من الماضي

[أبو قلبين]

سبحان ربي يبتلي قلب الفتى .. بالحب حتى تزدري أحـــــواله

سبحانه اللي بدل الصيف بشتا .. وأنزل بقلبي اللي يغير حاله

أكتم هواي في فؤادي واخفته .. من دون عيني ما تشوف أشكـاله

لاني نسخته بلوحتي من لوحته .. واتخيله قلبي عديم أمثــــاله

إنسان لكن مختلف في هيئته .. مثل الملاك اللي بنــــوره تلالا

روح التواضع ميزته وما غرته .. دنيا ولا حتى كثير أمـــواله

بعقل البشر يصعب تخيل صورته .. واللي يحاول تحترق أوصــاله

ما ادري متى يفهم كلامي ولي متى .. بيظل قلبي محتمل أهـواله

لو بس تجرأ له فؤادي بكلمته .. لكن يخافه من ردود أفعــاله

لو بس زعل وش لون أقوى زعلته .. أو كيف أقدر أستقيم اقباله

والأرض ياللي عيشتني بجنته .. ما اظنها تقبل لقلبي اقــواله

أحسن لقلبي يحترس من غلطته.. ويفضل الكتمان في اللي يالــه

ما دام يجني من نوادر طلته .. كلمة تخفف من عنا موالـــــه

[زمردة]

وماذا من الحاضر .. أبو قلبين ؟

[بنت العين]

قصيده رائعه

ما ادري متى يفهم كلامي ولي متى .. بيظل قلبي محتمل أهـواله

لو بس تجرأ له فؤادي بكلمته .. لكن يخافه من ردود أفعــاله

رائعه فعلا...:):)

تحياتي لكـ :)

[توتة]

وين القلب الثالث ؟؟؟ :D

تسلم يا بو قلبين ...... :):)

[أبو قلبين]

زمردة ..

من لا ماضي له لا حاضر له ..


بنت العين ..

ما عليكم زود ...


توتة ..

القلب الثالث في الطريق بس لا تخبرين أحد فيه ناس الحين تبص بعين الغضب ..

تحياتي لكم ..

[حسينكو]

حلوة القصيدة يا ابو قلبين

خاصة مطلعها .. عجبني

حسين