طلب استشارة من الخبرة

[قلق و رجه]

السلام عليكم
انا احب التصوير منذ صغري
ولكن ما نميت هذي الهواية

والحين ابي اشتري كميرا
مشكلتي اني في عالم الكميرات والدقة والصفاوة والمميزات لا اعلم الا بعض الاشياء

حدود سعر الكميرا 1500 درهم او ريال تقريبا يزيد بقليل لا يهم لكن اهم شي
الدقة (الصفاوية) وكثرة المميزات كي استعملها في الصور الاحترافية وانا
لا احب التصوير العادي كالعائله او الاشخاص بقدر الاحتراف والصور المعبرة
والجميلة وتكون ديجتال عشان احملها في الكمبيوتر
المهم بدأت برحلة البحث كل ما ذهبت الى محل يعطيني نوع ويقول هذا افضل
نوع وعلى عالحال الى ان ضعت معد اصدق احد لان كل واحد يعطيني كلام وكل واحد يرفع ينزل بالنوع الثاني

بس توصلت الى نوع بعد النصح والمقارنة وهو اولوبس C-60 وهو 6.1 ميغا
بيكسل ووضع الميكرو او الكلوز فيه 2 سنتميتر

هذا موقع الكميرا وموصفاتها (http://www.olympusamerica.com/cpg_section/cpg_product_lobbypage.asp?l=1&p=16&bc=2&product=958&fl=4)

هاذي صورة من موقع محايد (http://www.imaging-resource.com/PRODS/C60/FULLRES/C60OUTAP3.HTM) وهذا الموقع رهيب تقدر تشوف اي صورة لاي نوع وتقارن ومع هذا الموقع اقتنعت اكثر بها مع المقارنة

انا اريد النصيحة هل هذا النوع جيد واذا كان هناك نوع ينصح به مع ذكر
الاسباب ياليت تفيدوني باسرع فرصه لاني ابشتري في اقرب فرصه و اخاف اندم
بعدين
وللتذكير المهم عندي هو ان تكون ديجيتال و عالية الصفاوة وتكون
بحدود 1500

وشكرا لكم

[CoRolla_04]

السلام

مواصفات حلوه والدقه 6.1 ميقا بكسل يعني الصور واضحه والسعر حلو تستاهل 1500

والمومري فيها 32 ميقا وشاشعه 1.8 بوصه

بس تصوير الفيديو بصوت او بدون صوت

الصراحه تستاهل الكمير وسعرها مر مناسب

[سنـاري]

الكاميرا التي اخترتها اخي قلق طيبة

و انا عندي اختيارات اخرى لك

1- باناسونيك Lumix FZ20 و سعرها عندكم بـ 1900 درهم تقريبا و هي افضل كاميرا ممكن تحصل عليها بهذا السعر

و هذه الكاميرات حدود 1500 و ممكن اقل شوية

2- Nikon Coolpix 5200

3- Canon Powershot A95

[قلق و رجه]

مشكورين على الردود الحلوة

يا كورلا فيها صوت وصورة للفديو ومشكور على الرد



سناري

والله اللي قلت عنهم حلوات
بس انا قارنتهم بالالومبوس صار الالومبس احسن وشفت لهم صور

بس انا لقيت وحده ثانية وهي كوداك DX7630 نفس الموصفات



بس المفاجئة اني لقيت نوع رهييييييييييييب الى اخر حد بس عيبة سعره غويلي شوي يعني ابحاول ارفع السقف واشتريها


وهي فوجي اس 7000 هاذي مواصفاتها دبل
يعني في الالومبس اقصر وقت للتصوير هو 1/1000 بس الفوجي 1/10000
و الكلوز اب سانتي واحد بس
واصفى بكثير
وسعرها 2050 بس ابروح اسئل في محل اعرفة رخيص

انا ابقرر عليها وابي رايكم فيها

[الامير الاحمر]

هلا اخوي ..


انا انصح بكاميرات سوني ..



تصوير وااااضح .. وصورة نقية



عندك كاميرة سوني 5 ميغا بيكسل .. راائعة .. بس مادري عن سعرها


:-)

[silver]

مواصفات حلوه والدقه 6.1 ميقا بكسل يعني الصور واضحه والسعر حلو تستاهل 1500

تصحيح الدقة 6.1 MPX مش شرط إن الصورة تكون واضحة (عندي كاميرا 4 MPX الجوالات تعطي صور اوضح منها في معظم الحالات :D ) لكن ، دقة الكاميرا 6.1 يعني ان الكاميرا تعطي صور بعرض 2816 بكسل وإرتفاع 2112 بكسل ... يعني بهذا الحجم:
http://www.w6w.com/w6w.php?pic=488111

شوف هذا الموقع (http://www.dpreview.com/reviews/compare_post.asp?cameras=oly_c60z&method=sidebyside) يعطيك مواصفات الكميرا وفي كميرات كثيرة غيرها يعطيك تجربة كاملة للكميرا تتكون عادة من اختبارات للوضوح والجودة والدقة ...الخ (ما ادري ليه كاتبين دقتها هي 5.9 mpx)

إذا كنت انت إلي سألة عن الكميرا من قبل في عرب دجي كام (http://www.adigicam.com) فالأفضل تاخذ بنصيحتهم او انك ترفع الموضوع وتشوف الآراء الجديدة لأن الناس هناك على خبرة ودراية بالكميرات اكثر من سوالف لأن الموقع تخصصه كميرات رقمية :-)

[قلق و رجه]

مشكورين اخواني

يا سلفر انا اللي حاط الموضوع

بس المشكلة كل يوم لي راي ولي خيار معد ادري

الحين انا ثبت على الفوجي اس 7000

بس فيه تفكير جدي في النيكون دي 70

بس ابشوف وش الافضل لي وابشتري

[silver]

النيكون D70 سعرها فوق الـ 3500 ريال والميزانية إلي انت حاطها هي 1500 ريال ... وهي كاميرا احترافية

السوني كميراتها حلوة مر عليهم وحسب ما قريت فإن سعر الـ S7000 هو في حدود 2500 ريال (مو متأكد)

والله يكتب لك إلي فيه الخير :-)

[قلق و رجه]

والله انا رفعت الميزانية


وزي ما قلت ابشوف الافضل لي

والفوجي سعرها 1950

والنيكون زي ما قلت احترافيه وغالية علي وانا فكرت اني ابدى بشي حلو ومواصفات حلوة وثمين اروح للاحترافيه


على العموم مشكور على تواصلك