View Full Version : ما اقدر اعبر رايي في مواضيعكم لان ابوي مانعني
ناعمة
12-03-2000, 03:26 AM
والسبب لانه كان دايما يسكتنا انا واخواني كل ما حاولنا
نعبر عن آراءنا، لدرجة انه سبب لنا نوع من العقدة
من مشاركة الناس الاحاديث ونوع من الخوف والخجل من التعبير
عن افكارنا واتصورت اني بتغلب على المشكلة معاكم ولكن اجد
صعوبة في قول ما اريده لكم واكتفي بقراءة مواضيعكم وردودكم
ووالله لا تعرفون كم من مرة حذفت ردي لاني كنت خائفة منكم
ومن عدك تقبلكم لردي كما يحدث مع والدي - الله يسامحه http://www.swalif.net/swalif1/ubb/icons/icon36.gif
لآياأختي هذا مهوب صحيح
أي موضوع تكتبينة خلية لاتمسحينة أسمعي آرآء الاخرين وأقرئي مايقولون في البداية يكون صعب وبعدين تسهل الأمور.
والوالد الله يحفظه فيه مثلة كثيرين يفرضون سلطتهم على أولادهم ومع الأسف يربونهم على الخوف من كل شئ وهذي هي النتيجة ينشأجيل لآيستطيع أن يعبر عن مافي نفسة ويعيش في الخوف والرهبة من المجهول.
لذلك أقول هذا المنتدى للتعبير عن الرأى بصراحة وبدون خوف وحنا هناأخوان ونساعد بعض في الأمور اللي نقدر عليها.
لكن الباقي على الله ثم على الشخص نفسة.
والسلام
------------------
***أزعلوا من عقلة***
oglah@swalif.com
LEENA
12-03-2000, 03:44 AM
اهلين اختي الناعمه.....
تصدقين هذى مشكله موجوده بكثره بس شوفيني انا اقول والله كلام بكل صراحه حتى نص رسايلي ماتطلع من المراقبين لا و ابشرك توني اليوم مسجله بعد
يعني لو قلتي ال قلتي محد بيقولك اسكتي...... اصلان سوالف ما حطوها الا عشان انتي تقولين كلامك
اختك لينا
ma3gool
12-03-2000, 03:45 AM
لا يا اختي ناعمه خلي عندك شوي من الشجاعه وردي ولو بكلمه واحده وبعدين بتنطلقين..سمي بالله وروحي ردي على موضوعي(مد رجليك على قد لحافك) ترى استنا الرد
دعايه لموضوعي...!!!
يالله روحي وش تستنين.؟؟؟لاتخافين..
ناعمة
12-03-2000, 04:58 AM
عقلة
اخوي ما اعرف كيف اشكرك على محاولتك رفع معنوياتي
وبصراحة اخطاء الاباء تكون مدمرة في بعض الاحيان
والمشكلة اذا كان هذا الاب متعلم ويفهم امور الحياة
يعني خطأه ليس ناجما عن جهالة وانما لاسباب اخرى نحن لا نعرفها
طيب كيف نحلها؟؟ هذا هو السؤال
ناعمة
12-03-2000, 05:01 AM
لينا
اختي مشكلتي تتعدى حدود الصراحة
وانا لا ارغب بكتابة كلام يتدخل فيه المراقب
لاني اراقب نفسي قبل ان يراقبني غيري
وعموما اشكرك جزيل الشكر على تشجيعج لي http://www.swalif.net/swalif1/ubb/smile.gif
ناعمة
12-03-2000, 05:04 AM
معقول
والله انك معقول بكلامك ولازم تكون عندي الشجاعة
وراح احاول ارد على موضوعك مد ايدك على قد رجولك http://www.swalif.net/swalif1/ubb/smile.gif http://www.swalif.net/swalif1/ubb/smile.gif(امزح معاك)
وراح ابدا شوية شوية بس لا تتوقع الكثير مني
بروكسي
12-03-2000, 05:05 AM
اختي ناعمة ما على البلاوي إلا الصبر
ويمكن ابوج يسوي جذي من محبته لكم وخوفه عليكم
وطريقته غلط
بس صعبه انج اتقولين له يبا طريقتك غلط
عليج بالصبر والله يكون بعونج http://www.swalif.net/swalif1/ubb/smile.gif
اتمنى لكي حياه سعيده http://www.swalif.net/swalif1/ubb/wink.gif
بياع القلوب
12-03-2000, 06:03 AM
هلا ناعمه
بصراحة هذا انت تخلصت من العقده بمجرد انك ذكرتي المشكلة لنا ,,
مين قال انك ما عبرتي عن ما بداخلك ؟؟
بمجرد ذكرك للمشكلة للجميع انتهت المشكلة ، واعتبرينا اخوانك في الله وقولي ما يجول في خاطرك ، وانا اتوقع ان الوالد العزيز بيقدر ردودك ومشاعرك وصدقيني ما في داعي للخوف والخجل ..
لك خالص تحياتي ..
أخوك بياع القلوب
ناعمة
12-03-2000, 06:40 AM
بروكسي
اي خوف واي محبة؟؟؟؟؟
ما اعتقد ان هذا هو السبب
ومثل ما قلت علينا بالصبر
ناعمة
12-03-2000, 06:42 AM
بياع القلوب
نعم انا عبرت ولكن هل سيستمر هذا النعبير
اتمنى والله اظن لازم الانسان يبدأ من نقطة ما
واتمنى اني ما اندم اذا بديتها معاكم
وراح احاول يا بياع القلوب
wildorchid
12-03-2000, 06:47 AM
اختي ناعمه
للاسف ان بعض الاباء من كثر مايحبون عيالهم ومن كثر خوفهم
عليهم يعطون نفسهم الحق في انهم يتحكمون في كل صغيره
وكبيره في حياتهم..من باب الخوف والحرص - مع ان بعضهم
يمكن يطلع عقده كلها في عياله ولكن هذولي اقليه ولله الحمد-
الاولاد والبنات في هالسن يتصورون ان اهلهم شديدين ومو معطينهم
حريتهم وأووف يالله وش اسوي..لكن لو فهموا حقيقة الموقف راح يعذرونهم
احنا صرنا في زمن يخوف ..كل شي يثير الريبه العالم صار مكشوف
على بعض وانت ماتقدر -كأب- انك تمنعهم مايتعرضون لهذي الاشياء بس على
الاقل لازم تزرع فيهم بذرة الخير والوعي بحيث انهم يصبحون قادرين
على التمييز...وحتى يوصلون لهذي المرحله لازم تراقبهم وتكون معاهم
اعرف انه شي يضايق والواحد اول مايبدا يطلع له شنب يقول انا رجال
ماابغى احد يعلمني وش اسوي..لا ابدا
الواحد يتعلم ويظل يتعلم ..ولازم يكون هناك رقابه ابويه
لحد ماالواحد فعلا يصير قادر على اتخاذ قراراته بنفسه
ساعتها يترك له الحبل بس كمان مو على الغارب..
بعدين لا تلومين ابوك..
انتي ناسيه انك مسئوله منه؟
ويوم القيامه راح يتحاسب بسببك؟
http://www.swalif.net/swalif1/ubb/frown.gif
على العموم..اصبري شوي..واثبتي انك اهل للثقه وساعتها
راح تقولين قالتها اوركيد http://www.swalif.net/swalif1/ubb/smile.gif http://www.swalif.net/swalif1/ubb/smile.gif
اما بالنسبه لمشاركتك هنا..
اذا كنتي واثقه من اللي تكتبينه ومؤمنه فيه ماعليك
من اي احد ثاني..
اذا كانت هذي منطقه حره نجي نكذب فيها كمان؟
مو كفايه الاقنعه اللي نتعامل معها طول الوقت حتى هنا
راح نتعامل مع اقنعه؟؟؟؟
واذا كنتي خايفه من انه فيه احد ممكن يتعرض لك ويرد
عليك رد قاسي ..تحملي شوي..زي ماله حق ينتقد لك حق البقاء والدفاع
عن افكارك....
http://www.swalif.net/swalif1/ubb/smile.gif
ناعمة
12-03-2000, 07:06 AM
اختي اوركيد
اشكرج وايد على ردج ولانج اعطيتي هذا الموضوع اهتمام
ولكن لحد الحين ما قدرت افهم منج ليش الاب يمنع عياله
من التعبير عن رايهم حتى لو كان خطا فدوره ياتي عند هذه
النقطة الا وهي تصحيح هذا الراي والمفهوم الخاطيء لدى ابنه او بنته
ولكن لا يمنعهم من الكلام وعدم سماعهم من البداية
لا يا اختي انا مب معاج في هذي النقطة هذه ليست شدة وانما شيء اكبر
من ذلك وهي الاهم انه يكون صاحب الكلمة الاولى والاخيرة والوحيدة
ولو ترين النتيجة لعلمت مدى الخطأ الذي يرتكبه الاب من هذا النوع
النتيجة محزنة فعلا http://www.swalif.net/swalif1/ubb/frown.gif
حبيب الكل
12-03-2000, 07:19 AM
ناعمة لحظة :
الله يمسيك بالخير اولا و الله يعطيك و يعطينا الصبر لانه نحتاجه كلنا و الله !
الوالد دايم يشوف انه يخاف على اعياله و لذلك يدفعه هالشي الى مصادرة حرياتهم و هذا خطأ بلا شك ...
لازم يسمع اولاده و يسمع ما يقولونه و ما يدور في قلوبهم من كل انواع بلاوي الدنيا او افراحها ..
كيف يعرف اذا مرتاحين او لأ ؟
بالاستماع لهم ؟
الحرص على العيال صار عذر لكل الاباء للسيطرة الكلية عليهم ؟
انا مع اي اب يحمي بنته او ابنه في هالزمان الاقشر !!
لكن ؟؟؟
هل كيف يقدر ؟
التفاهم مع الاولاد هو الطريق للتربية الصحيحة السليمة و لا اقول ترك الحبل على الغارب لهم يذهبون و يصولون و يجولون و لا حسيب او رقيب ؟؟
لا اقول هذا بالطبع --
و لكن احترام رغبة البنت او الولد في الكلام و الاصغاء لكل حرف يقولونه امر مهم جدا جدا ..
و هو كما اثبت علماء التربية الطريق الصحيح لبنا الشخصية القوية القويمة القادرة على اتخاذ القرار الصح بكل كفاءة و اقتدار ..
ناعمة حاولي بصبر و ليونة و نعومة !!! مع السيد الوالد و احلف لك انه سيتفهم و ردي علي بعدين و فرحيني !
اخوك دائما :
حبيب الكل ..
------------------
الشوفه المستعجلة زادت الشوق
ودي معاك بجلسة في هداوه
sowad99@yahoo.com
ناعمة
12-03-2000, 07:44 AM
حبيب الكل
اخي الكريم لا نستطيع الانكار ان هذه التربية نتائجها سلبية في معظم
الاحيان وهذا الاب يفقد ابناءه، على الاقل هو فقد افكارهم واصبحوا عنه
بعيدين غريبين لهم حياة مرسومة بعيدة عنه !!!!!! ما اصعبها من حياة
والان لا مجال للمحاولة معه فلقد فقدنا معه جسر التواصل منذ زمن بعيد
وهنا تكمن المشكلة http://www.swalif.net/swalif1/ubb/frown.gif
حبيب الكل
12-03-2000, 07:56 AM
كان الله في العون ؟
------------------
الشوفه المستعجلة زادت الشوق
ودي معاك بجلسة في هداوه
sowad99@yahoo.com
wildorchid
12-03-2000, 07:56 AM
أختي ناعمه,,,
انا مع حبيب الكل في كل كلمه قالها http://www.swalif.net/swalif1/ubb/smile.gif
عمر ماكان قمع ومصادرة الاراء امر مقبول او مرغوب..
وعمر الخوف على الابناء ماكان سبب في اننا نتبع ها الاسلوب.
انا لما قلت لك عن سلطه الاب وخوفه ماكنت اقصد انه
يحرمهم من حريه التعبير عن ارائهم ومناقشه مشاكلهم
لا بالعكس هذا هو دوري كأب..وهذا المفروض اني اسويه
لانه واجب من واجباتي..
بس انتي ماتلومينه لانه يمكن هذي هي الطريقه الي تربى عليها
وشايف ان ناس كثير حوالينه تسويها..
فماهو عارف ان الومن تغير وان الشباب الان صارت احتياجاتهم
اكثر من الفلوس ....
حاولي تقربين منه..وتحسسينه انك ناضجه ومستعده تفتحين
له قلبك..
حسسيه بقربك منه وبتفهمك للي هو قاعد يسويه..
انتي ماراح تغيرين شي لو استمريتي ساكته وكاتمه في نفسك
لازم يعرف ان لك احتياجات وتمرين بمشاكل بسبب تصرفاته
فهميه انك قد الثقه ..اثبتي له انك البت اللي يتمنى الواحد انها تكون بنته بسبب تربيته لك ولكنك بحاجه للتعبير عن رايك..
وخلي امك تساعدك في هالشي..
بس المهم انك ماتستسلمين وتحاولين مره واثنين وثلات
والله يكون في عونك http://www.swalif.net/swalif1/ubb/smile.gif
ناعمة
12-03-2000, 08:27 AM
حبيب الكل
ويكون بعونك انت بعد لاني فاهمة مشكلتك
********
اوركيد
اختي اتسلم عليج مع انها ما عجبها طرحي للموضوع هذا
واتقول لج نحنا اتعدينا مرحلة المحاولات باشواط واتأقلمنا
على الصمت التام وبالنسبة لأمي لا حول لها ولا قوة http://www.swalif.net/swalif1/ubb/frown.gif
wildorchid
12-03-2000, 08:53 AM
الله يخليك وتسلين لي انتي واختك.. http://www.swalif.net/swalif1/ubb/smile.gif
لكن قولي لها..
لا يأس مع الحياة ولا حياة مع اليأس
كله الا الصمت..
صدقيني مافيه احد راح يقدر يحل مشاكلك الا انتي
واختك بس..
ماحد راح بقدر يساعدكم اذا انتم ما حاولتوا تساعدون انفسكم
عمر الفشل من محاوله او ثنتيت او حتى ثلاث
يخليني اتنازل عن شي او حق من حقوقي كابنه
اقول لكم..شدوا حيلكم
صحيح انه صعب انكم تغيرون ابوكم تماما ولكن اكيد
راح يتغير شيء فيه لما يشوف انكم كبرتوا واعدتوا صغار
بالتوفيق.,,,,
http://www.swalif.net/swalif1/ubb/smile.gif http://www.swalif.net/swalif1/ubb/smile.gif
حبيب الكل
12-03-2000, 09:25 AM
ناعمة ليش هلاستسلام التام ليش ؟؟؟؟؟؟؟؟؟؟
ليش ؟
فيه امل و سمعي الاوركيد و كلام اخوك الحبيب لازم فيه فايدة لازم ما يصير ؟
ليش اليأس ؟
شكر خاص لمواساتك لي في اللي انا فيه ؟؟
الناس لبعضيها ؟
------------------
الشوفه المستعجلة زادت الشوق
ودي معاك بجلسة في هداوه
sowad99@yahoo.com
wildorchid
12-03-2000, 09:31 AM
والكل يا حبيب الكل بالله http://www.swalif.net/swalif1/ubb/smile.gif http://www.swalif.net/swalif1/ubb/frown.gif http://www.swalif.net/swalif1/ubb/smile.gif