حالك عساك بخير

...
طبعا فيه رمس كثير عندكم ونحن مانعرفه:)

بس مع الوقت راح نخترع لهجه جديده لنا جميعا

على الاقل نشارك فيها مع بعض :)

بالنسبه لموضوع

فانا اعتذر اختي لاني طرحت هذا الموضوع مره ثانيه

ومنك السموحه

[ma3gool]

انا مير خلقه لهجتي ملخبطه!!!!شوي لبناني على سوداني على هندي على مصري..:) امزح.
لا صدق انا لهجتي رايحه فيها..والسبه التقليد..احب اقلد اللهجات وتمسك فيني..الهزوى عدوى..لا والمصيبه اني صرت اقلب الحكي..يعني ..قاهي وشهوه..شاهي وقهوه..حروب..حبور..ويالله الله يعين..

[الحفار]

اهلين شوق الامارات

كيفك اختي ان شاء الله بخير

الله يسعد ايامك ولياليك
على قولتك لخبطه بس لخبطه حلوه :)

الا على طاري لخبطه ؟ ياترى انتم تقولون لخبطه او عندكم لها مرادف ثاني ؟؟

تحياتي
.
.
.
.
.
..
معقول

وش اسوي فيك

كيف الحين اشرح لهم معنى كلمة (( ميــــر ))

تصدق اني ما اعرف معناتها ولا اعرف ليه تقولنها يا اهل الرياض

اما انتم يا اهل الرياض عندكم كلمات ما اعرف من وين جبتوها

ولا يسطح ((يشق ))او (( يغث )) كبدي

الا كم كلمه تقولونها مثل

قال ميدي = قال لي

في ذا = هنا

في ذاك = هناك

وراك = وش فيك

وليش ما تقولون قال لي او هنا وهناك وليش تاخذون هاللفه كلها :):)

تحياتي معقول افندي :)

[ma3gool]

يوووه اجل استنا تجي اوركيد وتشوف العلوم السنعه..حتى انا ما افهم عليها احيانا..:):)

[شوق الامارات]

هلا الحفار

لخبطة .. اممممممم ايه نقولها

بس ما نقول بزارين نقول يهال ( يعني صغاريه )
و ما نقول ورعان >>>>>>>>> ما اعرف شو معناها بس يمكن معناها صبيان عندنا ... ما اعرف يمكن

[زهرة الليلك]

بغض النظر عن الكلمات اللي ذكرتها كلها .. لأني أعرفها من زمان
بس لاحظت كلمة جديده في قاموسي .. تعرف ايش هي ؟؟

صرت أناديك عموووووووووووووووووووووووو :) :) :)

[marwah]

زهرة حبيبتي اذا انتي بتقولين عمو!! انا شقول جدو مثلا :)
عمو امزح والله :)

[ساهر الليل]

تصدق حتى انا صار عندي لخبطه غير شكل بكلامي

جلست فتره وانا اقول

كلمة (اجول ) شفت خوينا المستحيل يقولها :) بعدين قالولي ان مافيه احد يقولها :) قمت افتشلت ولا عاد قلتها ..

وبعد فيه كلمه ثانيه اعجبتني وصرت دائما استخدمها

وهي كلمة ( غذا ) بدال كلمة ( اذا ) يعني صرت اقول لاهلي غذاصحيت من النوم حطوا العشا :) اجل يحطونه وانا نايم

واستمريت على الحال مع كلمة غذا وانا احسبها مثل اذا

هذا حتى اكتشفت بعدين

انها غلطة مطبعيه من اللي يكتبونها لي :(

الله لا يفشل مسلم ولا ساهر :)

قصرت الشر انا وصرت اتكلم انجليزي بس استقبال بدون ارسال :) مثل جوالي :)

[الحفار]

هلا زهرة سوالف

اللي انتي قلتيه مثال حي على انك استفدتي من الانتر

وهذا الشيء


هو ان صار لك عم مثلي :):)

[الحفار]

نفس الكلام اللي قلته لزهرة

وهو

ان صار عندكم عمو جديد


وهذا الشيء لازم تحمدين ربك عليه :):)

[لميس]

"ايس هازا منتدى قرقر:)كله نفر فيه كلام كتير وكل سويه فيه نفر زديد يكتب كلام انا عزو زديد وين ترحيب مال انت صديق:):)"

الترجمه (بلغة الهنود الي في البحرين):

شنو هادا منتدى قرقر قرقر:) كله نفر سوي كلام واجد.. كله في نفر جديد اكتب كلام انا في عزو جديد أنت سوي ترحيب أنا رفيق:):)




ورحمة الله على اللغة العربية

[الحفار]

ههههههههههههههااااااي

وليش ما سالتني عن هالكلمات

كان علمتك من بدري :)

بكرى تلاقينا نتكلم قدام اهلي ولا احد منهم يفهم شيء

:):)

[الحفار]

ضحكتيني

الله يسعد ايامك يا شيخه

بس ماقلتي لنا من الكلمات اللي عندكم في البحرين

مثل اللي قالت هدى
؟؟؟

ليكون اهل الرفاع يختلفون بعد عن اهل المحرق
ههههههههههههه

يمكن توقعي يطلع صح

وتطلع هدى من الرفاع وانتي من المحرق :):)

[القط الوردي]

والله موضوع حــلو ولا كنت داري عنه :)
المشكله عندنا بالسعوديه أكثر من عشر
لهجات كل منطقه لهـا لهـجـة مثل الهـنـد:)

ميــر = لكــن >>>>>> الرياض
سيـذي = كــــذه >>>>>> القصيم
وراس = وش فيك >>>>>> الرياض والقصيم
هيا عاد= مومعقول>>>>>> المدينه مكـه جده يـنبـع
الغداره = كأس الماء او اللبـن = اهل الشمال
الـزربـه = القربـه >>>>>> أهل القصيم
ســـم = نعـم >>>>>> الرياض القصيم حــائل
توحيــني = تسمــعـني >>>>>>> أهل ينبـع أملـج ( الغربيه )
الكبابي = كاسـات الشاي >>>>> أهل املج أهل ينبـع
مــطــنــط = مظــنــك >>>>>> اهل المدينه وينبع
المــنظــره = الغـرفـه >>>>>> ينبـع وهذه الكلمة تركيـه
الطيــر = الصــقــر >>>>>>> تطلق على الصقر فقط في نجــد
ألشبُـكه = الشبكه >>>>>>> أهل الرياض من الباديه يقولونها على
شــباك الصيد بضم حــرف البــاء وتظخيم الهــاء.
بلا بهلله = لاتستهبل >>>>> أهل المدينــه

أذا تذكرت أكمــل :):)

[طيبة]

أرد على أخي العزيز القط الوردي بعد إذنك

ويش فيهم أهل المدينة :) ...

ها ويش فيهم :) .. أخي العزيز :) ..

[الحفار]

اخيرا نور الموضوع ;)

اولا عندك غلط

حنا مانقول ... الغداره ,,, الصح الغضاره .. ولا تعني الكاس بل تعني اناء آخر اسمه عند البعض طاسه وعاة يطون من النحاس

,,

وبعدين نسيت اهل جده ومكه

يقولون _____ اش بك يابويه ___ يعني ايش فيك __وعند المصريين _ مالك يابيه :)


وباقي الكلام ماعندي عليه ملاحظات


تحياتي لك

.
.
.
.
.
.
.
.
طيبه

خوذي راحتك

وبعدين هو ماقال عن اهل المدينه شيء ;)

[Huda76]

هلا وغلا عبدالله

صباح الورد والياسمين :)

ايوة صح .. انا من الرفاع :)

وبالنسبة لكلامنا يختلف بعض الشيء عن كلام اهل المحرق :)

وكلام اهل الرفاع والمحرق اثنينهم عسل ( الله يذكر عسل بالخير ) ..

تحياتي

[تفاحة]

مساكم الله بالخيرات //

حقيقي الواحد استفاد من الانترنت //
بإنه جمع ناس كان من المستحيل انهم يتقابلون
واعطى فرصه لكل واحد انه يقول رأيه بدون تعصب

وانا متفائلة خير ان الانترنت بتكون البوابة الرئيسية
لتوحيد اللهجة العربية يعني بإذن الله
بعد كم سنه راح نلقى لهجة سائدة للتحدث بها
ولا راح تكون من دوله معينه // لا // راح تكون خليط جميل من كل اللهجات //

تحياتي للجميع //

[الحفار]

هلا هدى

كيفك وكيف ايامك

والله اني شاطر توقعي طلع صح

وان شاء الله تطلع لميس من المحرق

حتى اصير ساحر :):)

[الحفار]

ههههههه
تتوقعين يعني نسويها ونطلع لنا بلهجه وحده

يمكن تصير بس صعبه شوي

الا اذا صارت الانتر نت في كل بيت

وهذا هو المستحيل بعينه

لكن راح نتعلم كلمات خليجيه مختلفه,,

وانا قلت ياليت على الاقل نوحد الخليج ولو باللهجه :(


تحياتي لك

[unique]

هلا الحفار
عجبني الموضوع
تصدق انا طحت بكلمة شنو بال ايش
بس عموما حلو مو مشكله
كلنا عيال حوا وادم

الساهر
غريبه قطعوا الاستقبال على كل الجوالات الي ما سددوا :(
عندك واسطه خلي جوالي يستقبل على الاقل :(

[أكاي]

بصورة سريعة راح أجاوب أنا صبي وسيم و الحمد لله ولا أستطيع أن أقول أكثر من هذا

[الحفار]

علي النعمه مافهمت شيء من كلامك

الا كلنا عيال حواء وآدم

:):).
.
.
.
.
.
.
.
.
.
الاخ اكاي

يا هلابك وحياك الله اخوي

[unique]

اوكيييييييييييييه
مهو انا حكيت فرنسي :)
وش اسوي ثقافتي فرنسيه :)

[لميس]

عبدالله........



توقعك.......................................خطأ:(



ماني من المحرق........





أنا من المنامة:)..
بس ساكنه في مدينة عيسى:):).......


شوف البحرين شصغرها.....
تلاقي فيها للمحرق لهجة.. المنامة لهجة مختلفة.. الرفاع لهجة ثالثة.. كل مجموعة قرى لهم لهجة غير..
وهذا غير الأنجليزي.. والإيراني بلهجاته.. والهندي والفلبيني..و..و..و..و.. وعد لين تمل:):)...

يعني عندنا خليط لهجات عجيـــــــــــــــب:):):):):)..

بس الأحلى....... الجدات.. عندهم مصطلحات عجيبه غريبة..... يبيلهم مترجم عشان الواحد يفهمهم لهم:)..

[الحفار]

يا دخيل الله انا

قال فرنسي قال

روحي زين :)

والله ياخوفي تطلعين مثل معقول قص ولزق:)

بس ماقلتي لي الثانويه اخذتيها منازل او محو اميه :):):)
.
.
.
.
.
.
.
.
هلا لميس

كيف حالك وين هالغيبه ؟؟

عاد يقولون والعهده على الراوي ان سكان مدينة عيسى

دللووووووعين :):)

ههههههه

اذا كان انتم يا اهل البحرين وعلى قولتك انها صغيره ( بزورها ان شاء الله )
تتكلمون اكثر من لهجه وبعضكم ما يفهم على بعض اجل وش نقول حنا يا اهل الهند ,
تصدقين عاد

في باكستان بعض مناطق مايفهمون بالمره على مناطق ثانيه ,

ولازم مترجم :):)

على فكره

يا ريت تسوين لقاء صحفي مع جدتك :) وممكن تستعينين بهدى 47856 تساعدك بالترجمه
وبعدين تراها شاطره بالكتابه بالكي بورد :) على قولتهم فرييييييييييره :)

واذا فيه مشكله عندك بالانتر نت , شوفيها جنبك بالرفاع شمال محطة المترو :)

روحي لها , وقولي لها الحفار يقول ان فيه علاج جديد في الصيدليات للخلايا
يبي منه كميه :)
,,

تحياي اختي لميس :)

[Huda76]

مراااااااااااحب عبدالله

* حياك الله ونتشرف بزيارتك للبحرين .. هذي الساعة المباركة :)

* أقول عبدالله .. مو كأنك عطيت لميس سيرتي الذاتية .. باقي بس عنوان بيتنا :)

* لميس اذا تبي شيء بس تامر والله :)

* أقول عبدالله .. لما تجي البحرين ان شاء الله نعطيك العلاج المناسب حسب الحالة ومرحلتها :)

تحيااااااتي

[لميس]

هلا عبدالله...
الحال تمام والحمد لله..
والغيبة ويا الدراسة..
ومشكور للسؤال:)............

من قال أن أهل المدينة دلووعين؟؟؟؟؟؟؟
أنت دلني عليه وانا أراويك فيه:)...
أحنا مب دلوعين:(..... حتى أسئل هدى56498498:):):):):)

والله ياريت أسويلك لقاء مع وحده من جداتي.. بس الله يرحمهم ثنتينهم..

لا تخاف عليي.. أدل الرفاع.. تصير في الشارع الي ورانا:)

حياك الله في البحرين..
وإذا ماتشيلك الأرض تشيلك عيوننا



الغالية هدى...
تسلمين حبيبتي.. ماتقصرين:)

أقول.. لا تستغربين إذا شفتي موضوع حاط لك عبدالله فيه قصة حياتك..
تراه صار يشتغل في الـFBI وطالبينه الـCIA بس هو ماكان موافق عالراتب:)

[الحفار]

ليش بس كذا يا لميس

الصراحه زعلتيني منك :(:(

ليش تخبرين هدى بسالفت المخابرات

وبعدين وش عرفك اني ابي اكتب سيرتها الذاتيه بسوالف :):)

على طاري جداتك الله يرحمهم

بس ممكن تسوين لنا لقاء مع جدتك صديقتك مريم :):):)

وعلى طاري عيونك

تسلمين والله

وتسلم عيون ولد اخت جارت عمة بنت اخوي البنت اللي تصدامتي انتي وياها اليوم على باب الكلاس :):)

[صرخة]

السلام على الجميع :)
تبون شوي من حجي المحرق؟؟؟؟؟
:) :)

ورا ( ليش ) يبه ما قلتوا لي وانه اعلمكم شوي من حجيهم :)
ها لميس علميهم شوي من حجي اهل المحرق لالالالالا؟؟؟؟ :)

[لميس]

يااااااااااااااااه.. أموووون....
هب هلون الحجيييييي... مال محرق قيييييييير.. (نمد الكلمات مثل أهل المحرق:))
عطينا من العدل..
علميهم من كلمات أمي مريم:)...

[لميس]

هدى..
خلاص عدالله لاهو ويا الـFBI ولا يبونه الـCIA...


ها حفار...... OK??????????????????????:)

[صرخة]

هلا والله بالغاليه لموسه :)

وعليه عليييييي انا اعرف هلون؟؟
لا يوخيتج ( اختج ) انه لا عرف هلون ولا هم
يحزنون ( بما معناه ولا شيء ) :)

جان بخت ( جان زين أو يا ريت )
اعرف جان ما قصرت عليكم :)

انتي تعرفيني زين
خابزتني و عاينتني زين
بعد ما يحتاي اقول

;)

[الحفار]

كان معاي زملاء بحرينيين ايام الدراسه بالكليه

,,
والحين تذكرت كلامهم لما قلتوا انهم يمغطون او يمطون الكلام

بس في نفسي سؤال من سنين

ودي اني اساله ؟؟؟ بس لا تزعلون :):)

السؤال هو ؟؟؟

ليش البحرينيين يحبون التونه :) والنخي

والله انا اذكر زملائي لما يجون من البحرين طبعا كنا ندرس خارج الوطن العربي

لازم معاهم كراتي تونه :)

وكان ودي اسالهم :) بس كنت متردد

وفرصه الحين ما احد عندي :) الاخواتي فقلت اسئلهن ؟؟

[صرخة]

هلا الحفار
سوري الرد وايد متأخر بس لا انه
ولا لميس قدرنا ندخل النت :)

تقول لك لميس :
السلام عليكم :)
النخي حلو بس التونه مت احبه :)

وانه اقولك ( واعوذ بالله من كلمة انه ):
النخي صج فللللللللللله :)
والتونه اوكي :)

[صرخة]

هلا الحفار
سوري الرد وايد متأخر بس لا انه
ولا لميس قدرنا ندخل النت :)

تقول لك لميس :
السلام عليكم :)
النخي حلو بس التونه مت احبه :)

وانه اقولك ( واعوذ بالله من كلمة انه ):
النخي صج فللللللللللله :)
والتونه اوكي :)

يمكن اهل البحرين على قولتك ايحبون
الزفر :) وكل شيء من البحر

[الحفار]

بس بغيت اسال سؤال

وش معنى نخي ؟؟؟؟؟؟

اقول لك معناها عندنا

الله يسلمك معناها عندنا

نخي تقال للناقه عندما يراد حلبها وتعني ارفضي واهدأي

:)

فما معناها عندكم؟؟

على فكره انا احب التونه بنص الليل لما اصحى جوعان ولا الاقي اكل اروح افتح علبة تونه :) بس ما آآكلها اشم ريحتها وابطل عن الاكل لان نفسي تنسد :)
لالا امزح معك انا افتحها ةبعدين آكلها لانها زينه للخلايا:)

تحياتي لك اختي

[لميس]

نخي الله يسلمك ويطول عمرك معناها عندنا:
الحمص
هي الكلمه (نخج) بس لان نقلب الياء الى ج فتصير الكلمة نخي

بس والله النخي لذيذ.. تروح الخباز و تقوله روبيتين نخي روبيتين باجلة وربيه خبز:) وتنادي ساهر وعسل والبس وتسوون لكم دلة شاي وتتريقون:)

وبألف :) عافية

[Huda76]

هلا وغلا عبدالله

اقوووووول .. اجل تاكل تونة هاااااا ..

وانا اقول ايش اللي جاب التونة على بالك ... اثاريك اكتشفت انها جزء لا يتجزأ من العلاج .. ههههههههه .. اجل راح نحصل التونة في الصيدليات من اليوم ورايح بعد التصريح الخطير اللي قلته بخصوص دورها في العلاج ..

-------------------------------

هلا لمووووسة :)

روبيتين نخي وروبيتين باجلة وخبز على جبن وبالمرة مهياوة .. هههههههههههه ..

تحياتي

[لميس]

أيي والله أحلى شي خبز الجبن:)


يالله.. بطرش أييبون لي واحد وآكله وأنا رايحة الجامعة..



تأخرت على المحاضرة:)




فأمان الله

[Huda76]

في امان الله ..

لا تسوقين بسرعة :) :) :)

وبالتوفيق ان شاء الله ..

تحياتي

[الحفار]

..
انتي جيتي تكحلينها واعميتيها

والسبب

انك قلتي روبيه وباجلا

واللي اعرفه ان عملتكم اسمها دينار بحريني والروبيه ماهي من اجزاء الدينار

وترى بعلم عليك هدى 123456 ,تشوف حل معك

..
وبعدين شو باجلا اسمها بازلا

وبطلي سوالف الاوردو هههههههههههههههه

ترى امزح معك لاتزعلين:)

[الحفار]

هلا هدى
لو يعرفون فولئد التونه للخلايا

كان لقيتي الشعب كله ياكل تونه:)

هدى

وشي المهياوه

انا ما اعرف من وين تجيبون هالكلام

[Huda76]

هلا عبدالله

ما تعرف شنو مهياوة :) :)

هذي الله يسلمك مثل الكوكتيل بس من نوع آخر :)

لا .. امزح ترى :)

المهياوة معروفة في البحرين والامارات واعتقد الكويت بعد ..

هي يسوونها من السمك ..

وصح .. عملتنا في البحرين هي الدينار البحريني .. والروبية = 100 فلس .. بس الكلمة جايبينها من الهند :)

تحياتي

[سعودي40]

قباتقولو كلام خرابيط
ما تشتو منذ البربره
نشتي مواضيع
أيري بم كعله

[لميس]

يا أخي هذا من زودالثقافة الي عندنا.. نتكلم لغات احنا:)

هذي الروبيه علمتك هدى معناها.. باقي الباجلا..
ياخوي الباجلا غير عن البازلا.. الباجلا هي الفووووووووووووووووووول.. بس مو الفول المدمس.. الباجلا فول مفيوح.. يعني مثل النخي:)


عبدالله..
من قايلك أن التونه مفيدة للخلايا؟؟؟ من الي ماعنده خلايا الي قايل هالحكي؟؟؟؟؟؟؟؟؟؟؟؟؟؟؟؟؟؟:)

[تفاحة]

تحياتي للحفــ عبدالله ـــــــار
تحياتي لعســـ ؟؟؟؟؟ ـــــــل
تحياتي لســــ سلطان ـــــاهر

اسعد الله اوقاتكم //

[تفاحة]

صباح الخير عليكم //

تحياتي //

[ريانة]

صباح النور :)

[تفاحة]

يسعد صباحك ومساك يا غالية //

تحياتي //

[هند93]

تعالوا هنا

جميل أن نتعرف على لهجات الآخرين ، ولكن إفراطكم بالعامية يضيعنا

أقرأ بعض الكلمات ولا أفهم يعني أحط مترجم مثلا :(

هاه شو تبوني أقولكم بالإماراتي ، ولا ما تبون أريح

شو تتطالعون مابكتب خلاص ، هاهاهاها

سلام

[تفاحة]

هاهاهاههههههههههه :) الله عليكِ :)

اتكلمي مصري :):)

تحياتي //