View Full Version : ياجماعة ليش البوس ؟((( التقبيل )))
السلام عليكم ورحمة الله وبركاته
هذي سالفة بالله عليكم
يعني الواحد لما يشوف صاحبة ...لازم يقبله ...!!!!
والتقبيل اشلون عاد ...؟
اوف.....
يعني موضروري هالعادة ....وبايخة بصراحة اذا في مكان عام ...
لا ... والا اذا كان في العزاء ....
عندنا بالكويت ...وخصوصا عزاء النساء..
اووووه
يالطاف الله ....
غصبن عليكي تقبلين اهل الميت واحفاده واحفاد احفاده.... وبيت جيرانهم اللي جالسين معاهم يواسونهم ...والخالات والعمات .......
بس باقي نقبل الهنود اللي يخدمون عندهم ....
وتصوروا..... اللي تعرفه واللي ماتعرفه...
يعني لوحسبناها حسبة بسيطة ....اممممم كم مرة تقبل عند العزاء
امممممم
الشخص الواحد يتلقي 4 قبلات ( و2 نادرا)...
وشوف كم بالعزا.....؟؟ 20 راس ...لا طبعا ....الحبايب كلهم جالسين
60 راس بالنازل .....
يعني تدخل 10 دقايق....تطلع وانت عطيت اممم( 60 × 4) 240 قبلة
وانت مرتاح .....
هذي من العادات التي يمكن وانشاء الله تقل لان التقبيل مو معني للمحبة بين الاصدقاء والمعارف .....
واخيرا تحياتي لكم
المبتسم
02-02-2002, 09:32 PM
يا هلا اخت ظفره...
كعادتك متميزه في مواضيعك...
بس صراحه الموضوع هذا بلشه ههههههه....
صراحه الموضوع ما يبغاله احراج...
يعني انا مثلا اذا دخلت المجلس ما اقبل الا جدي وخيلاني
او اعمامي فقط...
اما باقي الطقه مصافحه بس...
عاد الواحد يشتغل بوس ما راح يفضي...:D ...
في البدايه ممكن يصير احرج لكن اذا الناس عرفت ان هذا
طبعك راح تتعود علي هذا الشئ...:)..
تحياتي..
الهلاليه
02-02-2002, 09:36 PM
هاي عادات متوارثة غصبن عنا
الوحدة منا إذا شافتها صاحبتها في مكان لازم الخدود تتلاقى واذا سلمت باليد بس زعلو وقالوا شايفه عمرها.
تحياتي
عزيز اشلونك
وبالبداية مبروووووووك عليكم الكاس
وتستحقونة بجدارة ....
وعن سالفة التقبيل يالله انا مني دعوة عامة للناس كافة
بطلوا بوس ومشوها مصافحة ...
سلام
مساء الخير
ليش يا اختي يقولون شايفة حالها .....
الابتسامة العريضة والنفس الحلوة .. مع المصافحة اعتقد كافي
تحياتي
رانيه
02-02-2002, 09:43 PM
عاده قديمه انا شايفه انها بدت تقل هالايام...
وبعدين..يعني تخيلي تدخلين عزا وما تبوسين اهلك والناس اللي تعرفينهم....:rolleyes:
طبيعي راح يقولون شايفه نفسها وما تعطي وجه....
وبعدين نحمد ربنا ان ما عندنا احنا النساء عاده حب الخشوم...
:) :D
تحياتي...
وموضوع حلو..
المبتسم
02-02-2002, 09:44 PM
رد مقتبس من ظفرة
مساء الخير
ليش يا اختي يقولون شايفة حالها .....
الابتسامة العريضة والنفس الحلوة .. مع المصافحة اعتقد كافي
تحياتي
امراءه عمليه(زياده عن اللزوم;) )...
تحياتي
كيفك عزيزتي
المشكلة بالعزاء ان اللكل يجلس ويتلقي العزا ...
يعني بوسي الجميع .....
اوووووف..
صعبة ....بس شنسوي ....
(((( وانا بعد وياهم )))
تحياتي
العطار
02-02-2002, 10:29 PM
أمووووووووااااااااااااااااااااااااااااااااااااح
عدد أعضاء سوالف
بوسة مقدمة للجميع
الحمد لله نحن عندنا التخاشم
يعني التحية بلمس ودق الخشوم
اسهل وهي طريقة عملية
:) :) :)
زهرة الكركديه
02-02-2002, 10:35 PM
ما توقعت تنزله بنت .......يال الجرأة........:D
وبعدين هذا شى متعودين عليه حتى لو في عزى ...
يعنى لازم نتوايه ونرحب ببعض ....عيل تبين الحريم يقولون هذى متكبره ما تسلم ولا توايه ...ولا على قولتج ..((........))..احم احم
المهم
لتجنب هذا الامر
اقفلى على عمرج الباب
ومع ذلك سيطرقن عليك ..و
مرايا مبعثرة
02-02-2002, 10:59 PM
:eek: :eek: ؟؟؟
http://www.beautystockphotos.com/stockphotos/lips/0612-218-18.jpg
:D :D
حروف سوالف
02-02-2002, 11:31 PM
عادي واذا كان يعني
ابتسامه ومصافحه ووجه منور ومسفهل وكمان بوسه او حتى اربع شلمشكله .........هذي تزيد التألف ..طبعا بين المرأه والمرأه ,,,والرجل والرجل بس ......
يعني واذا انسان اكبر منك بكثير او شيخ مجلس تبداء بوحده على راسه ......
بس الجد الجد انا يهاوشوني لاني ما ابوس كثير ويزعلون مني ..:(
بس شنسوي لازم نبوس .............
اخيك حروف الحب
حسينكو
03-02-2002, 12:29 AM
مرحبا اختي ظفرة
كيفك
وشلونج
وليش متضايقة
بالعكس .. انا اعتبر هالقبلات نوع من المعزة
يعني مو معقولة صاحبي يجي من السفر أو يغيب فترة والقاه ولا اقبله :):)
لازم .. والطريقة هي وحدة في الشمال وثلاث في اليمين
وفي خشم بعد ... عشوووووون عيل
بس هذي عادة حلوة حتى لو مسافرين برا نعملها ....
انتو البنات ما تبونها بكيفكم ....:mad:
:D
تحياتي
حسين
وردة العين
03-02-2002, 05:20 AM
أهلين ظفرة ..:)
البوس عندنا واجب ..ما يصير ندخل مجلس حريم وما نقوم نبوس على كل وحدة .... عيييييب ... بعدين يسوونها سالفة وفضيحة :(
والوالدة تستلمني لوم وتوبيخ :o
تحياتي :)
شعنونة سوالف
03-02-2002, 05:25 AM
عاده و واجب فقط لا غير...
وابدا لاتعبر عن الحب او الموده وخصوصا لما يكونوا اشخاص تشوفيهم دائما..
يعني بغض النظر عن الي راجع من السفر او مسافر.
مره كنت عند عمتي ودخلت بنت عمتي فقمت قلت لها هاي وانا بمكاني لا وقفت اسلم عليها او ابوسها...كان يدوب من كم يوم شفتها..
عمتي قالت مايصير لازم تسلمين عليها ولازم انت (بنت عمتي يعني) تقربين علشان تبوسيها :confused: :confused:
نحن لما كنا صغار كنا هيك نعمل:eek: :eek: :eek:
اذا بنت عمتي لازم ابوسها في كل مره اشوفها اذا اش بقى للغرب:rolleyes: :rolleyes:
ولنفترض اني قمت لا ابوسها كنت قمت بس تاديه لواجب وليس حراره استقبال..ما اقصد اني اكرها بس شئ ومنه
:) :)
لا يازهرة الكركديه …
ليش هذا الاسلوب معاي …
( وايد عليك تنزلين موضوع ) ( واقفلي عليك الباب )
انا يا زهرة اعتز بمواضيعي .. واذا كان هناك انتقاد بناء مستعدة اتقبله ولكن باسلوب بايخ مثل اسلوبك !!… لا ماتوقتعتها منك …
اولا
مواضيعي يشهده لها القراء … مو انتي …(متنوعة لدرجة كبيرة ومفيدة)
ثانيا
اسلوب الاستهزاء هذا ارفضه منك ومن غيرك …وان دل علي شيء يدل نوعية صاحبه
ثالثا
من واجب علي احترم رأي غيري وواجب عليك وعلي غيرك احترام رأيي
رابعا
موضوعي اصلا عن عادة التقبيل بين الناس… في المناسبات ومن غير مناسبات
خامساً
…. ابحثي عن اسلوب ثاني معاي … والا.. اذا كانت طريقتك انتي الاستهزاء .. فرجاءً الابتعاد عن مواضيعي وانا اوعدك ان ابتعد عن مواضيعك
واخيرا اسفة اذا اخطأت بحق اي شخص اوجرحت مشاعر احد
ولكن الثقة بالنفس مع حسن النية والاحترام .. وجرأة نظيفة ... أعتقد هذا هو المطلوب ....
تحياتي للنقاش البناء
زهرة الكركديه
03-02-2002, 01:03 PM
أرجو السموحة ورفع لعتاب
قصدى كلام بحب مغمور
الدكتور ريان
03-02-2002, 01:49 PM
يسعد صباحك بكل خير ...
ادري اختي الكريمة ..ان سبب انزعاجك من البوس هو كثرة البوسات على الخدود في البوس ...خصوصا في العزاء والاعياد تحسي انه خدك اتحفر من كثرة مايسلمون عليك الناس :)
لكن هذة عادة من العوائد التي نفتخر منها كاعرب لاانها تنقل جزء من الاحترام والمعزة فالخد مثل اليد ينقل حرارة الجسم والدفء بطريقة غير مباشرة ...وهي عادة قريبة من الحضن (وان كنا نحضن المسافرين ونودعهم ) ونشعرهم بجزء من دفئنا ..ولمعلوميتك ..اغلب الاجانب والغربيين ينتقدونا لهذة الطريقة ...ويقولون ..وع رجال يبوس رجال وامراة تبوس امرأة ...هذا لاانهم تفكيرهم منحط وغير راقي ولااننا سبقناهم في لغة التلامس والتعاطف والتكاتف ..انا طول حياتي ..وانا كل يوم نصبح فيه نبوس يد الوالدة ورأسها ..ويد الوالد ..ونحضنهم في السفر
انا معك انه كثرة البوس متعبة ...بس تصدقي احيانا تحسي انها تدل على رحابة وقلب مستضيفينك في بيتهم ...ولا ايش رأيك ؟؟؟
تحياتي :)
مساء الخير دكتورنا
تحياتي لك ولمداخلتك ...
احب اوضح في وجهة نظري ..
انا اركز علي التقبيل الماسخ.....مثل ماقلنا بالعزا ( علي سبيل المثال)...
وان كانت قبلة علي يد الوالد او علي رأس الوالدة وخدودها او حتي رجولها
او حتي لصديق مشتاق اليه او ام تقبل طفلها بحنان فاعتقد مافيها شيء
ولكن انا انتقد فئة من الناس تعز البوس علي الفاضي والمليان
اعزائي القراء طبعا نختلف في الرأي او نتوحد فيه ...
هذا انتقاد بسيط لهذه العادة ...........................
وطرحي لهذا الموضوع للمناقشة والتواصل والتعارف علي عادات البعض
سواء سلبا او ايجابا
تقبلوا مني فائق الاحترام
تحياتي للدكتور
زهرة الكركديه
03-02-2002, 03:32 PM
حليب يا اشطة....
بس والله أنا مب قصدى شى...
سموحة
03-02-2002, 03:38 PM
موضوع حيوي
كانك لمستي نقطة حساسة فيني كثر البوس اكرهه
لا وتخيلي انج جاية مستانسة ومتعدلة وشحاليلاتك
وتجيك وحده امعرقة وريحتها بصل يعني توها طالعة من المطبخ
وهات يا بوس
لا والاكره الين يات البوسة مع يد امعرقة ووسخة
بصراحة هذى الحركة تتكرر وايد خاصة بالبحرين ايام الحر والرطوبة
صرت اكرة اروح العزة والسبب البوس
فقمت امشي ورى امي وهي اتقول لي الاهل القريبين بس ابوسهم والبقية سلام باليد
قلب ينبض
03-02-2002, 03:57 PM
موضوع والله حلو وجميل ..... اكيد طالما الموضوع فيه بوس :)
انا ما عندي اعتراض على السلام في الوجه بين الاحباب والاصدقاء لكن المشكله تحصل اذا تقابل ناس لاول مره وما يعرفوا طبايع بعض يعني فيه ناس يسلموا في خد واحد وناس يسلموا على الخدين ....
وانا اذكر حصلت سالفه مع اثنين اصدقاء لي واحد من الجنوب وبالتحديد من نجران والثاني من الغربية المهم كل واحد فيهم حب يسلم على الثاني حسب عوايد منطقة الاخر ..... (نجران خد والغربية خدين) ...
اللي حصل اللي من الغربية سلم علي خد واحد و اللي من نجران يبغى يسلم على الخدين ..... وتلاقت الشفايف في النص :D :D :D
كلهم حسوا بحرج شديد .... وبعد فتره تلاقيت مع النجراني وقال لي شفت كيف لقطت شفة فلان ..... والمضحك يوم لقيت صاحبنا اللي من الغربية قال لي نفس الكلام :D :D :D
اعذريني لاني عصبت شوية عليك
لكن
خلاص مامحبة الا مابعد زعل
سلام
قبل كل شيء كنت انا رديت عليك بموضوع ثاني بس اسفة ضنيت انك رجال مش ست
اما عن موضوعي
واااااااااااااااااااااااااو.....وصفك في غاية الدقة ...
وحدة معرقة وتبوسينها ... علي الخد ...
وااااااااااااااااااااو
اما عن تقبيل اليد ....
فانا لا اتقبلها الا للوالدة او الوالد ... فقط لا غير
الدكتور ريان
03-02-2002, 04:57 PM
مو قلنا بدون زعل ...:):)
بالعكس ..انا والله عارف قصدك بس حبيت اوضح نقاط ..علشان لما نقابل احد من بره ويسألنا على هذة العادة ..نعرف هو بأايش يفكر ...
وانا معك انه كثرة البوس ...تقهههر :):)
كلو ولا زعلك ظفورة ..اختلاف الرأي لا يفسد للود قضية ..ودائما تعجبني مناقشاتك :)
تحياتي :)
الطارق
03-02-2002, 05:01 PM
أهلا أختي ظفرة ،،
جميل جدا هذا النقد ،، حقيقي في كثير من العادات تستعجب
منها إذا فكرنا فيها قليل !
عندنا هنا في الأعياد يجب أن تتم المعايدة بالبوس والأحضان :) ( المعانقة ) ..
قابلت أحد الشباب بعد فترة من العيد والذي لم أراه أثناء المعايدة فسألته عن السبب فقال : يا أخييي تضايقني ( المعانقة ) يأ أخي ليلة العيد ملتقين وش يخلينا نتباس ونتعانق !!!
والله كلامه معقول !
وحدث لي في يوم من الأيام أن قابلت أحدهم وهات يبوس وتقبيل وكيف حالك وشلونك وبشرنا عنك ومن هالخرابيط ! وأنا والله ما أدري وش يكون هذا ، وفي الأخير وبعد أربع دقائق من السؤال على الحال ، طلع الرجال مشبه علي فقط لا غير !!!! :)
العجيب أني تعرفت على هذا الشخص من هذه الحادثة وجمعتنا زماله وصداقة ومعزة وأصبح من الذين أحمل لهم تقدير كبير :)
تحياتي أختي ،،
البحاري
03-02-2002, 05:08 PM
موضوع جميل :)
مثلما قال صديق الطارق .. أكره التجمعات والخرجات كل من اجل التقيل والعناق وما شابة ذلك :):)
عني نفسي أكره البوس :D وما أذكر أني سويتها مع احد :):)
حتى أولاد أخواني .. بس والله محبوب منهم بدرجة جنونية :):)
ومرة أذكر كنت جالس اتفرج لمباراة وتسجل هدف جا ولد عمي وأنا غير منتبه له :confused: :confused: وحط له بوسه لكنه مارفع رأسه إلا والكف الصاحي على خدة :D :D يمكن اكون معقد :D :D
تحياتي لكم :):)
اخواني جميعا ....
صحيح كلكم تقريبا توافقوني ( بتخفيف ) التقبيل ....
بس عاد ما نخلي هالسالف عذر ومانزور بعض ولا نزور الاهل في المناسبات
علي العموم يالله شدو الحيل والمصافحة اجمل شيء وفيها تواصل روحاني...( علي قولة الدكاترة النفسانيين)..... وبطلوا بوس
سلام