حراس الفن ....

[سديم]

كاميرا تلحق برقبته ..
ثم .. كان الصمت !
وارتفعت موجة ..
يده تدنو من الضوء!
مدينة تقصفها الكآبة ..
كأنها لم تعد بحاجة إلى لغتنا !؟
سقط قريبا من الشاطئ ..
الكاميرا تنظر للضفة الأخرى!
تكبر الموجة ..
فترفع الساعة يدها..
**********
كل حلم يناجيه البياض..
يعض أصابعها الندية ..
( اصمتوا ..!
فأنا الآن أمرر الغابات .. المراكب ..
الحرائق .. الوديان ..
على قميصي .. وفي جسدي ..
وفوق جناح طير خرافي ..! )
بريق خافت .. ثم ..
تهوي اليد التي شوهها رمي الحجارة !
**********
ألجم فرسك البدينة ..
العق أصابعك ..
أطلق خوارا قويا..
واعبث بهوائنا .. بالشمس ..
أو اعتزل الكون .. وانفض بالفرشاة بقاياك ..
فإننا غارقون بهموم الخبز ، والتراب
والمتاعب اليومية.

[صمت الكلام]

السلام عليكم ورحمة الله وبركاته
وصباح الخير

بما ان الموضوع بالفصحي

ارجوووووووووووووووووووووك اسعفني بشرح لمتاهات
موضوعك ( حراس الفن)

(اذا كنت موجود ارجوك بسرعه لاني من جد تعبت من
رسم صوره لحروفك التي اشبه بالسراب في معانيها
طبعا فقط بالنسبه لي سراب ... حتى افهم ما تعني)
اسفه لكلمة السراب ... بس علشان اقولك اني مب
فاهمه
وتحياتي لك
وبغض النظر عن كوني مب فاهمه الا ان
جملة وحده انطبعت في مخيلتي ولن تبارحها ابدا
لانها جمله رائعه(كأنها لم تعد بحاجة إلى لغتنا !؟ )

لك تحياتي
وصباحك خير ان شالله

[سديم]

هلا صمت الكلام
شكرا لك للمتابعة والمشاركة
واحيي فيك شجاعتك :)
عموما
هذا النص يبي له قراءه عدة مرات لكي تكتمل الصورة
ولكن اذا مازالت الصورة غامضة اكتبي لي اي مقطع بالقصيدة اشرحها لك بكل سرور
لك تقديري

[ابو سعود]

لست من هواة الشعر الحداثي مثيرا ولكن ان صاب ظني في معرفة

مايصبوا اليه الكاتب فاريد فقط توضيحا لكلمة: مدينة تقصفها الكابة!!!

[صمت الكلام]

السلام عليكم اخ سديم

قول مبروك قدرت اوصل لشي ما في نصك؟ (عن الفضايح لا تسالني شو الشي هذا) :)



المهم انا بالمرات السابقه كنت اقرى النص على اساس
انه وحدة متكامله .... بس لمن قريت مقطع مقطع
حسيت ان في ثلاث صور بالموضوع

وتقريبا الضباب اللي كان يغلف الموضوع تبدد
وطبعا كل قارئ ممكن يتصور او يعطي الصور الثلاث
اشكال من مخيلته ... يعني الصور اللي بمخيلتي ممكن
قارئ ثاني يشوفها بشكل ثاني بس الاساس واحد
وهذي الروعه اللي كانت بالنص انه بكل مره اقراه كان
يتشكل بشكل غير الاولاني مع الاحتفاظ بالاساس

اخوي سديم نص متعب بس رائع

وبالنسبه للي سقط من الصوره الثانيه وما قدرت ادخل
لمخيلتك انت وافهمه هذا المقطع
كل حلم يناجيه البياض..
يعض أصابعها الندية

فهل تسمح لي بالدخول لمخيلتك وتقول لي
ماكان يرتسم بها وانت تكتب هاتين الجملتين

تحياتي لك
(مدري ليش حاسه ان اللقاء الثاني بيكون بقسم الشعر والادب) :)
على الاقل النقل احسن من الغلق :) ما قصدي شي ترى امزح

[سديم]

هلا ابو سعود
تسلم على الرد
لكن هناك فرق بين الشغر الحداثي والشعر الحديث وايل يسمى (النص النثري ) سبق واني فصلت هذا الموضوع سابقا ..
وما هو مكتوب اعلاه هو نص نثري حديث ..

ومعنى جملة ( مدينة تقضفها الكآبه )

المدينة هنا تشبيه للانسان الذي يمتليء بالحزن والألم
ففكره مدينة تقصفها الكآبه ، كمدينة التي يتم قصفها بالقنابل وتصبح صورة من صور الدمار الشامل .. هذا ما يحدث للانسان الذي يقصف بالكآبه والحزن .. يصبح كمدينه خاويه مدمرة ..
تحياتي

[توتة]

وصف في الحقيقة أكثر من رائع .....

لكل انسان رموز ... هذه الرموز يلقطها متذوقها ...

و يحللها باسلوبه ...

و هذا من اصعب انواع الشعر ....

و هو كصعوبة و جمال الفن السريالي الذي يعتمد على الرموز ..

و لكنه من اصعب انواع الفن .. و لا يفهمه سوى المتخصص...

أبدعت ريشتك يا فنان ...

فكانت متوافقة متوازنة تحمل افق و رموز بديعة ...

و هذه هي النفس البشرية

سلسلة من الرموز ....

فمن يقوى فكها ؟


تحياتي ,,,,,,,,,,,,,

[سديم]

هلا صمت الليالي
شكرا للتواصل مرة اخرى
وفعلا مبروك قدرتي تفكي رموز سديم لغامضة

عموما بقول لك سر عن كيفيه فك رموز كلمات القصيدة
اقرأيها عدة مرات
جزئي كل سطرين او كل وحده متكاملة لوجدها كمقاطع
لآن هناك ما يسمى بالتنقل بين الاحداث ( شفت ) يسمونه ...
بعد ما تقراي الوحدات تجمعيها في الاخير وترتبط الاحداث كلها سوا

بالنسبة للمقطع
كل حلم يناجيه البياض
فهذا يرمز على ان الانسان يحلم بالسلام
البياض هنا معناه رمز السلام
يعض اصابعها النديه لانه يبقى حلما
بعيدا عن ارض الواقع

لك تقديري

[سديم]

هلا توته
شكرا لردك الرائع
وهذا من ذوقك الطيب :)
لك مني كل تقدير
شيخ الغفر سدباع :)

[صمت الكلام]

يعني سديم اهو بياع


بس شفيك راجع مخرف :) يبه انا صمت الكلام وتعال بعدين منو هذي
صمت الليالي ممممممممم بس لتكون اخر وحده شرت قلب منك؟؟؟


اسعدني رجوعك
بياع تذكر سالفة التواقيع اللي قمت انا ونزلت مليون برنامج
علشان اسويلي توقيع كاشخ
تدري انا قلت اسوي لبياع توقيع واشوف اذا طلع كاشخ اسوي لي واحد تدري شو صار .... انترس جهازي من التواقيع اللي كل واحد يفشل اكثر من الثاني ... يعني صار لي شهر وانا اشتغل على التواقيع بس لين الحين ما عجبني شي مشكلتي ذوقي صعب :)
بس بيوم من الايام بنجح وبسوي توقيع يهبل

عن جد اسعدني رجوعك يا :) سدباع

[توتة]

اذا تبغين توقيع انا مستعدة
بس ذوقي غريب نوعا ما و غربي في نفس الوقت ...

:):):)
اي برنامج استخدمتي ؟

[صمت الكلام]

هلا توته

بالنسبة للبرامج اللي استخدمتها ما اذكر الا
نص اسمه :) مثل الانيميتر والمايكروسوفت ومدري شنو
وجف وشغلات كثيره
بس انا ما ابي اسوي توقيع متحرك بنر يعني او شغلات
جهنميه :) ابيه بسيط بس شكله حلو ومريح
بمعنى ثاني صورة واحط عليها الاسم
المهم لين هني السالفه ماشيه
بس الصور المشكله انا ما في شي يعجبني
المهم جربت على بعض الصور بس اللي تطلع كبيره
واللي ما اقدر اشيل الخلفيه اللي وراها مثل هذي اللي
بتشوفينها الحين ولمن قدرت اشيل الخلفيه اشوفها تطلع على
النت مدري ليش المهم بعد ما انترس جهازي بالتواقيع
قمت جربت هذا البرنامج ulead photo express بصراحه
فيه شغلات حق الصور حلوه الصور الخاصه يعني مثل تسوين البوم
او سكرين سيفر وشغلات ثانيه روعه مدري موجود على النت
ولا لا بس اعتقد بالشركه التابعه له موجود بدور عليها وبحاول احط للبرنامج وصله
المهم شوفي الصوره هذي واستري عليه :) بياع انت غمض عيونك
هذا اذا طلعت :) :) :)
http://64.4.22.250/cgi-bin/getmsg/صورة564.jpg?curmbox=F000000001&a=6cfd12eb7edb1c8c5b9288b309302b7a&msg=MSG995759848.63&start=144&len=84016&mimepart=3&disk=64.4.22.70_d1279&login=am75am&domain=hotmail.com&hm___sig=f3e6cc0601c112409f53054eb2592e6b6acda9425b3e9584