ردة فعلك ... كيف تكون ..... لكن بصراحة تامــــــة ..؟؟ّ‍

[أبو غازي]

السلام عليكم ورحمة الله وبركاته ...

احبتي ...




... ... .. .. ..

فيه سؤال يا احبائي اتمنى من الجميع الجواب عليه ولكن بصراحه . وصدقوني الزعل ماراح يكون له محل في الموضوع باذن الله ؟؟؟

ماهي ردة فعلك عندما تكتشف شخص عزيز عليك .. وتمون عليه ويمون عليك ,, وتحبه بمعنى أصح .. وتفاجأت انه حاذفك من الماسنجر .. او حاط عليك بلوك ..؟؟؟

هل تكون ردة فعلك أو جوابك :
1) هذا حقه ..... وهذا القرار هو حر فيه .
2) الله يسامحه .. والحقيقه انا اخذت فيه مقلب .
3) تقوم بمواجهته بالحقيقه .
4) تكتب موضوع للتلميح فقط .. لكي تصل المعلومه للشخص المقصود .


كتبت هذا الموضوع بعد علمي بفترة قصيره .. عن الطريقه التي تستطيع من خلالها معرفة هل انت موجود على الماسنجر ام محذوف ؟؟؟

ولاكن لا توجد طريقه تعرف من خلالها أنك محظور

ع العموم .. انا عن نفسي .. راح تكون ردة فعلي ... رقم 1 ..

اي ( هذا من حقه .. وهذا القرار هو حر فيه ) ..

وماذا عنكم أنتم ؟.؟؟


أخوكم بو غازي

[كريم كراميل]

اهلالا ابو غازي
وانا كمان راح تكون رده فعلي رقم 1

تحياتي كرميلا

[سعودية]

اخوي انا ما اعرف بهذا الإختراع العجيب اللي مدوخكم ما يدخل مزاجي ..

بس راح اعطيك تصرفي الشخصي مع الناس ..
انا احب الصراحة ..

يعني مثلا يوم أحد ما يرد علي أروح على طول واقوله في وجه خير عسى ما شر ..

أو إذا صديقة ما ردت علي بالإيميل ولقيتها مطنشتني ولا كاني موجودة أرفع السماعة واقول سلام يا ناس يا نايمين ..

يعني احب الصراحة .. حتى في المنتدى اللي يسوي لي سكب وما يرد علي على طول اقوله ليش وعلشان ايش .. وش اللي صار ..

ليش ادوش عقلي بمسئلة يمكن تكون صارت غلطة ويمكن تكون مقصودة من لاحد ثاني وجت على راسي ..

يعني لازم الصراحة علشان بعد ما تنعطى الاسباب على مجرياتها تتصرف وتعرف منه قبليلك ..

تحياتي لك وان شاء الله اكون فدتك ..

تحياتي لك :)

[أبو نايف]

شكرا على الموضوع


بالنسبه لي ....لا احاول ان اعرف من حذفني او من حظرني على الماسنجر.....حتى الموضوع اللي فيه الطريقه....صدقني لم افتحه....لاني ما ابغى اعرف...


يمكن اللي حذفني اوحظر علي يكون مشغول دائما مع اصدقاء اخرين في الماسنجر...او يشوف انه لايوجد لديه مايقوله لي...وهكذا

لذالك حتى لو عرفت...رغم اني لا احاول ان اعرف...

اختياري هو نفس اختيارك


الامر عادي جدا بالنسبه لي


وشكرا لابي غازي على الموضوع الجريء

[الفرزدق]

هلا بو غازي ،،،


مساء الخير ،،، أنا بصراحة راح أواجهه بالحقيقة أذا كنت أقدره ويعز هو علي،،،
يعني رقم (3) ،،،

ولو عن طريق رسالة ،،،

[أبو غازي]

كريم كراميل .. مشكور اخوي على المشاركة ..

وتسلم .:):)


----- -- -- --- -- -


سعودية ... :):):)


لكن هذا الاختراع العجيب .. عمل تواصل لا بأس به بين الاصدقاء ... ..:):)
.. وانا احبه جدا ( الاختراع ) ..

وعلى فكره ... تراني صريح جدا .. مثلك يعني ... وهذا هي مشكلتي .. كما يقال عني ..


على العموم .. شكرا على الافاده الرائعة :):)

[كيتا]

مرحبا أخوي أبو غازي أنا بصراحه أختار رقم (3) وأتفاهم معه
عشان هذا تصرف موحلو ولا فيه شئ من الذوق وكمان لو كان هو مشغول يقول لي أو إذا مايبي يتكلم معي يواجهني

[BRABUS]

وعليكم السلام ورحمة الله وبركاته

بصراحة أول شي بيخطر على بالي إنه ما يدخل المسنجر

2 - يمكن لغى ايميله (يعني حف كل اللي عنده ولغى الايميل وهذا اللي أنا سويته)

3 - يمكن أنا أزعجته في شي

4 - يمكن ما يبغي يكلمني لسبب أجهله

5 - في كل الاحوال القرار راجع له

:)

[أبو غازي]

تسلم عزيز على المشاركة المعهوده منك ..

أنا أخالف كلامك .. ولازم أن اعرف من حاذفني على الماسنجر ..

فقطمن باب العلم ..

ولكي أكشف شخصيته .. ولا اسكت .. ...

وننتظر منك موضوع أجرئ من هذا الموضوع ..:)


--- --- --- --- --

الاخ العزيز الفرزدق ..

أوكي عزيزي تسلم على الرد .. وتبين لنا ردة فعلك ..

وهذا يا عزيزي من صفات الشخصيه القوية ...

لكني لا أفضل المواجهه ... لكني أعتبرها حل ثاني ...

أخوك بو غازي :)

[أبو غازي]

كيتا ..:):)

شكرا على المشاركة والرد ..:):)

تحياتي :):)

--- --- --- --

برابوس ..

أنا الحمد لله طيب كيفك أنت ؟؟

شكرا على الرد .. والمشاركة ...

بو غازي :)

[شعنونة سوالف]

انا ما احب اللف والدوران.

ولو شئ ماعجبني عالطول احب اني اناقشه..

فسوف اسال هذا الشخص عن السبب ....

ومن الاصل كنت افضل ان يقول لي هذا الشخص انه سوف يحذفني وخلاص

احسن ما اروح نازله عليه بالايميلات والرسائل وهو لا يسال

كمان الواحد عنده كرامه...

تخياتي :)

[أبو غازي]

أشكرك على المشاركة ... :):)

عجبتني جمله قلتيها ( كمان الواحد عنده كرامه ) ..:)

ولكن الواحد يحب يتأكد .. هل هو غلط عليه .. او تلفظ عليه بشئ غير لائق .. ...


تحياتي ...

[ديمة2020]

انا واللة ما أدرى شنو الماسنجر


بس تصدق لو تصير معاى اقول بالطقاق (ما أغشمر )


واحسن ان الله أقلعة منى وارتاح ليش



لان اللى ما يبينى ما ابية

[أبو غازي]

أهلا بك .. أختي ..

ديمه :):) ..

أشكرك على المشاركة .. ,,

:):)

بو غازي :)

[شعنونة سوالف]

كلامك صحيح ولهذا قلت انه يجب ان اسال عن السبب....يعني ليش سوء الظن؟

بس اذا لاحظت انه مطنشني على قوله ديمه باطقاق والله ماني ساله عنه :)

[أبو غازي]

أشكرك على التفضل والرد مرة أخرى ..

ومشكوره على التواصل :)

[ســامــر]

اهلا اخوي ابوغازي.........
موضوع جميل وحساس بنفس الوقت......

جوابي رقم واحد......

تحياتي

[أبو غازي]

السلام عليكم ..

اخي الفاضل ســـامر ..

متشكر على المشاركة ...

ولك تحياتي ..:):)


بو غازي :)

[عذوبة]

بصراحه و بكامل الواقعيه

أنا راح أقول الله يسامحه و أنا خذت في مقلب....

بس أنا ما أظني إن أصدقائ الأعزاء اللي وياي عالمسنجر راح يحذفوني....أو ما شابه ذلك....


تحياتي لك:


عذوبه..........

[Huda76]

أخي العزيز أبو غازي

هلا بك والله اخوي :)

وأسعد الله صباحك بكل خيـر ..

اذا اكتشفت ان شخص حذفني من الماسنجر راح أراجع نفسي وأشوف هل أنا غلطت بحق هذا الانسان أو لأ .. وهل حذفه كان ردة فعل لموقف معين .. اذا اتضح ان في الموضوع سوء فهم راح أحاول اني أوضح الأمور وأناقشها ولو عن طريق الايميل لوضع النقاط على الحروف ..

لكن اذا اتضح اني ما غلطت بحق الانسان أقول والله براحته ..

تحياتي لك

[سموحة]

بصراحة انا ما يهمني ان خالاني او حذفني

لان بصراحة تامة انا الميل ما ادري فيه كلش إلا وين او وين لين ادش علية

لا واللي ايطرش لي ميل مرة وحده ما يعيدهالاني ارد بعد ما تنتهي صلاحية الاول

اللهم إلا في بعض الاحيان لين ايكون مزاجي زين ادخل على الميل

[أسير الليل]

أهلين أبوغازي..صباح الخير..

شوف الصراحة زينه..وخاصة اذا كان الشخص يعز عليك..

لانه مااتدري..يمكن وصلته كلمه واشي..او شئ من هالقبيل..

لان تركك للموضوع قد يعتبر أدانه بشخصك..بسبب تلك الوشاية..

واذا وجدت والله هروب من الاجابة..كرامتك أعز لا عليك..

واللي مايودك توده ليه..خل الموده لاهاليها..

ترمي روحك خطر ليه..حافظ على روحك وداريها..

يالله مع السلامه
انا ماقلت شئ

[HaDeeL]

salaaaam o5ooy
b9ara7a loo sawaly block keefa o ye7thefny ykoon ba3ad a7san etha hal sha59 ma yabene ana ma ra7 a3eg nafsy 3leeh
elly ma yabene ma a9ee7 ab'3eeh o asaweeleh block
wa7da b wa7da o el badee a'6lam
;)

[y008]

رقم (3)

[البراء]

السلام عليكم ورحمة الله وبركاته

مشكور على هذا الموضوع المهم لأنك من خلاله تدرس شخصيات ونفسيات إخواننا الأعضاء .

أخي الغالي بالنسبة لي لا أعرف المسنجر بل أنا جاهل تماماً في عالم الكمبيوتر ولكني أتطفل عليه من خلال الانترنت ولأن عملي في الشركة يحتم علي استخدامه .

بالنسبة لموقفي لو حصل لي هذا لاشك بأني أتأثر جداً لأن من الصعب أن تراسل إنسان تعزه وتوقره وهو يتجاهلك ولكن الصراحة أشك بأني أستطيع مواجهته حتى لايحرج بل أبدأ بإيقاف الرسائل عنه .

أخوك في الله البراء

[همسه حائره]

اراجع نفسي

وإذا لقيت ما في تجاوب حتى على الايميل

اصير مع ديمه 2020

بصراحة انا مليت من ذا الي اسمه ماسنجر

وياريت الواحد يطلع بفايده او بمعلومه خطيره

الا اني استفيد من دوراني بالنت اكثر ما اسولف سواليف مالها داعي

عموما وتصدق يا ابو غازي إن حتى اسلوبي في الكتابة تغير بعد ما تركت الماسنجر

وحتى زياراتي ونظرتي صار لها طعم ثاني ........ يمكن لان الطرف الثاني يأثر علي

بس الحمدلله إني ارتحت ويمكن ريحت :)

دعواتي

[البحاري]

مساء الخير .. أبو غازي

شوف .. ما اعتقد ان صديق عزيز على قلبي راح يسوي حظر او حذف مهما صار ..

قد اختار اجابتك الاولي ..أنه حر وعلى كيفه .. لكن راح يكون في نفسي شئ ضده .. احاول اعرف السبب .. وان لم اجد فهذه هي الدنيا تعطى وتأخذ

على العموم أنا الحمدالله الى مسوين لي حظر او حذف اثنين هم اضافوني وما اعرفهم :):) .. وهم من المنتدى طبعا ..يعني ما راح ازعل :):):):)لأن المسنجر عندي عامر بالناس الطيبة .. منهم انت :):):)

تحياتي :)

[لجين]

اخي الغالي بو غازي
هوه حسب الصديق بصراحه
يعني اذا كانت وحده صاحبتي وحذفتني لازم اعرف السبب
اما اذا كان واحد او وحده تعرفت عليهم عن طريق النت فقط وقام بحذفي فالاختيار الاول ويمكن احس شي في نفسي لكن ما اهتم بعد كده

انا عن نفسي اضيف ناس كثير عندي ولكن اذا خالفوا قوانيني في الكلام فعلى طووول احذفهم:)

[مساعد بن عبدالسلام]

السلام عليكم ..

أواجهه صراحة .. ليش أخاف ؟

و راح ألتمس له العذر ..

قد يكون حذفني بحالة غضب ..

و ندم و ما عرف يرجعني بالماسنجر ..

أكلمه و آخذ على قول النبي صلى الله عليه و سلم "إلتمس لأخيك السبعين عذرا"

يعني شخصيا أنا حصلت معاي ..

حذفت كم شخص ..

كنت بحالة غضب ..

الحين ماني عارف أردهم ..

فعلا محتاجهم أكون ..

لكن ما أقدر أعيدهم من جديد لأن بذلك راح يخليهم يعرفون اني حذفتهم ..

في يوم قريب ..

كنت مواعد صاحبي في نادي ..

رحت ..

نطرت ..

لم يأتي ..

و أنا بالطريق ..

كنت أفكر كثيرا ..

هذا دائما كذا يذهب بدون أن يقول ..

و شكله ما حب يشوفني اليوم ..

المشكلة لما وصلتله البيت ..

طلع اليوم هو يوم الراحة ..

فكان نائم :):):)

فقط فكروا معاي ..

كم مرة فكرنا بشيء بأشخاص و مواقف ثم ظهر العكس تماما ؟

[دعد]

ارسله ايميل .. ليش حاذفني؟؟؟ عسى ما شر؟؟(بيرجعني من الفشيله)

[توتة]

البعض يظن اني حاطه بلوك ... لكن في الواقع انا نادرا ما ادخل :)

و مسأله الحظر مسألة شخصية ... و لو اكتشفت ان احدى زميلاتي

حظرتني عادي كنّه العيد ... هذا شي بينها و بين نفسها :):)

بس زميلاتي مب من هالنوع ... و مرات ندخل نفس الغرفة للدردشة

[أبو غازي]

الاخت الفاضلة . . ( عــــذوبــــة ) ..

هلا فيكي اختي .. ... أشكرك على الرد ..

وتسلمين على المشاركة ..

http://www.bigfatbaby.com/newfun/greenflor.gif

الاخت الفاضلة ( هدى ) ..

وعليكم السلام ورحمة الله وبركاته ..


أشكرك على الرد . وعلى التفضل بالدخول على موضوعي ..

شكر لك ..

http://www.bigfatbaby.com/newfun/greenflor.gif

هلا اخوي sajsm .. كيفك أخوي ان شاء الله طيب ..:):)

طيب اخوي .. تسلم على الرد والمشاركة ..

http://www.bigfatbaby.com/newfun/greenflor.gif

الغالي اسير الليل .. هلا فيك اخوي ..

لا سلامتك انت ما قلت لنا اي شيئ ..

وعلى كل حال .. تسلم على المشاركة ..

http://www.bigfatbaby.com/newfun/greenflor.gif

الاخت هديــل ..

أشكرك على المشاكرة المتميزه ..

وتوضيحك لنا وجهة النظر ...

http://www.bigfatbaby.com/newfun/greenflor.gif

Y008 :)

هلا فيك أخوي معنا في سوالف ..

وان شاء الله تكون مرتاح معنا ..

واشكرك على الــرد .

http://www.bigfatbaby.com/newfun/greenflor.gif

الاخ الغالي ... ( البراء ) ..

الحمد لله على السلامة ... وان شاء الله ما تغيب عننا مره ثانية ..

لا اخوي كلنا في بداية أمرنا ( بداية النت ) .. كنا لا نفقه شيئا .. ولكن مع مرور الايام .. تعلمنا .. واصبحنا خبراء .. ولله الحمد ..

والآن أقدر أقولها وبكل فخر .. اقعد أعلم ناس كيفية استخدام النت ( كثر منها ) .. :)

تسلم على رد المقنU هذا ... والذي يدل على اطلاعك الواسع ..

شكرا لك ..


http://www.bigfatbaby.com/newfun/lavros1.gif أخوكم بو غازي http://www.bigfatbaby.com/newfun/lavros1.gif

[سعودية]

ما عندي كلام اضيفه على اللي قلته قبل ..

بس حبيت اقولك قرت عينك بالرد اللي رجع لقواعده سالما ..

وبالفعل يستاهل يتدلع عليك وينمحي علشان تتعب فيه مرة ثانية ..

تحياتي لك :)

[أبو غازي]

الاخت همسه حائرة ( اسمك جميل ) ..

انا اتفق معاك وبنسبة 200% ,, انه الماسنجر يشغلك عن تصفح النت بشكل عام .. وعن الكتابه في المنتتديات بشكل خاص ..

أشكرك على الرد ..

http://www.bigfatbaby.com/newfun/greenflor.gif

الاخ المواصل جدا والعزيز جدا والمتألق دائما ( البحـاري ) .

هلا فيك أخوي وبياك ..

تسلم والله على هالتواصل الذي تشكر عليه ..

وسامحنا اذا فيه قصــور ...

وتسلم على المشاركة ..

http://www.bigfatbaby.com/newfun/greenflor.gif

الاخت الفاضلة ( لجيــن ) ..

أشكرك على الرد والمشاركة في موضوعي ..:):)

وان شاء الله نشوفها دايما ;)

http://www.bigfatbaby.com/newfun/greenflor.gif

الاخ الفاضل ( بحــــار ) .. ( يقربلك البحاري ) .. ;)

وعليكم السلام ورحمة الله وبركاته ..

صدق رسول الله صلى الله عليه وسلم ..:)

وماحدث لك ,, خيرة من الله ... والجايات أكثر ..

تسلم على هذه المشاركة الاولى ..

اخوك بو غازي :)

http://www.bigfatbaby.com/newfun/greenflor.gif

الاخت الفاضلة ( توتـــة ) ...

طيب ليه هذا كله ...؟؟

وش مزعلك فيه الماسنجر ؟؟

تراه محترم ما يغلط على أحد أبد ..

وتراه يكسر الخاطر ..:)

تسلمين على المشاركة الحلوه ..

http://www.bigfatbaby.com/newfun/greenflor.gif

http://www.bigfatbaby.com/newfun/lavros1.gif أخوكم بو غازي http://www.bigfatbaby.com/newfun/lavros1.gif

[أبو غازي]

شكرا لك أولا .. على متابعة الموضوع ..

ومواضيع سوالف كلها .. والي ما تخلين موضوع .. والا تقريه ( مثلي ) ..

لكن هذا أحسن ,, والحمد لله الرد هالمره ما زعل مني ..

أشكرك على التواصل ..