أشياء تقهر00

[للحق صدى]

أشياء تقهر00
أشياء تقهر00

والله الأشياء اللي تقهر كثير00




- يقهرني اللي يسلم بيده اليمين ويده الثانيه بجيبه000 كانه بيعطيك ريال0

- ويقهرني اللي يسلم وهو جالس000 (اكره السلام بهالطريقه)

- وفي حركه مره تقهر يوم تجين تسلمي على وحده وتمدين يدك00 ولا كانها شايفتهن00 والاهي تمسح خدها بخدك000 (برستيج) والله فشله 00 ولازالت اليد ممتده

- ومثل اللي يعزمك على الغدا بكره وهو اليوم مسافر00 (اعوذبالله)

- واللي يجلسون في المحاضرات يلعبون بالجوالات ولا نايمي00 وانت تكتب كل اللي يقوله الدكتور ويوم الامتحان00 يقولون : فلان عطني مذكرتك00

- ولا اللي تسـألهم في الامتحانات كيف صلحتو يقولون بنسقط000 ماحلينا شي00 الا يوم النتايج وهم ماخذين امتياز00 (خايفين من الحسد) مالت عليهم

- ويقهر بعد اللي يتصدد يوم يشوفك وانت اصلا ماتبي تشوف وجه00

والله في اشياء تقهر واجد 00 لكن الحين نسيتها000

وش رايكم كل واحد يدخل يقول وش هي الاشياء اللي تقهره00

وسلامتكم000
مع تحياتى:
للحق صدى

[the sorcerer]

كثير أشياء تقهر لا و بعد تفور الدم

وأكثر شيء يقهرني التنطنيش تراه يحرق الأعصاب
ما أاحب الإستغلال يخليني أكره إني أتعامل مع ذولي الناس
الجدال ويكون المجادل غلطان
وما أحب التعليقات والدق بالكلام


ماأدري في أشياء كثير تقهرني وتعصبني بس يالله المسامح كريم

[غريب نجد]

هذي بس الاشياء الي تقهرك ...:):)

اجل انت في خير والله وسبحان الله بالك وسيع وانا اخوك :):)

تحياتي لك

[break_heart]

انا اكره الصديق اللي يغدر بربيعه ويلبسه من يحصل شخص ثاني
وجني ما اروم اسوي نفسه ..
اكره يوم الواحد يلبسك من بعد عشره وكنك ما عشت وياه كل هاي السنين .. واكره كيف الواحد يقول انت احسن الناس عندي واعز من
فلان وفلان وفي نفس الوقت يقول حق ربيعه الثاني نفس الكلام .......اعوذ بالله
اكره يوم الواحد ينسى اهله وربعه عشان شخص ثاني ليش الكل بينسحب منه الا الاهل بيقفون معاه والله انها حاله تغربل.. واكره يوم الواحد ما يعرفك ويتجاهلك يوم حد يكون معاك جنه يتنكرلك..
اما الموت والقهر والشئ اللي يسفزني يوم حد يتكلم عليه من ورايه ويتحسب اني ما بعرف اللي يقوله وانا كل شئ يوصلني ..

والله حاله... يالله خلها على الله .. يجيلهم يوم

[لآلئ]

عندي بس ملاحظة على هذي الجملة ..
- ولا اللي تسـألهم في الامتحانات كيف صلحتو يقولون بنسقط000 ماحلينا شي00 الا يوم النتايج وهم ماخذين امتياز00 (خايفين من الحسد) مالت عليهم ..
صراحة .. يمكن هي تقهر شوي بس ممكن بعض الناس يستخدموا كلمة أخرى بدل ( بنسقط ) .. مثلا خبصنا ولا : الأسئلة صعبة ..
ولا :في ناس ثانيين يسووا فلم هندي - زي حالاتنا ..
لكن هم لا يقصدون الكذب أو الخوف من الحسد .. لأن المعايير مختلفة من شخص لآخر ومن مرحلة لأخرى ..
خلونا في الثانوية مثلا .. هناك أشخاص قد يحزنون إذا نقصوا درجة أو أقل ، وهناك أشخاص يهمهم النجاح فحسب ..
على كل حال .. خلوني أذكر لكم إيش الأشياء اللي تقهرني :
1- أنقهر لما أشوف المسلمين يتقتلوا ويتذبحوا بعدين حضراتهم الكفار يقولوا : المسلمين إرهابيين ..
2- يقهرني الشخص اللي يسوي نفسو صديقك وبعدين بعد ما يحصل على مبتغاه ويخليك تتعب وتخسر .. ياخد كل تعبك ومجهودك وفلوسك ويتهمك اتهامات باطلة ويسلبك أحلى الأحلام وبعدين يتركك إنت وأطفالك على الحديدة .. لا يعلم بحالكم إلا الله .
3- يقهرني عدم تقدير المتفوقين واللي يمكن يكونوا موهبين بس ما حد داري عنهم ..
4- يقهروني الناس اللي يحكوا حكايات كلها كذب ويصروا على أنها حقيقية ..
5- يقهروني الناس اللي ما يخافوا ربهم ويتسلطوا على من هم أقل منهم ..
6- يقهروني الناس اللي يقلدوا الغرب - حتى في الأشياء الهبلة-

في أشياء كثيرة تقهرني .. بس ما راح أطول عليكم ..

[سموحة]

انا جبدي مبطوطة من الاشياء الوايدة حواليني اللي تقهرني

من الشخص اللي ايلف ويدور ( يا اخي قول اللي تبية بدون لف ودوران تراك عورت راسي )

من المره اللي لازم اتبوس الخد يوم اتسلم يا حبيبتي الدنيا حر وعرق ( فهموها عاد )

من مسئولي في العمل اللي ما يسمع مني انا اقول يمين وهو يقول شمال ( وبعدين يطلع يمين )

من ولدي لين اقول له لا تسوي جدي ايسويه عناد فيني ( أخ ودي اذبحة )

من زوجي الين اكلمة بكل جد وهو ايكالمني بكل برود ومزاح ( واي ودي امجق شعره اللي ما يتيود )

واشياء وايد بس ما ابي جبدي تنبط اكثر من جذي