أحبك و أكرهـــــــــــــــك

[غالية]

تذكرتك وأبي النسيان.. ألا ياخلي ساعدني
ترى مالي من الذكرى الى ضاع الامل خيره

انا ودي على الفرقا..حبيبي لو تعاهدني
الا شفتك تصد ولا تجيب لما مضى سيره

تخير غير هذي الارض مكان به تواعدني
تخيرلك مكان صعب أعرف في يوم تقديره

عسى الجرح الذي يدنيك منى..عنك يبعدني
انا اللي أكرهك وأحبك شعور صعب تفسيره

حسيبك يالهوى الظالم..حسيبك لا تعاندني
بيلقى صاحبي غيري وبالقى في العرب غيره
(( بــدر بن عبدالمحسن ))

[SAUD33]

الله لا يجيب حزن انشاء الله

ويسلم غاليك على الشعر الجميل يا غالية

الله يجعل ادياركم عامرة بالفرح والسرور :):):)

[غالية]

مرحبا اخوي سعود....الله يسمع منك و يجعل ديرنا عامره بالافراح :)
تحياتي لك و شكراً على الرد :)

[المبتسم]

تحيه طيبه لكي وبعد>>>
الحمد لله رجع لوبييز الحقيقي هههههه

ثانيا صراحه كلامات رائعه جدا لبدر بن عبد المحسن
وماهي غريبه عليه وهو اللي ينقاله مهندس الكلمه
بس ايش اللي خلاكي تتذكري كلماته?>
عسي ما تكوني متكدره
تري اللي يزعلك يزعلنا والله
والله يوفقك ونورلك دربك(علي قوله ماما سعوديه:D )
تحياتي لك
لوبييز

[غالية]

تسلم اخوي لوبيز على الرد....أنا من يوميين قاعده احط لكم قصايد حزينه يمكن هذا الشي يعكس حالتي النفسيه المتكدره هاليومين:(....لكن يالله الحمدالله على كل حال

تحياتي لك :)

[ثائر]

ليش الكدر ؟؟ليش الزعل ؟؟
خلي الجروح تمضي وعيشي السعاده ..

بعدج اصغيره ..وعيشي الامل ..
و لاتخلي دمعه عابره في حضن الوساده ..

تسرق بسمتج وتخطف حياتج في مهل ..
اشرقي يا شمس غاليه وغالي الشهاده ..

ابي منج وعد ..انج تنسي العلل..
وتجعلي احلامج وقود وزاد الوفاده ..

على الحياه اللي ما تصفى لحد من غير جلل..
كلها كدر وهموم ,,ولولا الظلام لغابالبدر يا كرم الله يا جواده ..

و تحياتي ...

و ما اجمل الكلمات .. مجرد تذوق للمعاني ..لكن لا تعيشيها ..

[غالية]

يسعد صباحك...مثل ما سعدتني بهالكلمات الرائعه :)

http://www.afary.net/cards/pix/thankx/8.jpg

أشكرك و تحيـــــــــــــــــاتي لك :) :) :)

[ثائر]

ويسعد ايامج يا اختي غاليه ...

العفو ..أختي .. اشكرج بدوري على الكارد الرهيب ... تسلمي يا طيبه ..

هذا واجبنا تجاه بعضنا .

وشعارنا ...

تعالوا نكسح الكدر كسحا ً ..:D :D

[Huda76]

الغالية غالية :)

هلا والله أختي :)

اختيار حلو .. تسلمين :)

تحياتي لك

[عاشقة]

الللللللللللللللللللللللللللللللللللللللللللللللللللللللللللللللللللله.. الله على الكلمات .. والاختيار الأروع :)

انا ودي على الفرقا..حبيبي لو تعاهدني
الا شفتك تصد ولا تجيب لما مضى سيره


تحياتي;)

[الأمير]

طبعا الشعر جميل ....مانختلف عليه ..

لكن ....













كاتبة الموضوع أجمل ...

وتحياتي

[غالية]

مرحبا اختي هدى...و اشكرك على تذوق اختياراتي من الشعر....تحياتي :)

[غالية]

مرحبا اختى عاشقة طلال ...و كلك ذوق و مشكوره على الاطراء على اختياري ...تحياتي لكي :)

[غالية]

هلا اخوي الامير ....و كلك ذوق والله .....تحيـــــــــــاتي لك :)

[عاشقة]

هل سيطول انتظار غالية سوالف...

((الجواب واضح))...

[المبتسم]

رد مقتبس من عاشقة
هل سيطول انتظار غالية سوالف...

((الجواب واضح))...