قرارات معقول المسؤول...( اقتراحات..شاركوني فيها..)

[ma3gool]

اتخيل نفسي في منصب اقدر من خلاله اصدار بعض القرارات..منها

بالنسبه للمرور:
1- اللي يقطع اشاره يسجن اسبوع او يكلف بالعمل مع البلديه في تنظيف الشوارع ثماني ساعات يوميا لمدة ثلاثة ايام ويكون بلباسه المدني وتكلف معه دوريه للمراقبه..

2- اللي يلا حقون البنات..يحلق شعره وتصادر سيارته وغرامه خمسة الاف( والله اللي بيلقون سيارات عليها الكلام)

3-اللي يتفل في الشارع عند الاشاره...سجن اربعه وعشرين سلعه وغرامه الف ريال..

4- اتوبيسات خط البلده...تجمع وتحرق..ويمنع استعمالها منعا باتا لمضارها على الفرد والمجتمع.
-----------------

بالنسبه للوزارات:
ان يكون عند كل وزاره قسم نسائي تديره خريجات سعوديات وذلك لتسهيل المعاملات للحريم اللي ما عندهم رجال تكاله..لان اي حرمه بتسوي لها مشروع صغير قالوا لازم وكيل شرعي..وانتوا خابرين النصب وقلة الذمه ذا الايام..

الهيئه:
يكون فيه حريم تبع هيئة الامر بالمعروف والنهي عن المنكر عشان يدخلون الاماكن المخصصه للحريم بدل ذا الرجال( اذا كان فيه ترى ما ادري..)

ويوظف في الهيئه الناس اللي يخافون من الله صدق ويعاملون الناس بالحسنى..ترى الصراخ ما ينفع..

الواسطات:
تمنع منعا باتا لما فيها من الاجحاف بحق الاخرين..وما جابنا ورا الا الواسطات..

هذا اللي قدرت عليه الحين..
تخيلوا نفسكم في مكاني وش بتقررون؟؟؟


------------------
كل شي معقول

[E55]

غريبة

محد رد عليك ؟؟

[ma3gool]

مالغريب الا الشيطان

بعدين الحين في ايامنا لاتستغرب الا الشي الطبيعي..اما الاشياء الغريبه صارت طبيعيه...

------------------
كل شي معقول

[wildorchid]

انا معك في كل اللي قلته
ولك تأييدي المطلق .
بس الله يخليك ابيك توظف ولدي سوسو بمرتية نائب وزير
وانا تخليني وزيرة الصحه..
وترى ميدو قاطع الاشاره وداعس له واحد ابغاك الله لايهينك
تطلعه من الحبس الانفرادي ومن غير مايدفع الديه http://www.swalif.net/swalif1/ubb/smile.gif
----
تبغى الصراحه
الواسطه والمحسوبيه ذبحتنا والله..
هنا كل شي يمشي بالواسطه حتى لو كان حق لك ومن الطبيعي انك
تاخذه ولكن عشان يمشي ومايموت وسط الروتين والاهمال
من قبل الاشخاص اللي الموضوع في يدهم لازم تبحث عن
مايسمى بفيتامين "واو" اللي الكل يرفضه واللي الكل
يتمناه..
صاير زي "واحشني وانت قصاد عيني وواحشني وانت بعيد" http://www.swalif.net/swalif1/ubb/smile.gif

العقاب لكل شخص مقصر في اداء عمله هو الحل الوحيد
للقضاء على جميع الظواهر الغير اعتياديه- غير شامله
للزلازل والاعاصير- ولكن حتى هنا يتدخل حبيب الكل فيتامين
واو ويحل المشكله..
اذن اذا قضينا على هذا الفيتامين المتلف للاعصاب والحارق
للكبسات استطعنا القضاء على كل ماسواه http://www.swalif.net/swalif1/ubb/smile.gif

اما خط البلده
خلهم يسترزقون ..هم لاقين مهنه احسن ومااشتغلوها؟

[ma3gool]

آه بس لو يحطوني مكان بعض الناس يوم واحد وش بسوي......يمكن بنوم http://www.swalif.net/swalif1/ubb/smile.gif

لا والله اوركيد ابشري بمنصب وزيرة الصحه استحقيتيها بجداره ..

اما اللي داعس له واحد خليه ما قلنا ما فيه واسطات...

[زهرة الليلك]

أهلاً معقول ..
شكراً على اقتراحاتك وانا حالياً أضم صوتي لصوتك
واذا عندك زيادة قول وما عليك

http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

------------------
ward_ward@www.com

[سفير]

مرحبا..
في أحد يبى واسطة؟؟
الأخ العزيز معقول .. قراراتك معقولة ..
وقرار حلق شعر المعاكسين يطبق في الإمارات .. (افتح الجريدة تحصل صور حلوة)

------------------
وصلاوي يا لون الذهب

[ظب]

1. قطع الإشاره دوافعه مهمه ويجب تقدير المهام الإستثنائيه اللي يقوم بها المضطر لقطع الإشاره. http://www.swalif.net/swalif1/ubb/smile.gif -= ينقصنا النظام المراقب والمتابع بتدريج... أي أن المخالف المتكرر السائق المواضب ووقع في الخطأ لأول مره يعاملون بنفس المعامله... لا تصاعد لعقوبة المصر على الخطأ ولا تقدير لتاريخ المواضب لغلطه لربما غير مقصوده يبين ماضيه نواياه وعاداته بدون تكهن وإفتراضات ووضع الصالح والطالح في نفس الكفه.

2. ملاحقة البنات علاجها الأولي هوا ما يطبق في الإمارات الشقيقه بإسلوب التشهير والمساس في وسائل الأذى أي الشعر. http://www.swalif.net/swalif1/ubb/smile.gif

3. منطق إستغفال الآخرين وأستقصار جدار النظام في امكانية وصوله إليهم في رأيي السبب وليس إختلاف أخلاق وثقافات المخالفين والإعتماد على خلقهم ومبادئهم في الوصول الي حل لمثل هذه الإنتهاكات.

4. لأنهم قله من المواطنين ولا يراقبون النظام نزيلهم؟ وماذا عن آلاف الليموزينات المسؤله عن النسبه، ولم أقل العدد!، من حوادث المرور والخسائر في الأرواح؟ اليوم رأيت ليموزين مهتر لا يكاد يرجى منه الوصول اللي الإشاره التي تلي الواقف عندها... وفجئه أخذ يشتعل تلقائيا بدون خسائر بشريه لهروبهم السريع والحمد لله.

الوزارات:

ما أجمل هذا الإقتراح!

الهيئات:

الا مرجعيه، فعليا، ومنطق دفاعهم عن وجودهم بإنتقاء الأهدف والتأقلم الواضح في أسلوبهم بناء عن نوعية الهدف. لا أستثني لكون حكمي على الغالب والنادر لا حكم له.

الوسائط:

يبدو انها الدافع الوحيد المتبقي لدحرجة عجلة العمل في جهات كثيره لإنخفاض الحوافز المعنويه والماديه المعنيه بالعمل بشكله الرسمي. http://www.swalif.net/swalif1/ubb/smile.gif




[b]<small><small>[ تم تعديل الموضوع بواسطة &nbsp; ظب &nbsp; يوم &nbsp; 23-03-2000]