أرجو من الجميع الدخول والمشاركة ...

[bnt_elnoor]

السلام عليكم ورحمة الله ...
هلا بجميع الموجودين ..شحالكم يالطيبين ..عساكم بخير انشالله :)
و اتمنى ان الكل يشارك ...

على العموم ..السالفه ان ودي اعرف اطرف المواقف اللي حصلت لكم في حياتكم اليوميه سواء في البيت في مركز او حديقه او جمعيه ..او اي مكان ..
وشو كان تأثيرها عليكم ..اقصدتاثيرها على حياتكم.. بعد ما صار لكم هالموقف....؟؟!!

اختكم في الله بنت النور

وانا انشالله راح اقول لكم موقف صح طريف بس أثر علي بشكل فضيع ..

[ابو سعود]

انا بصراحه عندي موقف حصل لي امس بس مهو موقف طريف

موقف تمنيت بعد ما صار اني اطلع على اعلى عماره واصيح باعلى

صوتي وانزل(بس هذا اللي ابغا اسويه)

امس بعد صلاة المغرب كنت زهقان قلت خلني اروح اتمشى شوي

قعدت الفلف بالسياره واعجبتني حديقة حبيت اني ادخل اتمشى فيها شوي

ابو الشباب وين رايح عوايل بس(هذا بس اللي سمعته من حارس الامن

الموجود هناك

طيب ما علينا

بصراحه فيه شارع دايم امر منه بس والله ما انتبهت ان فيه حديقة

حيوان الا البارح

قلت خلني انزل اوسع صدري شوي

ابو الشباب وين رايح عوايل بس

اخر شي فكرت فيه قلت اروح لهذا المركز التجاري الكبير واللي

ما رحته من قبل

الحمد لله تمكنت من الدخول ويادوب دخلت اول محلين

الا وواحد طاب علي حسبت اني سويت مصيبه

ايش عندك هنا?

قلت له ابد ابغا اشتري شغله وطالع

لو سمحت ياخي الوقت هذا للعوايل بس

يا ابن الناس هذا مجمع تجاري ودي اشتري غرض واطلع

لو شفت مني شي غلط سوي

وقبل ما اكمل

لو سمحت ياخي عوايل بس

امري لله

شغلت المةتر عائدا الى سكني اجر خلفي اذيال الحسرة والندامة

على شبابنا الضائع

سمعت صوت الاذان

قلت ادخل المسجد اصلي

بصراحه كنت امشي وانا اطالع يمين ويسار

والحمد لله اني دخلت وصليت ودعيت لكل الشباب

حتى انت يا بحاري دعيت لك:)

والحمد لله انه ما كان عوايل بس :)

[فلاش99]

موقف طريف

خرجت مستعجل مره من البيت لبست الثياب
والكوبرا بالنشا مع حب زياده :)
سريع سريع
فلاش نظره سريعه المرايه قالت يا اخي اقلب ويهك كل يومك اشوفك
وطلعت من البيت ووصلت للمكان الي ابغاه وتمشي والامه كل مر واحد من بعيد ابتسم
وانا رايح لين وصلت لمكان وجلست احط رجل على رجل
وايش اشوف
اليمين انعال بيضاء ( الله يعزكم ) واليسار سوداء

لاش لاش لاش لاش
وين امشي الحين قم على السريع فووووووو
ما عاد رجعت المكان ذاك مره ثانيه

!!! فلاش لونين اخر جمال !!!

[الكسلان]

والله مره طلبت مني الوالده أصلح لها حجز بالمستشفى .... المهم طلب المستشفى في التلفون وعطيتهم رقم الملف طلبت مني موظفة السنترال أنه أعطيها إسم الوالده عطيتها إسم الوالده وكملت إسمها باسم الوالد (( يعني صارت أختي مو أمي ))..وعدلته بعدين .

[حسينكو]

موقف طريف؟؟

اممممممممممم

مرة كنت راجع من الجامعة تعبان وبدي انام

دخل الغرفة .. وطبعا قبل لا الواحد ينام لازم يروح وين ؟؟ شطار .. فهمتوا بسرعة

المهم رحت الحمام وانتو بكرامة

ولما جيت بطلع !! اتاري الباب ما يفتح ... يا ابن الحلال افتح !! ما فتح ... كنت تعبان ... و الجو شتاء وبرد

والحمام في آخر البيت ولو افطس من الزعيق ما حد بيسمع .. ومعظم اخواني نايمين او برا

فقلت خلني اختصر الوقت وأنام في الحمام

فرشت الفوطة على ارضية الحمام ... (كنت مستحي من نفسي) جؤجؤجؤ

وحاولت انام ... لكن ما قدرت ... الجو بارد وأرضية الحمام ثلج ...

قعد في الحمام ساعتين احاول انام ... ما قدرت ... الى ان اتى الفرج ...

كانت خوش حبسة .. مع انها مدة قصيرة .. بس عن جد افتقدت الحرية

والحين ادخل الحمام بالجوال ... حتى ما انحبس

جؤجؤجؤجؤجؤ


حســــــــين

[حسينكو]

ايه والله يا بو سعود ... ما باقي الا المساجد يخلونها عوائل بس

اللي يشوفهم يقول ان احنا مو ولاد عوائل


حســـــين

[لآلئ]

حصل لي موقف محرج العام الماضي ..
كانت لدينا معلمة طيبة وغلبانة ..
المهم في يوم من الأيام دخلت المعلمة الفصل ومعاها وعاء فيه ماء وكور ( يعني عشان تجربة الدرس )
المهم .. هي كانت تدخل يها في الماء وتطلعها (( يعني يدها ابتلت- اتبلبلت -))
المهم أنا كنت أطالع فيها حزنانة عليها .. يدها مبتلة( مبلولة)
وتكتب بالطباشير ..
يعني يدينها تلغوصت ( اتعدمت )
المهم أنا كان في جيبي مناديل .. ونفسي أعطيها منديل بس مستحية ..
ولا شوية .. هي طلبت مني منديل .. أنا فرحت وقبل ما تكمل الجملة .. خرجت المنديل من جيبي وناولتها إياه وهي لافة وجهها للجهة الثانية ( ما تشوف إيش عطيتها )

المهم .. لمن حطيت المنديل في يدها .. التفت لي وابتسمت ..
تعرفوا لي ؟؟
قالت لي : أنا أريد آلة حاسبة ..
يعني بالفصيح هي ما طلبت منديل طلبت آلة حاسبة .. بس أنا مرجوجة ..
طبعن حمرت وصفرت وسخنت ..
وأعطيتها الآلة الحاسبة .. وقعدت أضحك لين ما فرصعت لي عيونها ؟؟

[bnt_elnoor]

اخوي ابو سعود ..حليلك والله الموقف مالك كسر خاطري ..بس بصراحه صج قهر ..والله يعينكم في السعوديه على هالايام أيام العوايل ..بس شفت الله في النهايه دلك على احلى مكان وهو المسجد ..وشو تبي عقب هالمكان الطاهر ؟!!!

اخوي فلاش ..موقفك ذكرني بموقف صار ليدوتي (جدتي) حليلها لانها وايد كبيرة في السن ..فاا مرة سرنا المطار وحليلها كانت جايه بدون نعالها ... فا ضطرينا نرد وتأخرنا عن موعد الطيارة ..


حسين ..موقفك اذا صار لي ما كنت بنساه في حياتي ..انحبس في الحمام هذا شي فضيع وماشالله عليك كنت ناوي تنام بعد ..هههههه.. والله ولك نفس ترقد بعد في الحمام ... بس يالله احين موبايلك بينقذك اذا تعرضت لهالموقف مرة ثانيه..

اخت لآليء ..صراحه موقف حلو .. وصار لي نفس هالموقف 100 مرة مع مدرساتي .. بس صراحه تنحرجين أكثر اذا كانت المدرسه جامعه صفين ويا بعض ..وصار لج هالموقف ....

اخ كسلان .... انت كان بالك ماهو معك يوم كنت تقول اسم امك الفاضله ..يعني انت صج كسلان ...

اما انا الموقف اللي صار لي اني يوم طلعت ويا العايله نتشرى اغراض في مركز من المراكز ... وحنا في المركز ولد اخوي الصغيروون ... كان وياي ..وهو يمشي بس بعده مو متزن يعني كثير ما يطيح ..المهم .. كنت شايلتنه .. وكانت شيلتي بطيح علي ولازم اعدلها ..فدورت يمين شمال حد بلقاه اعطيه الصغيروون ما لقيت حد ..والشيله شوي وبطيح ..ما كان عندي وقت ادور اي حد ..المهم ..وقفت ولد اخوي والمشكله اني كنت واقفه على منحدر شوي .. فلما وقفته وانا اعدل الشيله حليله لانه مو متزن طاح على راسه ..الحمدلله ما ستوى شي خطير ..بس كان يصيح بصوت عالي ..وما لقيت نفسي الا وسط حشد هائل من الناس ملتفين حوليني ..وانا منحرجه ..ويهي احمر الكل يشوفني ..هههههههههههههه ..والمشكله الكبرى ...يت الوالده ..وهه تمت تهاوشني بصوت عالي ..والكل يطالع والصغيروون يصيح ..وانا ما عرف شو بفكر .. جان آخذ سويج سيارة الوالد ..واركض وانا اركض طحت على ويهي ..واقول لكم ...والله العظيم حلفت بعد هالموقف ما دش ولا مركز ...ولليوم وانا ما ادش المراكز ....بس صج كان موقف فضييييييييييييييع ..وحسيت الناس والعالم كلهم يدروون بي ولو اظهر اي مكان ..بيقولون هذي البنيه اللي طيحت ولد اخوها ...
واسمحولي طولت عليكم ..
اختكم بنت النور

[الكسلان]

ليش أنا أقول لك ليش لأنه صوت موظفت السنترال كان حيل نااااااااااعم :) وظاعت علومي :)

[saif_m]

فلاش99

فظيــــــــــــــع ... انكان مشيت حافي ما كان احسن ... ابصراحة فقدنـــــــــــــــاك ..

[الغيث]

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه بنت النور اصدقين ضحكت وايد على هالموقف ....


لآلي لا تذكريني بالمواقف اللي استوت لي مع المدرسات ههههههههههههههههههههههههههههههههههههههههه اسألأي بنت النور ...مواقف ما انحسد عليها ........

مواقفكم اضحك و الله ........ الله يحفضنا منها ههههههه..

أما الموقف اللي خطر على بالي هو هههههههههه.. مره كنت رايحه أنام و أنا شبريتي(السرير) عند الدريشه و أول ما سكرت عيني سمعت صوت حد يدق على الشباك اللي حذالي .. جان أقوم بسرعه و أنا خايفه و مستغربه لأن حجرتي في الطابق الثاني و منو ها اللي بيتسلق و بيدق على الشباك ... فيوم فتحت الستاره ما لقيت حد ... جان أرد أرقد و تكرر نفس الصوت و أنا أقوم و ما أحصل شي ... آخر شي يت إختي و قلتلها عن الصوت و ما صدقتني و شوي و هي سمعته جان اصاارخ و تركض برع الحجره ... أنا أول ما جفت موقفها سويت نفسها و قمت أصارخ نفسها و نزلت عند أبوي و أنا شوي و بصيح و اقوله في يني في حجرتي ....

أبوي ما صدقني و تم يضحك و يقولي أكيد تحلمين ... المهم كان يبا يهديني فسار حليله هو و أخوي برع البيت و فوق السقف بس ما لقوا شي ...............

و في النهايه اكتشفنا إن الصوت كان صوت باب لبيت ... ههههههههههههه راعي الدكان كان يايب أغراض و ما يعرف وين جرس البيت فتم يدق الباب و الصوت يوصل عندي في حجرتي ههههههههههههههههههههههههههههههههههههههه .......


حليله خاس برع و إحنا حاشرين الدنيا في البيت ... و يوم رحت أرقد يت إختي العوده و قالتلي تعالي ارقدي عندي ( على فكره هي أكبر خوافه في الفريج ) و ما خلت ليت في الحجره إلا و فتحته هههههههههههههههههه

كان يوم فضييييع ما أنساه ...


إختكم الغيث

[الدكتور ريان]

أطرف موقف حصل لي قبل سنتين تقريبا ..

في صباح يوم عادي ...قبل فترة الدوام ..لبست ثوبي وشماغي (الزي السعودي)وذلك العطر .وتلك النظارة الشمسية ..وكنت أخر شياكة ..واخر اناقة :)
واتجت الى مقر عملي ..واوقفت سيارتي ..في المواقف ..واتجهت بسرررعة لى ..وفجأة اتصلت بي والدتي ...وكلمتها وانا داخل بكل سرعتي الى المبنى ..


لتسمع والدتي بعد فترة من صوت جوالي صوت :
ظرررررراااااااااااخ ......دجججججججج

ماحصل ..انه كان هنالك ابواب زجاجية ألكترونية تعمل باليزر
وتفتح وتقفل ألكترونيا ...وكنت دائما اثق فيها لاانها تفتح بسرعة ..اي قبل وصولي حتى ..
ولكن ماحصل هذة المرة :):):):) انه التصق وجهي والنظارة والجوال والشماغ والعقال في تلك الابواب (أرتطمت بها لاانها مقفلة )وسقطت على الارض ....لتخبرني والدتي بعد ذلك ..انها كانت تريد ان تقول لي انه اليوم جمعة ..لايوجد دوام ..وطبعا الابواب كانت مقفلة بذلك السبب ....هههههههههه وجلست اضحك على نفسي كلما ارى الابواب الزجاجية :) تحياتي

[bnt_elnoor]

مشكورين وايد على المشاركه ....
اتصديقين يالغيث ..انا متأكده انه يني (جني) مو راعي الدكان ..انتي تعرفين بيتكم كله ينانوه ...:):):) امزح وياج مو تصدقين ..عقب ما فينا ما ترقدين الليل ...

اخ كسلان ...هههههههههههههههه ... اتصدق ضحكت من خاطري لمن كتبت ان الصوت الناعم هو اللي خلاك تقول اسم الوالده غلط :):) الله يهديك :)

اخوي د/ ريان ..خسارة كل ذيك الشياكه .....:):):) بس اللي يقهر اكثر انك نشيت من رقادك في يوم اجازتك ... ههههههههههههه تصدق ذكرتني بموقف..حصل لبنت خالي وحنا صغار ..في الابتدائيه..
هم كانوا في ذيك الوقت ساكنين حذالنا .. وكنت دووم انا اخلص قبل بنت خالي والبس ملابس المدرسه واتزهب واظهر عشان انطر الباص قبلها ..وكانت تنقهر ..وفي يوم من الايام .. البنيه حليلها من القهر ..نشت الساعه 4 الفجر تزهب ..عشان تخلص قبلي .. هههههههه
بس حليلها ..كان يوم الجمعه ..وما في مدرسه .ههههههه :):) الله يذكرها بالخير ...

اختكم بنت النور