BRABUS
11-11-2001, 12:55 AM
يا هلا وغلا بللي يدور الوناسة ويانا.. اليوم باقولكم سالفة واحد من الشباب، الله يذكره بالخير، اسمه حميد، وربيعته اسمها ليلى (على قولته هو)، وربيعة ليلى اسمها (مريم). 3 انفار لا تظيعون.. حميد، ليلى ومريم.
السالفة سلمكم الله، ان الاخ تعلق بربيعته وايد وهي بعد تعلقت فيه، حبوا بعض حب قيس وليلى.. هني بنقول حميد وليلى. لووول.. المهم، حميد وربيعته يالسين يرمسون في التيلفون، وقالتله ليلى انها معزومه على الغدا ويا مريم في مطعم في السيتي. حبيبنا يسولف وياها وقالها (ليلووه بااي بتغدى وياكم، من زمان ما كليت من برع، شو رايج!!) هو حاط في باله انها اكيد بتقول له لا مثل كل مرة !!! بس هاي المرة قالتله (هممممم بفكر وباقولك). الولد تفائل وصدق عمره وقالها بتكشخ اخر كشخة، وبتشييك اخر شياكة (عيني عليك باردة) وهاذييج الكندورة اليديدة والساعة اليديدة والنعال في كرتونه وهاذاك العطر الغاوي (ايام اتعطر فيه واخلصه). بس حبيبنا ما عنده موتر.... هني توههج.. هو يدري انه ما عنده سيارة توديه وما يبا يضيع شوفة حبيبته. شو تتوقعون سووى. (الساعة كانت جريب ال 2 الظهر) سار وقف على الشارع يدور تكسي. و عقب 5 دقايق حصل تكسي ... قاله يسير السيتي.. (اول مرة اشوف واحد مواعد وساير بتكسي). المهم، وصل سموه السيتي، وتم يحاوط، ويحاوط.......جان اييلس صوب المطاعم.. عقب شوي اتصلت حبيبة القلب... وقالها وين يالس وشو اوصافه... المهم، البنت عرفته، ومرت وراه وقالتله (فديت الطابوقة) حبيبنا عنده الكوميونيكيتور 9110 .. فسمع الصوت مرتين.. في التيلفون ومن وراه.. التفت وشاف بنتين وحده منهم لفت ويهها وابتسمت.. الحبيب زين ما قام ورقص من الفرحة.. تم يالس مكانه.. تم يطالعهم لين ما دخلوا مطعم ما اذكر شو اسمه بس له فرع في حمرعين (احم احم). وقام ويلس في نفس المطعم الي هم فيه.. بس مب عدالهم.. مجابلهم.. مكان استراتيجي.. في نص المحل وهم في الزاوية يعني يوم بيطلعن لازم يمرن جدامه..
المهم، يلس حمود ويطالع في ملكة الجمال اللي جدامه، وياه الجارسون يابله المينيو (menu) , وما يعرف شو يطلب.. حبيبنا متعود على العيش والصالونة في البيت,, و شله في اكل المطاعم... طلب عيش ودياي على الطريقة الصينية.. قلت حق ربيعي (ما يابولك العصاتين مالهم)؟؟!!!! وطلب صحن حمص اونه مقبلات....، وبيبسي.. المهم حبيبنا سرحان ويا حبيبته................. لين ما حطوا الاكل جدامه..هني انتبه.............. من شاف الصحن انسدت نفسه...ديايهم غير... يابس ما ينتكل.... (قولوا الحمدلله على النعمة اللي احنا فيها) تم ينقب مني ومني شرب شوية بيبسي على شويه حمص..................................... والعصفورين ياكلون ويطالعون بعض.
خلصوا غداهم الحلوات ويابوولهم الفاتورة ... ودفعوا الحساب وقاموا..حبيبي يالس ويطالع....... وقاموا من على الطاولة... ومثل ما قال مروا جدامه..... حبيبته مرت على ايده اليمين والثانية على يساره. ويوم تقربت منه، حط عينه في عينها جان يبتسم وهي ابتسمت ونزلت راسها طلعوا من المحل وهو تم يالس يطالع المكان اللي كانوا يالسين فيه.. عقب شوي ... طلب الفاتورة.. وسرح مرة ثانية في ليلى.. ما انتبه يوم حطوا الفاتورة جدامه...هني قال... (الله يستر بس) الحبيب توههج طلعت الفاتورة 43 درهم (وصحن العيش ب25، البيبسي ب7 والحمص ب7 تقريبا) دفح الفاتورة وقال توبة انه يدخل مطاعم.
طلع من المركز ودور له اقرب تاكسي على شان يرد البيت. وصل الحبيب البيت واتصل فيها وسولفوا..............وزاد الحب بينهم
((هاي هي قصتنا واسمحولي اذا طولت عليكم شوي لين ما كملت القصة...))
يلا باي باي
http://www.deniaelwlah.f2s.com/cocktail/yoom.htm
السالفة سلمكم الله، ان الاخ تعلق بربيعته وايد وهي بعد تعلقت فيه، حبوا بعض حب قيس وليلى.. هني بنقول حميد وليلى. لووول.. المهم، حميد وربيعته يالسين يرمسون في التيلفون، وقالتله ليلى انها معزومه على الغدا ويا مريم في مطعم في السيتي. حبيبنا يسولف وياها وقالها (ليلووه بااي بتغدى وياكم، من زمان ما كليت من برع، شو رايج!!) هو حاط في باله انها اكيد بتقول له لا مثل كل مرة !!! بس هاي المرة قالتله (هممممم بفكر وباقولك). الولد تفائل وصدق عمره وقالها بتكشخ اخر كشخة، وبتشييك اخر شياكة (عيني عليك باردة) وهاذييج الكندورة اليديدة والساعة اليديدة والنعال في كرتونه وهاذاك العطر الغاوي (ايام اتعطر فيه واخلصه). بس حبيبنا ما عنده موتر.... هني توههج.. هو يدري انه ما عنده سيارة توديه وما يبا يضيع شوفة حبيبته. شو تتوقعون سووى. (الساعة كانت جريب ال 2 الظهر) سار وقف على الشارع يدور تكسي. و عقب 5 دقايق حصل تكسي ... قاله يسير السيتي.. (اول مرة اشوف واحد مواعد وساير بتكسي). المهم، وصل سموه السيتي، وتم يحاوط، ويحاوط.......جان اييلس صوب المطاعم.. عقب شوي اتصلت حبيبة القلب... وقالها وين يالس وشو اوصافه... المهم، البنت عرفته، ومرت وراه وقالتله (فديت الطابوقة) حبيبنا عنده الكوميونيكيتور 9110 .. فسمع الصوت مرتين.. في التيلفون ومن وراه.. التفت وشاف بنتين وحده منهم لفت ويهها وابتسمت.. الحبيب زين ما قام ورقص من الفرحة.. تم يالس مكانه.. تم يطالعهم لين ما دخلوا مطعم ما اذكر شو اسمه بس له فرع في حمرعين (احم احم). وقام ويلس في نفس المطعم الي هم فيه.. بس مب عدالهم.. مجابلهم.. مكان استراتيجي.. في نص المحل وهم في الزاوية يعني يوم بيطلعن لازم يمرن جدامه..
المهم، يلس حمود ويطالع في ملكة الجمال اللي جدامه، وياه الجارسون يابله المينيو (menu) , وما يعرف شو يطلب.. حبيبنا متعود على العيش والصالونة في البيت,, و شله في اكل المطاعم... طلب عيش ودياي على الطريقة الصينية.. قلت حق ربيعي (ما يابولك العصاتين مالهم)؟؟!!!! وطلب صحن حمص اونه مقبلات....، وبيبسي.. المهم حبيبنا سرحان ويا حبيبته................. لين ما حطوا الاكل جدامه..هني انتبه.............. من شاف الصحن انسدت نفسه...ديايهم غير... يابس ما ينتكل.... (قولوا الحمدلله على النعمة اللي احنا فيها) تم ينقب مني ومني شرب شوية بيبسي على شويه حمص..................................... والعصفورين ياكلون ويطالعون بعض.
خلصوا غداهم الحلوات ويابوولهم الفاتورة ... ودفعوا الحساب وقاموا..حبيبي يالس ويطالع....... وقاموا من على الطاولة... ومثل ما قال مروا جدامه..... حبيبته مرت على ايده اليمين والثانية على يساره. ويوم تقربت منه، حط عينه في عينها جان يبتسم وهي ابتسمت ونزلت راسها طلعوا من المحل وهو تم يالس يطالع المكان اللي كانوا يالسين فيه.. عقب شوي ... طلب الفاتورة.. وسرح مرة ثانية في ليلى.. ما انتبه يوم حطوا الفاتورة جدامه...هني قال... (الله يستر بس) الحبيب توههج طلعت الفاتورة 43 درهم (وصحن العيش ب25، البيبسي ب7 والحمص ب7 تقريبا) دفح الفاتورة وقال توبة انه يدخل مطاعم.
طلع من المركز ودور له اقرب تاكسي على شان يرد البيت. وصل الحبيب البيت واتصل فيها وسولفوا..............وزاد الحب بينهم
((هاي هي قصتنا واسمحولي اذا طولت عليكم شوي لين ما كملت القصة...))
يلا باي باي
http://www.deniaelwlah.f2s.com/cocktail/yoom.htm