فواتير للتسديد

[سديم]

المبلغ الثابت" خدمة جديدة للشركة السعودية للكهرباء تقسيط الفاتورة حسب معدل الاستهلاك الشهري

تبدأ الشركة السعودية للكهرباء قريباً في تقديم خدمة جديدة للمشتركين لسداد استهلاكهم الشهري على شكل أقساط شهرية متساوية وتسمى هذه الخدمة فاتورة متوسط قيمة الاستهلاك - المبلغ الثابت - يهدف إلى ثبات المبالغ التي يستوجب على المشتركين سدادها شهرياً وكذلك القضاء على عنصر المفاجأة في مبالغ استهلاك الكهرباء.

وقال الرئيس التنفيذي بالنيابة في تصريح صحافي أن هذه الخدمة اختيارية لمن يرغب الاستفادة منها، وأن لها مزايا عديدة، سيلمسها المشترك..

وبيّن ان هذا التوجه يأتي ضمن توجيهات معالي وزير الصناعة والكهرباء لتحسين الجوانب التي تخدم المشترك وتقديم أفضل الوسائل والسبل التي تؤمن له الراحة والمرونة في سداد فاتورته الشهرية.

وعن كيفية عمل النظام قال المهندس أنه سيتم في البداية تحديد قيمة معدل الاستهلاك الشهري لطالب الخدمة على أساس قيمة الاستهلاك للاثني عشر شهراً الماضية. ويتم قراءة العدادات شهرياً وإصدار فاتورة شهرية يوضح فيها المبلغ المستحق عن الفترة والمبلغ المتبقي والقسط المطلوب سداده، مشيراً إلى أنه في نهاية السنة التعاقدية مع المشترك يتم عمل تسوية، وعند وجود فروقات يرحل المبلغ للسنة التالية سواء لصالح المشترك أو الشركة أو تسديد المبلغ نقداً له في حالة رغبته في ذلك.

عن متطلبات الحصول على هذه الخدمة أوضح المهندس ان ذلك يتطلب تسديد جميع المبالغ المستحقة وتوقيع الاتفاقية المعدة لذلك اضافة إلى الحصول على موافقة المالك في حالة أن المستأجر هو طالب الخدمة.

وفيما يتعلق بالفوائد التي يجنيها المشترك قال ان هناك العديد منها:

أولاً: ثبات المبالغ المتوجب سدادها شهرياً ما يجعل المشترك أكثر دقة في رصد المبالغ المحددة لها وعدم ارباك ميزانية المشترك خلال شهور الصيف.

ثانياً: انتشار المعلومة بسهولة لجميع أفراد الأسرة وإدراكهم للمبالغ المحددة شهرياً واستعدادهم لها حتى في غياب ولي الأمر.

ثالثاً: تجنب فصل التيار لعدم وجود فواتير عالية الاستهلاك خلال أشهر محددة.

رابعاً: امكانية تسديد الأقساط الشهرية مسبقاً قبل صدور الفاتورة حيث أن مبلغ القسط ثابت ومعروف.

[عبودي 1]

تصدق اخوي ان شركة الاتصالات صارت مضرة بالصحة اكثر من التدخين :)

[ابو سعود]

وفي نهاية السنة التعاقدية يرحل المبلغ المتبقي الى السنة التي بعدها وهكذا الى ان ياتي اليوم الذي يرحل فيه افراد الاسرة الى شقة مفروشة لحين يوفر ابوهم المبالغ المتراكمة منذ سنين ويعيد خدمة الكهرباء الى المنزل ولكنها لن تعود الا اذا عادت الخدمة لجواليالمفصول
يعني اقعدوا في الشقة لين يفرجها الله

[سديم]

عبودي
خلها على الله :(

ماراح انسى فاتورتي العام الماضي
24000 ريال

[سديم]

هلا بو سعود
شخبارك؟
ذكرتني بطاش ماطاش
يوم يتزوجون بالاقساط :)
يسحب فيهم عمهم للصراف من رقبتهم كل آخر شهر
:)

تحياتي

[ابو سعود]

اللي يشوف مصيبة غيره تهون عليه مصيبته

فاتورة جوال ب 24000 ريال والله بلوة لكن ما راحت بعيد عن فاتورتي :)

[سديم]

هلا بو سعود
الله يستر

طيب انا بياع قلوب واستخدم جوالي في البيع :)
وش وصل جوالك للمبالغ هذي؟؟؟

[بنت الليل]

الحمد لله انا ماعندي فواتير اسددها ماعمري شلت هم فاتورة

[ابو سعود]

قلبي كان تاعبني

لذلك كنت اتصل اتطمن على قلبي ;)

لكن ودتنا القلوب لدواهي وقطعت جوالاتنا

الله المستعان بس :)

[سديم]

والله انك صادق
ما ودانا بداهيه ونشف جيوبنا الا قلوبنا الضعيفة
عشان كذا صرت بياع قلوب
اريح واوفر :)

[ابو سعود]

ما احصل عندك قلب شد وكاله للمبادله بقلب غير صالح للاستخدام

العاطفي والسعي على البايع :)

[سديم]

شد بلاده ماكو
كله مشغول هالايام
وجع.... كأنهم مصرقعين مو شايفين خير ... :)
وياليتهم جديين بالسالفه
كلها لعب في نصب ....
لك تقديري

[ابو سعود]

لكن على الله نحصل سمكري زين يعدك الصدمات اللي فيه :)

[سديم]

اقول امسك مجنونك لا يجيك الى اصرقع منه:)

صدقني قرمبعك ابرك لك اذا هو صادق ووفي
الي يذبح هالايام ( الخيانه )
وياكثرهن :(

[ابو سعود]

والحمد لله على المصرقع الوفي هذا

صدقني قليلة هي القلوب اللي اللي تحفظ الود ها الايام

مو لازم توصل لحد الخيانة لكن ما تقدر التضحيات

[سديم]

ياخي مو شرط الحيانه الكاملة
قد تكون مجرد نسيان احتياجك وحبك لها هذا بحد ذاته خيانه للود الي بينكم ،،
اسأل مجرب ، قلبك غالي لا ترميه بيدين عابثه
تراها تقتل فيك انسانيتك قبل روحك ....

وكثير الي يخون الود
تحياتي

[ابو سعود]

نرجع لموضوع الفواتير

الفكرة اعتقد انها مناسبة للاشخاص الذين لا تزيد صرفياتهم واستهلاكهم عن المتوسط بحيث لا تنتهي السنة التعاقدي وتكون المبالغ المتراكمة اكثر مما يستطيع سداده

[سديم]

مهو كل ما اشوف جوالي اتذكر خيبة أهلي فيني ( مع قلبي هذا ) :(

فعلا بس ياخي ليش ما يسوون طريقة مثل الاجانب
البطاقات المدفوعه مقدما ؟؟؟؟ على الاقل الواحد يعرف حدوده

تحياتي

[شعنونة سوالف]

اسلوب جيد ...

على الاقل الواحد يتجنب المفاجئات...

هذا الاسلوب متبع بكندا وثلاث ارباع السكان يمشون عليه

[سديم]

هلا مس لبنان
فعلا انا لاحظته حتى في بعض دول اوروبا
صدقيني الشركات هذيك تجخل العامل الاجتماعي ومراعاة الظروف لكل مستخدم و مدى احتياجه وامكانياته
يعني مثلا انا فاتح حساب في بنك اوروبي لكني مش ملزم ادفع ضرايب عليها
هم نفسهم حولوا حسابي اوفشور عشان ما ادفع ضرائب
هم ايل قالوا لي مو انا الي طلبت
خايفين على مصلحة الزبائن
لك تحياتي

[سعودية]

هذي ميزة البنت العربية ..

محفولة مكفولة ومدلعة بعد ..

الرجال يلطمون وهي على البارد المستريح ..

والله ما نعرف عن الكلام هذا والفواتير لين يوم تقولون بالإنترنت ..

الله يخلي اللي يكفونا وما يقصرون معانا :)

فواتير جوالات ..
فواتير تليفونات ..
فواتير إشتراكات انتر نت ..
صيانة اجهزتنا ..
وكل اللي نبيه والله يخليهم بس ويبارك فيهم ..

لا وبعد كذا تقولك الوحده والله نبي المساواة ..
وأبي علشان احط راسي براسه ويصير لي موردي الخاص ..
وأقدر اتحكم بنفسي ولا يصير شيء مقيدني ..
ماتدري الضعيفة أن اللي راح تستلمه باليمني راح تصرفه باليسار ..

الله بس يحميلنا اللي مو مقصرين علينا بشئ ولا نعرف من ها الهم شيء ولا عمرنا شفنا فواتيرنا ولا درينا حنا نكلم بكم ولا حنا نكتب بها الإنترنت بكم ..

تحياتي لكم والله يعنيكم ويساعدكم على مابلاكم ان كان عندكم حريم مثلنا ..

تحياتي لكم :)

[سديم]

برجع لكم بعدين ارد على سعودية على رواق :)

[ابو سعود]

اختي الغالية سعودية

اتمنى لو تفكر كل مراة بنفس الطريقة التي ذكرتيها وتتفخم معنى ان الاسلام حفظ لها كرامتها وجعلها درة مصونة وابعدها عن ايادي العابثين
بالفعل يعاني الرجل ويكابد ويشقى من اجل ان يجلب السعادة لاغلى شخص ارتبطت به حياته ولكن نفاجا بعد ذلك بمن تقف وتنادي بترك الرجعية والابتعاد عن التخلف والدكتاتورية الممارسة على المراة وان تحرر المراة وتنطلق في ميادين الحياة المختلفة وتقارع الرجال وتنافسهم في شؤون الحياة لنرى النتيجة بعد ذلك امراة قد تجردت من انوثتها اذا لم تكن قد جردت مما هو اعظم من ذلك
والمصيبة اننا معشر الرجال عندما نتحدث مدافعين عن حقوق المراة وكرامتها التي فرضها لها الاسلام وانه لابد من بقائها جوهرة مكنونة لابعيدة عمن يدنسها نجد ان تلك الدعوات التي نطلقها تصطدم بانساء انفسهن الاتي يخرجن مطالبات بالحرية والتحرر فكيف يكون لنا بعد ذلك سبيل للتخاطب مع الرجال المنحلين الداعين الى تحرير المراة اذا كانت المراة التي نقاتل من اجل شرفها قد اعتبرت دفاعنا ذلك محض تخلف ورجعية

لا ادريالى متى الهوس الذي يعترينا بكل ما هو غربي وكل ما انتجته الحضارة الغربية والمصيبة انهن لا يجدن من الحضارة الغربية الا المخلفات النتنة ليتمسكن بها ويطالبن بتطبيقها عليهن
في الدول الاسكندنافية حيث ان مستوى الدخل للفرد يعتبر من اعلى المسسويات عالميا و الحرية لا مثيل لها هناك الا اننا نجد ان المراة تصر على التزام البيت وعدم العمل وان نسبة كبيرة من نساء تلك البلدان لا يمارسن العمل وخاصة بعد الزواج
لا اذكر ذلك لادعو الى عدم عمل المراة ولكن ادعو المراة لئلا تجعل من لهثها وراء الشعارات المزيفة والافكار الخادعة ما يلهيها عن اعظم رسالة تحملها المراة كونها مربية الاجيال ومدرسة الاخلاق والقيم النبيلة

[سديم]

هلا ابو سعود
ردك حلو وسبقتني
بس لي رد غير انا



هو صحيح الرجل مكلف بالتزامات المرأه ماديا ومعنويا واجتماعيا
وهذا اذا كان مسؤليته ضمن حدود امكانياته :)

شوفي اختي سعودية :)
فيه نوعين من الرجال الي يدفعون فواتير زوجاتهم بدون ابداء اعتراض

- واحد يبي يشتري راحة زوجته ، يعشقها حد الجنون ويبي لو بيده اشترى لها الشمس والقمر ( وفوقهم طقم ألماس ) ماراح يبخل رغم قصر ماديته

أو

- واحد يبي يشتري راحته :) ، بس يبي يفتك من نقاقتها وزنها على راسه ، مع احترامي :) جيب ، حط ، اشتري ، ادفع ، ودني بيت ابوي ، ابي سواق ، ابي بيت ، ابي من هالخبر ، أبي فوق الشجرة :) وهكذا :)


صح كذا ؟


لك تحياتي

[سعودية]

اتمنى لو تفكر كل مراة بنفس الطريقة التي ذكرتيها وتتفخم معنى ان الاسلام حفظ لها كرامتها وجعلها درة مصونة وابعدها عن ايادي العابثين

اخي الكريم ..
بصدق لو دخلت في اغوار النساء لوجدت ان ما يقال مجرد ترديد كلمات مثل الببغاوات وان كل إمرأة لا تريد أن تكون مثل ماهو موجود ..
هي مجرد كلمات تعلمتها النساء لكي تزيد من إظهار التمرد لديها وانها قادرة على أي شيء وأنها تستطيع ان تحياء بدون أن تستند إلى الرجل بشيء وانه مجرد كمالة عدد ..

ولكن في الواقع لو قلت لها لماذا الوظيفة ..
قالت لكي أحس بأن أقوم بعمل يثبت للعالم اني إنسانة فعالة وأني أستطيع ان أنجز ما يوكل لي ..
وأنه لا يهم ما أعطى المهم المكانة المعنوية لي ..

فإذا قلت لها إذا لماذا لا تعملين تطوعي وهنا تثبتين لنفسك انك قادرة وتقومين بعمل صادق ومفيد وبدون اجر ..

ترد على الفور ..
(( شغالة ابوهم انا ))

فتقول لها ..
إذا حصل لك الراتب وقيل لك لا تعملي هل ستعملين وتصرين على العمل ..

تقول لك على الفور ..
بالتأكيد هل انا مجنونة ..

يعني مجرد تعلق بكلمات حفظتها لمجرد ان تبرر لنفسها ..

فأنا لست ضد العمل للمرأة ولكن أنا ضد ..
ان تعمل وبيتها أحق بها ..

تحياتي لك :)

[سعودية]

واحد يبي يشتري راحته ، بس يبي يفتك من نقاقتها وزنها على راسه ، مع احترامي جيب ، حط ، اشتري ، ادفع ، ودني بيت ابوي ، ابي سواق ، ابي بيت ، ابي من هالخبر ، أبي فوق الشجرة وهكذا

هذا ماصار زواج ..

يا خوي الحمدلله حنا عند اهلنا عزينا وما خلوا علينا قاصر ..
يعني يوم نروح نتزوج مو رايحين علشان فلان يصرف علينا ..

لا حط ولا إشتري ولا إدفع ولا بيت ابوي ولا ابي سواق ... ولا هم يحزنون ..

أنا أعرف شيء واحد ..

زوج + محبة = حياة سعيدة ..

إذا عنده ويبي يعطينا الله يعافية ..
وإذا ما عنده وما يقدر يعطينا غير كلمة طيبة .. نصبر والله ما راح ينسانا ..
وإذا ظامه زمانه ... علمونا أمهاتنا ...
يا ويلك وسواد ليلك تظيمينة أنت بعد تصرين ماانت بنت رجال ولا بنت حمايل ولا تستاهلين يكون عندك رجل يعزك ويصونك ..

هذي المبدأ تربينا عليها ..
يعني راحة الرجال بعدين أي شيء بالدنيا ..

يمكن يعد في أماكن ثانية هذا تخلف وتبعية ..
بس عندنا نعده قمة التقدم والرقي ..

وصدقني هذا اللي انت كاتبه زواج مصلحة وما يسويها إلا بنت ملطمة عند اهلها ما شافت خير ..

تحياتي لك:)

[سديم]

هلا سعودية
شخبارك؟
انا معاك انه هذا مو زواج لكنه مصلحه
لكنه للاسف كثير موجود عندنا بمجتمعنا
شيء نسمع عنه وشي ما نسمع عنه ...
بس مدري ليش دائما الاشياء السلبيه هي الي تنحكى للعالم
بعني لو وحده او واحد سوى موقف شهم في محيط بيته محد يجيب السيره
لكن اذا صارت مشكله او مصيبه ؟ كل العالم تتكلم ...

انا ما الوم المرأه او الرجل لكن الوم المجتمع احيانا يتبنى افكار غريبه مع العلم انهم عارفين انها خطأ لكن عذرهم ( لا .. هذي عادات نمشي عليها )
مثلا في بعض المناطق، الزوجه تنشف جيب زوجها عمال على بطال ، مو لشيء بس عشان يفلس وما يفكر يتزوج عليها ، وناسيه ان الرجل قادر انه يتزوج 3 فوقها بدون ما يتكلف قرش.. بتقولي كيف؟
صدقيني فيه بنات حلال ما يبون شيء الا الرجل المستقيم ..

احين وش حارق رزي انا ؟؟؟؟ :):)
بس موضوع حلو والله :) اتمنى الباقي يشارك :)
تحياتي