View Full Version : ما رايكم هل تقبلون ! ! !
سموحة
20-02-2002, 01:36 AM
هاي جماعة كيفكم :cool: اخيراً تحولت من sajsm إلى سموحة ;)
موضة تغير الاسماء وانا احب الموضة :D
شكراً شعنونة على اعطائي الطريقة :) :) :)
المهم في سؤال يلح دايم في بالي
لنفترض ... انا قلت لنفترض ان في يوم من الايام ( وان شاء الله ما يجي هذا اليوم )
وقالت والدتكم أو الدكم انه يبي يتزوج أو تتزوج من بعد عمر الاخر
ما هي رده فعلكم هل ترضون بسهولة أو بستنكرون حقها أو حقه المشروع
وهل تضعون انفسكم بهذا الموقف بالمستقبل
يعني تفكرون شنو راح تكون رده فعل ابنائكم بالمستقل لو انكم فكرتو بحقكم المشروع
سؤال دايم يحل بخاطري
بعد ردودكم راح اقول لكم رايى :rolleyes:
ظبية2003
20-02-2002, 01:44 AM
مبروووووووووووووك سموحة
حلو أهم شي إنه اسهل من الأولي:p
أما سؤالج بصراحة صعب
مجرد التفكير فيه صعب:(
عشان جذيه انا ماعندي إجابة
ظبية محتارة:confused:
سموحة
20-02-2002, 01:51 AM
الله يبارك فيكي ومشكورة عزيزتي
انا معاكي انه سؤال صعب خاصة انه يتعلق باعز الناس على قلوبنا
أمنا وابونا مع التحية :D
لا صدق والله انا ما امزح بس سؤال دايم علي بالي ومساعه كنت بالمكتبة وجفت سؤال عن هالقضية وحبيت اسمع رايكم قبل لاقول لكم راي الشيخ
om-maryoom
20-02-2002, 02:40 AM
بصراحة انا عندي فكرة الوفاء قوية جدا
يعني الواحد بعد الغالي ( مو اي غالي ) ابدا ما يستبدله بواحد ثاني
يعني امي بعد ابوي ( يطول عمره ) ما راح ارضى انها تاخذ ثاني ( اصلا فكرة ان اتخيل هذا الشيئ صعبة )
اما في حالة زوجين عاشوا جحيم مع بعض وعمرهم ما توافقوا فهذيل ممكن يبدلون بعد رحيل احدهما
اما عني انا فوعدت بو مريوم الله يطول عمره ويخليه لي ان ما اخذ احد غيره ولا يلمس شعرة مني احد غير الغالي (كلام غزل السموحة )
اما عنه هو فالله اعلم ؟؟؟
بس الوفاء اهم شيئ
الأخت سموحه: السلام عليكم
روي عن الأمام أبو حنيفه رحمه الله (ولست متأكدا إن كان هو أو غيره)
أنه لما ماتت زوجته ظهرا. تزوج في مغرب نفس اليوم .
فسأل رحمه الله... أتتزوج في نفس اليم الذي ماتت فيه زوجتك؟؟
فقال:(أنظري أختي الي الحكمه) خشيت أن أقابل الله وأنا أعزب....
وشكرا لكي علي هذا الطرح للموضوع.
:) :) :)
عاشقة
20-02-2002, 02:30 PM
هلا والله .. كله حلو عليك ..
:) :) :) :) :)
وبالنسبة لموضوعك ..:( :( :(
كريم كراميل
20-02-2002, 04:23 PM
مبرووووك سموحه :)
وموضوعك صعب التفكير فيه وخاصه الام اكثر من الاب صعب انها تتزوج :(
بس الان عن تجربه ماما بتخطب لابوها هههه
رجل اعمال بس كبير في السن يبغى مواصفات مو اي كلام بيتشرط :D بس الحمدلله وجدناها بعد بحث طوويل :p
تحياتي كرميلا:cool:
روح الملوك
20-02-2002, 04:28 PM
السلام عليكم
والخيييييييييييبة انت بعد غيرتي اسمج
ههههه انا بعد غيرت اسمي
ومبرووووووك الاسم الجديد
المهم عن السؤال :
اذا ابوي عادي..اتوقع..
بس امي مب عادي اتوماتيك..
ههههههه
والله لايحطني في مثل هذه المواقف
عشان ما اغلط على اهلي واتم بارتنهم باذن الله..:D
بنت القبيلة
20-02-2002, 05:00 PM
السلام عليكم ورحمة الله وبركاته ...........ز
اما بعد ........
فالبنسبه لموضوعج أختي جدا حساس وخاصه مثل ما قالوا انه يتعلق بأغلى انسانيين وهم امج وابوج فهذا شيء صعب ومحد يتمنى انه يوقع في مثل هالموقف المؤلم
فمن جهتي اذا ابوي تزوج وحده ثانيه غير امي:( (الله ليقوله)فمعناه انه ماكان احبها من اساس لأن لو كان احبها ويغليها ما كان تزوج عليها واصلا من قال اني راح اخليه يرتاح في حياته مع زوجته لجديدة راح ابهدله تبهدل بخليه يندم على اليوم اللي فكر فيه انه يتزوج وحدة غير امي لان مو من حقه يلعب في بنات الناس وامي مو لعبه عنده متى ما يبي يتزوج غيرها ..
ومن جهة امي لو فكرت انها تتزوج بعد وفاة ابوي ((الله يطول في مره انشاء الله)) فما أعتقد انها بتقدر لاني ما راح اخليها تتزوج واحد غير ابوي واساسا أذا الواحد كان غالي ما تقدر اتبدله مهما حصل وغالي يتم طول عمره غالي مهما مر الزمن بيبقى غالي وما أظن ان امي اتفكر تتزوج واحد غير ابوي;) :)
وانخلي المجال حق باقي الأعضاء في المنتدى علشان يردون على هالموضوع ....
ومشكورة اختي سموحة على طرحج هالموضوع ولو ان الاجابه صعبه عليه .............
مع خالص حبي وتقديري
أختج :M.BAHRAIN
سموحة
20-02-2002, 09:57 PM
هلا أم مرايم
انا ما قصدت الله لا يقولة ان يطلقاء بل أن يترمل احدهم فيهم الآخر للزواج
أما عن نفسي فلي نفس الشعور ما راح ارضي ان احد ابواي يتزوج على ذكري الآخر ...................... منتهي الانانية ;)
مرحبا zaza
حكيم زمانو ، في نفس اليوم :mad:
مرحبا عشوقة
فعلاً موضوع حساس اشوي بس اهو في بالي والحمد لله اني ماتعرضت لهلموقف
هلا كريم كراميل
الحمد لله انكم حصلتو العروس المناسبة
وأن شاء الله السن مناسب :p
مرحبا روح الملوك
انا قلت موضة :)
كلنا نتوقع هذا الشي من الرجال لانهم قليلين الوفاء :mad:
مساكين احنا يا لنسوان :(
م بحرين
انا معاج ما راح اخلي احد يتزوج على الآخر ، تعرفين ليش
لاني احبهم وايد وما ارضي ولا اتخيل اجوف احد فيهم مع شخص ثاني
اصلاً ما تصير :eek:
اهلين سموحه
مبروك الاسم هذا اولا
ثانيا عن سؤالك(انشاءالله ما اشوف هذا اليوم )اذا كانت الام صغيرتحتاج
رجال يوقف معاها لان الدنيا صعبه بس من سؤالك اتخيل انك تقصدين
تكون كبيره هنا انا ضد زواجها لانه صعب بعد هذا العمر تكون مع
شخص ثاني ما اتحمل مش انانيه لا والله لكن شئ صعي تفسيره
اما الاب فانه يحتاج الى الزواج لان الرجل لا يستطيع ان يعيش دون
زوجه ( من جميع النواحي ) الانسان لازم يكون واقعي بالرغم من
صعوبة الموضوع .
المرأه تستطيع ان تعيش دون رجل لكن الرجل لا يستطيع مش لان هذا
هذا اقوى او لان هذا اضعف لا لان هذه هي سنة الحياه .