بياع القلوب
12-08-2002, 02:43 PM
وين وقفنا ؟
عند لما تركت السيارة على الجسر ورجعت البيت أنام
وصلت الساعة 4 ونص بيتنا ونزلت أخذت دش وصليت الفجر ونمت
ومدري هي خمس دقايق وإلا التلفون يدق
الووووو مين
أنا سامي قم خلنا نرح نجيب السيارة
ياخي حرام عليك كم الساعة الحين ؟
الساعة 8 قم خلنا نوقع حضور بالدوام ونمشي البحرين خلصني
طيب عاد هي سيارة أبوك عاد ؟ ياخي تعبان خلها للظهر
لا قم الحين 10 دقايق بكون عند باب بيتكم
زين مع راسك ؟؟
مشينا الجسر عند الساعة 9 ونص وصلنا البحرين وحنا نتساءل هل يا ترى سحبوا السيارة ؟ وألا واقفة مثل ماهي .؟
المهم اتفاقنا أنا وسامي انه نشوف السيارة يمكن الله يهديها وتمشي معانا لان قلنا يمكن من الحرارة قفل الهوب على الكفر ( خوش عذر ) وإذا ما فك التقفيل رحنا جبنا مهندس من البحرين فكها وركبها مره ثانيه والاحتمال الثالث انه نجيب سيارة نقل ( سطحه ) نسحبها للخبر اقرب ورشة تابعة لشركة التأجير ..
المهم وصلنا موقع السيارة وألا وش شفنا ؟؟؟
4 سيارات أمن دوله محاوطه السيارة وحاطين براميل مدري أشياء حمرا حولها عشان محد يقرب منها
من شفا المنظر؟ قلنا سوا : ول ول رحنا ملح اليوم ..
وش السالفة سامي ؟
مدري عنك وش مسوي أنت وسيارتك
وقفنا السيارة من الجهة الثانية من ناحية المسار المتجه للبحرين
عكس اتجاه سيارتي من الجهة الثانية ونزل سامي وقال : خلك هنا بشوف وش السالفة ..
وأنا جلست بالسيارة وقعد يتكلم سامي مع رجال الأمن يمكن نص ساعة وكل شوي سامي يطلع بطاقة ويوريها الأمن ويأشر علي L
وش يبي ؟؟
المهم جاني سامي وهو وجهه يقلب فوق تحت يمين ويسار
هاه وش السالفة ؟
قال هو بقى فيها سالفة ؟
ايش؟؟ خوفتني .؟
أقول جهز نفسك للتحقيق ..
ليش؟
الظاهر إن وزير الداخلية مبلغ شخصيا على سيارتك ؟
ايشششششششش؟
أيه مبلغ بلاغ رسمي أمس بالليل عن السيارة ، منت شايف أنت وين موقف سيارتك ؟
موقفها جنب قصر الشيخ ********
يا عيني ، يا سيدي ، أطربني كمان
يعني حبكت السيارة التعيسة إلا ما تبنشر هنا ؟ عاد من صغر البحرين ؟
طيب والدبرة ؟
مدري عنك بوديك الشرطة الحين بس لازم تكلم الضابط هذا ،
طيب
نزلت وتكلمت معاه وقلت له القصة من إلى ..
فقال لي أنت صاحب السيارة
لا أنا مأجرها
ليش ما بلغتوا عنها البارحة اخويا ؟
قلت له بلغنا دوريتين وقالوا انهم بييبون سيارة تسحبها للجسر أو للسعودية
بس محد عبرنا ..
قال طيب هات جوازك وروح قسم الشرطة إلى في الجسر وتفاهم معهم هناك لان عليك وعلى السيارة بلاغ من أمن الدولة ، أنت عارف إن هذا قصر الشيخ ****** وهذا فيها خطر وقوفها انه اشتباه تفجيرات وأشياء من هذي يعني انزين أنكم جيتوا بدري وإلا كان سحبنا السيارة فكفكفاها كلها تفتيش ...
لا أي تفجير وأي إرهاب طال عمرك ( واله ما يسوى علي طباعة كتاب ) L
المهم رحنا للشرطه وأنا أناظر سامي واقول له وقسم بالله ما عاد استأجر سيارة بعد اليوم
من بكره بطلع تصريح لسيارتي ، على الأقل اعرف لها زين
وش الله وهقني بمرسيدس ؟
خلص نفسك يا فالح ...
وصلنا شرطة الجسر
وساعة ونحن نشرح لهم القضية ومن ضابط لضابط
وكل واحد يسأل
أنت صاحب السيارة ؟
وكل واحد بيده ورقة البلاغ الرسمية موقعه من وزير الداخلية شخصيا L
بعد ما عرفوني وعرفوا شغلي وصوروا بطاقتي والرخصة وفتشوا السيارة وجابوا لها سيارة نقل ( على حسابي ) بـ 400 ريال للخبر بس قلت موافق بس فكوين بروح بيتنا خلاص توبة L
قالوا خلاص يا الشيخ هذي جوازك وسيارتك برا تنتظر على السطحه
يازين هالمنظر
جوازي معي وسطحتي معي ( قصدي السيارة التعيسة ) معي
ووينك يا درب المحبة ( وينك يا الخبر )
وصلنا الخبر
طبعا أنا كلمت المحل إلي أجرت منه السيارة من الدمام وقلت له كل شي وقلت له بادفع بس حق الإيجار غيره مالي شغل السيارة خربانه منكم ..
قال : آي يازول داير ما يهمك ..
قلت زين
وصلت للخبر ولقيت كومة هنود
وقعدت أفهمهم السالفة من إلى طبعا بغض النظر عن حبيب ألبي الوزير وبلاغه ..
مو ناقصني فشيله
وبعد ساعة من المداولات والنقاشات والتفتيش الفني من مهندسهم
اتضح مايلي
إن سبب خرب الكفر هو أن الكفر الاحتياطي له بلوط ( صواميل ) تختلف عن الاصليه ، وهي موجودة بالشنطة بس خويكم ( إلي هو أنا ما ادري عن السالفة ) ولا أحد قال لي شي عنها من الشركة فمن ركبت الصواميل الغلط قفل الكفر
ألماني ملعون جدف – مو كفايه قفلها بوجهنا من أول مباراة كاس عالم بثمانية صواميل ؟ قصدي أهداف ؟
طيب والدبره ؟
قال المهندس لازم نودي الصواميل للورشه نشوف خراب فيها فلا اكو
ايش؟
حبيبي خذ ايجارك وفكنا
قال كلم مدير
اكلم مدير وينه ؟
دخلت على المدير وأخذته بالصيحة فقال هوا فيه إيه يافندم ؟
عطيته كرتي فقال أهلا وسهلا وبلاش صواميل ياكومار
قلت اوكي شكرا
رجع كومار قال الكفر بنشر لازم تدفع 230 زياده
يوووه
وين المدير
يا مدير ؟؟ وبعدين معاكم .؟ مو كفايه صرت إرهابي على آخر الزمن بسبب سيارتكم التعيسة وبتدفعوني حق الخراب ؟
قال متزعلش يافندم ، ياكومار بلاش بنشر
وفعلا بلاش بنشر
كم تبي ياكومار ؟
500 ريال
عندك آلة صراف آلي ؟
لا خربانه
فيه هذا نفر يروح مع أنت يسحب فلوس ويجي
قلت معصي مانب جاي يجي هو وياخذ فلوسكم وبروح بدربي
كرهت شي اسمه إيجار سيارة
وفعلا افتكيت منهم وما رجعت الدوام إلا الساعة 1 ونص بعد الظهر وتحمدت الله على السلامة ..
بس حقيقي تعلمت دروس كثيرة من الرحلة هذي
بس باقي إني ما أتعلم اكثر من كذا لاني ما عاد فيني حيل حق بلاغات مستوى دولي
ودمتم وكل رحلة وانتم بخير
عند لما تركت السيارة على الجسر ورجعت البيت أنام
وصلت الساعة 4 ونص بيتنا ونزلت أخذت دش وصليت الفجر ونمت
ومدري هي خمس دقايق وإلا التلفون يدق
الووووو مين
أنا سامي قم خلنا نرح نجيب السيارة
ياخي حرام عليك كم الساعة الحين ؟
الساعة 8 قم خلنا نوقع حضور بالدوام ونمشي البحرين خلصني
طيب عاد هي سيارة أبوك عاد ؟ ياخي تعبان خلها للظهر
لا قم الحين 10 دقايق بكون عند باب بيتكم
زين مع راسك ؟؟
مشينا الجسر عند الساعة 9 ونص وصلنا البحرين وحنا نتساءل هل يا ترى سحبوا السيارة ؟ وألا واقفة مثل ماهي .؟
المهم اتفاقنا أنا وسامي انه نشوف السيارة يمكن الله يهديها وتمشي معانا لان قلنا يمكن من الحرارة قفل الهوب على الكفر ( خوش عذر ) وإذا ما فك التقفيل رحنا جبنا مهندس من البحرين فكها وركبها مره ثانيه والاحتمال الثالث انه نجيب سيارة نقل ( سطحه ) نسحبها للخبر اقرب ورشة تابعة لشركة التأجير ..
المهم وصلنا موقع السيارة وألا وش شفنا ؟؟؟
4 سيارات أمن دوله محاوطه السيارة وحاطين براميل مدري أشياء حمرا حولها عشان محد يقرب منها
من شفا المنظر؟ قلنا سوا : ول ول رحنا ملح اليوم ..
وش السالفة سامي ؟
مدري عنك وش مسوي أنت وسيارتك
وقفنا السيارة من الجهة الثانية من ناحية المسار المتجه للبحرين
عكس اتجاه سيارتي من الجهة الثانية ونزل سامي وقال : خلك هنا بشوف وش السالفة ..
وأنا جلست بالسيارة وقعد يتكلم سامي مع رجال الأمن يمكن نص ساعة وكل شوي سامي يطلع بطاقة ويوريها الأمن ويأشر علي L
وش يبي ؟؟
المهم جاني سامي وهو وجهه يقلب فوق تحت يمين ويسار
هاه وش السالفة ؟
قال هو بقى فيها سالفة ؟
ايش؟؟ خوفتني .؟
أقول جهز نفسك للتحقيق ..
ليش؟
الظاهر إن وزير الداخلية مبلغ شخصيا على سيارتك ؟
ايشششششششش؟
أيه مبلغ بلاغ رسمي أمس بالليل عن السيارة ، منت شايف أنت وين موقف سيارتك ؟
موقفها جنب قصر الشيخ ********
يا عيني ، يا سيدي ، أطربني كمان
يعني حبكت السيارة التعيسة إلا ما تبنشر هنا ؟ عاد من صغر البحرين ؟
طيب والدبرة ؟
مدري عنك بوديك الشرطة الحين بس لازم تكلم الضابط هذا ،
طيب
نزلت وتكلمت معاه وقلت له القصة من إلى ..
فقال لي أنت صاحب السيارة
لا أنا مأجرها
ليش ما بلغتوا عنها البارحة اخويا ؟
قلت له بلغنا دوريتين وقالوا انهم بييبون سيارة تسحبها للجسر أو للسعودية
بس محد عبرنا ..
قال طيب هات جوازك وروح قسم الشرطة إلى في الجسر وتفاهم معهم هناك لان عليك وعلى السيارة بلاغ من أمن الدولة ، أنت عارف إن هذا قصر الشيخ ****** وهذا فيها خطر وقوفها انه اشتباه تفجيرات وأشياء من هذي يعني انزين أنكم جيتوا بدري وإلا كان سحبنا السيارة فكفكفاها كلها تفتيش ...
لا أي تفجير وأي إرهاب طال عمرك ( واله ما يسوى علي طباعة كتاب ) L
المهم رحنا للشرطه وأنا أناظر سامي واقول له وقسم بالله ما عاد استأجر سيارة بعد اليوم
من بكره بطلع تصريح لسيارتي ، على الأقل اعرف لها زين
وش الله وهقني بمرسيدس ؟
خلص نفسك يا فالح ...
وصلنا شرطة الجسر
وساعة ونحن نشرح لهم القضية ومن ضابط لضابط
وكل واحد يسأل
أنت صاحب السيارة ؟
وكل واحد بيده ورقة البلاغ الرسمية موقعه من وزير الداخلية شخصيا L
بعد ما عرفوني وعرفوا شغلي وصوروا بطاقتي والرخصة وفتشوا السيارة وجابوا لها سيارة نقل ( على حسابي ) بـ 400 ريال للخبر بس قلت موافق بس فكوين بروح بيتنا خلاص توبة L
قالوا خلاص يا الشيخ هذي جوازك وسيارتك برا تنتظر على السطحه
يازين هالمنظر
جوازي معي وسطحتي معي ( قصدي السيارة التعيسة ) معي
ووينك يا درب المحبة ( وينك يا الخبر )
وصلنا الخبر
طبعا أنا كلمت المحل إلي أجرت منه السيارة من الدمام وقلت له كل شي وقلت له بادفع بس حق الإيجار غيره مالي شغل السيارة خربانه منكم ..
قال : آي يازول داير ما يهمك ..
قلت زين
وصلت للخبر ولقيت كومة هنود
وقعدت أفهمهم السالفة من إلى طبعا بغض النظر عن حبيب ألبي الوزير وبلاغه ..
مو ناقصني فشيله
وبعد ساعة من المداولات والنقاشات والتفتيش الفني من مهندسهم
اتضح مايلي
إن سبب خرب الكفر هو أن الكفر الاحتياطي له بلوط ( صواميل ) تختلف عن الاصليه ، وهي موجودة بالشنطة بس خويكم ( إلي هو أنا ما ادري عن السالفة ) ولا أحد قال لي شي عنها من الشركة فمن ركبت الصواميل الغلط قفل الكفر
ألماني ملعون جدف – مو كفايه قفلها بوجهنا من أول مباراة كاس عالم بثمانية صواميل ؟ قصدي أهداف ؟
طيب والدبره ؟
قال المهندس لازم نودي الصواميل للورشه نشوف خراب فيها فلا اكو
ايش؟
حبيبي خذ ايجارك وفكنا
قال كلم مدير
اكلم مدير وينه ؟
دخلت على المدير وأخذته بالصيحة فقال هوا فيه إيه يافندم ؟
عطيته كرتي فقال أهلا وسهلا وبلاش صواميل ياكومار
قلت اوكي شكرا
رجع كومار قال الكفر بنشر لازم تدفع 230 زياده
يوووه
وين المدير
يا مدير ؟؟ وبعدين معاكم .؟ مو كفايه صرت إرهابي على آخر الزمن بسبب سيارتكم التعيسة وبتدفعوني حق الخراب ؟
قال متزعلش يافندم ، ياكومار بلاش بنشر
وفعلا بلاش بنشر
كم تبي ياكومار ؟
500 ريال
عندك آلة صراف آلي ؟
لا خربانه
فيه هذا نفر يروح مع أنت يسحب فلوس ويجي
قلت معصي مانب جاي يجي هو وياخذ فلوسكم وبروح بدربي
كرهت شي اسمه إيجار سيارة
وفعلا افتكيت منهم وما رجعت الدوام إلا الساعة 1 ونص بعد الظهر وتحمدت الله على السلامة ..
بس حقيقي تعلمت دروس كثيرة من الرحلة هذي
بس باقي إني ما أتعلم اكثر من كذا لاني ما عاد فيني حيل حق بلاغات مستوى دولي
ودمتم وكل رحلة وانتم بخير