عيب ما يصير

[شعنونة سوالف]

السلام عليكم و رحمة الله و بركاتة

ترررررررررررررن ترررررررررررررن (التلفون يرن)
الو يا هلا مين معي؟
طوط طوط طوط قفل الخط

طونتينتون (جرس الباب يرن)
انت اش بدك؟
طااااااااااااااااخ اغلقت الباب بوجة البنت

اش ردة فعلك بهذه المواقف؟ اذا كنت تكلم احد بالتليفون و اغلق بوجهك الخط او اذا كنت واقف على الباب واحد اقفل الباب بوجهك؟
اكيد بتزعل وبتضايق وماتكلم ها الانسان مرة ثانيه صح؟

الحين موضه جديدة طلعت لها نفس المعنى ولكن بشكل مختلف.
وهي البلوك في المسنجر. اذا شخص ماعجبك تروح تسويله بلوك وبعدين الغاء...طيب هذا مش عيب؟
المشكلة ان الان اصبح تقريبا الجميع يقدر يعرف مين سوى بلوك لمين.
يعني لو مثلا احد لغى اسمي من القائمة فأنا اقدر اعرف هذا الشخص ولكن رغم هذا الناس مايهمها.
طيب ليش؟ عيـــــــــــب

مايعجبك الشخص قوله بصراحة السبب الذي جعلك تلغية.
بس في ناس تعتقد انها ذكية..
ماتسوي بلوك على الشخص وانما فقط الغاء. بهذه الطريقة يبقى اسم الشخص عندما يجي اونلاين يظهر عندي في القائمة
و لكن اسمي لايظهر عنده. ولكنها حركات ايضا مكشوفة لانه ممكن ان اعرف هذا الشئ.
وطبعا هذه الاشياء موثوقة فيها....وانا عن نفسي جريتها مع صديقاتي اكثر من مرة و كانت ناجحة...

فأرجع واقول عيب هذه الحركات.... :mad:

[زمردة]

شعنونة سوالف ..

لا يكون هذه الرسالة الشديدة اللهجة موجهة إلي ( والله صرنا ملطشة يا جدعان : )

كان الأجدر بك أختي أن ترسلي لي رسالة معاتبة على الإيميل لأوضح لك .. فلعل خطأ ما حصل مني دون تعمد مني ..

أنا لا أجزم أن رسالتك هذه موجهة لي ..

ولكني أظن ذلك .. لأني بالأمس كنت أعمل بلوك لأعضاء أضفتهم بالخطأ وأنا أحفظ إيميل أعضاء سوالف في إيميل قسم الأصدقاء .. والظاهر أن هناك خيار الإضافة إلى الماسينجر لم أنتبه له ..

فامتلأت القائمة عندي فقمت بعمل بلوك و أحذفهم ..

والآن حين قرأت رسالتك .. قلت لعلي عملت بلوك على اسمك بالغلط .. فذهبت إلى القائمة وبالفعل وجدت أني حظرتك دون قصد ..

فالمعذرة منك ..

ونحن أخوات أختي ومعرفتنا من خلال الماسينجر ليست بالقصيرة .. فالأولى أختي العتاب اللطيف .. :)

[سردال]

في رأيي الخاص :)

أرى أن المسنجر هو وسيلة عمل وتواصل من أجل العمل، نعم قد أضيف فلان وعلان من الناس، لكن بعد انتهاء الواجب والمطلوب من الأفضل أن يحذف كل منهما الآخر، وهناك فرق بين الصداقة والعمل، أحدهم يريد أن يستشيرني في شيء ما، فالمطلوب هنا أن أعمل معه حتى أحقق له ما يريد، ثم سأحذف اسمه بكل تأكيد، إذ أنني لا أعرفه وقد ساعدته في ما يريد، فلماذا يبقى اسمه موجوداً في قائمتي؟

أما الأصدقاء، فأسمائهم محفوظة لدي، وهم لا يزيدون على عدد أصابع اليدين :)

والباب اللي يجيك منه الريح، سده واستريح.

أفضل البريد أحسن من ضياع وقتي في المسنجر :p

[شعنونة سوالف]

زمردة عيني.....

تعرفي اش مشكلتنا نحن؟

ان كل شخص يفهم ان الكلام موجه له.....

لو لم تكوني انت صاحبة الرد الاول فأنا اؤكد لك بنسبة 80% ان الشخص الاخر سوف يكون رده مشابة لردك.

بعدين انت قلتها.... ( ونحن أخوات أختي ومعرفتنا من خلال الماسينجر ليست بالقصيرة .. فالأولى أختي العتاب اللطيف )

فلو انت من اقصد فلن اكلمك بهذا الاسلوب امام الجميع..... :)

بس باين فضحتني نفسك بردك :p :D

[نور بوظبي]

حيا الله الغالية شعنونة :)


كيف الدراسة :)


شعنونة .. تذكرين يوم قلت لج سوي للي عندج بلوك و أنا أولهم ..


ليش لأن عندج دراسة واجبات و يمكن تنشغلين بالسوالف :) ..


احسن تسوي لنا بلوك ، و اذا كنتي تريدينا في موضوع .. على طول رجعينا :) ..


و انا احس ان السالفه ما هي مثل التلفون .. اذا انهيت الحديث معك في الماسنجر من دون ما اسلم .. اعتبري نفسي أغلقت في وجهك .. لا بس ساعات ما سنجري يخرف ، و يطلع بروحه .. :)


لا اكون انا مثل زمردة ، سويت لج بلوك و أنا ما اعرف :D




شعنونة يوم تسوي لي بلوك استئذني مني :D و لا برفع عليج قضية ثانية ..


حبي لك :)

[سنفور]

يعتمد على طبيعة وجود الشخص معي بالمسنجر
صديق
لو بغيت اشيله أخبره بالأول ليش

صاحب عمل أو مصلحة
من تنتهي المصلحة أو العمل بيننا أبلغه بإنه بح والله معاه

اوووه




نسيت





انا ماعندي مسنجر!!!

لوووووووول



كنت استخدم الأي سي كيو والمسنجر من جديد

سنفور
سنافرمسنجر

[ZAZA]

أحب أن أوضح وجهة نظري في الماسنجر ..

أنا الآن تقريبا مسوي على الجميع بلوك ..:D

لأن لو أحد يبيني في موضوع مهم أكيد بيرسل رساله ولا لا ..:o

يعني أعتقد وهذا رأي شخصي إن مهوب من حق أي شخص إنه يزعل .. أنا بطبعي أكره التحادث بالتليفون أو الماسنجر .. وأجد أن الماسنجر بالذات للأشياء المهمه ..

أما واحد يقولي السلام عليكم .. وأرد عليه .. ثم يقولي شخبارك وهو قبل يوم ولا حتى أسبوع مكلمني ..:confused:

أعتقد إنه للأشياء المهمه فقط . والي يعرفني أكيد بيعرف طبعي ولا بيزعل مني ..

إذا كان واحد جديد وأضافني . أكيد راح أسولف وياه وأتعرف عليه . بس إن الشغله تصير مستمرة .. :eek: مالها داعي ..

وأرجع أقول إن بعض المقربين . ينحطون على الجرح يبرا . والواحد أحيانا يبي يسولف معهم ..:)

وجهة نظر شخصية غير ملزمه ..

:) :) :)

[المبتسم]

والله انا رأيي من رأي الاخ زازا ...

انا ايضا اضع بلوك لجميع من في القائمه عندي.:).....
لاني احيانا ادخل الماسنجر الاقي 15 واحد اون لاين:D
يعني يبغالي 30 اصبع علي الاقل علشان اكلمهم كلهم!!....
عموما ليس معني اني عملك بلوك لزازا مثلا اني اكرهه؟...
لا..
ولكن لكل شخص خصوصياته واحيانا الانسان ما يكون له خلق يكلم احد!..
واحيانا الطرف الثاني يكون رايق وفايق وانا عفاريت الدنيا تتنطط قدامي:D
ف....
البلوك وسيله عميله وانصح الجميع باستخدامها بشكل صحيح:)..

تحياتي...

الكاتب والناقد الشهير/ لوبيز افندي:D

[ابو الفياصل]

مرحبا بالجميع,

بالعكس,,

انا بالنسبه لي الماسنجر,,, تشات متنقل:D عندي طبعاً القائمه مليانه 150 شخص,, هذولا لا غبار عليهم,, والباقين اتوقع انهم أكثر من 200 شخص اضافوني ولكنهم خارج القائمه, يعني مهزله الماسنجر صاير عندي!1 وانا متورط!! لكن انا اسوي بلوك لمين,,. للي يدخل عرض وكلامه زي وجهه,, او واحد قلق ونشبة حلق, مسوي فيها يمون ويزعجنا هذا بعد اسوي له حظر,, ولوبيز اسوي له حظر:D:D شي بديهي طبعا! لووووول,,

وهذي الاسباب,,


اذكر مره من المراير,,, دخلوا علي 13 واحد بنفس الوقت يتكلمون,, وكان وقتها عندي 19 واحد اون لاين تقريباص,, صار لي مشكله قوميه!! ربكم يعين,,

وبس:D

[ZAZA]

ياسلام .... لوبيا هذا حكيم ...:p

مش أولتلكم :D

[الحل الصعب]

في الحقيقه والواقع بالنسبه لي فأنا اعتمد على طريقة

اللي مايبغينا انا مابغيه

فامعي مجموعه في الماسنجر مضافه ولامره حطيت لاحد بلوك

الا اذا حطي عنده بلوك يعني اذا حطني بلوك فااحطه بلوك

وحذف من الماسنجر بكبره

وانا ماحب احط نفسي في مواقف مالها داعي او احراج او كرهه

فايعني اللي يضيفني لو ماحصل ولامره تكلمت معه حتى لو سنه

كامله او اكثر لكن مو حاطني بلوك فاخليه وهلا فيه

وحتى لو كان اون لاين وماحصل بيني وبينه اي معرفه

فالن احطه بلوك واللي يحطني مااساله ليه بلوك ولااناقشه

ولااعاتبه نهائي لانو لو كان محترمني من الاساس ماحطني بلوك

والحمدالله انا مجموعتي تعتبر كويسه في الماسنجر

وعلى فكره انا اضافني شخص من شهرين والى الان لم التقى معه

ومافكرت احطه بلوك ولن احطه

وشكراً

[شعنونة سوالف]

هلا سردال...
انا ارى انه اذا كان الموضوع فيه شغل وعمل فالايميل احسن
الا اذا بدكم تمشوا خطوة بخطوة...فالمسنجر اسرع...
و انا معك بكلامك...
اصلا الشخص الثاني سوف يعرف انه بديهيا انت سوف تحذفة بعد انتهاء العمل

تحياتي لك :)

*******

هلا نور....الدراسة الله يعيني عليها..باقي شهر و 10 ايام ونفتك منها :)

وانت الصادقة انت قلتي لي اغلقي الباب من وراي علشان تدرسي زين :p بس صدقيني كانت طريقة روعه ولاحظت من جد ان لاماتي تحسنت...على فكرة الاحظ انك غايبة عن المنتدى ليش؟ خير؟
بترفعين علي قضية ثانية؟ :rolleyes:
قولي عاشره:p

[شعنونة سوالف]

هلا سنفور :)
تذكرني بعادل امام في مسرحية شاهد ماشفش حاجة لما راح يدفع فاتورة التلفون رغم انه ماعنده تلفون :p
مشكور عالمشاركة :)

******

هلا عبد لعزيز :)
( لأن لو أحد يبيني في موضوع مهم أكيد بيرسل رساله ولا لا )
لا...ما اظن :rolleyes:
انا الاقي المسنجر للكلام ... مثل الشات ولكن على الاقل تعرف مع مين تتكلم..
بالعكس التلفون هو الذي نستعمله فقط للسؤال عن شئ معين.
طيب واذا اضفت شخص وتعرفت عليه...وبعدين؟ متى ترجع تتكلم معه؟ بعد شهرين؟
:rolleyes: طيب ليش تضيفهم؟؟؟
غير مفهوم :confused:
;) تحياتي

[أبو نايف]

مرحبا

احيانا يضيفوني ناس ما اعرفهم وكلما دخلت المسنجر وكانوا اونلاين يبداون معي بسوالف مالها اهميه كيف حالك وش اخبارك وينك ياخي عن المنتدى الفلاني
واذا قلت له من انت طال عمرك قال معك مشعل من الرياض

وخير ياطير مين مشعل وعبدالسميع فاضطر احذفه او اسوي بلوك والافضل الحذف

وبالنسبه لاصدقائي في المنتدى فانا ضايف الكثيرين والكثيرين ضايفيني وممكن اننا نكون اون لاين ومانتكلم مع بعض يعني موب شرط نكلم بعض والا معناتها احنا متزاعلين

مثل ماقال عبدالعزيز انه اذا فيه حاجه ضروريه والا ماله داعي السوالف لانه الشخص ممكن يكون مشغول على النت يتصفح والا عنده امر هام

واذا كنت مثلا فاضي ودخلت على المسنجر وحصلت فلان صاحبي اونلاين وودي اسولف معاه فما يمنع اقول له انت فاضي الان والا اذا مشغول احصلك وقت ثاني وبدون مجاملات اذا قال انا مشغول مفروض ما ازعل
لازم نقدر ضروف بعض

بالنسبه لي عندي مسنجرين الاول القديم فيه 180 واحد واغلبهم ما اعرفهم صراحه ونصهم تحت بند بلوك 105

ومسنجري الحالي فيه اقل من 30 وما اقبل اضافة اي شخص الا اذا كنت اعرفه اما اللي ما اعرفه ويضيفني كذا فما اقبل بذالك حتى ما اكرر غلطتي في مسنجري السابق

[شعنونة سوالف]

هلا لوبيز...زين انك مش متنكر:p
شوف اذا سويت بلوك لشخص ولصديقك يعني انت مابدك تتكلم معه = انت تكره.

اما اذا كان في شغل وانتهى هذا الشغل فلازم تقوله اوكي تشرفنا بمعرفتك بس انا بسويلك بلوك وبحذفك. لازم تقولة للشخص.

اما اذا ماعندك خلق تكلم احد فانا معك سوي للناس بلوك ولما تروق شيلة. بس انا اركز في موضوعي على الحذف (delet) , بالذات اكثر منا لبلوك. يعني لما احد يعملك بلوك مش مثل الي يعمل حذف...
حذف يعني خلاص مافي امل ان الشخص يكلمك :p

********

ابو الفياصل...نحن قاعدين نناقش قضية:rolleyes: دخلتنا بقضيتك؟
يا ابن الحلال خاف الله 150 شخض؟؟؟
لاتكون العائلة هذه كلها :p
ربنا يعينا ويعينك ويعين الناس....عليك :D

[شعنونة سوالف]

يا سلام يا سلام....اش الكلام هذا يا الاوهام :)
تعالوا يا سوالف شوفوا الحكم :)
بصراحة كلام روووعه...نيال اصحابك بصحبتك :)
يا هيك الصحبه يا اما بلى.... :)
تحياتي لك :)

*******

هلا ابو نايف..
طيب والي معك في المنتدى كيف حصلوا ايميلك؟؟
انا معك انه لو احد كان اون لاين وما تكلمنا مش شرط نكون زعلانين...
والا فحالنا سوف يكون مثل لوبيز ونحتاج 30 اصبع علشان نرد عليهم :p

انت كمان 180 شخص؟ :rolleyes:
روح صف جنب ابو الفياصل واشكوا لبعض همكم :p
تحياتي :)

[المبتسم]

والله شوفي انا عن نفسي مريح راسي!!...
لان ما عندنا لا تشات ولا ماسنجر..
لكن ان شالله علي الترم الجاي برشح نفسي لرئاسه نادي الهندسه الكهربائيه:)
وطبغا غرفة رئيس النادي فيها جهاز فيه ماسنجر وفيه كل شء:D :D <<<<من اولها استغلال صلاحيات
:D :D

ما علينا ...
دائما لمن استخدم النت من البيت(وهناك فيه ماسنجر)...الاحظ اني ما اقدر اركز علي مواضيع المنتدي..
كل ما اقري موضوع او اكتب رد....الاقي واحد ناطلي..((كيف الحال!!))..:rolleyes:
وهاتك يا هروووج وسوالف للصبح!!!....وما اقدر اكمل الرد!!....
يعني البلوك افضل حل ...واذا احتجت واحد من الاعضاء في كلمه ..ارفع عنه البلوك واكلمه!!..
ولكن استخدام الماسنجر علي طوووول!!....شئ ممل الصراحه!!..

هذا رأي الشخصي واحترم بقيه الاراء..

الناقد والكاتب الصحفي الشهر...
لوبيزو...:D


علي فكره: قبل مده كتبتي موضوع عن السجون...
وين راح الموضوع؟..:confused: