ظلم المنتخب ..!!

[فهرنهايت]

السلام عليكم ورحمة الله وبركاته ...

هنري ميشيل المدرب الفرنسي لمنتخبنا الوطني الاماراتي
اختار 18لاعب للمشاركه في مباراة كازاخستان وشاهدنا عدم اختياره للعديد من النجوم ... امثال
لاعب الشباب وليد عبيد واللاعب الاهلاوي يوسف عتيق والوحداوي عبدالله سالم والعيناوي سلطان راشد ولاعب الاتحاد حسن سعيد ..
ويا كابتن ميشيل التصفيات على الابواب وكفايه تجارب الله يخليك والاستقرار في التشكيله شي مهم .. المهم ما اقول غير البركه فالموجودين وشد الحيل يا ولد بلادي ويا صبر ايوووب .

[moon cat]

ولله ولك أمل فى ألمنتخب هذه يلله الله يرحم أيامك يليبيض؟؟؟؟؟؟؟؟

[فهرنهايت]

moon cat .....
اكيد عندي امل وبظل اشجع المنتخب وبكون وياه عند الانتصارات
وعند الاخفاقات ومهما صار هذي فتره وبتعدي انشاء الله وبذكرك
ولازم يا اخوي نرفع شعار ... كلنا وراء المنتخب وقوف .. ومن دامك عايش في دار زايد لا تخاف على عيال زايد .
وسلامتك .

[فهرنهايت]

السلام عليكم ورحمة الله وبركاته ...

فاز منتخبنا الاماراتي على المنتخب الكازاخستاني بخمسة اهداف مقابل هدفين في المباراة الدوليه الوديه .. استعدادا لتصفيات كأس العالم ...

[وصلاوي]

المنتخب لعب بتكتيك جميل واللعيبة كانوا متفاهمين الحمدالله, جميل تفاهم مهاجمين الوحدة فهد مسعود وياسر سالم وعادل مطر ...

بس ما نقدر نقيم المنتخب من تجربة كازخستان.

عندي سؤال قديم ؟؟؟

ليش مع إعلان خطة إتحاد الكرة قبل خمس سنوات, المنتخب صار كلهم شباب, هل من اهداف الخطة طرد الكبار من المنتخب وإحلالهم الصغار :)
ما تلاحظون إختفاء الكبار بالتدريج, وينه محمد علي, وينه بخيت وخميس سعد وكثيرين

لأنه من الملاحظ إنه كثير من اللاعبين الحاليين ما تدرجوا في البطولات السنية لفترة كافية وتم طلبهم للمنتخب الأول بشكل مباشر, يعني قفزوا قفزات كبيرة وهذا أعتقد ظلم, لازم نخمر اللاعبين شوية في المنتخب الأولمبي والشباب وبعدين نطلبهم في الأول.

:)

فديت المنتخب إللي لعب في بطولة مجلس التعاون أيام بوظبي :)

[فهرنهايت]

مرحبا اخوي وصلاوي ...
صدقني انا ما اقدر اقيم المباراه لان الخصم كان ضعيف مع احترامي له ولكن طبعا الفوز يحسب لكل اللعيبه وماقصروا
اخوي انا عندي سؤال ؟
تقدر اتقولي منوه من اللعيبه الكبار اللي مستواه يأهله للمنتخب الحين ؟
من وجهة نظري ولا واحد ,وين محمد علي الحين يلعب عشر دقايق واذا كثر شوط ,وين مستوى بخيت ,وخميس ما لعب غير مباراتين او ثلاث طول الموسم , تقدر اتقولي امنوه باقي من لكبار مع احترامي لهم ..تعرف شو المشكله ان الاتحاد غلط غلطه كبيره يوم طلع اللعيبه اصحاب الخبره في نفس الوقت ,وحاولوا يبنون المنتخب من اول ويديد علشان جذيه اللعيبه الحاليين خبرتهم قليله مقارنه مع المنتخبات الاخرى .
صدقني اللعيبه الحاليين عندهم الموهبه وعندهم الاصرار وعندهم الكثير علشان يقدمونه لوطنهم ولكن الصبر مطلوب ..
نعم انا معاك منتخبنا كان في افضل فتراته في خليجي بوظبي
ومشكور على التواصل يا وصلاوي ..

[وصلاوي]

بجاوب على سؤالك ؟؟؟

محد من اللعيبه الكبار مؤهل حاليا لدخول قائمة المنتخب, والسبب مثل ما جاوبت إنت بنفسك إنه إتحاد الكرة غلط غلطة كبيرة يوم ظهر اللعيبة الكبار وحط الصغار.

ليش الإتحاد يسمح للمدربين بسحب لاعبين من المنتخب الأولمبي والشباب, لو تمشي الأمور طبيعية, بنشوف منتخب أكثر خبرة, معظم اللاعبين الحاليين كانوا لازم يتموا في المنتخبين الأولمبي والشباب مب على طول يسحبونهم للأول.

المشكلة إنه الصحافة والإعلام مب قادرين يقيمون ولا قادرين يحطون على إتحاد الكرة, إتحاد الكرة لازم يكتبون سلبياته, لاكن ما يقدرون لأنه عليه شيخ :)

أتذكر كلام قاله أحد مسؤولي اتحاد الكرة يوم يطعن في وطنية لاعبين المنتخب.

أنا أقووووول, لو الإتحاد عنده وطنية صدق, خلي يستقيلون وينحل الإتحاد الحالي إذا فشلوا في تقديم مستوى يليق بسمعة كرة الإمارات في البطولة القادمة :)

ما أظن إنه طلبنا صعب لو الإتحاد عنده وطنية ونخوة

[فهرنهايت]

كلامك جدا واقعي
المشكله الصحافه كلها وافدين ويخافون من كلمة الحق ولو عاطين فرصه للمواطنين كان حالنا افضل بكثير ...
صدقني اعضاء المجلس الحالي افضل من اعضاء المجلس السابق
المفروض يا جماعة الخير شيخ يتواصل مع كل تجمع للمنتخب ويكون وياهم سواء في الامارات او اي مكان خارج الدوله علشان تكون المسؤليه متضاعفه على اللعيبه ..
الامور انشاء الله طيبه
تحياتي ..

[فهرنهايت]

السلام عليكم ورحمة الله وبركاته ...
اختار مدرب منتخبنا الوطني الاماراتي هنري ميشيل 21 لاعبا سيسافر بهم الي القاهره يوم 4 يناير المقبل لمقابلة المنتخب المصري وذلك للاستعدادات للتصفيات المؤهله لكأس العالم ....
والقائمه تضم .. في الحراسه جمعه راشد ومحمد عبدالله وحسن شاه في الدفاع جليل عبدالرحمن ومحمد ربيع وابراهيم هبيطه وراشد عبدالكريم ومحمدقاسم وفي الوسط الصفار وعبدالسلام وعبدالرحيم ومحمدابراهيم وحسن سعيد وخالد درويش ومنذر علي وفي الهجوم سعيد الكأس وكاظم وياسر سالم وعادل مطر ومحمد عمر
وبذلك يغيب لاعبوا العين عن المباراه لمشاركتهم مع فريقهم في بطولة مجلس التعاون ...
كل التوفيق لنجوم منتخبنا الوطني ونتمنى لهم التوفيق ...