View Full Version : انــــا لا أكذب ولكن اتجمل ...!!!!!!!
شجون المحبه
09-05-2000, 03:40 AM
سؤال يحيرني اكثر من ما تتخيلون....
وشلون اتجمل من غير ما اكذب ...كيييييييييييييف
يعني وش الفرق بين المجامله ..اذا كنت امدحك واقول عنك
اشياء مو موجوده فيك...
وكيف في نفس الوقت ما اكذب ...؟
طيب وش الفرق بين النفاق ...والمجامله ؟؟؟؟!!!
كلهم وجوه لنفس العمله ....صح ؟؟؟
اذا احد سالني وش رايك في كذا وما كان عاجبني وهو عاجبه
واذا قلت مو حلو بيعصب وبيزعل علي ...لذلك الجأ لمجاملته عشان ما يزعل ...بس هذا مو كذب ...مو نفاق ...وش اسميه بالضبط ؟؟؟ ما اعرف
وين الفرق او وش هوه الخيط الرفيع بين الكذب والمجامله والنفاق ...!!!
انا وصاحبتي دخلنا في نقاش عقيم ...هيه تقول انه التعامل شطاره ..ولابد من شويت مجامله عشان الواحد يكسب اصحابه والناس ..وانا مصممه انه الصراحه راحه ...وانها احسن من المجامله والكذب ..بس هيه تقول لا ما ينفع
طيب ليه الناس ما يعجبهم الصدق والصراحه ...ليه الصراحه جارحه ..؟
ليه ما تعجب ...والله شيء يحير كثير ....
ولما اقولها طيب اللي انتي تعملينه هو انك تكذبين عليهم ..تقول لا
انا ما اكذب انا بس اجاملهم ...والناس تحب المجاملات ...
بصراحه شيء غريب ......
يعني انا عشان اكسب الناس او اتعامل معاهم بدبلوماسيه
او بنفاق ومجامله عشان اكسبهم ..؟؟؟؟؟
------------------
شجـــــــــون
ma3gool
09-05-2000, 03:59 AM
اعاني من نفس المشكله..ما احب امدح شي موب عاجبني...واذا قلت الحقيقه زعلوا مني..!!!! وما احب اجامل... ولا احب اكذب.....وش الحل؟؟؟
------------------
كل شي معقول
زهرة الليلك
09-05-2000, 06:14 AM
الحل بيدك أختي شجون أنت ومعقول
فيكفيك الاجابة بطريقة لطيفة لتخفف من وقع كلماتك إذا لم يعجبك ما قد ترينه أمامك (يعني بالعربي خليكم دبلوماسيين) وهي يبي لها وقت عشان تتعلمون فنها ..
بس مع الوقت راح تتعودي عليعا ،، مش نفاق ولا مجاملة لأني أكرههم الاثنين
هي فن المعاملة يعني مثال على الماشي :
لو صاحبتك ورتك فستان عليها ما عجبك لونه قولي لها حلو بس مش لو كان لونه كذا كان أحلى ،، يعني تمويه في الكلام مش أكثر http://www.swalif.net/swalif1/ubb/smile.gif
------------------
سأصبر حتى يعجز الصبر عن صبري
وأصبر حتى يحكم الله في أمري
وأصبر حتى يقول الصبر اني صبرت
على شيء أمر من الصبر
-------------------------
ward@swalif.com
شجون المحبه
09-05-2000, 09:41 AM
معقول ...المشكله ان الناس لا ترضى بالصراحه ...وما تحبها
ليش والله ما ادري ..مع انها اسلم طريق للوصول...
يمكن المجامله طريق سريع للوصول ...بس مدة صلاحيته قصيره جدا ...
------------------
شجـــــــــون
شجون المحبه
09-05-2000, 09:47 AM
اهلا بزهره الزهور كلها .. http://www.swalif.net/swalif1/ubb/smile.gif
يا ريت والله انه المجامله بتجي على لون فستان ..كان زين
ولا حد غلب يا ستي ...ولكن المشكله انه ...لمايكون اعقد من هذا ..
يعني اقولك مثال صار لي ...عندي صاحبتين ...احبهم كثير ..
وصار لي سوء تفاهم مع وحده ...مع العلم انّا كلنا مرتبطين ابعض احنا الثلاث
وش صار قامت تلف خيط وخيط وتقول اشياء ما صارت ..وانا ما قلتها لصاحبتي
الثانيه ..ليه عشان تحاول توفق بينا ..اوكيه النيه شريفه وسليمه وحلوه
لكن الكلام مو صحيح كله كذب ...وش هذا اسمه كذب والا مجامله ...!!!
وهذا مثال سهل ..واحيان اخري ممكن يكون في اشياء غويطه ...وبخاصه
في العمل تضطرين للمجامله ونفاق ليش ...ما ادري ؟؟؟
ومشكلتي في كل هذا اني ما احب لا اجامل ولا اكذب ولا انافق ... http://www.swalif.net/swalif1/ubb/frown.gif http://www.swalif.net/swalif1/ubb/frown.gif
------------------
شجـــــــــون
بروكسي
09-05-2000, 10:17 AM
شجون
ترا المجاملة مثل الزبدة اذا طلعت عليها الشمس تذوب
خليج صريحه علشان يتعود الكل على ان كلامج سليم 100%
تحياتي لج http://www.swalif.net/swalif1/ubb/smile.gif
------------------
قالت اموت فيك *** قلت شنو انا مقبره ؟
unique
09-05-2000, 10:21 AM
تحياتي للاخت شجون
ولجميع المشاركين
للاسف حنا في مجتمع مليء بالنفاق
وفي زياده مستمره
والمشكله الكبرى اذا قلتي الحقيقه قالوا اكيد تغار
لازم وغصب انك تنافقي
اما بالنسبه لما اراه صحيح هي الدبلوماسيه
يعني اذا ما عجبني الشي اسكت وما في داعي اقول رأي
في حالة انه طلب مني ابداء الراي
اقول الحقيقه بطريقه دبلوماسيه وغير جارحه
وممكن اجيبها بطريقة نصيحه
لان في بعض الاحيان الصراحه تجرح
وشكرااااااا
------------------
عرفت الناس والدنيا وطريقي
وعرفت ان الهوى كذب واماني
شجون المحبه
09-05-2000, 10:59 AM
هلا بروكسي ...
وايد عجبني تعبيرك ...
"ترا المجاملة مثل الزبدة اذا طلعت عليها الشمس تذوب"
وانته الصادق ...مافي اجمل من الصراحه ..بشويه دبلوماسيه
احسن من الكذب والمجامله ...
------------------
شجـــــــــون
شجون المحبه
09-05-2000, 11:05 AM
unique هلا فيج اختي ...
تعرفين ليه النفاق انتشر بكثره ...لانه لقى اقبال كبير
من الناس ...تصدقين احيانا فيه ناس يعرفون انك تجاملهم ..بس عاجبهم
وغيرهم تعرف انهم يجاملونك بس ما تقدر تقول الهم شيء ...
ولكن مو ديما السكوت يكون حل ..او هوه الدبلوماسيه ...
في احيان كثيره ...غصب عنك تتكلمي ..وعلى فكره ..صارت النصيحه هاي الايام
عداوه ...هذا الشيء تاعبين كثير لييييييه ..!!!
مو الكل يتقبلها ...واذا نصحتيه يقول لك انك ما تحبيه ولا تحب له الخير..
------------------
شجـــــــــون
[b]<small><small>[ تم تعديل الموضوع بواسطة شجون المحبه يوم 09-05-2000]
wildorchid
10-05-2000, 04:37 AM
شـــــــجون
مساء الخير,,
المجاملهالى حد ما..مطلةبه وخصوصا في وقتنا الحالي
الا اذا كانت مبالغ فيها او فيه تنازل عن مبدأ من مبادئك
فهنا لازم تقولين رأيك وبصراحه ومن غير اي تحفظات,,
المجامله اذا كانت هي السائده طوال الموقف اذن تعتبر
نوع من النفاق ودهن السير الغير مرغوب به على الاطلاق
ماهي كذب ولكنها نوع من الدبلوماسيه والتي نحتاجها
عشان نقدر نعيش بتوافق وانسجام تام,,
وانا مع زهرة الليلك لما قالت على حكاية الفستان
فعلا هذا مثال يوضح لك كيف ممكن تتجنبين احساسك بانك
كذبتي,,
ماراح يضرك لو انك اخفيتي" بعض" الحقيقه احتراما لمشاعر
اللي قدامك,,
انا اقول لك مثال
صعب انك تقولين لوحده في حفله ان شعرك "شين"
او تسريحتك قديمه لكن ممكن تقولين لها هالكلام قبل
لا تروحون للعزيمه http://www.swalif.net/swalif1/ubb/smile.gif
المجامله الرقيقه مطــــــلوبه http://www.swalif.net/swalif1/ubb/smile.gif
بروكسي
10-05-2000, 05:17 AM
http://www.swalif.net/swalif1/ubb/smile.gif
شجون المحبه
10-05-2000, 09:58 AM
مساء الخير اوركيدا .. http://www.swalif.net/swalif1/ubb/smile.gif
تصدقين انه اقرا كلامك وتخيل صاحبتي ... http://www.swalif.net/swalif1/ubb/smile.gif مع العلم انك بعد عزيزه وغاليه
نفس الكلام تقريبا اللي كانت تقوله..
انا اتفق معاج انه الواحد لازم يكون دبلوماسي ...بس
دهان السير ما احبه ما ادري ليش...
واتفق بعد على قولك "ماراح يضرك لو انك اخفيتي" بعض" الحقيقه احتراما لمشاعر
اللي قدامك,,"
اي نعم صح انه ما رح يضر ..بس اخفيها غير عن يوم اقول شيء مخالف للحقيقه ...معناها اني اغلف الحقيقه بشء من الكذب...
بس رح تظل نفس المشكله ...انه اغلب الاحيان لازم تجاملين ...
وحتى لو ما تريدين ..مايكون في مجال ثاني ... http://www.swalif.net/swalif1/ubb/frown.gif
------------------
شجـــــــــون
شجون المحبه
10-05-2000, 10:03 AM
بروكسي ... http://www.swalif.net/swalif1/ubb/smile.gif http://www.swalif.net/swalif1/ubb/smile.gif
------------------
شجـــــــــون
wildorchid
25-05-2000, 10:32 AM
أهلين شجون http://www.swalif.net/swalif1/ubb/smile.gif
زي ماقلتي..لازم نجامل,,
بس عارفه متى تتعب المجامله؟
لماتكون في غير محلها بالمره
بمعنى .. لما تجاملين هذا الشخص في شي حيوي
خاص فيه..ويمكن تتعلق بشء مهم بالنسبه له
احيانا ممكن نضره بكذا,,
في هذي الحاله..لازم نشيل الغلاف الناعم ونعطيه على راسه
عشانه هو مو عشان الانتقاد او اي سبب ثاني,,
النصيحه؟
ومين يتقبلها؟
لكن لما تجيك النصيحه باسلوب راقي جدا وهدفها نبيل وسامي
ساعتها ماحد يقدر يقول لك "اوووف" منك
شجون المحبه
25-05-2000, 10:41 AM
هلا اوركيدا ...
يمكن انه اصعب مجامله تكون في المواضيع الحيويه...لانه في هذي المسائل تكون الحساسيه كبيره جدا ...وصعبه ...وبعدين النصيحه قليل اللي يتقبلها
هذي الايام ..وقليل جدا ..اذا نصحت حد صرت عدوه وصت ما تحبه ..واذا مشيت معاه على اللي يعجبه صرت حبيبه ...
وبعدين فيه مجامله غير المجامله صاحبك في شيء مثل البس او غيره ..وغير هذي الاشياء الحيويه اللي ممكن تنصح فيها حد ..فيه مجامله ونفاق ودهان سير ..للي اعلى منك ليش عشان تصير مثلهم ...واذا رفضت انك تجامل ..عمرك ما رح توصل ..لازم تجامل ...وخاصه احيانا المجامله للي تعرفه معرفه سطحيه عادي ..بس المشكله اللي قريب ..وما يقبل غير المجامله ..والله صعبه
يا ستى شكرا لج على المشاركه ..وللجميع ...
------------------
شجـــــــــون
wildorchid
25-05-2000, 11:00 AM
على ايش الشكر؟
هذا واجب حبيبتي
الواحد يحب يناقش ويشوف..اجل احنا هنا ليش.؟ http://www.swalif.net/swalif1/ubb/smile.gif
والله مشكله اذا باجامل ناس قريبين من قلبي ومني,,
لان من واجبي كصديقه واخت وبنت كمان اني انبه اللي معاي
للي هو قاعد يسويه ,,
كذا والا بلاش من الموضوع كله..
باقول له رايي..واذا حب وتقبل النصيحه اهلا وسهلا
واذا اعتبرها غيره وحسد اذن في امان الكريم,,
اجل كيف احبه؟؟؟
وتسلمين يالغاليه http://www.swalif.net/swalif1/ubb/smile.gif