ماذا يوجد في حقيبتك .. ( للبنات فقط )

[هند]

السلام عليكم .. يا هلالالالا باخواتي الحبوباااات ..

كيف الحاااااااال ..

المهم عشان لا اطول و اتفلسف ..

احب اتعرف عليكم اكثر ..

يا الله .. كل وحدة شجاعة تجاوب بصراحة ..


اولا .. ما هو حجم حقيبتك الذي تفضلينه .. يعني كبيرة صغيرة .. وسط .. ؟؟؟؟؟ متوسط مثلي اناااا ..

ثانيا .. هل تهتمين بترتيب الاغراض فيها .. ولالالالالا كل شيء مبعثر .. ؟؟؟؟؟ مبعثر .. مثلي انااااااا

ثالثا .. هل هنالك اشياء لا تحتاجينها في الحقيبة ام بها اشياء ضرورية .. ؟؟؟ نص و نص .. يعني فيها بعض الاغراض احتياطية .. http://www.swalif.net/swalif1/ubb/smile.gif احيانا الواحد

يوسوس .. يعني .. احيانا .. ممكن بندوووول .. ممكن لزق جرووووح .. ممكن كلينكس .. ممكن .. قلم و دفتر لما احس اني عندي قابلية للكتابة ..

و الباقي .. من عندكم ..

http://www.swalif.net/swalif1/ubb/smile.gif

[هند]

الي ما عنده شنطة ..

بشتريله .. بس يخبرني شو حجمها .. http://www.swalif.net/swalif1/ubb/smile.gif اوني اقص عليكم .. لا تصدقووووون ..

[وهج]

هلا هند..كيفك يا طيبة..

الشنطة..مسكينة شنطتي..!

أولاً أنا أفضلها من الحجم المتوسط وأتذكر إني أجهزها قبل ما أخرج بدقيقة وطبعاً بما إني دايماً مستعجلة فشنطتي فيها أشياء غريبة!

المحفظة..الجوال(وعلى فكرة دايماً ينضغط في الشنطة ويتصل على أي أحد حتى أسألي شادن)..مفاتيح البيت(ودايماً تضيع في وسط الشنطة وأوقف ساعة عند الباب حتى ألاقيها)..فواتير مالها حد..حلاوة لبنتي عشان وقت الأزمات..روج..مرسام(غالباً مكسور)..دفتر صغير..ورقة مقاضي ..
.
.
.
.
ها رح تشتريلي شنطة جديدة؟؟؟؟؟؟؟؟؟؟

[yes]

انا ما عندي شنطة http://www.swalif.net/swalif1/ubb/frown.gif

لان ما عندي حد يشيلها عني

[نعناعة]

همممم قلتي وش نحط هاه؟ا
ههمهمهمهم بالنسبة للحجم .. عادة وسط

لكن عاد لازم نقول وش نحط فيها ؟!؟!؟!؟

يوووه كثير

من ناحية الترتيب ..ماهو دايما مرة ومرة

يعني ساعات تلقيني حاطة شنطة صغيرة فيها مشيط وكحيلة و و واللزي منه http://www.swalif.net/swalif1/ubb/biggrin.gif

وساعات أحوووووووووووووس وأحووووس بيدي إلى أن ألقى اللي أبغاه

طبعا المحفظة ... ساعات أحط الفلوس بالجيب اللي بالشنطة !! لكن المحفظة تكون موجودة http://www.swalif.net/swalif1/ubb/biggrin.gif

عطر

الجوّال

دفتر صغيرووووون حليو وردي عليه صورة بطة http://www.swalif.net/swalif1/ubb/biggrin.gif وقلم

كلينكس عادي ..وومناديل معطرة

الله ياكثر القراطيس اللي مالها سنع ( كلها فواتير ) آآآآخ ساعات أتمنى أحط الفواتير أو

وصولات الصرّاف الآلي تحت المخدة ..وأصحى الصبح ألقاهن رجعن فلوس http://www.swalif.net/swalif1/ubb/frown.gif

إييييي ساعات الشاحن حق الجوال يكون معي ( إذا كنت رايحة الدوام )

وتلقين لك كم خاتم على كم إسوارة خصووصا هاللي طايحين فيها هاليومين اللي كنهن

مسابيح ..أنسى وأخليهن بالشنطة ..

وشو ؟ وشو ؟

حسب الطلعة طبعا ..ممكن يكون معي كتاب صغير !!

هاها مقدر أكمّل ... مثلا كل ماأذكر أحط كاميرا ديجيتال صغيرة معي

يووووووووووه تبين أكمل ؟ http://www.swalif.net/swalif1/ubb/smile.gif


أنتي قولي وش اللي ماأحطه بشنطتي

تقولين شنطة سبورت بيلي هاها إحم ماشاء الله

... نعناعــــة ...

[هند]

وهج ..


ياااااااااااااااااي .. انا بعد لو سمحتي ..

اشتريلي معاج حلالالالاوة ... http://www.swalif.net/swalif1/ubb/smile.gif بووووسي لي بنتج .. http://www.swalif.net/swalif1/ubb/smile.gif يا فديت الحلوين ..

و تستاهلين شنطة جديدة .. يا الله في يوووووم الام الوطني بنشتريلك وحدة .. حلووووة .. مع باقة ورد ..


* * * *

yes

اوكي .. انا بشتريلج شنطة ..

اترسيها فلوووووس و انا بشيلها .. و بروووووح السوق .. اتفقنا .. http://www.swalif.net/swalif1/ubb/smile.gif

و برجعها فاضية و خفيفة ..


* * * *


نعنع .. يا اختي .. شو هالابداع ..

هاااااااي ما صارت شنطة .. صارت بيت متنقل ..

ناقص تحطين فيها شرشف و مخدة .. و نووووم الهنا ..

اقوووووول .. ليكون السر في شنطتج .. مطاطية مثلالالالالا..

اشتريلي وحدة .. http://www.swalif.net/swalif1/ubb/smile.gif

بس تعرفين .. عجبتيني ..

nice

[روضه]

هنااااااااااادي شو هذا نشدة المختلفه
http://www.swalif.net/swalif1/ubb/smile.gif http://www.swalif.net/swalif1/ubb/smile.gif
اصلا انا شنطتي تقرقع
ما فيها شي

صبري بانبشهااا وباشوف شو فيهاااااااااااااا
ويييه ما فيها روج
مااااااا احبه
مع انه حلو ويحلى http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
انا حطيته مرتييين
ولحسسسسته

هاهاهاهاااااااااااااااااااااي
الله يقطعهم يعلمونااا نحط صبغ
يع

وبعد الجحال نحنا نتجحل باثمد
فاكين عمارنا على الطبيعه
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

عندي بوك احطه على التيلفزيييون
يوم يدخلوون أخواني
يفتحووونه
يقووولون حليلها الروض بوكها خالي
يترسووونه فديتهم
وكل عصر بوكي افرة هنااااك
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

هييييييه شو بعد
جييييييييييييون شو بعد فى شنطتييييييي
نبشي شو في شو فيهاااااااا
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
انا اصلا ما عندي شنطه
هبابي اسحب عباتي
هاهاهاهااااااااااااااااااااي
قصيت عليكم

[=]

مرحبااااااااا هنــــــــــــــــــــد


sorry روضة دست على عبايتج !


هند اي شنطه فيهم تقصدين .. الي جابتها لي yes ??

جابتلي شنطه ما فيها فلوس تخيلي http://www.swalif.net/swalif1/ubb/frown.gif

داخل الشنطه محفظه .. لو ما فيها محفظه بعد جابيتها لي yes >>كانت اقراضي منثره

فيها بعد اقلام .. قلم رصاص و قلم حبر ناشف ماركه كرستنديور هاهاهاها

كله يس تحطه في شنطتي !!

بعد مذكرة ..تذكرني !

انا عارفه شو صاير معااااي .

مرة نسيت شوكلت في شنطتي .. و ساااااااااااح على الفاين !


لغلغ ... ممنوع اللمس

[هند]

طلعتواااااااا مبدعين ..

يا ااااااااااه ..

كل الي جاوبوااااااااا .. انتظروا الجزء الثاني ..


http://www.swalif.net/swalif1/ubb/smile.gif و الله خطيرين البنات الي معايه على النت ..

رووووووضة .. http://www.swalif.net/swalif1/ubb/smile.gif انتي فيج اعراض اجرااااااااام .. http://www.swalif.net/swalif1/ubb/smile.gif حاولي تنمين موهبتج الفذة .. و اصقليها ..

* * * *

يساااااااوي ..

اسم على مسمى .. جواااااااااااابج ذكرني بالمسطرة ما ادري ليش ..

http://www.swalif.net/swalif1/ubb/smile.gif شووووووفي انتي معنى الايحااااااء .. http://www.swalif.net/swalif1/ubb/smile.gif

[=]

بااااااااااااااااااااااااااال ...

كل هذا علشان قلت قلم رصاص و حبر

يبيلج مســــــــــــــــــــــــطرة

[=]

باسئلج هند ..

وين الاعضاء ؟؟

ليكون منخشين في الشنطة ؟

[هند]

طيب تعالي ناديهم بصوووووت عالي شو رايج ..

رووووووووضة ..

مزوووووووون

زمردة ....... انتي ما جاوبتي .. ؟؟؟؟؟

يس .........

نوووو ...

وينكم ..

[هند]

روزا ..

نورا ..

جيووووووون ..


اين انتن .. يا حبووووبات ..

[MZOon]

سلام هند http://www.swalif.net/swalif1/ubb/smile.gif

أحب الحجم الصغير من الشنط

يكبر حسب الحاجة .. ومدة الطلعه http://www.swalif.net/swalif1/ubb/smile.gif

تلقين في شنطتى ...

عطر .. وقلم .. و NelFile .. ومحفظه للفلوس

بنادول .. قطرة عين .. علكه Extra .. كلينكس Wetones

وبس

أخفف الاغراض حسب حجم الشنطة ساعات تكون خاليه مافيها الا

المحفظة والبنادول شكل الشنطة مايسمح بأكثر من هذا ..!

أما في الرحلات الطويله

قولى شو مافي الشنطة ؟؟ صيدليه كريمات مقراضه عدي كتيب دعاء

كل كل شي تقريبا بس لازم يكون من الحجم الصغير .. والا كان شلت

سوت كيس مو هاند باج http://www.swalif.net/swalif1/ubb/smile.gif

..

مرة أخوى فتح شنطتى قبل السفر قال باااااااااااااااااال

لا يكون فاكرة رايحين الربع الخالي http://www.swalif.net/swalif1/ubb/smile.gif http://www.swalif.net/swalif1/ubb/smile.gif

[هند]

مزووووون ..

اعترافك خطير .. و له مدلووول ظريف .. http://www.swalif.net/swalif1/ubb/smile.gif

انتظري الجزء الثاني ..

[هند]

خلوني اخبركم عن تفاصيل شنطتي ..


اولالالالالا احب الشنط الكلاسيكية ..


الحجم غالبا من متوسط الى كبير ..

مستحيل شنطتي تترتب داخليا .. لاني كل شوي الخبط الاغراض ..

و احيانا وااايدة اجب الاشياء و انثرها برع الشنطة عشان اعرف شو داخلها ..

كانها مغااااارة ..


عموما .. في الشنطة .. يمكن تحصلون ..

كلينكس .. قلم .. الة حاسبة صغيرة .. فلووس منثورة ..

اوراق مكتوووب فيها اشياء لازم اسويها او ارقام تليفونات ..

قلم روووج .. للزيارات فقط .. لاني ما احطه برع البيت ..

نظارة شمسية ..

سويش السيارة .. و الموبايل ..

و احيانا .. كاكاو .... و لبان ..

* * *

[روضه]

هنااااادي وين وين الاجراااااااام
http://www.swalif.net/swalif1/ubb/smile.gif
خبرينيييييييييييي

بنوصي عرب عليه

هاهاهاهااااااااااااااااااااااي

[روضه]

وييييييييه لا يكون يوم قلت لج عن الروج

هاهاهاهاااااااااااااااي شو نسوي نحنا هل بوظبي فينا هذى الطبيعه الشينه

http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

بس تعالي ما شاء الله عليج
تسوقييين
انا ما يخلوني اسوق

http://www.swalif.net/swalif1/ubb/frown.gif
ليش

[روزا]

نعم هند

سمعت صوتك ينادي ...تحبين أشارك ..انتي تامرين

أحب الشنط بصورة ما تخيلينها ...و أحلى هديه عندي الشنطه اليدويه

الله يرحمه أبوي كان يتنرفز لما يشوفني شايله الشنطه ..يقول لييه كل

الحريم صاروا يشلون شناط ..و يعلق نسوان قبل أحسن منكم لانهم ما شالوا

شناط . http://www.swalif.net/swalif1/ubb/smile.gif

المهم أحب شنطتي في الصباح متوسطه ..و في المساء صغيرة ..و أغراضي في

الصباح تختلف عن المساء

تحتوي على محفظة نقود ..و علوج..و كلنكس ...كلنكس معطر ..مفاتيح ..والأهم

حبوب الصداع ..و موبايل ..و دفتر تلفونات صغير ..مشابك شعر ..و مرايا

صغيرة ...و كروت المستشفى ..و البطاقه الشخصيه ...و مذكرة صغيرة

لتدوين الملاحظات و الخواطر فيها.

[هند]

الروووووووض ..

تعالي دبي بخليج تسوووقين سيارتي .. http://www.swalif.net/swalif1/ubb/smile.gif

بس لا تخبرين حد ..


دووووور واحد .. بس ..

* * * *

[هند]

روزا ..

شفتي كيف الحقيبة تدل على شخصية صاحبتها ..

يا طيبة ..


http://www.swalif.net/swalif1/ubb/smile.gif تشرفنا بمعرفتك و معرفة شنطتك

قل لي عن شنطتك اقلك من انت .. ؟؟؟؟؟؟

[شادن]

عسى ماني جاية متأخر ..لكن لازم اخبركم ايش تحمل شنطتي من اشياء

اولا : تجيني فترات اغير الشنطة كل يوم حسب اللبس " وطبعا هذي الحالة لمن يكون المزاج رايق " اما في حالة كان المزاج ملخبط والروتين ممل تكون الشنطة واحدة ماتتغير وطبعا لازم اختارها ماركة عشان تموه عن المهرجان اللي بالداخل . يعني على قولة المثل من بره هالله هالله ومن جوه يعلم الله http://www.swalif.net/swalif1/ubb/smile.gif http://www.swalif.net/swalif1/ubb/smile.gif

وطبعا هذا المهرجان او الحفل الداخلي يكون على شرف الاستاذ جوال لانه رئيس الحفلة وطبعا مدام روج مضيفة المهرجان

وبالتأكيد ماننسى الخطيبين المتلازمين دائما انسة نوته والفنان قلم

بالاضافة الى ست الحسن الدلال انسة كولونيا

وطبعا بما انه مهرجان فعيلة الشيخ ورق وحرمه مدام فواتير وعيالهم اللي مالهم عدد وبصراحة كل المعازيم يتلخبطوا في اسمائمهم طبعا من كثرهم ..لازم يكونوا موجودين حتى ينوروا او بالاحرى يلخبطوا الحفل..

http://www.swalif.net/swalif1/ubb/smile.gif http://www.swalif.net/swalif1/ubb/smile.gif
وبصراحة لا تقهروني يا بنات وتقولوا مفاتيح السيارة ...طبعا عارفين السبب
لكن الصبر طيب


وعلى فكرة يا وهج ارحميني من الاتصالات الغير مقصودة بجوالك


------------------
شادن




[b]<small><small>[ تم تعديل الموضوع بواسطة &nbsp; شادن &nbsp; يوم &nbsp; 11-05-2000]

[نورا]

انا ما احب اغير شنط كثير
احب يكون فيه الفه بيني وبين الشنطه
حتى في السفر اخذها معي بحيث تصير جزء مني ومن تاريخي
انا احب الشنط اللي لو انكب عليها شئ تنغسل وتنمسح
وتتحمل المطر بعد http://www.swalif.net/swalif1/ubb/smile.gif
شنطتي ( برادا ) معاي من ثلاث سنوات وشكلها كنا جديده
كبيره نوعا ما ، وفي السفر اطلع بها فاضيه وارجع بها مليانه
اشتري اسطوانات او عطر كتاب واحطه فيه .
واللي جواها يختلف من مكان لمكان مثلا في السفر ديسك مان مع سماعه
اسطوانتين ، دفتر وقلم ، زجاجه عطر صغيره جدا وتكون نفس العطر
اللي استعمله في البيت ( على فكره احب استعمل نوع واحد من العطور )
احط في جيبها القلم ( حق الكتابه ) ومرطب شفايف وعلبه عود اسنان
وعلبه الخيط حق الاسنان بعد ، اكره الاكل يقعد بين اسناني .
معاي حبوب مص صغيره بسعرات حراريه قليله اسمها( تك تاك ) نكهة القرفه
انا اكره طعم النعناع اللي زي المعجون ، بالاضافه الى كتاب ( روايه شعر
مقالات .. الخ ) واحيانا اثنين .
وفي الرياض ( مدينتي ) يختلف الوضع ، ممكن لو بزور صديقه لي وبنشوف
فيلم احطه في الشنطه .
وما اشيل الديسك مان ، ولا الاسطوانات ، ولا الكتب .
بس عندي محفظه عباره عن محفظه وفايلو فاكس ونوته تلفون في نفس الوقت
هديه من امي لها اكثر من 4 سنوات احبها ولا راح ابدلها
وكل ما قدمت شكلها صار احلي .
وفيه اشياء طبعا تنحط ساعات وساعات ما تنحط
وانا احطها جوه ظرف رسايل للحيطه ( اقصد الفلوس طبعا انتم فاهمين )
لان احيانا في اطفال تفتح الشنط واحنا حاطينها ع الكرسي وشوفوا الفضايح
معاي ع الخط .؟
وعذرا على الاطاله .

[غصون]

http://www.swalif.net/swalif1/ubb/salam.gif
تبون تعرفون وش اللي في شنطتي
1- موبايل
2-أرواج ومحددات وماسكارا والمشكلة ما أستخدمهم كثيرا لأني دائما أنسى أحطهم إذا كنت رايحة لمكان وإذا تذكرت ألقاهم معي ما أقعد أتحسف ليش ليش؟؟
3-المهم طبعا مناديل كلينكس لأنه عندي حساسية دائما أعطس أأأأأأتسواا
الحمد لله
4-زائد الكاميرا شيء ضروري طبعا
5- قلم ودفتر صغير
6- فواتير أوراق مقاضي كروت للبنوك والمستشفيات وسوبر ماركت ..........
شكلي طولت عليكم المهم هذا اللي متذكرته هالحين واذا تذكرت شي ثاني بخبركم

[هند]

بصرااااااحة ..

هاهاهاها .. وايد استانست ..

يا بناااااااااات ..

طيب ممكن تضيفون لون الشنطة .. :)

اذا اما عندكم ماااااانع ..

نورا .. على فكرة .. عجبتني شنطتك .. و اكثر شيء لفت انتباهي اهتمامك باسنانك .. .. بنت شطورة ..


* * * *

شادن تخيلي يا حبوبة .. ..

ان حنا اكتشفنا عندج موهبة ادبية .. هذا بس من خلالالالال شنطتك .. و تصويراتك الخيالية الحلوة ..

و ما خفي اعظم يا رساااامة .. :)

* * *

غصوووون ..

:) راااااااائع :)


* * * *


خبرووووني عن لون شنطتكم .. ؟؟؟؟؟؟؟


طبعا لو سمحتوا ..

[شادن]

هلا هند

هذا بس خيال الرسام مو اكثر.. لا تخليني اتهور واصدق الكلام اللي قلتيه وبعدين لو كتبت ما ادري ايش بيصير

على العموم يا لغالية ..لون الشنطة اللي انا لي مدة ماغيرتها كحلي

:) :)
لك تحياتي

------------------
شادن

[هند]

هلالالا شادن ..


:) الكحلي لون .. احبه واااااااايد ..

انا عني ..

احب الاسوووود طبعا .. لانه يناسب الشيلة و العباة ..


و اللون الثاني الكحلي ..


في الاخير البني و مشتقاته ..

و باقي الالوان صعبة مع لبسنا .. :) صح ..

[نورا]

انا شنطني لونها اسود
وبدور على موقع لوفيه صورتها حطيته

[نورا]

Style #: PV166
Item: PRADA - Flapover Shoulder Bag
Designer: PRADA
Description: This is a very sporty nylon flapover bag. It features a spacious central compartment with a small zippered compartment inside, a small open compartment for easy access and a zippered compartment to secure your belongings. On the back of the bag there's another zippered compartment. Adjustable strap. Measures 12.5"x 11.5" x 4.5". Comes with authenticity cards and sleeper bag. Made in Italy.


الموقع http://www.designercouture.com/Templates/frmTemplateR.asp

ثالث شنطه : صحيح انها اكبر من جسمي ومش ناعمه بس حبيتها
انها قدري وموجوده من فتره ولسه تصنع
اشتروا مثلها ترا على قولة اخوانا المصرين
( حماره شغل ) وسلامتكم

ترا فيه شنط كثير وماركات عديده اللي تلقى شنطتها تأشر بس
ونروح نشوف .

هاه هند فيه احد وضح اكثر من كذا؟

[المعذبة للأبد]

مرحبا أخواتي... و الله إني كنت مترددة في البداية بس حبيت أشاركم.. تدرون أنا عندي عقدة إسمها عقدة الشنط، حتى أمي قامت تتعقد من الشنط اللي عندي.. مشكلتي إني كلما أروح السوق و ألقى شنطة حلوة أشتريها.. و الله حتى الكبت قام يشتكي! و الله كلما أفتح الكبت عشان آخذ أي غرض يطيحن الشنط و كأن الكبت هو اللي يعقهن برع.
خبروني شو أسوي ويا الشنط اللي تارسين الكبت؟؟؟!!!!!!! و عن الأغراض اللي في الشنطة لو بقول شو في كل شنطة ما بخلص، عشان جي أقولكم نلتقي في الحلقة القادمة.

------------------
"و دمتم..." :)



[b]<small><small>[ تم تعديل الموضوع بواسطة &nbsp; المعذبة للأبد &nbsp; يوم &nbsp; 13-05-2000]

[MZOon]

لون الشنطة ..!

كل الالوان تقريبا ماعدا الفاقع منها

حلو تكون الشنطة بلون الحذاء ...

موأخرا .. رمادي غامج

..

وين الجزء الثاني ؟

نبي نتيجة الجولة الاستطلاعيه

لمجهول الشنط :)

[هند]

نورا .. الوصلة الي حطيتيها ما طلعت بس دخلت الموقع

شفت شنط برادا .. يا سلالالام عليج .. صدق انج وفية للشنطة ..

انا عني .. احب اغير شنطتي كل فترة و الثانية ..


* * * * *

المعذبة للابد .. انا انتظر تكملين ..

عشان نعرف هالشنط .. شو فيها ..

و ليش تحبين الشنط بالذات .. :)

و شو اكثر لوووون تحبينه ..

و فرحت لما شفت اسمج معانا .. اظنج جديدة في المكان ..

فخلينا نتعرف عليج و على شنطتج ..

* * * *

[المعذبة للأبد]

مرحــــــــــــــــــــــبا... و الله بصراحة أنا مب جديدة في سوالف و إنما كنت بعيدة عن حبيبتنا سوالف و رجعت عشان أكون بين أحبابي و أصدقائي...
و عن سالفة الشنط ما أدري ليش الشنط بالذات!!! بس كلما أشوف شيء حلو ما أتردد و آخذه :) تراني أحب الموضة وايد :)
عاد شو في الشنطة؟؟؟!!!!! همممممممممممم ... خليني أشوف..
1) غرشة عطر
2) مقلمة مكياج
3) مفتاح اللوكر و البيت
4) دفتر أدعيه
5) مراية
6) حافظة العدسات الطبية ( تراني عورة) الحمدالله و الشكر
7) حلويات و كاكاو و هذا أهم شيء
8) مقلمة متروسة أقلام
9) بوك صغير للفلوس
10) لبـــــــــــــــــــــــــــــــــان ( تراني مدمنة ---- على اللبان طبعا)
11) محارم ورقية
12) أحيانا مصحف صغير.
13) نظارة طبية

ما أدري إذا غفلت عن شيء :)

------------------
"و دمتم...":)

[وهج]

لون الشنطة..يعني حسب لون اللبس..

ومؤخراً أشتريت شنطة لونها بيج ومشغولة بالخرز الملون وكل ما آخدها معايا بنتي تشيلها ومصرة إنها حقتها عشانها ملونة......

شدونة ..خلاص الله يخليك غيري الشنطة الكحلي.......بكرة يا ويلك لو شفتها..

[شادن]

وهههههههههههههج

ليش الفضايح

وبعدين معاك ترى اغير الموجة...انا بادلعك على طول ترى ارجع شادن الشريرة بعدين ...

وبعدين ماحاغير الششششششششششششششنطة ....عناد

امكن اغيرها بعد بكرة لكن بكرة للللللللللللا



------------------
شادن

[هند]

مزووووون ...

المفروض اني اغير رايي و افتح محل شنط .. احسن ..

:)

بما اني عرفت ذوق الزباين ..

هاهاها ..

الجزء الثاني .. بعدين .. ليش مستعجلة .. للحين ما خصلنا من الشنط .. !!!!!


* * * * *

[هند]

وهج حبيبتي .. باينج انيقة .. و بنتج طالعة عليج .. :)

حلووو الخرز .. احسه شكل تراثي .. راقي .. يعجبني .. بس

بصراحة .. انحرج امسك شنطة فيها خرز .. ما ادري ليش .. ؟؟؟؟

* * * *

شاااادن .. خلالالالالاص بعد بكره .. غيري الشنطة الكحلى ..

امسكي شنطة صفراااااااااء .. :) عشششان نشوفك من بعيد ..


************

[هند]

المعذبة للابد ..


عندي لج سؤالين ..


اولالالالا .. شو لون الشنطة الي تفضلينه ..


بعدين .. ( ليش عندج مقلمة متروسة .. اقلالالام .. ) تحبين الرسم او الكتابة .. .... ؟؟؟؟؟؟

و سلمتي ..

[المعذبة للأبد]

أهلين هند :)

أحب شنطي تكون متوسطة الحجم... و الأهم إنها تناسب ملابسي عشان أكون كشخة :) و أحب الألون إلى نفسى...الأسود و البني و الكحلي و البيج

وعن الأقلام.. أنا أحب القلم :) و بما إني في الجامعة أحتاج للأقلام... و أنا أحب أرسم و أشخبط :) و الله و أقدر الهدية اللي توصلني من صديقاتي إذا كانت الهدية قلم... أذكر عني قلم و صلني هدية و هو موجود للحين و عمره خمس سنين :)

------------------
"و دمتم...":)

[المعذبة للأبد]

أهلين هند :)

أحب شنطي تكون متوسطة الحجم... و الأهم إنها تناسب ملابسي عشان أكون كشخة :) و أحب الألون إلى نفسى...الأسود و البني و الكحلي و البيج

وعن الأقلام.. أنا أحب القلم :) و بما إني في الجامعة أحتاج للأقلام... و أنا أحب أرسم و أشخبط :) و الله و أقدر الهدية اللي توصلني من صديقاتي إذا كانت الهدية قلم... أذكر عني قلم و صلني هدية و هو موجود للحين و عمره خمس سنين :)

------------------
"و دمتم...":)

[المعذبة للأبد]

هلا هند! كيف الحال؟
همممممممم... بالنسبة للون الشنطة.. أحبها تكون تناسب ملابسي.. أحبها تكون متوسطة.. و أحلى ألواني هي البني، الأسود، الكحلي، الرمادي و البيج و أنا عندي تقريبا كل هاذي الالوان.

------------------
"و دمتم...":)

[غصون]

سوري تأخرت عليكم بالرد

المهم لون شنطي البني تصدقون أكثر شنطي بنية بس أخيرا قررت أغير وغيرت بالاسود لأنه مناسب لكل الالوان

ما كملت وش اللي جوا شنطتي
أممممم
كريم طبعا لأن بشرتي جافة لا زم كل مرة أشقر عليها بكريم
نظارات نظر أستخدمها عند اللزوم

نظارة شمسية طبعا أستخدمها قليل لأنه شلون بحطها فوق النقاب
بس بعض المرات أحطها فوقه ليش؟؟؟؟

عشان عيوني حساسة من الشمس على طول تدمع فأحطها وقبل ما أوصل للمكان اللي رايحا له أوخرها :)

خلاص كفاية اليوم

[وهج]

شكراً يا هنود..إنت اللي مواضيعك "أنيقة"على طول..

وبسرعة أفتحي محل شنط .......ترى صار عندك خبرة......

شدونة....لالا ..إلا إنك ترجعي شريرة..ما صدقنا يا لطيف..

طيب خلاص..بكرة لا أشوف الشنطة الكحلي........!!!!!!!!

[هند]

المعذبة للابد ..

كل شيء قلتيه حلووووو ..

بس ليش اخترتي هالاسم الحزين ما يليق مع وحدة كشخة مثلج ..

يا الله دوريلج اسم .. كشخة .. :) يا حبوبة ..

على فكرة انا واااايد احب الاقلام .. و مثلج يعني .. احب حد يهديني قلم ..

و عندي قلم هدية .. بعد احتفظ فيه .. و احس انه شيء ثمين و عزيز على قلبي .. :)

* * * *

غصوووون دايما على الرحب و السعة ..

و سلامة عيونج .. يا طيبة ..

:) تشرفنا بمعرفتج ..

و اذا تذكرتي شيء .. ضيفيه ..


* * * *

وهج ..

تسلمين يا غالية .. :)

تعالي نتشارك و نفتح المحل .. بنكسب ..

:)

*** ****** *****

[نور القلوب]

مساااااء الخير جميعا

اشلونكم ؟؟!!

هند صج موضوع للبنات :) :),,

ملاحظه:مافي اي شخص من الجنس الاخر شارك :) :)

[نور القلوب]

هند بالنسبه للشنطه

ما استغني عنها ...

ضروريه جدا جدا بالنسبه لي ولو انها ما فيها شي

محتويات شنطة نور القلوب :

1 - عطر (ضروري لتجديد والانتعاش من وقت لاخر)

2 - المحفظه (ودايما يكون خالي من الفلوس وانتظر اخر الشهر)

3 - البيجر (يكون الحين بسبس ومن busineswoman وايد مصدقه نفسي انا :) )

4 - ومفاتيح السياره (احيانا انسى واحط المفتاح في جيبي :) )

5 - موبايل (دائما يكون في ايدي او في جيبي علشان اسمع صوته العذب)

6 - النظاره الشمسيه(انتوا اعلم في الظهر اشلون الجو والشمس تعمي العين من قوتها)

7 - كريم حماية من الشمس ( شسوي اخاف على بشرتي :) )

8 - ومرايا ( اشوف وجهي القمري :) ) ,,مغروره ؟؟!!!!! :) :) :) :)


وهذا الاساسيات التي احتاجها



------------------
للجميع ألف تحيه :)
نور القلوب :)

[نور القلوب]

نسيت اقول

بالنسبه للألوان الاسود والكحلي والبني اهم الالوان الاساسيه عندي

ولكن جازفت واشتريت لون الرمادي الفاتح جدا يميل على البياض ...بس وااايد حلوه

روووووووووووضه .....


وينج يا عزيزتي ؟؟؟؟!!!!!

تعالي الكويت وانا اخليج تسوقين سيارتي دووووووورتين مو دووووره وحده بس ؟؟!!! :) :)



------------------
للجميع ألف تحيه :)
نور القلوب :)

[نعناعة]

أنا جيييييييييييييييت :D

[نعناعة]

كيفكووووون يا صبايا؟؟

تدرين ياهند صار لي مدة من أشوف شي بشطنتي أقول يووووه ماكتبت عنه بموضوع هند هاها

تخيلي ؟!؟!؟ يعني فيه أشياء لسة !! الله يعين هالكتف ...مرت عمي تحب كل ماشافتني تنبششششش بأغراضي !

المهم بالنسبة للألوان ...طبعا أفضل الأسود والبني لكن عندي ألوان ثانية

بيج ..كحلي .. .. .. ألخ .. المهم إنها تكون متناسقة مع اللبس و إحم على الموضة :D

نووور القلووووب ودّك يعني يجي واحد منهم ويقول أحط بشنطتي كذا وكذا ؟!؟!؟!

أو يقول إن الأشياء اللي قلناها يحطها بجيبه؟؟ تخيلي الجيوب منفوخة؟!؟!؟ :D

... نعناعــة ...

[هند]

هلالالالالالا و غلالالالالالا

نور القلوب .. باينج شايفة نفسج .. علينا .. :)

ياية متأخرة .. و بعد حالتج حااااالة .. شنطتج .. سالفة .. خطيرة ..


طلعتي تشتغلين يعني ..

اكيد مادام تنتظرين اخر الشهر .. اكيييييد موظفة .. :) احس فيج ..

بس الحمدلله ما عندج فواااااااتير في الشنطة .. :) نقطة لمصلحتج ..

و ما عندج اقلالالالالالام .. :)

بس تعرفين لون شنطتج اليديدة .. حلووووووو .. على الموضة ..

صديقتي عندها لون مشااااااااابه .. يعجبني ..

اذا تذكرتي شيء .. ترااااااه المجال مفتووووح ..


** ** * *

نعنع ..

يا هلالالالالالالا ..

شو الساااااااالفة ..

ما اشتريتي شنطة يديدة .. :)

* * * * *