آآآآآآآآآآآه يا أسناني ،،، الله لا يراويكم

[الهنوف]

هلا فيكم

من شهر و الوالدة تلح علي أني أروح أعمل تقويم لأسناني ، و كنت رافضة هالشيء لأني ما كنت أتصور أحط شيء غريب بفمي :headshak: لكن الوالدة ما خلتني في حالي و أخذت لي موعد بالعيادة يوم السبت اللي طاف :shock2: من غير ما تقوللي لأنها عارفة اني راح أرفض هالشيء

فما كان بايدي إلا اني أتوكل على الله و أروح المستشفى :headshak: و بعد طول انتظار بالإستراحة نادوا اسمي ، دخلت و أنا ميتة من الخوف :cry: المهم الدكتور شاف شغله بأسناني و عملي القياس اللازم ، و عطاني موعد اليوم الثاني

و في اليوم الثاني رحت للعيادة ، و الله لا يراويكم :cry: بدا الدكتور يدخل أشياء غريبة ، :confused: حديد :confused: صمغ :confused: أسلاك :confused: مقص :confused: شيء يشبه مفك البراغي :confused: و أشاء كثيرة ما أعرفها لأني كنت أغمض عيني :shock2: من الخوف طبعاً

و بعد أكثر من ساعة و الدكتور يدخل و يطلع أشياء غريبة عجيبة بلغني انه انتهى من تركيب التقويم ، حمدت الله لكن يا فرحة ما تمت :shock2: :cry: لاحظت اني ما أقدر أسكر فمي بشكل طبيعي بالإضافة إلى ألم بسبب ضغط الجهاز :damp:

توكلت على الله و رجعت للبيت :Sad2: أصبحت يومها شخصية مهمة بالبيت الكل حاب يشوف الجهاز و كل طالع علي :glasses: و وقت الغدا كنت جوعانة وااااايد ، لكن المفاجأة :shock2: :shock2: رحت أتغدى ما قدرت آكل مثل الناس فتذكرت انه الدكتور قال لي اني ما راح أقدر آكل هاليومين :damp:

شيء عادي .. هالألم راح يستمر معي امدة 3 أسابيع فقط :shock2: و خلال هذي الفترة مطلوب مني أراعي الجهاز خلال الأكل و ما آكل كل شيء :Sad2: يعني فقط عصاير و شوربات و أكل مهروس مثل اليهال :cry: :cry:

أتمنى اللي عنده تجربة مع تقويم الأسنان يساعدني بالطرية المثلى للتعامل معها



:cry: الهنووووف :cry:

[ايميل مغبر]

كان الله في عونك أختي الفاضلة

وتذكري دائماً ( رب ضارة نافعة )


:)

[الحل الصعب]

الله يكون في عونك

بالنسبه لي ماحصل لي تقويم والحمدالله

لكن بقولك عن ماحصل لي

من سنوات واحد من ضروسي يتحرك يعني لازم

يخلعه المهم بعد انتظار دخلت وبنج الايمن وفحص الايسر

وقال ايضا هذا لازم ينشال طبعا كل الايام ماكان فيه شئ

لكن لما وصلت العياده وان يخرب المهم يبنج الثاني

ودقايق يطلعني ويرجعني مره ثانيه

ويشلع اللي بالجهه اليمنى وعلى طول يشيل اللي

بالجهه اليسرى

يعني ضرسين بدقيقه واحد او اقل

يحط القطن على ضرسيني صرت ماقدر اتكلم

لابغيت شئ أكتب بورقه اللي ابيه وحتى لو عندي

سالفه اكتبها بورقه

يعني اذا ماتقدرين تسولفين الورق والاقلام كثر


شكرا لك :)

[حروف سوالف]

الله يكون بعونك :)
أجر وعافيه :)

وما عندي خبره ولا ابي يكون عندي خبره ..سويتي دعايه ضد التقويم الله يهديك:)

اخوك حروف سوالف

[هديل الحمام]

الهنووووف ..الله يعينج اختي


لا باس طهور ان شاء الله ...اجر وعافية


الصراحة ما عندي خبرة بتقويم الاسنان لكني اشوف ان 3 اسابيع مدة وايد طويلة


صديقتي مركبة تقويم اسنان مثلك لكن الالم استمر معها اسبوع وكم يوم فقط اعتقد على قدرة تحمل الواحد ومو شرط يستمر الالم معاج او انج ما تقدرين تاكلين لمدة 3 اسابيع مثل ما قال الدكتور .. :OO:


بس ما شاء الله الحين صديقتي شالت التقويم واسنانها عال العاااال ..


:) ما تشوفين شر مرة ثانية واصبري بلا دلع بنات :damp:



تحياتي غاليتي ،،،:)

[دانا]

أهلين الهنوف :)

يا حليلج الله يساعدج ... بس تدرين ألحين التقويم استوى موضه :rolleyes:

يعني حتى إلي ضروسه ما فيهن شي سار وسوى له تقويم ....

وفيه طبعا أنواع للتقويم ... يشوفون وش الأشيك ويسوونه :laugh:

المهم أنا متخيلة شعورج والله يكون في عونج وأكيد بتتعودين مع الوقت

وياله فرصه أنج تسوين ريجيم :D


تحياتي

[زهرة الكركديه]

فرصة يا بنتى " رجيم ":D

[SL500]

عادي شدي حيلك...صحيح انه يتعب ولاكن دايم خلي النتائج على بالك عشان يهون عذابك...
عموما اذا على الاكل هذا مشكلة ولكن الحل بالسيريلاك:D ((وعشان ماتملين فيه عدة نكهات اقترح عليك القمح والعسل))


والله يكون بعونك وبعوني وبعون الجميع ان شاء الله
انا باركب تقويم على نص الصيف والله يعيني لأني مدلعة مرررررررررررة وما اتحمل اي ألم((من جد الله يعين))لا وزود عن ذا باخلع كم سن حلو عشان اللزوم...:help:


الله يكون بالعون

تدرين شكلي بابطل وما راح اركب تقويم الا في حالة انك تكتبين رد بان الامك خفت..OK
;)