الميـــــــــــــدان لليولة (نجم سوالف)

[نظرة]

http://www.geocities.com/lulu92006/art/ewalh1.gif

من منتدى سوالف واحد من المرشحين للميدان

داخل بتحدى وبكل قوة وتراث الماضي يقدم اليوالة :knight:

يحتاج لتصويتكم ودعمكم :):)

[قلق و رجه]

كالعادة رسمة حلوة

بس لو تلاحظين بشرته فاتحة كثير وكانه من الشام :D

ونسيتي رجلينه :D


ويعطيك الف عافية على الرسمات الحلوة

[نظرة]

قلق و رجه :):)

مشكور ملاحظاتك صح

غيرت مثل ما قلت :)

لبسته نعال والحين صار كاشخ

وغيرت لون بشرته :):)

[EL_3grab]

لو تنزلين الغتره شويه .. :D

شي راهي ..

..

أحلى مافي برنامج الميدان المحكمين .. والخرباط اللي يقولونه .. خخخخخخخخخخخخخخخخخ ..

تحياتي نظرة ..

[Mr.Kiady]

ياهلا نظره

عندي سؤال :D :

وش اليوله ؟

ودمتم .

[HaDeeL]

اليولة : رقصة اماراتية من التراث الشعبي .. تتمتاز بالتركيز على مهارات استخدام (( البندقية = المسكبة = المسجبة )) و كيفية الرقص و تحريكها حركات بهلوانية صعبة بدون ان تسقط من اليد ... و تؤدى في الاعراس و المناسبات و الاحتفالات ..


















والله الرسمة حلوة ...و على سالفة لون البشرة .. ترا فيه اماراتيين بيض ... اكبر مثال عيال الشيخ محمد بن راشد ... كلهم بيض ..

وايد الناس ماخذين فكرة ان شعب الامارات .. أسمر .. :blink:







شكرا على الموضوع الحلو ..


تحياتي ... هديل الرزيف .. هديل اليولة .. :D

[نظرة]

أهلا كادي :)

صباح الورد :)

اليولة تراث قديم ونوع من استعراض السلاح سواء كان بندقية او سيف او خنجر
كانوا قديما لما يرجعون من الغزو يستعرضون مهاراتهم اعلانا انهم حازوا بالنصر
وهي تخص أهل الشرقية الصحراء (البدو)

وايضا كان نوع من اظهار القوة لكل قبيلة امام الرئيس فكانوا يبرزون هذي المهاارت
حتى يعلنون انهم جاهزين لي أمر من الرئيس في أي لحظه

اليولة هي في الاصل اعلان ولاء ورجولة وقوة و الاستعراض منهم تحت غناء وطني هذا االاصل

حاليا تغيرت مع الوقت بعد ما صارت في يد جيل جديد


هذا الا اعرفه عنها :)

[نظرة]

هلا بــHaDeeL الورد

أبيض أسمر كله حلوة

أرض الامارات كبيرة فيها كل الالوان

فيها لون الصحراء وفيها لون الجبل

وفيها لون رمل الشواطئ


:):)

[نظرة]

EL_3grab :)

انت وين منخش ما شفت ردك

الغترة الحمدانية مثبته حتى ما اطيح عن راسه

:):) كنت برسم له شعر على جبهته مقصص ناعم :)

:)

[Mr.Kiady]

شكرا نظره & هديل .

الحين عرفت وش القصه :D

ودمتم سالمين .

[EL_3grab]

هههههههههه .. ترسميله شعر ناعم ..

شكلج ما سمعتي بن خصيف اليوم .. :D ..

ويوم العامري ياال .. الكل مدحه لأنه غترته ثابته ..

..

المشكله في المسابقة أن البنات يصوتن لأحلى واحد .. خخخخخخخخخخخ ..

وهاي الحأيأه .. :D

[نظرة]

هلا كادي العفو :)



EL_3grab :) تبا مني الصدق انا اشوف العامري أفضلهم

صحيح منهم ابتكر حركات

بس العامري التزم بالتراث

حتى الحكام نفسهم اسانسوا منه

أما الشعر الناعم كنت امزح :)
كل الشباب الحين يطولون شعرهم ومعذورين عليها
انا لو كنت شاب بطول شعري
وبقصه من الخلف والا جدام بطوله على الموضه :):)

بس الحمد لله اني ما طلعت شاب طلعت احلى من الشاب :)

[EL_3grab]

خخخخخخخ ..

الصح أنج تقصينه من جدام وتخلينه بالخلف ..

ولا متساوي .. نفسي .. :D

..

بس مالت .. شعر قطاط .. قصير طويل .. كله واحد .. ذبحني الحلاق ويقولي سو تمليس .. بيستوي تمام ..

..

عندي موعد بصالون Tonia & Guy ببرامج الأمارت .. :19: ..

يبترونك بـ300 أقل شي ..

مب 15 عند كشمير .. خخخخخخخخخخخخ ..

..

سوري جلبت الموضوع عن الحلاقه .. :sss:

[نظرة]

EL_3grab

قصة الشعر الا انا اقصدها غير حق الشعر الناعم

قصة ايطالية يقصصونه من وراء ويخلونه طويل من جدام

ما ينقع للشعر الخشن


:)

[زمردة]

ولَك خيو ..

موهيك بيمسكوا المسجبة ..

-------

وأشوف الموضوع انقلب لدعاية للقصات الإيطالية واليابانبة :mad1:

اصطلبوا :ranting:

ما في أحلى من هالقصة وهالتسريحة..

http://www.geocities.com/lulu92006/liwa/P1010547.jpg

[نظرة]

:) زوزو ما اريد هـــ التصريحه

مش حلوة اكيد راسه فيه قمل :(



خلاص اصطلبنا الحين بنتكلم عن العطور :)

زوزو تعالي هناك اريد اعرف احلى عطر عندج بشتري مثله :):)

:)

[زمردة]

نظرة ..

هذاك أول فيه قمل .. يوم كان يستوي أربع جدايل كل جديلة كأنها حبل الرشا ..

ألحين وين بعيش فيه قمل يوم الشعر من كثر التساقط لو تجدلينه جديلة وحدة ما نشافت:cry1:


عيل أنت شو مسوية ؟ حالقتنه على الزيرو ؟ :think:


أي عطر بعد تسئلين عنه ؟

غير دهن العود ما شي عطر ..

http://arabianoud.com/oad/ProductsImages/38.jpg

[grandv8]

السلام عليكم ورحمة الله وبركاته

ماشاء الله رسمك حلوة بس الفم شوي يباله تضبيط

شكرا لك :banana:

[نظرة]

زمردة :)

أحلق شعري على الزيرو هذا اسمه جنون وخبال

ابشرج بعدني عاقل ومن الطراز القديم الابيض والاسود أم الجدايل والدرفانه :):)


دهن العود ملك العطور :)

بس مش في كل وقت يحطونه له وقته :):)

[نظرة]

grandv8 :) وعليكم السلام

الفم !!

هذا من شرب حليب البوش سلمك الله مورد الخدود ومزهر الشفايف :)

على فكرة grandv8 كل الا يعيشون في ليوا هذي مواصفاتهم

بشرة بيضاء صافيه وخدود وردية مليانه و شفايف حمر

بس عندهم الاسنان صفر :)

تعرف ليش !!؟ :)






:D