حـزينــــة

[سموحة]

والله انا حزينة ومحترة ومنبطة جبدي بعد

تدرون ليش



























أهل زوجي يرفضون يزروني في بيتي الجديد ............. ليش انا اشسويت لهم

والله ما سويت لهم شي ويوم طلعت من عندهم ذيك الجمعة والله بكيت من قلب

القصة وما فيها أني قلت حق بو خالد جيب امك خل تجوف البيت

قال لي ما ايصير احنا لحين ما فرشنا خل إذا برز البيت كامل انجيبها

صدقوني هذي القصة وما فيها ولا اكثر ولا اقل

والحين صار لي مرتين احاول اجيبها وما ترضي

اهي ما اتقول بصراحة عن اللي في نفسها بس انا حاسه جذي

حتى البارحة زوجي قال لها وما رضت تقول له السنة الجاية فقال لها يعني بعد شهرين قالت لا أكثر بعد

يعني شنو تبي نترجاهه اكثر من جذي

والله ماني عارفتلها

اش رايكم انتو شاسوي معاهه http://www.swalif.net/sforum1/images/smilies/confused.gif

[ثائر]

اختي سماح ...
هذي مشكلة كل زوجات الابناء ... والحموات ..
لكن عليج انج تتجملين وتصبرين
و تداومين على الالحاح في طلب زيارتها ..يعني احيانا الامهات يحبون يحسون انهم مصب اهتمام ..تحب تشوف غلاوتها شويتين
يعني الحين انتي تعرفين عز المعرفه اشقد زوجج يحبج ..
لكن تحبين تشوفينه يعبر لج عن حبحه في كل مناسبه ..وكذلك الحال بالنسبه له ..
وهذي حالة كل الناس .. الاخوان والاصدقاء ..

يعني يحبون يتميلحون شوي :):)
فانتي احسن لج ..
داومي بلطافه ..واستمري في طلبج واتصلي بها ..ومري عليها كل ما سنحت لج فرصه .و بيني لها انج حابه حيل جيتها ..
واذا تحبين توصلين لقلبها ...سميها يمه ..
عندنا زوجة اخوي ..ما تسمي امي الا يمه :) يا حليلهاوالله حتى امي تحبها اكثر من زوجتي ..ههههههه سكري حلجج ...ادري بطلتيه من المفاجأة ..

ما بعد اتزوج......هههههههه

[سموحة]

والله نصيحتك زينة

بس مو انا اللي لازم الح عليها لزيارتي ... لازم ولدها يلح عليها

وانا اعرفه زين ملول ما ايحب يطحن وايد .......... مب الحب http://www.swalif.net/sforum1/images/smilies/tongue.gif


بعدين من قال لك اني بابطل حلجي بالعكس

انا بطلت عيني http://www.swalif.net/sforum1/images/smilies/eek.gif

وشكراً للنصيحة

[ثائر]

صحيح دور ولدها مهم ~...

لكن الموقف حساس بينك وبيناه اكثر من ولدها ..
لاحظي انتي اللي فنظرها اخذتي ولدها ..
فعوضيها خليها بدل ما تحس انها نقصت ولد ..
كسبت بنت فوق ولدها ..
والله كل ام تحب انها تشوف زوجة ولدها تحبها اكثر من ولدها حتى ..
ما عليج ..خليه يستمر هو الثاني و براحته لا يضغط وايد ..
بس انتي لا ...سوي اللي قلت لج ..وبتشوفين شلون النتائج .
في شي بعد..
اذا دار الكلام على البيت ..استغلي الفرصه وقولي ..فرحتي فيه ماكتملت لانج ما نورتيه .. وكثري كلام حلو ..( مو نفاق هذا ترى ) بالعكس الكلام الطيب الحلو مطلوب وواجب بين الاهل
لانهم اولى الناس بحسن العشرة ..
وبيلين قلبها ...

وتحياتي ..لا تبققين عيونج وايد ...استحي :p :D هههههههه

[سموحة]

أخي الكبير

هلا بك والله

بس في أشياء لا انت ولا الاصدقاء يعرفونها

راح اقول لكم نبذه عنها

أم زوجي تحب بناتها أكثر حتى مرة زوجي قال لي والحزن واضح عليه

( أمي تحب خواتي اكثر منا نحن الاولاد ، عشان جذي تجوفين اخواني دايم يتهاوشون مع خواتي ، كلا من معاملت امي الله يسامحها بس )

بالحرف الواحد قال لي هالكلمة وهو كان مضايق مع امه حيل

والله حالفتوني اني انا اللي معاهه بالبيت ست سنوات كانت دايم لين تطبخ شي أنا احبه ما كانت تعطيني بالعكس كانت تشيلة تخشه لين بناتها يشرفون حتى ولدها ما كانت تعطيه

آخ يا ثائر قلبت المواجع علي

بس معاليه الحين انا ابروحي وبارتاح من هالمعاناه

بس لو اتيي تزورني جان انا ارتاح عشان كلامها حق الناس

لتقول اني اكرهه ... بس في نفس الوقت ما احبها وايد عشان اهي وايد ضرتني

وعلى فكرة انا من يوم تزوجت وانا دايم اناديهه يمه اش تبي اكثر من جذي

[ثائر]

الحمدلله انكم سكنتوا لحالكم ,,,

خلاص ..انتي ما عليج منها و من كلام الناس ..
الناس كلامهم ماراح يخلص ..
ويحي قلبج ..

اهم شي انتي وزوجج ..متفاهمين .. ومرتاحين

وهذ اكبر نعمة من الاله ..:)

تحياتي لج وتمنياتي انج تروحين ..مؤبد =======>> في السعاده :D

[سموحة]

الله ايسالمك

وأن شاء الله تتزوج وتعيش حياة سعيدة وهانئه

وامك تحب زوجتك أكثر من زوجه اخوك http://www.swalif.net/sforum1/images/smilies/cool.gif

[البحاري]

باختصار شديد .. الكلمة الطيبة والتعامل الحسن :):) تجعل القلوب تلين :):)

وفي أمر ثاني ( الحيلة ) ههههههه تظاهري بأنك مريضة :D :D

تحياتي لك :p

[SAUD33]

هلا بالمواضيع الحساسة :)

انت تعرفين أن الأم هذي ربت ولدها لين صار عمره ذاك لحساب الله يعطيكم طولة العمر ومو بالهين عليها ان تشوفه في طرفة عين عند واحدة ثانية :) قصدي زوجته الغالية :):):)ترى الموقف صعب صحيح بس مثل ما أقول لج لا تثيرين الحساسية بينكم !!!! وهذا لمصلحة الجميع :) نعم الحي عليها باسلوب حلو وهدية حلوة من عند ولدها ومرة ومرتين وكثر الطق يا بنتي يفك للحام وطبع الأم حنون >< وبعدين مو كل شيئ يصير بينكم تصريحين به ؟!!!! يعني لازم بدايةً يجب ان تتحملي وهذا في كل البيوت يا بنتي !!!! ومن قال ان الأم تحب البنات اكثر من الأبناء ؟؟؟؟؟؟؟البنت سر امها زي ما يقولوا ؟؟ بس هذا ما يعطي معنى انها تفضل هذا على ذا :) ربما العكس صحيح ! المهم انت حاولي ولا تيأسي وصدقيني الكلمة الحلوة والأبتسامة مطلوبين في هالحزة :):)ولحي عليها مثل ما تفضل ابني الغالي ثائر:):) الفرحة لاتكتمل إلأ بوصولها الى البيت ومرة ومرتين وشوفي النتيجة :) يعني لو هي شدت اشوية انت رخي وما المانع ؟؟؟؟ انتي ايضاً بحسبة ابنتها :) والزواج يا بنتي بيت الأمان للحب

------------------------------------------------
والله حالفتوني اني انا اللي معاهه بالبيت ست سنوات كانت دايم لين تطبخ شي أنا احبه ما كانت تعطيني بالعكس كانت تشيلة تخشه لين بناتها يشرفون حتى ولدها ما كانت تعطيه


الحين رايح يتغير الحال والصبر زين :)

سبحان مغير الأحوال من حال إلأى حال :)
نعم واكرر عندما انفصلتوا عن البيت وصرتوا لحالكم
الحال رايح يتغير :):):)

[بنت العين]

سمــــــــــــــاح

و لاتزعلين عمرج..كلها كم يوم و ايطيح الحطب
و بعدين انتي عيد ميلادج ما صارله الا كم يوم...يعني ما يصير تزعلين
يمكن اتغلى عليكم...حلفي يمين عليها..و يمكن ترضى


و مبــــــــــــــــــــــــــروك السكنه


تحياتي لج...:)

[سموحة]

مرحبا بحاري

راح اجرب طريقة المرض يمكن تنفع ... بس أخاف الخدامة تفتن علي http://www.swalif.net/sforum1/images/smilies/wink.gif




مرحبا بأبي سعود

هلا بأبو النصائح
أولاً - بس خلاص ما ابي احلف صدقني يا يبا اني عمري ما طولت لساني أصلاً أمي ما ربتني على كذا بعدين في الطلعة والدخلة كلا - يما باروح هالمكان تبين شي - اشلونج يما ان شاء الله زينه - الله يعطيج العافية - وطبعاً من هالكلام الحلو وطبعاً كالعيد هدية وكل مناسبة هدية حتى بناتها ما يجيبون مثلها لا والقهر أني اجوف اللي جبته عند بناتها

ها شتقول الحين لي حق اقتهر وازعل ولا اشلون
بس بعد على قولت امي صيري انتي الاحسن وهذاني انا الاحسن بس من يحس فيني



هلا بنت العين

لا اخاف احلف عليها وتفشالني بعدين لازم اصوم ثلاثة ايام وارمضان ياي
بعدين لازم ازعل اشوي لاني احس اني غير مرغوب فيني من ناحيتها لانها فشالتني اني واصلة لين عندها عشان اتيي معاي - تخيلي الموقف تغير ويهي وزعلت بعد ما عطتني ويه

[حسينكو]

مرحبا شخبارج اختي سموح

انا ما اعرف للمشاكل اللي من هالنوع ... بعدني عزوبي :):)

اقول لج خطة .... بس لا تسميني ابو الخطط بعدين

شوفي الولد عزيز عند امه ... وولد الولد اعز بعد

خلي رجلج يعمل حاله مريض وطايح في الفراش ... بعد الشر
بس تمثيل ... حتى تجي

أو مثلوا عليها ان خلودي تعبان ... ويسأل عنها
بتيي لكم ركضة

..............
انا اللي اعرفه ان الحماة حساسة وايد ... وتبي بس العلفة ... تعرفي طبعا شنو تعني العلفة :D :D
فهي تحسست من موضوع انكم ما خليتوها تجي اول ما سكنتم .... وأنا من رايي انكم الففروض تجيبوها من البداية حتى لو البيت مو مفروش ... هي مش غريبة ... يعني تيك إت ايزي وخليها تجي


لكن حصل خير

اتمنى ان المشكلة تنحل بسرعة
بدعي لج


تحياتي
حسين

[سموحة]

أنا قلت لزوجي أنها تجي من الاول بس ما رضي - ما يبي امه تجوف البيت مكركب

بعدين اشلون اخلي زوجي يمثل وهو مو مقتنع أن أمه زعلانه

أهو يقول أنها بتيي بس بعدين - خاليها على راحتها

وانا احس انه مو عدله أنه بيت ولدها تدشة آخر العالم

والله أيش تقول



بس تدري أنا اعور قلبي ليش أهي أمي ولا أمه http://www.swalif.net/sforum1/images/smilies/redface.gif

[حسينكو]

مرحبا سموح

لا اهيه ام عيالج العودة
:cool: :cool: :cool:

الله يهدي النفوس