أبو عيون زايغة................!

[زهرة الكركديه]

قالت عنه وهى تمدحه ...
ماشالله عليه شاب ولا كل الشباب علم وادب واخلاق ومبادى ريال له وعليه
محترم ولد عرب أحشام .....يا ليت كل الشباب يطلعون مثله....يا بخت أهله فيه يابخت الفريج الى اهم ساكنين فيه يابخت الشارع اللى حذالى بيتهم ....وين شباب الحين منه ..والله ما ييون قطرة في بحر مثالياته
والكثير الكثير من هذا الكلام ......
في اليوم التالى مطلعين صورته في الجريدة بتهمة معاكسة البنات

طول عمر واشبع طماشة ....:mad:


في احد الاعراس المقامة في البيت صار خلاف بين اخت المعرس واخت العروس واستوت مشادة وضرابه
اخت المعرس تقول
سود الله ويهج ياللى ما تستحين على ويهج
ترد الثانية
لا يا جليلة الحيا ياللى مب متربية والله لراويج
ويشتبكن في معارك لفظية ساخنة بل شديدة السخونة ...وكانت فيه حرمة ثانية قاعدة تحيز بينهم وتقول ..عيب يا بنات ما يصير جذى
اقعدن واستهدن بالله وصلن على النبى .....ونجحت تهديهن وبعدين قالت لهن
اسمعن هذا اللى صار ما اريدكن تتكلمن فيه خلاص انسن الموضوع ...وبلاش فضايح
بعد فترة طلعت هذى الحرمة اللى كانت تصلح ذات البين وشافت حرمة ثانية قاعدة روحها فى الظلام جت وقعدت حذالها
قالت لها ...
تدرين شو صار قبل شوى اخت المعرس واخت العروس تنازعن وتضاربن ..ما يستحن
ولا يخيلن ...عاقات الحيا مولية ..و .........و......وووووووو
طلعت الحرمة وحدة من الثنتين المتضاربات ..

عجبي......:confused:

يلاحقها من مكان لمكان ..يتصل بالبيت بعد ما حفا يحصل الرقم ...واذاها واذى اهلها باتصالاته وازعاجاته ..مع العلم ان هذى البنت مشهود لها بالاخلاق ..لكن السافل ملزم الا يشوه سمعتها لغرض في نفس يعقوب ولما مل وتعب والبنت ما تعطيه ويه يته جراة وقحة ووقف بسيارته جدام البيت ويسوى تلفون ويقول لخواتها خلوا اختكم فلانة تطلع لى تكلمنى.......ز:mad: :confused:
البنت دهشت وذهلت شو ها الوقاحة وانتظرت اخوها العود راجع من صلاة العشا ومباشرة قالتله واهى تبكى...اخوى اريدك بسالفة
الاخ اخذ الرقم من الكاشف ومباشرة على قسم الشرطة ...
ويابوه الشرطة ولان الشاب ولد عز ونفوذ يا وهو ساحب معاه عشر رياييل من اهله..........:confused:

زين على شو ......يعرف عمره ...
وجهوله تهمة مضايقة الناس والتحرش بفتاة في عقر دارها
انكر وقال اهى اللى تكلمنى ومسجل صوتها وعندى اثباتات ...قالوله ييب اثباتاتك ..وقف مثل لحمار لا يعرف شرق من غرب .....واخر وسيلة استخدمها قبل لا ينفضح اهى تشويه سمعتها بكلام يعجز اللسان عن وصفه .....
لكن الله وين ..ما يضرب بعصى .....
وهو ما يعرف قدر الذنب اللى يابه لعمره ..قذف المؤمنات بكلام لا صار ولا استوى
قبح الله وجه كل واحد من ها النوعية....

واسمحولنا

[مدردش متقاعد]

للأسف مثل هذه الظواهر منتشرة بكثر في مجتمعاتنا.. و ما خفي كان أعظم..

نسأل الله السلامة و العافية.. و الستر



تحياتي لك

[Miss_octopus]

اصلالالالالالالالالالالالالالالالالالالالالالالالالالالالالالالالالالا
من زمااااااااااااااااااااااااان
الي اختشوووووووووووووووووو ماتو

:mad:

[زهرة الكركديه]

والحمد لله على رجوعك بالسلامة

[زهرة الكركديه]

السالفة الثانية مستوية وياى ...

ومازلت معصبة من ذيج اليوم

[سردال]

السالفة الأولى: ياما تحت السواهي دواهي! :) شخصياً رأيت أحد أبناء المنطقة التي أعيش فيها وقد وضعت صورته في الجريدة لأنه من المعاكسين، فقلت الله يهديه هو وغيره، لا أدري لماذا يعتبرون بنات الناس لعبة بأيديهم.


السالفة الثانية: شفتي كيف؟! مرات نطيح في مثل هذي المشاكل بشكل يثير الغيظ! مرة أخوي الصغير يتكلم مع صاحبه في الصف، يتكلمون عن واحد من الناس، وطايحين حش فيه، المهم أخوي رجع وخبر الوالد بالسالفة، أبوي سأله عن اسم الولد، قاله: هذا فلان ولد فلان، قال أبويه: اللي تحشون فيه يصير أبو ربيعك! أخوي حط إيده على وجه من الفشلة :)


السالفة الثالثة: هذا كان لازم يتصرفون معاه بأسلوب آخر، لا شرطة ولا غيرهم، شوية ناس عضلات وخطة للإيقاع به، وبعدين ضرب إلين ما يحس أنه جاي للدنيا بالغلط.

ولأنه ولد عز يسوي هذا؟ وأهله يساعدونه على ظلمه بعد؟ لا بارك الله في أسرة ما تربي عيالها على الأدب.

[هزيم الرعد]

هلا

اخلاق تثير التساول:confused:

:confused: :confused: :confused:

[زهرة الكركديه]

على فكرة اخوى سردال زين يوم حصلتك ...اريد اخبرك بشىء قراته يتعلق باسمك ....
يمكن انت عارف معنى اسمك بس انا مب عارفة اذا انت تعرف علشان جذى بقولك
سردال معناها ..امير مراكب الغوص
..الله اسمك وايد حلو

ثانيا مشكور على التعليق وايد ضحكتنى جملة
الين يحس انه جاي على الدنيا بالغلط ..بس والله دواه ياليتهم جذى سوون فيه والله نذل ويستاهل
لكن لا حياة لمن تنادى
لا اللى يضحك ان المسالة وصلت للديوان ....والله قصة حقيقية والله الشاهد
اقولكم ولد عز ..لكن اخلاق ماشى صفر على الشمال


هزيم الرعد .....
....لا تقول اخلاق ..لان هذى التصرفات بريئة الاخلاق منها....
الا افعال تثير الاستغراب
وشكرا هزيم ....

[سردال]

زهرة الكركديه: صح! وإلك مليون دولار! :) فعلاً سردال معناه أمير مراكب الغوص.

أما سالفة الشاب التعبان هذا، فمشكلة بلادنا أن كبار الشخصيات يساعدون غيرهم على أخطائهم، المهم هذا صاحبي ومصلحتي من مصلحته.

ولو انضرب لين ما تختلف ضلوعه بنخليه يحس أن بنات مب لعبة.

بالمناسبة، المليون دولار إنسيها لأني ذكرتها مثل ما يذكرونها في الإعلان، لكن اتصلي على رقم : 999 إن شاء الله تحصلينها :)

[Huda76]

أختي الكريمة زهرة الكركديه

هلا بك والله أختي :)

موضوع جميل يعكس صور من الواقع المريـر ..

تحياتي لك

[حسينكو]

أهلين اختي زهرة
شخبارج
وينج من زمان ..
مشاركاتج قليلة هاليومين
صحيح المنتدى صار يسد النفس .. بس الطيبين يوحشونا
وين اخوج واختج ؟؟
ننتظر مشاركاتهم

اختي والله المواقف اللي قلتيها كلها تحصل وباستمرار
يعني تلاقي الواحد ما يبان عليه وهو ياما تحت السواهي دواهي

والا الثاني يتلذذ بتسبيب الاذى للناس ... خاصة لما يكون في مركز قوة
الله يلعن الواسطة :(


تحياتي .. وان شاء الله الى مجتمع افضل

حسين

[زهرة الكركديه]

الاخ سردال
اريد المليون مالى...مالى خص...:(

999

هذا رقم النجدة ....تريد توهقنى...يسعدنى اقولك قصة تضحك بخصوص هذا الرقم ..
مرة في المرات حبيت اتصل بالاهل اسلم عليهم ..ولما رفعت السماعة اتكلم ..سمعت دوشة وناس قاعدة ترمس وحجى وكلام وايد ..استغربت شو هذا ..سكرت السماعة ورفعتها مرة ثانية ونفس الشىء والاصوات ..حاولت ثالثة ورابعة وعاشرة ونفس السالفة
مع انى كنت اسال بالتلفون واقول الو ..شو السالفة شو المشكلة ..

قلت يمكن صاير استنفار او اى شىء من هذا القبيل ..
بعدين الله ستر ورد على صوت رجولى اجش ...قلت في خاطرى بسم الله الرحمن الرحيم شو هذا ..

اهو يقول الو السلام عليكم وانا اقول منو انت شو صاير.......؟
قالى
معاج النجدة
ياساتر ...النجدة ليش .شو تبون ..
قالى انتوا اللى متصلين ..قلتلو حاشا لله لا اتصلنا ولا عندك خبر
بعدين طلعت السالفة ان ..واحد من الشباب .....(( ولدى بو عقيل)) اهو اللى متصل يلعب..... وراح التلفون على النجدة ولانها النجدة خلوا الاتصال مستمر بين بيتى وبينهم قالوا سبحان الله..مب هم النجدة

وشكرا على ردك الجميل
بس بعدى اريد المليون مالى

[زهرة الكركديه]

شكرا هديل لمشاركتك القيمة



مرحبا حسين ..
بالعكس مشاركاتى زايدة ها اليومين بس يمكن لانى ما انزل مواضيع ...
المفروض الواحد يتأنا لما ينزل موضوع ..لازم يكون موضوع ..على الاقل لا باس به
مشاركاتى اكثرها ردود
وشكرا على السؤال

وشكرا على المشاركة ....وانشالله الى مجتمع افضل