الملبوس
24-05-2001, 10:23 AM
السلام عليكم والرحمة يا شباب كيف الحال عساكم بخير ربما اور مرة تحظرون معي جلسات في سوالف الاصدقاء على فكرة هذه اول مره اطرح جلسة في هذه الساحة ....تعالوا يشباب تعالوا تقاربوا تقاربوا لا تخافوا اناملبوس بس مب لابسني جني ههههه اليوم جلستنا بتتكلم عن احد الاحباب واحد الاصدقاء القريبن من قلبي ....واحد طيب وحبوب بس دايماً يقول انه صايع محترم...مره من المرات دخلت مجلس احد الاعيان في مدينتي واذا باذا الحبيب بصوت مرتفع يضحك ويكرر ...والناس كلها تنظر له ولي يقولون شو السالفه قالي بصوت مرتفع هذا راسك والا راس اخوك الناس كلها ضحكت ....وسالوا ليش هذا السؤال يا افلان قال اشوف راسة من راكب عليه ...علىفكرة راسي اوكي ..بس هوه دايما يبي هزر....واخر شي قال انا اسف وانت تعرفني اني صايع محترم مب مثل صيع الشوارع ...هههه جلست معاه في المجلس ..شخبارك افلان وشو مسوي ...قال والله تعبان وايد... سلامات ...قال البارحة مظروب في السوق على عشان وحده ما تشوفها العين...هههه وليش عاد يقول امشي وهي تمشي معاي اشوفها ماتشوفني اوقف تمشي اسير جدامها تتبعني ارجع اشوفها تمشي ..قلت عيل تبي الرقم ...قلت ماشي وانا ارقمها واذا بجثه من المحل تخرج يقول اخوي لوسمحت انا مرة وحده وقفت وقلت تفضل اخي الفاضل قال انت مب عيب عليك تسوي هذي الحركات انت ماعندك خوات...قال اسمحلي ولكن الخال ماصدق مسكني من الثوب واللحق ماتلحق ...قالي انت صايع ومب محترم قلته اسمع بصوت قوي انا صايع بس صايع محترم ...تعرفوا شو سوي الحبيب ضحك على صاحبنا ضحك وقاله روح يالصايع المحترم ومره ثانيةما اشوفك في السوق ولازم تكون صايع محترم اكثر من جي...واخير انا قلت له عيب عليك تغازل بنات الناس ولازم ما تقول عن نفسك انك صايع او صايع شريف ودير بالك على نفسك وفجاءة دخل علينا الغوزي وتغدينا وخلصت حكايتنا مع الحبيب الصايع المحترم.
وسلامتكم محبكم الملبوس
وسلامتكم محبكم الملبوس