الحقوا!!! فيه مظاهرات بتصير في الرياض...

[ma3gool]

اخيرا الشباب تحركوا!!!بدري توكم تصحون!!!
_ _ _ _


مظاهره سلميه في الرياض لحل مشكلة البطاله --------------------------------------------------------------------------------
المدراء الكرام الرجاء عدم مسح هذه الرسالة و اذا كان لابد من ذلك ارجو تركها اكبر وقت ممكن فأنا لست من ضمن هؤلا الشباب العاطلين عن العمل لكنني متعاطف معهم بدرجة كبيرة و أرغب في مساعدتهم لعلمي بأن الوضع أسوأ بكثير مما يتوقعه البعض

رســــــــــــــــــــــــــــــــــــــــــــــــــــــــــــــــــــالــه الـعـاطـلـيـن

السلام عليكم ورحمة الله

الدعوه الاولى

اخي الكريم سوف تقام مظاهره سلميه في مدينة الرياض امام بوابة جامعة الامام محمد بن سعود الاسلاميه وذلك في يوم السبت الموافق 9/2/1421 الموافق 13/5/2000 (بعد اسبوعين بالضبط) بعد صلاة الظهر مباشره وسوف يتم الاعتصام امام البوابه حتى اذان العصر , بعد الانتهاء من اداء الصلاة سوف يتم تنظيم مسيرة سلميه انطلاقا من بوابة جامعة الامام محمد بن سعود ووصولا الى جامعة الملك سعود بالرياض , وسيتم الاعتصام بالشارع العام مقابل البوابه الرئيسيه وسوف نتفرق في تمام الساعه التاسعه مساءا . وسوف يتم اعادة تنظيم المظاهره السلميه ثلاثة ايام متتاليه (الاحد و الاثنين والثلاثاء) بالاضافه الى يوم السبت . وصل عدد الذين سوف يشاركون في المظاهره حتى الان قرابة التسعين شاب(عاطل) ... ونطمح لتحقيق اكبر عدد من المشاركين حتى يتم الضغط على الحكومه لأيجاد الحلول لمشكلة البطاله والضغط على اذارة الجامعه لقبول مزيد من الطلاب والقضاء على مشكلةالواسطات

اخي الكريم ان كنت احد المتضررين من مشكلة البطاله نرجو منك المشاركه في هذه المظاهره السلميه إن كان بإستطاعتك ذلك

كما نرجو منكم اخوتنا الكرام نشر هذا البيان بقدر المستطاع لتجميع اكبر عدد ممكن . وان شاؤ الله سوف تحل مشكلتنا ومشكلة المجتمع

_______ نحب ان نعلمكم اننا سوف نقوم بتنظيم مظاهره سلميه اخرى امام وزارة العمل في الشهر القادم انشاء الله

شكرا لكم

مجموعة العاطلين

بريد اليكتروني al3a6el@hotmail.com

وسوف يتم جمع تواقيع المشاركين(من يرغب) وتسليمها مع خطاب موجه الى كبار المسؤلين شكرا

الموضوع
www.neqash.com/read.php?n...thread=225 (http://www.neqash.com/read.php?n...thread=225) الموقع ( مجــوب ) في السعودية



http://209.39.13.51:81/sahat?13@40.5QFoak3sxS1 http://207.228.238.18/swalif1/ubb/salam.gif@.ee9542d

_________________

انا بعد ودي انظم مظاهرات للمطالبه بانهاء الواسطه وتشغيل النظام بما يرضي الله...بس من اللي بيسمعني..كلها رصاصه والسلام.... :( :)

------------------
كل شي معقول

[ma3gool]

تصدقون توني انتبه انها قديمه.. :(

الزبده...انا ودي بمظاهرات لتخفيض اسعار البنزين...

ومظاهرات ل تخفيض اسعار الكهرباء والهاتف...

ومظاهرات ونداء لوزارة الداخليه بتقييم الوضع ووضع رجال يخافون الله في الدوريات وفي اي قطاع لها..

ومظاهرات ل الهيئه بتبيق النظام على الكل..

وش بعد!!!!!ممم يا كثر مظاهراتي..لكن من يسمع..الشكوى لله..

لكن ولكن....دوام الحال من المحال...

------------------
كل شي معقول

[007]

أيه والله يا خوي ولكن وش نسوي ما باليد حبلة تصدق أني أعبي سيارتي فل بـ110 ريال والتلفون 2000 ريال و الكهرب 500ريال
ويوم تراجع فاتورة الهاتف تلقى مكالمات فحياتك ما أتصلتها وإذا ما دفعت قطعوا الخط عليك حتى يجبرونك فوق خشمك على الدفع و... و.............
اااه بس وش نسوي الله المستعان .
أخوك 007
http://thenofearboss.homepage.com/barg.gif


------------------
The No Fear Boss

[ليالي]

بتسوي مظاهرات لأيش وتترك ايش ..
الله يعافيك لا تنسى تسوي مظاهره على تخفيض نسب القبول بالجامعه وتسهيل القبول ... :) :( :(كلن على همه سرى :) :( :( :(
ليالي

[دكتور / مجنون]

http://207.228.238.18/swalif1/ubb/salam.gif

يا ليت لو تسوون مظاهره لاشتراك الانترنت :( ودي يوم انهى اشغالي على الانترنت في ساعه وحده بس ‍‍‍‍‍‍‍‍‍!! تتوقعون نقدر نسوي مظاهره

------------------
خلوني ياجماعه اضحك لحالي***وإن قلتوا يامجنون ياناس مجنون
سبة جنوني واحد كان غالي***راح وخلاني معذب ومحزون

[صميدع]

هلا بك معقول دائم الدوم

خليتني أربط شماغي على رأسي

همن آخر شئ
القى الخبر قديم

أفـا والله ياغترتي
اللي ضاع مرزامها :) :) :)

[ma3gool]

007
هلا اخوي.. :) الشكوى لله يقووولووون اننا من الدول الغنيه!!صدق الكلام هذا؟؟!! :(

ليالي.. :) لا تزعلين بسوي لك مظاهره بس تخيلي اني اتظاهر الحالي.. :)
مااالي داعي .. :)

دكتورمجنون :) وعليكم السلام ورحمة الله وبركاته
انشاء الله بنسوي لك اللي تبيه..بس انت آمر.. :)

صميدع.. :) ما عليك برسل لك نشى معتبر عشان تنشيها.. :)


________

طيب وش تصوركم بيصير اذا سوينا مظاهرات من جد لتحسين اوضاعنا!!!؟ :(



------------------
كل شي معقول

[wildorchid]

هممممممممممم
قرقعة رحي وماشفنا طحن :( :(

[007]

والله يا خوي مدري وش صاير بهالدنيا الله يرحم أيام الطفرة أيام كنا نشوف كل واحد في الشارع معاه أقل أقل شيء كراون فيكتوريا وللأسف راحت بلا عودة
بس وش أقول الزمن دوار .
http://thenofearboss.homepage.com/barg.gif



------------------
The No Fear Boss

[اثير]

محاولة للأنقلاب على الحكومة
لكن محاولة فاشلة منك ان شاء الله يا معقول

------------------
اذا كان الكلام من ذهب فالسكوت من فضه

[ma3gool]

اثير!!!!!!!

هو انا حاولت عشان تفشل....لكن كم من فئة قليله غلبت فئة كثيره باذن الله..

لا تستغرب..يضع سره في اضعف خلقه....وكل شي معقول.....

وانت وش حارق رزك!!!؟؟؟

------------------
كل شي معقول

[ليالي]

انت يا معقول اعزم على المظاهره وكل سوالف معاك ...... :)

[wildorchid]

أثــــــــــــــــير - من غير ألقاب-
وين رايح؟؟
مين جاب طاري الانقلاب؟؟!!
شوف يا سيد..
معقول كتب هالموضوع بدافع من شعور, النعاج والنعام والمرتزقه
والمرفهين مايعرفونه..
الشعور هذا يسمونه عندنا الوطنيه.....
واللي يحركه هو احساس المواطن بانه الطرف الاضعف..
احساسه بان كثير من حقوقه مهضومه والسبب في ذلك انه يتحمل
عبء الطرف الاقوى مايتحمله..
من حق اي مواطن انه يبحث عن مستقبل أفضل له ولابنائه..
مل من كونه مطحون..
من حق المواطن انه يحصل على افضل تعليم,على مجال عمل واسع يقدر
يختار منه...من حقه انه يتعالج..وانه يستمتع بكل اساسيات العيش
باسعار يقدر يتحملها..
من حقه انه يستفيد من كل الخدمات المتاحه لغيره..
من حقه انه يعيش من غير انه يخاف ان راتبه يصير له شيء ومافيه احد يساعده
من حقه ان الضمان الاجتماعي يكون متوفر له وقت مايحتاج..
زهق من لقب المواطن المطحون,,اللي يشقى ليله ونهاره يفكر كيف يعيش
لآخر الشهر.....
مو معقوله انه يكون ضحية "المرفهين" و"المنتفعين" الى الابد..
من حقه انه يستمتع عشان يقدر يبدع..
هذي بلده..واذا ماحبها اجل يحب مين؟
بس كيف يحافظ على هالحب؟؟؟؟

[ma3gool]

اوركيد.... :) :) ايه كذا الوطنيه ولا بلاش.... :)

خليه يشبع بحكومته...تراها ما دامت لاحد.. :) :(

------------------
كل شي معقول

[wildorchid]

ايه ولو معقول,,
كلنا عيال هالبلد..
واذا ماحسينا فيها مين راح يحس؟
انصاف البشر؟والا النعام؟؟
مسئوليتنا كبيره..بس مين يسمع..ومين يقدر ابعاد هالمسئوليه,,

[عبودي 1]

والله اني معكم ولاني معكم
والله انكم تخوفون يا شباب وخطيرين :)

------------------
كل ابن أنثى وإن طالت سلامته ***** يوماً على آلة حدباء محمول
..................
للمراسلة
----------------------
aa911@mail.com

[007]

للأسف يا شباب أنا عند هذه النقظة علي أن أذكركم بشيء لقوله http://207.228.238.18/swalif1/ubb/pbuh.gif (ذكر أن نفعت الذكرى)
هذا يا شباب نوع من أنوع الخروج على ولي الأمر وهذا محرم إلا بحالة واحدة إذا كان ولى الأمر يعصي بأمر من أمور الله فقط عندهاسوي الي تبيه.
ولكن كل ما أقول لكم أن تصبروا إن الله معكم إن شاء الله
أن مملكتنا من أكثر الدول العربية المساهمة في التبرعات و أصلاً يا شباب إن هذه الدنيا فانية اااخ الله يرحمك يا الملك فيصل هو الوحيد القدر يرد على الأمريكان و أصلاُ حنا موب أهل بترول حنا أهل التمر و البن و الي يقول العكس أسمحولي أن أقول له أنت موب سعودي .
الغلط مرفوع و الزعل ممنوع يا أخواني ....


------------------
The No Fear Boss

[ma3gool]

عبودي.. :)حدد موقفك.. :)

007!!!!!
افرض انك في بيتك بامان الله وماشي في طريقك صح يجيك مجموعة رجال يدخلون عليك في بيتك ويلقطونك من وسط اهلك بالقوه وما احد يدري وينك !!!
وش بتسوي!!!!
وافرض انك صار لك مشكله مع امير والحق معك من بياخذ حقك!!! الله المستعان!!

واشياء واشياء اذكرك ولا تبي بعد..(ظلم واضح وضوح الشمس...)
وانا بحكم انتمائي لهذه البلد واللي لازم يكون اسم جنسيتي سعودي فانا سعودي احب ارض بلدي بس ما يعجبني طريقة الحكم..هاه عندك شي!!

وعلى فكره اجل العراقيين موب لازم يخرجون على صدام اذا الحكايه زي ما تقول..!!!


------------------
كل شي معقول

[wildorchid]

هلا معقول.
هلا عبودي1
وأهلين 007

صحيح ان السعوديه من أكبر الدول وأولها اللي تقدم المساعدات
للدول المحتاجه ولكن وين التبرعات الداخليه؟
ماتعتقد ان بلدنا بحاجه الى هذي التبرعات؟
عمرك شفت مستشفى خالد والا الشميسي؟
ماتعتقد ان هالاثنين بحاجه لكثير من التبرعات؟
ماتعتقد ان احنا بحاجه لكثير من الاجهزة الحديثه عشان نعالج
كثير من الامراض الخطيره ؟
هل تعتقد ان كل الناس تقدر تسافر برا عشان تعالج؟
وليه اسافر وانا عندي كفاءات وطنيه مؤهله بس تنقصها الامكانيات..
عندنا شباب زي الورد واصحاب طموح..ويملكون حب لهذا الوطن غير محدود
بس وين الامكانيات اللي تساعدهم انهم يقدمون ولو شيء بسيط لهذا الوطن؟
احنا بلد البترول وبلد التمر واللبن بعد..
حقيقة ماتقدر تنكرها....ومن حقي كمواطن اني اعيش مواطنتي كــــــامله.

[marwah]

اقول اقعدو ببيوتكم اصرف لكم مرة يعني بيعطونكم وجه :(

[ma3gool]

مروه اذا كبرتي بعدين بتعرفين معنى كلامي...

[wildorchid]

يوما ما :) :)
واذا ماعطونا..اكيد راح يعطون عيالنا وجهين بعد :)

[ليالي]

الله يرحم الملك فيصل الله يرحمه ....... :( :(
*********
احنا لازم نتكلم ليه نقعد ساكتين يا مروة لي متى السكوت ؟؟
احنا اللحين نتكلم ويمكن يجي الدور على اللي بعدنا ويكون منهم الفعل و
لو احنا نكره بلدنا كنا ظلينا ساكتين بس من حبنا لها وحرصا انها تكون الحسن
نحاول نفكر كيف ممكن نعدلها .......
يا اوركيد غير المستشفيات عندنا العماله الزايده هذي ليه ليه ..وعيال الديرة وينهم ؟ ؟؟؟؟؟؟؟ ؟؟؟؟؟؟؟؟؟؟؟؟؟؟؟ :( :(؟؟؟؟؟؟

[wildorchid]

عزيزتي ليــــالي,,
تخيلي ان 6 مليار ريال سعودي تتحول سنويا الى بلاد هالعماله؟
مهوب لو خليناها هنا كان سوينا فيه اشياء كثيره؟
واستثمرنا أكثر؟


راح أرجع لكم

سلام

[007]

كلامك يا معقول و ياwildorchid صحيح و أنا معاكم في هذا الكلام .
بس هل تعتقدون الأمور بتتغير في عهد الأمير عبدالله لدي شعور غريب بإن عدالة الملك فيصل ستعود في عهد الأمير عبدالله ؟؟

------------------
The No Fear Boss




[b]<small><small>[ تم تعديل الموضوع بواسطة &nbsp; 007 &nbsp; يوم &nbsp; 26-06-2000]

[marwah]

زين والله كان بيعطون اعيالنا سوو مظاهراتكم

[الشرقاوي]

اخيرا تحرك الشباب السعودي
واظن ان المظاهرة بتفتح المجال امام الجميع
ولاكن ما اظن فيها حاجة الانها مظاهرة سلمية
واقول للشباب السعودي كثرو منها

[بياع القلوب]

تأخرت عليكم شوي
بس كنت اعمل احصائية عن المعاملات التي تمت بواسطة ،وكانت نسبتها 126%
بتقولوا زياده من وين ؟؟ مدري والله . هذا اللي طلع معي :)

[unique]

مساء الخير مع سوالف الي طلعت الشيب براسي عشان افتحها
ومساء الخير مع اعضاء سوالف الي يشعون وطنيه اليوم
هاذي هي الوطنيه الصح
غيرتي على ارضي وعلى مصالح الشعب السعودي الكريم
حب الوطن مو كلمه ولا اغنيه نرددها
حب الوطن هو العمل من اجل مصلحة الجميع
مصلحة الارض والشعب
الارتقاء بها الى اعلى مستوى من الرقي في جميع الامور
احب وطني لما اشوف فقير واحس فيه واتسأل ليه فقير في ارض البترول ليه فقير في الدوله الغنيه
ولكن ومختصر الكلام وللاسف دولتنا هي الغنيه وليس ارضنا
وليس شعبنا
الا المنتفعين زي ما ذكرت اوركيد
او الي بنوا انفسهم بانفسهم وكونوا ثروه
ولكن نسبة الفقر عندنا عاليه جدا جدا وبدات تنعدم الطبقه الوسطى
في ناس في بلدنا العزيز يحتاجون الرز والخبز ويعيشون فقر فظيع
والمستشفيات نعم موجوده وفيه مستشفيات مجانا ولكن زي ايش الشميسي
للاسف مستشفى يعاملون المرضى فيه زي الحيوانات تقول سجن
يعني الملخص المستشفيات المتاحه للشعب هي مستشفيات غير معنى بها
اما المستشفيات التي على درجه من المواصفات الطبيه يا بواسطه يا امير وليش والباقيين مالهم رب يعني
غير الدخل الي ما يتناسب تكاليف الحياه الباهظه
ومليون شي وشي
وما تبغون مظاهرات بعد
لازم الناس تصحى من الغفله وتشوف ايش قاعد يصير
وتهتم بالمصلحه العامه
والله مع الجميع .......

------------------
من عذابي قلت لعيونك هلا

[بياع القلوب]

يونييك
الحمد لله علىالسلامة ، والحال من بعضه مع سوالف الليله :(
فعلا .. كلامك سليم ..

[الغامض]

أعتقد أن هذه المظاهرات يا أنها لقت صدى في الجرايد والأخبار وأعطوها إهتمام أو انهم سكروا على الموضوع ولا من شاف ولا من دري
لكن اذا انت تقول إن في عهد الأمير عبد الله حتعدل الأمور
انا اشوف لا بلعكس هوه اصلا إذا القى كلمه ما يعرف يقول كلمتين على بعضها بس يمكن في الأول ينزل اسعار ووووو وبعدين كله على راسنا
الله يستر بس لا نصحى نلقى نفسنا مو في بيت أهلاينا

[ليالي]

بس ترى مهما كان ..الشباب عندنا ما عندهم عزيمه قويه
يعني درس زين .. قدر يدخل الجامعه بعد زين .. لقى وظيفه كان بها ما لقى
ما يضر ...
لا ويبون وظيفه من اولها وزير ولا مدير..... :( :( اكيد موب الكل

[wildorchid]

007
أو جيمس بوند :)

بالفعل نأمل ان عهد عبدالله راح يكون افضل..ولكن اكيد نحتاج
للصبر لأن قدامه الكثير انه يعمله..
التضخم اللي نعاني منه ماراح تنحل مشكلته في يوم او اثنين
مع ان البوادر تدعوا الى التفاؤل ولكن يجب ان لا نتفاءل كثيرا..
واسمح لي اني ارد على الغامض..
وش فادتنا حلاوة اللسان؟
صحيح هو مايعرف يحكي لكن في قلبه الحب الكبير لابناء شعبه
رح وشف موظفين الحرس وشف كيف رواتبهم ومميزاتهم اللي يحصلون عليها..
تعبنا من الكلام الحلو اللي ماله نهاية وماجاب اي نتيجه سوى انه يخدرنا
بس للأسف ان حتى هذا المخدر بدأ يفقد مفعوله من كثر ما اسيء استعماله,,

ويؤسفني اني اقول لكم ان حتى هذي المظاهره السلميه والتي تمت المطالبه
بقيامها لم تتم..لاننا لازلنا نشعر بالخوف..
ولكن حتى وان لم يتم القيام بها الان..الا انها ستحدث قريبا..
وجمل مافي الموضوع اننا بدأنا ننهض ونستيقظ..
تعبنا من الخطب العصماء..
نحتاج الى افعال..وقريبا باذن الله سنحصل على مانريد..
لان الحق معنا ,,,,


مروة
:)
يبغى لنا صبر وراح كل شيء يكون تمام :)
عرفت انك تحبين عيالك قبل لا تشوفينهم :) :)

[بياع القلوب]

اوركيد
اقول
الغربال الجديد له شدّه

[ma3gool]

يا شباب ويا شابات.. :) احيي فيكم روحكم العاليه بس موب اذا جيت بعزم واطلع اسوي مظاهرات ماالقى احد فيكم... :)..

الوعد عند باب الديوان.. :) :) :)



------------------
كل شي معقول

[wildorchid]

شوف معقول,,

انت عارفني..مايحتاج :)