View Full Version : انا طالعه................باى
شمعة الجلاس
02-12-1999, 10:52 PM
جيت احاول اكون مبسوطه
اشوفكم لو ساعه
بس الجو ما يناسبنى
موضوع كعبوله ما له داعى
انطردت
انتهينا
لازم تتشوه صورتها كمان
والله مانى راجعه
لا اليوم ولاغيره
خلو المراقب ياخذ راحته
ذبحتونى
فى كل حاجه ذا بحينى
ما كفى اللى صار
مارح احكى فى الموضوع هذا ولا غيره خلاص
سحاب 2000
02-12-1999, 10:58 PM
لالالالالالالا شمعة .....
توي داخل يرضيك كذا ....
تقابليني وأنا جاي علشان اشوفك ....
شمعة الجلاس
02-12-1999, 11:06 PM
خلاص سحاب
من جد احكى اقسم بالله اذا المراقب
قال كلام يشوه صورة كعبوله
اقسم بالله مانى جالسه فى سوالف
خلاص ما عاد احد له خاطر
ليه نجلس اذا ما لنا اى خاطر هنا
ايش قيمتنا يعنى
ولاحاجه
صفر
ما لنا اى قيمه
خلاص بلاها سوالف
اللى ما يقدرك لاتقدره
بلانى من عوار القلب
اللى فينى مكفينى
باى سحاب
مراقب 555
02-12-1999, 11:42 PM
للأسف وأيضا للأسف ... تحكمون مشاعركم وليس عقلكم
فقط سأضع بعض المواضيع للعضوة كعبولة ... والتي أدت لمنعها من الكتابة .. نحن لا نحذف المواضيع بل ننقلها للقيادة العامة ...
سترون مواضيع كعبولة التى أنتم تدافعون عنها ...
الله يسامحكم ويهديكم
شاطئ الامواج
02-12-1999, 11:47 PM
لاشموعة تراني انا انخبلت لمن فكرت بوداعكم لاتنخبلين مثلي لاتطلعين من سوالف لاني ادري فيكي مثل السمكة لو طلعت من سوالف ماراح تقدر تعيش اوكي
------------------
الارواح جنود مجندة ماتعارف منها ائتلف وما تنافر منها اختلف
مع تحيات شاطئ الامواج
كحيلان
02-12-1999, 11:53 PM
ســـــــلام..
شمعة وش السالفة
حتى أنت بعد
الله يعين بس .....
سحاب 2000
02-12-1999, 11:58 PM
مرحبا أخوي المراقب خلاص قفل على موضوع كعبوله .....
لاتفتح الجروح الي بدينا نعالجها الله يخليك ....
------
مرحبا أختي شاطىء كيفك ...
http://www.geocities.com/Paris/Arc/6338/nitesea.gif
------------------
فوق هام السحب ولو كنت ثرى
****************فوق عالي الشهب يا أغلى ثرى
[b]<small><small>[ تم تعديل الموضوع بواسطة سحاب 2000 يوم 02-12-1999]
شمعة الجلاس
02-12-1999, 11:59 PM
555
انت تطردنى
وانا لى كرامتى
التماس رفضتوه
كلام سكتوه
تشويه ...مالاه داعى ابدا
مين المستفيد من هذا كله؟
كعبوله المطروده
الاعضاء الموجودين
سوالف
ولا احد مستفيد
ولا احد
احد
خسران
انتم اللى طردتونى
تذكروا
لكن ما رح اضيع صدقونى
رح انتسب موقع ثانى
ورح تشوفونى مع اصدقاء ثانين
اسم شمعة الجلاس مارح ينتهى
حتى لو بطريق غير مباشر طردتونى
التماس عفو رميتوه فى الزباله
التماس فقط من اجل انهاء الموضوع كمان رميتوه فى الزباله
رجاء ترجينا الي ما قلنا خلاص
الواحد فى عروقه دم
ونفس الواحد عزيزه عليه
اودعكم جميعا
خصوصا 555
انت ما قصرت
الاصدقاء لا احد يلومنى
انا احس انى ما لى اى قيمه فى ذا المكان
انا رايحه
روحه تودى ما تجيب
شاطئ الامواج
03-12-1999, 12:03 AM
مشكورة اختي سحاب وجزاك الله خير وانا بخير ولله الحمد
-----------------------
شموعة تتكلمين جـــــــــد
------------------
الارواح جنود مجندة ماتعارف منها ائتلف وما تنافر منها اختلف
مع تحيات شاطئ الامواج
كحيلان
03-12-1999, 12:10 AM
شمعة !!!!!!!!
سحاب 2000
03-12-1999, 12:15 AM
لالالالالالالالالالا شموعه ما تترك اليحبونها .....
وش رايك شموعه صح والى ..... لاتقولين أثانيه ....
-------
ترى اهرب ... http://www.gifs.net/animate/c_015.gif
--------
وياكم أختي شاطىء ( أخوكم سحاب 2000 )
------------------
فوق هام السحب ولو كنت ثرى
****************فوق عالي الشهب يا أغلى ثرى
قصيدة
03-12-1999, 12:43 AM
لاحوووووول
شمعة كل مرة تقولين بسكت ومابطري الموضوع
وإنتي كل موضوع تنزلينه نفس المضمون
عزيزتي موقع سوالف هاذوه موجود للكل
ماشفتي رد الأخ صالح عليج؟
إنتي إندفعتي وايد الله يهديج
وقرار رحيلج شي خاص فيج
تبين تمين ويا رباعتج حياج
بتودرين الموقع ورباعتج الموجودين
ربي يحفظج
Sindbad
03-12-1999, 12:53 AM
شممعة ... لا داعي بأن تفكري في ترك الموقع ... فلايزال في سوالف من يحبونك ويكرهون ذهابك ... فأرجو أن تقدري مشاعرهم ... أرجو منك عدم التسرع رجاء رجاء رجاء ... وهذه إنشاء الله موجة و تنتهي من الموقع ... و الله عين وصابت سوالف ... http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
و لك مني كل المحبة ...
------------------
مع تحياتي ...
S=I=N=D=B=A=D
الجوكر
03-12-1999, 01:40 AM
يازينك موجود ياسندباد ...
------------------
اتق شـرمـن ** احسـنـت اليه
Timon
03-12-1999, 03:55 AM
أختي شمعة الجلاس...
أنا مب عضو دائم في قسم الأصدقاء لكن دايما اقرا مواضيعتش
أختي خلنا نتكلم بالمنطق....
إذا صديقتش هذي مثلا ماحلت الواجب لأنها كانت تلعب طول اليوم و جت المدرسة و عاقبتها هل بتقومين و بتطلبين من المدرسة أنها تعاقبتش معاها مع أنتش حاله و مذاكرة؟؟؟!!! طبعا لا لأنه كل شخص يتحمل مسؤلية نفسه ...
أختي ... صديقتش هذي ما التزمت بقوانين الموقع و بعدين حتى لو ما كانت في قوانين للموقع أعتقد أنه أخلاقها ما تسمح لها أنها تسب أو "تلعن" أحد الأعضاء .... كلامي صح و لا غلط ... المراقبين ما قصروا تغاضوا عنها أكثر من مرة و حذروها لكن ما امتنعت .... طردها كان أفضل شي و وضع بعض ردودها كان تصرف سليم لأنه لو هي ظلت على هذا الحال كانت شجعت الباقين على أنهم يتلفظون بألفاظ " بذيئة" و تتحول " سوالف " إلى " توالف" أنتي مب مسوؤلة عن تصرفاتها و قرار بقائتش أو عدمه يرجع لتش أنتي ...أنتي لتش مخ و انسانه فاهمة و عاقلة و تقدرين تميزين بين الصح و الخطأ .. و بالمناسبة طرد صديقتش مب نهاية العالم تقدر ترجع باسم ثاني... بس على شرط أنها تلتزم بالقوانين و تحترم إللي معاها و صدقيني أختي لو التزمت و اعترفت أنها العضوة " كعبول" سابقا بكون أول المرحبين فيها ...بس لازم تلتزم بالقوانين و تحترم الأعضاء إللي معاها...و قرار رحيلتش بإيدتش أنتي ...بس حطي في بالتش أنه في أعضاء يحبونتش و ينتظرون مواضيعتش بفارغ الصبر ...لا تتصرفين تصرف تندمين عليه في النهاية و السبب تهور شخص ثاني أنتي مب مسؤولة عن تصرفاته
فكري أختي
أباتش تفكرين
أخوتش
Timon
------------------
Hacuna Matata