موقف بايخ

[علي الشمري]

السلام عليكم


موقف وقح:
وانا في احد الدول الاوربيا
طلعت من احد المجمعات التجاريه وقعدت انطر تاكسي
طبعا من الزحمه
في لاين..او دور تنطر في الطابور مع الناس وكل واحد ودوره ياخذ تاكسي
وهالطابور عند مدخل المجمع..الناس داشه وطالعه..وقهاوي عند الباب
ووايد وايد في عرب وخليجين
واحنا ننطر والا كويتيات 2..حريم ويا عيالهم
خطروا الدور وراحوا التاكسي
التاكسي مارضى وقالهم في دور
الظاهر ولد وحده من الحريم قالها يمه مايصير في دور
ماسوت عليه
اهي طبعا مندقره من التاكسي
وطلعت الحره بولدها
وقامت تصرخ جدام الناس والزحمه مثل المينونه
صراخ بوقاحه وقلة ادب يعني شي يفشل
والناس منصدمين وحتى الاجانب اللي مايعرفون عربي مندهشين يعرفون ان في شي وقح قاعد يصير
وقفوا الكويتيات شوي والا سياره خاصه توصل مالت احد الفنادق
هم حاولوا يركبونها ماقدروا قالهم السايق انا ياي حق ناس معينين
هني الصدمه
المحجبه
وجدام خلق الله
وجدام الخليجيين والعرب
قالت
شيبي بعد هذا الق
!!!!!!!!!!!!!!!
الوضع
الناس
العرب
الخليجيين
صدمة مابعدها صدمه
ومحجبه بعد
انا حزتها تمنيت الارض تنشق وتبلعني من الفشله
فشششششششششششله
طبعا لما حسوا ان في كويتيين وراهم الثانيه تسكتها تقولها بس سكتي
شنو يعني بس احنا الكويتيين البشر اللي لازم تستحي منا وباقي الناس حيوانات؟
هذيله ملوت زيادة رواتب وكوادر عشان يسافرون ويفشلونا؟
هذيله ملوت طراقات تردهم من وين ما يوا
الله لايبارج بابليسهم فشلونا

وبس

[شهرناز]

الله يهديهم و يصلحهم ..

هذا الموقف مو لجنسية معينة ممكن تلقى دا الموقف في أي مكان ثاني من ناس من بلد ثاني .. بس المفروض الواحد يمسك أعصابه مهما كان الموقف .. و المفروض الواحد يلتزم بالنظام في بلدهم أو غير بلدهم !!

الله يستر علينا و على جميع المسلمين .. :

شكرا أخوي علي الشمري ..:)

[بنت الكويت]

صج شي يفشل

في ناس ما تعرف الادب ولا الاحترام

الله يهديهم بس

يعطيك العافيه اخوي علي

[Corvette_Stingray]

الله يهديهم

[الضبع]

في كل بلد يحصل هذا،،، الله يهدي الجميع ولكن ليس على الملاء هكذا. فالستر زين أخي الكريم.
تحياتي لك.

[علي الشمري]

تحياتي للجميع كلا باسمه السلام عليكم


اشكر مروركم والله يهدي الجميع


تحياتي ومحبتي لكم

[LS 460 L]

كثير من الناس ما يعمل بـــ :



يا غريب كون أديب



بس تعرف الزعل يطلع الواحد من طورهـ ...