شو تسوي اذا انقهرت

[الزهراني العجماني]

بسم الله
بس ابغي اعرفكم شو تسوون لما حد يقهركم
انا اذا كنت اسوق السيارة و في واحد قهرني طريقة سواقتي
تتغير اسوق كأني قاعد في رالي
واذا في مكان ثاني ابدأ اشوت اي شي جدامي (امامي)

واذا كنت ناوي اسوي شي لكن الوقت ما سعفني بسبب شي
ما توقعته شو اسوي ارقد وبعد ما اصحى اندم ليش نمت

مثل ما حصل لي البارحه كنت ناوي على شغله ما صارت لاني
تاخرت في الدوام رجعت البيت الساعه 5:30 العصر ونمت من القهر
لين الساعه 10:30 باليل ثم تعشيت ونمت من الساعه 11:30
لين الصبح ( طبعا ندمت اليوم ليش نمت كذا)
وهذا الشي بالنسبة لي اول مره يحصل

مع ان الصح ان الواحد يستعيذ بالله من الشيطان ويذكر الله
المهم حصل الي حصل
شو عنكم انتو كيف تطلعون قهركم ؟

[شجون المحبه]

هــــلا اخوي ....:)

صدقني مافي دوا احسن من الرقااااااااد يوم تنقهر ...

ما احلاها اسميه يحلى ويزين ....بس بعد ما تقوم ...
تحس جسمك مخدر من كثر النووووم...


واذا ما رقدت قعدت تحوس ودور ...وفي قلبك نااار ..مش قادر
اطفيها الا اذا احتشرت على غيرك ..وهذا شيء مب حلو طبعا ..

عشان جيه انا افضل النوم ...:)

[الزهراني العجماني]

هلا شجون ومرحب فيك
يعني هذا رايك الرقااااد على قولتك هو الحل :)

بس الجزء الثاني ان جسمك يكون مخدر من كثر النوم
غير ان راسي يعورني بعد كل هالنوم هذا اللي يخليني اندم

ويخليني انقهر مره ثانية !!!
ما اكون خلصت القهر الاولي الا يطلع لي قهر ثاني


اظهار حياتي بتصير كلها نوم في نوم اذا تميت انقهر دوم
:)

[ma3gool]

والله انا اذا انقهرت احب اروح لسريري واتنيوم(ما اقدر انوم لاني افكر بس اقعد اهوجس)..:):( الشكوى لله ودائما اذا انقهرت اسكت ما عاد اقدر اتكلم..:(

[تفاحة]

انا اضرب اللي قدامي :)

وإذاماكان قدامي ادمي اضربه //

اشيل اي شئ واحطمه
واذا مافي مره مره مره مره اي شئ قدمي

افتح التسجيل على اقوى شئ واصمخ اذوني يمكن القهر يطلع منه :)//

على فكره هذه الفعال يسويها ولد اخوي المراهق مو انا

:):) تحياتي //

[جسر التواصل]

لو انقهرت ايلس اصييييييييييييييح ( اسألو سنفور غبي عني هي عارفة الوضع ) واحيانا امسك اي شي جدامي اطلع حرتي فيه

[ريانة]

فكرة الموضوع جدا حلوة.....ف ناس كثير تحتار في ردة فعلها

من ناحيتي ادور اي شغلة اضيع وقتي فيها على شرط انها تكون شغلة

متعبة ومرهقة.....في الجنون فنون

وفي ناس لهم تصرفات غريبة مثل تقطيع الورق لقصاصات صغيرة وبعدين

تمسك كل قصاصة وتقطعها لقصاصة اصغر واصغر....مشقية نفسها:)

[الزهراني العجماني]

بسم الله
معقول انت اللي تسويه شي وايد زين وهو قد يكون غالبا افضل
حل الا وهو السكوت (ليس الشديد بالصرعه انما الشديد من يملك
نفسه عند الغضب ) وهاذا الشي احاول اطبقه في حياتي (مازلت تحت
التجربة :) )

تفاحه زين قلتي ان اللي يسوي هذا السلوك هو اخوك المراهق
ولا اذا كنتي انتي انا كنت بتخبل اقول في خاطري هاي مجرمة :)
وهذا سلوك اخوك هو سلوكي انا ايضا ايام المراهقة اما الايام
فانا متحسن شوي ومسألة المسجل فانا ارتاح ان ارفع الصوت
اذا كنت مقهور لكن المشكله ان المسجل مب دائما عندي

جسر التواصل
الصياح ما يفيد
اما انك تطلعين حرتك في اللي وياك فالله يعينه هذا
اللي بيكون معك وقت القهر :(
ريانه
ياهلا بك اما تصرفك فصراحه غريب وانا متعجب منه
والله عن قصات الورق ذكرتيني بمديرنا السابق
كان عندنا مدير فاضي يقعد على مكتبه يقصص اوراق
واذا فضى زياده يبدا يحرق القلم اللي في يده
كل شوي يجيني سكرتير المدير ويقول لي ياابراهيم بغينا
اقلام حق المدير اقوله البارحه عطيتك القلم وين وديته
يقول المدير حرق القلم !!!!
:) :)
مشكورين على المشاركه
وسلامتكم

[هند93]

أخي الكريم الزهراني

بالنسبة لي فأنا أذكر الله تعالى ، وبالذات أستغفر الله لأني أعلم أن ما يحصل لي من ذنب اقترفته

تحياتي لك أخي الكريم

[الزهراني العجماني]

ياهلا هند
ماشاء الله عليك والنعم فيك
وصدقك ان اللي يصيبنا ما هو الا مما كسبت ايدينا
ويعفو الله عن كثير
فلو ان الله يحاسبنا ويجازينا في الدنيا على كل ذنب او خطيئة
نقترفها فما عشنا بسعادة ولكن بفضل الله وكرمنا علينا انه
لا يجازينا على كل شي بالدنيا

فربنا لك الحمد

[حروف سوالف]

بصراحه ما ادري لاني فعلان ما ادري ....
وبعدين عى حسب الزعل وكيف وليش وعشان ايش ومن ايش ومتى ومن من وانا جوعان ولا ما شبعت نوم وغيرها ....
اخوك حروف الحب