سوالف للجميع - عضو مبتدا اونه !!!

بردان

30-11-2000, 01:31 AM

سلام عليكم
لحووووول عاد ما يسوا علينا مبتدا ليش عان انا شو امسوي و متي بستوي نشط ولا ممتاز مثل موزه و غيرها هااااا ؟؟
انزين انا احب اقري و ما احب اكتب شو ذنبي يعني لازم اكل يورانيوم مخصب عشان استوي نشط لوووووووووول
ووووويييييه نسيت اسلم عليكم و اعرفكم بنفسي
انا بردان من هل الشارقه انشالله اكون صديق الجميع هنيه و استفيد منكم وافيدكم عاد يللله بسرعه انا ما حب اتريا وايد هاااااا رمست متي بستوي ممتاز لول

mouza

30-11-2000, 01:39 AM

شو من الحين تغار مني ويا راسك :)
اصبر على رزقك عشان تستوي نشيط ترا نحن تعبنا لين وصلنا للنشاط :)
وحياك الله اخ بردان تلحف انشاء تستانس ويانا و حياك الله بينا
واحب اكون اول من ترحب بك :)

bent_zayed

30-11-2000, 01:40 AM

أنا بعد مثلك مبتدا ... لكن مب خبر هاهاها
أهلا بك في سوالف

بردان

30-11-2000, 01:46 AM

بسم الله الرحمن

انتي هنيه لحول و من وين طلعتيلي يا الساحره لوووووووول
ايه عاد ها ما ادانيج يوم تقولين لي بردان تلحف و يوم تكسرين مياديفي يا حسينه شباتي بستوي نشط و غصبن عليج بعد ...

ويت لاه سعيد تو سي يو اون لاين هير سيس ....

بردان

30-11-2000, 01:48 AM

هلا بنت زايد
سعيد بمعرفتج وانشالله تلقون مني الي يسر خواطركم

عاد انا يديد بس مشكلتي ملقوف شوي لول

mr.m

30-11-2000, 01:57 AM

السلام عليكم ورحمة الله وبركاته
يا برداننننن ...برررررر ( it is cold here)

mouza

30-11-2000, 01:58 AM

عاد انا كيفي لساني جي متعود يناديك اشعليك انت
ولو نافستني في مواضيعي بقطع خبرك من البلاد :)
لوووووووووووووووووووووووووول

نجمة المساء

30-11-2000, 02:02 AM

اول شي انت عضو مبتدأ او خبر " أخاف جمله فعليه "

حياك الله ناطرين مشاركاتك :)

مدردش متقاعد

30-11-2000, 05:18 AM

و حياك الله في سوالف بيتك الثاني

بس أقول.. ماشي دفايات عندكم في الشارجه؟
هههه

تحياتي

بردان

30-11-2000, 03:07 PM

هي و الله هلت باير الخير ز انتي موتي غصه يا موزه كيفي عاد انا انافسج و كسر راسج بعد خصوصا يوم بيعرفون مواهبي المتعدده ( بيع الخبز الرقاق ) لوول
اشكر الجميع علي حسن ترحيبهم في و هم mr.m و نجمة المساء و اخوي مدردش متقاعد و الله يستر شكلي نسيت وحده لحظه بقري اسمها مره ثانيه لول لا اشوي ما نسيت حد هيهيهيهيهي

نجمة المساء

30-11-2000, 03:12 PM

:)

بردان اشفيك على مووزه بالله ؟؟؟؟

بردان

30-11-2000, 03:23 PM

هلا اخت نجمة المساء :
ماشي سلمج الله ما في خاطري شي علي الاخت موزه بالمره و لا تفهمين غلط ... الاخت موزه لها فظل كبير علي و انا احترمها وايد و لاتعتقدين اني احاول انزل من مكانتها لا و الله قدرها علي العين و الراس بس يمكن اسلوبي كان فض ولا عدم لاباقتي كانت السبب مادري بس علي العموم ما كنت ادري انج المحاميه الخاصه مالها ...

aziz2000

30-11-2000, 03:32 PM

مبتدأ مرفوع وعلامة رفعه الضمة الظاهرة على آخره ..:):)
حياك الله ..:)
ونبي مشاركاااتك بسرعة .. :)

نجمة المساء

30-11-2000, 03:37 PM

http://www.send4fun.com/IMAGES/people/mel_blinking_lg_clr.gif

أنا اننظر فقط وابتسمم ثم اكتب

بردان

30-11-2000, 04:55 PM

ايوااااه انا اقول جيه بعد
احسن شي الابتسامه

mouza

30-11-2000, 11:58 PM

شكرا يا اخت نجمه على المداخله اللطيفه
بس مثل ما قال الاخ بردان تلحف هناك ولله الحمد احترام متبادل والله وهو اخ عيز وغالي ولا تلخو الاخوة من بعض الفكاهه وانا احب سوالف بردان تلحف جدا ولا اشيل على خاطري منه ولا من اي واحد من الاخوان في سوالف :)

الفجر الجديد

01-12-2000, 12:07 AM

وعليكم السلام ورحمة الله وبركاته
حياك الله أخونا البردان في سوالف
بس ترى مادام جيت سوالف اكيد بتدفاوبيروح البرد

بعدين ياجماعة أنتوا كلكم اماراتية؟؟
والله والنعم فيكم بس فيه كلمة ما فهمتها قالها اخونا بردان ممكن يااماراتيه يالنشامى تفسرونها لي وهي كلمة ( ا رمست )

mouza

01-12-2000, 12:18 AM

والله الاماراتيين بعد يحبونكم
وكلنا عرب ومسلمي اختي الغاليه كلمه رمسه يعني كلام
رمست تكلمت
وارمس يعني اتكلم
ورمست يعني تكلمت

اي اوامر ثانيه نحن في الخدمه عزيزتي بنعلمج رمستنا (كلامنا)

الفجر الجديد

01-12-2000, 12:25 AM

شكرا ياالغالية
حبيبتي موزة ما قصرتي عسى عمرك طويل
وأنا لازم اتعلم رمسكم عشان اقدر ارمس معاكم في سوالف

عسى ما قلت شئ غلط ؟؟

والله ما أدري !! الله يستر
على العموم إذا غلط سامحوني

نجمة المساء

01-12-2000, 01:55 AM

:)

الفجر الجديد لهجاات الخليج من احسن اللهجات

بس حاولي تتعليمن كويتي عشان اتكلميني

mouza

01-12-2000, 02:00 AM

بس اتلعم رمسكم >>>>>>>>>> هي رمستكم

والله شاطرة اختي تعلمتي بسرعه :)

mouza

01-12-2000, 02:01 AM

قصدي اتعلم
لوووووووووووووووووووول مش اتلعم

bent_zayed

01-12-2000, 02:05 AM

باركلي يا بردان صرت عضو نشيط عقبالك

بردان

01-12-2000, 02:43 AM

هلا فيكم كلكم و الله و بدون ذكر اسماء و مبروك يا بنت زايد انا بعد مثلج كلت يورانيوم مخصب وايد و ستويت نشيط في يوم واحد علشان اذبح بعظ الناس قهر لووووووووووول لا يا جماعه انا مب قصدي الاستاذه موزه هيهيهيهيهيهيه

بردان

01-12-2000, 02:54 AM

هلا بلاخت الفجر الجديد

افول يا اخت نجمة المساء شفتي انج تسرعتي و ظلمتيني مساعه الصبح
علي العموم ذاك كان من منطلق حرصج و محبتج للاصدقاء النابعه من صميم قلبج و تشكرين علي الشي هذا و دمتي

ShaMsHoOoNaH

01-12-2000, 03:01 AM

اقوووووووووووووول اتشوف مبتدا وخبر وبردان وما ادري شو .... شو السالفة .. انا سطلت يا جماعة ؟!! لوووووووووووووووووووووول

الفجر الجديد

01-12-2000, 03:26 AM

أختي الغاليةنجمة المساء
مساء الخير

مافيه شك لهجاتنا الخليجية مافيه أجمل ولا أحلى منها
وترى لهجاتنا قريبة من بعض لكن فيه بعض المفردات تكون خاصة ببلد دون الاخرى
بس في النهاية كلنا أهل وربع وأحباب .
وبالنسبة للهجة الكويتية واضحة وجميلة والأجمل منها أهلها

الفجر الجديد

01-12-2000, 03:28 AM

أختي الغالية موزه

الحمد لله إني ما غلطت وأحسن شئ في المنتديات إنها تعرفنا بالناس الطيبين أمثالكم وتخلينا نتعلم لهجات بعض .

بردان

01-12-2000, 03:32 AM

شو هذا انتن يالسات تتضاربن هنيه عدال راسي وانا الي شاد الظهر فيكن و اقول اونه بتسون لي دعايا لووووووووول

mouza

01-12-2000, 03:50 AM

ها صانصلك انت ولا سجنل تو
هني عندنا في سوالف رز ويهك وارمس
وبعدين يا بردانو اونك تقهرني عاد انا موضيعي اكثر يلا احلقني :)

وصح كلامج يا اخت فجر