View Full Version : ممكن حد ينورني الله ينور دنياكم
قطري حبوب
05-01-2001, 03:26 PM
السلام عليكم..
أخوكم أول يوم له و ما أدري أي شي..
ممكن حد يفضالي لو وقت قصير...ترى ممكن أـعلم بسرعة..
و كل شي بحسابه...هاهاهاي ترى أضحك معاكم ..
بكرة اتقولون نبي و نبي...ما في شي..مساعدة لله...
و يا رب اتكون بداية خير معاكم في السوالف..
مع محبتي....حبوب..!
الفجر الجديد
05-01-2001, 03:41 PM
أخي الكريم قطري حبوب ..... اسعد الله قلبك في الدنيا والآخرة
حياك الله في سوالف .. أنت هنا بين أخوتا لك وأخوات
فأهلا وسهلا بك وكلنا في خدمتك على قدر استطاعتنا
وليس واحد فقط ماذا تريد أن تعرف ؟؟ تفضل ..
أختك الفجر
mouza
05-01-2001, 03:42 PM
هلابك بين اهلك :)
وماشيء تعلم كل شيء سهل بس جرب وبتعرف
وحياك الله :)
قطري حبوب
05-01-2001, 04:27 PM
ما يامر عليج عدو يا الفجر..أول شي ودي أكتب لي توقيع...
و بعد اني أستخدم الرموز الموجودة (تعبير للموضوع)في كل سطر أو بعد كل كلمه..
و اذا ما عليج أمر في أشيا من خارج الجلسه..
أما موزه أدري انا الي يحاول يوصل..بس عيبي كسووول..
بعد تسلميني على اهتمامج..
مع محبتي..حبوب ..!
mouza
05-01-2001, 04:31 PM
التوقيع تقدر انك تحطه لك عن طريق دخولك ملفك الخاص فوق الجدول :) هناك تقدر تحط التوقيع اللي تبا
التعبير تراك يوم تكتب موضوع جديد تشوف عدة تعابير اختار اللي تبا ه
بس سهل صح :)
قطري حبوب
05-01-2001, 04:35 PM
أي ملف خاص؟
و وين يكون؟
شوي شوي علي تكفين...
الاماراتي
05-01-2001, 04:37 PM
يا هلا والله حبوبنا قطري
شرفتنا يا خي
قطري حبوب
05-01-2001, 04:43 PM
الله يحييك يا هلا والله..
احنا الي نزيد شرف يا الغالي..
أبو علي909
05-01-2001, 04:58 PM
1^
ياقطري مساء الخير وأهلا بك في سوالف الرائعه
تكون كسول ما فيه مشكله بس ما تكون قضية كسل عويصه
أنا ودي أنك تتعلم كيف تصيد السمك ولا تطلب من واحد سمكه واحده وبعدين تقعد بها
إفتح أي موضوع وتجد في أعلى الصفحه
[ الملف الخاص | التسجيل | سؤال و جواب | بحث | خروج ]
أفتح كل واحد منها وأقرأه كاملا وبس (خصوصا سؤال وجواب)
شكرا للجميع
mouza
05-01-2001, 05:01 PM
اخي قطري حبوب اتبع خطوات اخ علي
والله ينور عليك :)
قطري حبوب
05-01-2001, 05:06 PM
الله يسلمك يا بو علي...
أبشرك انت و موزة و الفجر والكل والله ترى السالفة شوية مثابرة...
شوف أنا وقعت و الملف صار جاهز...
يا الله باركولي...
و شكرا يا اخوان..
مع محبني...حبوب..!
mouza
05-01-2001, 05:08 PM
بس اخي صحح التوقيع لانك نسيت النقطه في الخاء والله يوفقك :)
الفجر الجديد
05-01-2001, 05:12 PM
مايخالف أختي موزة ترى الفرحة نسته النقطة.
مبروك أخي قطري حبوب هذى أول خطوة ماشاء الله عليك
بس مافهمت قصدك من أشياء خارج الجلسة ياليت
توضح الله لايهينك .
قطري حبوب
05-01-2001, 05:24 PM
يا فضيحة ام جلاجل...من أولها غلط..
مب مشكلة...أنا مش أصلا أدعي ربي انه يسامحني اذا غلطت..
هاي هي...صح والا لا؟
هاهاها.
المهم..انشاء الله انكون أصدقاء و اكثر بعد من اصدقاء..
مشكورة يا موزة يا ام الملاحظات الفنانة...
على فكرة يا أخوان..أنا احب اتكلم على ويهي..
و الاحظ في شوي كلافة في الردود..
مثل أخوي العزيز..
أختي ...
ما ادري ؟
اذا اتشوفوني غلط ترى قولولي..
انا اتعامل مثل ما اتحبون..المهم صداقتكم..
و على قول الشاعر..كلمة تستحي منها بدها..
أي شاعر هاي الي قال...!!!!..لا شاعر ولا شي..الله يرحم الشياب الى قالوها...
مع محبتي...حبوب..!
mouza
05-01-2001, 05:35 PM
اخي قطري محبوب جميل ان يكون الانسان على طبيعته وانا مثلك اخي اللي في قلبي على لساني ولا تخاف محد بيزعل منك :)
قطري حبوب
06-01-2001, 02:47 AM
بس ما عندي شي...
مشكورة..!
أبو علي909
07-01-2001, 03:46 PM
ممكن تبدل توقيعك إلى (ربنا لا تؤاخذنا إن نسينا أو أخطأنا)
وشكرا لك
قطري حبوب
07-01-2001, 04:06 PM
هلا بو علي..
أنت تامر يا الغالي..
بس أنا أقول تكون مجرد دعوة أحسن من اية من القران..
ما تدري ...
يصير غلط أو شي...
ثاني شي..أنا ناصحني أحد الاخوان اني ما استخدم الآيات في النت...احترام للقران الكريم...
والله ما ادري بس أحس دعوة أحسن...
إذا في تعليق يا هلا....
مع محبتي...حبوب..!