بو هباش
03-01-2002, 03:41 PM
السلالالالام عليكم ,,,,,
هذي بعض المواقف المحرجة والمضحكه ,,, ويا ليت كل واحد منكم يعطينا اللي عنده .. تذكرة دخول يعني
اول موقف عليّ ، والباقي عليكم ...
يقولك هذا رجال حار وأقيشر واقف له عند اشارة مرور ، واخونا في الله ما فيه صبر وما يتحمل يشوف اشاره حمراء ، ويوم شاف الشارع ما فيه سيارات قال يا ولد ما حولك احد حرك بس بلا اشارة بلا هم ,,, والله ويحرك ،، وما امداه يمشي خطوتين الا ويطلع له ذاك الشرطي تقول جني ،، ويصرخ في وجهه ارجع ... ارجع ... انخرع خوينا ورجع ، الشكوى على الله ،،،، الرجعه ولا القسيمة ,,,,, المهم الرجال صارت في نفسه صرخة الشرطي وموقفه المحرج ووقوفه غصب من ورا خشيمه عند الاشاره .. ونوى شر الله يكفينا وياكم الشر ،،، قال والله ما ازلف من ذا الاشاره الا وانا قاطع قلب ذا الشرطي ،،،،، وشلون طيب ؟؟ قال أتفل في وجهه ،،، وجلس الله يحوم كبده يجمع تفاله ,, والشرطي الضعيّف في امان الله ما يدري وش بيصير ,,,, ويتحقرص الرجال عند الاشارة وده تفتح بسرعه علشان ينفذ الجريمة ،،،،، والله وتفتح الاشاره ، والرجال متولم ،،، مجمع التفال وفاتح القزازة ,,, والشرطي المسكين واقف بكل براءه جنب خوينا ،،، وشوي إلا والتفله صاكة في وجهه ، ويدعس ،،، وإثر الخبل ما عدّل القير مخليه على الريوس ، ويبي يمشي قدام والسياره تقول والله ما أمشي إلا ورا وخذها يا الضعيف روعه ، وقسيمه ،، وفشيله ،،،،،،،،،،
يله عطونا اللي عندكم .....
هذي بعض المواقف المحرجة والمضحكه ,,, ويا ليت كل واحد منكم يعطينا اللي عنده .. تذكرة دخول يعني
اول موقف عليّ ، والباقي عليكم ...
يقولك هذا رجال حار وأقيشر واقف له عند اشارة مرور ، واخونا في الله ما فيه صبر وما يتحمل يشوف اشاره حمراء ، ويوم شاف الشارع ما فيه سيارات قال يا ولد ما حولك احد حرك بس بلا اشارة بلا هم ,,, والله ويحرك ،، وما امداه يمشي خطوتين الا ويطلع له ذاك الشرطي تقول جني ،، ويصرخ في وجهه ارجع ... ارجع ... انخرع خوينا ورجع ، الشكوى على الله ،،،، الرجعه ولا القسيمة ,,,,, المهم الرجال صارت في نفسه صرخة الشرطي وموقفه المحرج ووقوفه غصب من ورا خشيمه عند الاشاره .. ونوى شر الله يكفينا وياكم الشر ،،، قال والله ما ازلف من ذا الاشاره الا وانا قاطع قلب ذا الشرطي ،،،،، وشلون طيب ؟؟ قال أتفل في وجهه ،،، وجلس الله يحوم كبده يجمع تفاله ,, والشرطي الضعيّف في امان الله ما يدري وش بيصير ,,,, ويتحقرص الرجال عند الاشارة وده تفتح بسرعه علشان ينفذ الجريمة ،،،،، والله وتفتح الاشاره ، والرجال متولم ،،، مجمع التفال وفاتح القزازة ,,, والشرطي المسكين واقف بكل براءه جنب خوينا ،،، وشوي إلا والتفله صاكة في وجهه ، ويدعس ،،، وإثر الخبل ما عدّل القير مخليه على الريوس ، ويبي يمشي قدام والسياره تقول والله ما أمشي إلا ورا وخذها يا الضعيف روعه ، وقسيمه ،، وفشيله ،،،،،،،،،،
يله عطونا اللي عندكم .....