View Full Version : شـــــقــــاوة الـطـــــفــــــولـــــــــــة
شهرزاد
18-09-2002, 09:41 PM
الى كل من دخل او دخلت الى هذا الموضوع
طـــــــــلــــــــــب:p
اطلب من الجميع انهم يفتحون ابواب عقولهم
ويرجعون للوراء من سنين العمر
حتى نتذكر الشقاوة لايام الطفولة
لما لها من ذكرى جميلة بالاضافة انها ترسم البسمة
وسأبدأ بنفسي :(
كثيرا ماكان اهلي يقولون لي من اني شديدة الشقاوة حدا جدا :eek:
وليس شقية فقط;)
ولكن للاسف
نسيت جميع شقاوتي ولا اذكر منها الا هذا المشهد:mad:
المهم اني اذكر لكم هذا:o
انا مااعرف ايش سوت لي اختي اللي تكبرني على طول
ولكن اللي اذكره انها كانت تلعب مبسوطة :D
واترصد لها واجي طااااااااااااااااايرة اشدها من احد ظفايرها (شد+تحريك الظفيرة)
ايش تتخيلون;) :D
ياالله خلني اشوف مشاركاتكم ولا تقصرون :)
ومانبغى هنا الا شقاوة الطفولة:cool:
الخمشي
19-09-2002, 02:10 AM
هذا جزء من شقاوتي الدموية، مشوب ببعض المبالغة. (http://64.191.4.10/sforum1/showthread.php?threadid=122637)
الفرزدق
19-09-2002, 04:10 AM
ما أذكر شيء من أيام الطفولة ،،،
لكن اللي عرفته من والدتي بأنني كنت هاديء :) ،،،
لكن أذكر عندما قام أستاذ مادة الرياضيات بعمل فلقة لي في الفصل ؟؟( ما راح أنساك:mad: :mad: :mad: ) !!
وكل ذلك من أجل أنني نسيت قلم الرصاص :) :)
وش دخل ذي بالموضوع!!!:confused:
ما عليه ،،،
تحياتي للجميع ،،،
:)
شهرزاد
19-09-2002, 02:41 PM
الخمشي
الحمد لله انك طلعت سليم من قنابل البيض والطمام:D
لكن اصدق ان اهلك ماعطوك طرقات علشان تتوقف عن هذي الشقاوة:eek:
بصراحة هذي شقاوة زايدة عن حدها جدا جدا:p
وشكرا لتواصلك.
شهرزاد
19-09-2002, 02:45 PM
الفرزدق
اكيد انك هادئ ولا كان اهلك خبروك لو كنت شقي
اما الفلقة مفروض تكبر وتنساها;)
أذكر مره . كان فيه مجموعه من العمال ...جينا بجانبهم أنا وعيال عمي ..
وداسين البيض في جيوبنا ....:D
يوم قربنا عندهم ... وكل واحد يحذف البيض عليهم ...:eek:
الله يغفر لنا بس .... والله مساكين ..
:cool: :cool: :cool:
الفرزدق
21-09-2002, 02:06 AM
وأنا أقول من خلص البيض ؟؟:)
الله يستر بس ،،،
لو واحد عزمك ،،، وش راح تسوي ؟؟:)
راح تطلع البيض من جيبك وتحذفه:D ،،،
شهر زاد ،،،
المواقف كثيرة ،،، لكن طول السنين وبعد الأزمان تجعل الإنسان ينسى تلك الأيام بحلوها ومرها ،،، وهذا من نعم الله ،،، وإلا لتكدر الإنسان ،،،
أذكر عندما كنت في الصفوف الأولى الإبتدائية ،،، وقت الحصة كلنا جلوس على الكراسي ،،، ووقت الفسحة كلنا وقوف على الطاولات:D ،،،
ياهي أيام حلوة ،،،
ومن طاولة لطاولة ،،،
واللي يمسك الثاني ،،،
:D
تحياتي للجميع ،،،
:)
lolly
21-09-2002, 04:56 PM
مساء الانوار
فكرة حلووووة :)
الشقاوة كانت حلوووووووووة
انا من الى اتذكرة الحين انا كنا نشيل البيض من الثلاجة ونروح نكسرهم على الجدار برع البيت انا واخوانى الاصغر منى هههههههه ليش ما ادرى لانا اشوفة فى التلفزيون ولما امى تسأل اقولها ما اعرف:D
تحياتى
شهرزاد
21-09-2002, 06:38 PM
ZAZA
اشوف البيض عامل عمايلة معاكم :D الله يستر.
الحمد لله ان عندنا دجاج يبنتج البيض ولا كان البيض في خبر كان مع الديناصورااااااااااااات:eek:
شهرزاد
21-09-2002, 06:43 PM
الفرزدق
فعلا الحمد لله ان النسيان نعمة من رب العالمين وقليل مايشكر الانسان
ربه على هذه النعمة العظيمة.
ولو ماالنسيان كان طلعت الفضايح للشقاوات الغريبة جدا مثل اخونا الخمشي
مع قنابل البيض والطماط:p
شهرزاد
21-09-2002, 06:46 PM
lolly
ودي اشيك على البيض في السوق هو باقي منه شيء ولا:eek:
اذا انتوا كذا اذا هذا الجيل ايش سوى بالبيض ;) ولا لقى له مصيدة اخرى:cool:
lolly
21-09-2002, 06:52 PM
مساء الخير
ههههههه جيكى على راحتج حبيبتى:)
اتصدقين كنت انا الزعيمة يعنى اخونى الى اصغر عنى بكل شىء وراى ههههههههههه
اتذكر طالعين بالليل على السيكل نحن الابعة واحد اكبر عنى جان نندبغ ونطيح انا ويهى انتفخ اهى اهى صج كنا اشقياء فى اليوم الثانى انا زغن من عمرى وامى اتقول شو هذا جان اقوللها احم رحت المستشفى وربطو ويهى جنى مومياء ههههههههههههههههههه
فى اشياء واييييييييييدة هذا الى اذكرة:D
شهرزاد
21-09-2002, 07:35 PM
lolly
طالما انك الزعيمة تحملي ماجاك :D
وماحد قالك اركبي سيكل وبالليل:eek:
شفتي جات النتيجة وخيمة:cool:
مومياااااااااااااااااا:D مرة وحدة:p
المبتسم
21-09-2002, 07:41 PM
يا هلا شهرزاد:)..
الموقف اللي جاه علي بالي...
زماااااااااان لمن كنت في الروضه..
كان فيه مدرسه ما أطيقها!!!....لله في الله!!...
في يوم كانت أختنا في الله جالسه في احد الفصول تسوي عمل فني:)..
لمحت المفتاح قد الباب في (عقب) الباب من الداخل...
دخلت الغرفه وهي كانت مهمكه في العمل...(تقولي كأنها تحضر عفاريت:D )..
المهم.
من غير لا تحس...أخذت المفتاح من جوه وقفلت الباب بالمفتاح من بره..
ورميت المفتاح في بركه مويه((نافوره))..http://www.alqmah.com/vb/images/smilies/ha3.gif
ومشيت عااااااااااااااااااادي ولا كأن شئ حصل...
والأبله جالسه تخبط علي الباب!!....وتبغي تموت من الرعب:D ...
ليييييين في الاخير كسروا الباب وطلعت المسكينه ووجها اسود كأنها شافت الموت بعينها:D
بس والله صعبت عليا:(...
تاني يوم جبتلها هديه :D
تحياتي لك:)..
lolly
21-09-2002, 07:48 PM
احم احم
شو انسوى شقاوت اولاد كان الجو حلووو والكهربة طافية خخخخ
عاد ما عندنا شىء قلنا مناخذ لفة ومنرجع البيت قبل لايحس حد علينا وصار الى صار
شفتى عاد صرت مومياء:D
لوووووووووول
شهرزاد
22-09-2002, 12:07 AM
Lopez
لو تجي اليوم وتعترف لهذي المدرسة:cool:
اتوقع اممممممممم اتوقع
انه راح يرتفع ضغطها منك وينقلونها المستشفى:eek:
هذي عمله تعملها:mad: نقول ايه شقاوة اطفاااااااااااااااال:D
شهرزاد
22-09-2002, 12:10 AM
lolly
انتوا ماتبغون احد يعرف عنكم لكن صارت لكم فضيحة بجلاجل:p مابعد تنفخ الوجة سر يتخبى:D :D :D
حروف سوالف
22-09-2002, 12:27 AM
والله اني ضحكت عليكم كلكم فردا فردا ...:) سوري مو بيدي..
المهم انا ما اتذكر موقف بعينه لكن يما ويما ....بلونات المويه محد جربها ...اعتقد انها احسن من البيض واسهل توفير ...:)
شهرزاد
22-09-2002, 12:36 AM
حروف الحب
جميل ان ترتسم البسمة على الوجوة عندما نقرأ مافعلته الشقاوة في الصغر:)
اما بخصوص بلونات الموية فعلا انها اقل خسارة من قنابل البيض:D
اعتقد انها ينطبق عليها اثنين في واحد :p رخيصة+اقل خسارة=متعة شقاوة ;)