View Full Version : زوجي العزيز....ابغى أتزوج..:(
wildorchid
23-04-2000, 04:56 AM
تسمعني؟؟
والا كالعاده؟؟
تفهم وش قاعده أقول؟؟
والا كالعاده؟؟!
خلاص..زهقت منك..
ماني قادرة اتحملك اكثر من كذا..
شبابي كله راح معاك..
عمري كله اعطيتك اياه وكنت مستعده اعطيك اكثر,,
بس انت ماتحس ولا تقدر,,
الحين جاي تقول انك تحبني؟
انك تحتاجني؟
آسف,,
تأخرت كثير,,
وين حبك لما كنت ابغاك جنبي؟
وين حنانك لما كنت أولد طفلنا الوحيد؟
وين احترامك لما كنت تتركني وحيده عشان شلة البلوت؟
وينك طول هالسنين؟
عمرك حسيت فيني؟
عمرك شلت همي؟
اسمح لي,,
من حقي اشوف نفسي قبل لا يفوتني القطار,,
وساعتها,,
راح اكرهك,,
وماراح اقدر اغفر لك,,,,
[b]<small><small>[ تم تعديل الموضوع بواسطة wildorchid يوم 03-06-2000]
ma3gool
23-04-2000, 05:04 AM
للاسف النوعيه هذي من الرجال في تزايد مستمر... http://www.swalif.net/swalif1/ubb/frown.gif
يحسبون بنات الناس لعبه...!! وفي الاخير مالهم الا الندم والضياع..
ياعالم اللي مش اد الجواز ما يتجوزش... http://www.swalif.net/swalif1/ubb/frown.gif
------------------
كل شي معقول
لا تحلمين
انت تعبانة اليوم
روحي ارتاحي احسن
واتغطي عدل
_____________
مسكينة والله اللي تعيش مع هالنوعية من الناس
راح تظل طول عمرها ندمانة لانها اختارته
الله يعينها على هالبلية http://www.swalif.net/swalif1/ubb/frown.gif
wildorchid
23-04-2000, 05:14 AM
عزيزي معقول...
المشكله ان كل الناس تتوقع من المرأه انها تقوم
بواجباتها كامله وتتغاضى عن الرجل...
مع ان الحياة الزوجيه مشاركه بين الاثنين
وزي مالك حقوق عليك واجبات...
ليه احنا نهمل جانب ان المرأه ممكن تثور لانسانيتها
ولحياتها كمرأه وكأنثى..وفوق هذا كله كزوجه؟؟
الزوجه ماهي جماد من غير مشاعر او احاسيس...
والمفروض ان الزواج يتوجها ويخليها تكبر مو يقتلها
ويخليها مأسورة الانانيه المفرطه...وغرور الرجل الابدي
wildorchid
23-04-2000, 05:18 AM
مناال http://www.swalif.net/swalif1/ubb/smile.gif http://www.swalif.net/swalif1/ubb/smile.gif
طيب اصلي تعبانه اليوم http://www.swalif.net/swalif1/ubb/frown.gif
http://www.swalif.net/swalif1/ubb/smile.gif
--
فعلا مسكينه..
ولكن على الاقل هي قدرت تقول لا..وتوقف الظلم اللي قاعد
يصير...ولكن فيه غيرها كثير...
مايقدرون اما لانهم اضعف من اهم يتخذون قرار زي كذا
او لان ماعندهم القدرة على مواجهة الحياة وحيده..
او لانها عارفه ان ماعندها خيار ثاني...
وصدقيني مافيه شيء اصعب من انك تحرم من حق الاختيار..
بنت الديره
23-04-2000, 05:29 AM
كيفك عزيزتي اوركيد وش اخبارك
الحقيقه مثل ماقلتي الكل يتوقع اويطلب
المرأه انها تقوم بواجباتها وتتغضى عن اي شي
يصيرلها والله هذا عين الظلم
حتى اهلها يطلبون منها الصبر والتحمل لكن لين متى
ذكرتيني بنقاش دار بيني وبين حرمه كبيره بالسن
تقول ان المراه لازم تكون بنت رجال وتتحمل اي شي
وانا سالتها وش تتحمل بالضبط قالت بنت الرجال
هي اللي تتحمل لو زوجها ضربها لو اهانها
قلتلها اسمحيلي هذي مو بنت رجال لو كانت بنت
رجال كان ماتسمح لاي شخص انه يهينها حتى زوجها
انا ممكن اكون بنت رجال بس شلون يعني لو دار الزمن
على زوجي اوقف معه واسانده سواء مرض دين اي محنه من محن الدنيا
مااسمح لاحد يتكلم على زوجي في حضوري اكون ستر وغطى له هذي بنت الرجال
لكن الاهانه والضرب لا والف لا
والله ناظرت فيه وقالت هذا اللي تعلمتوه من المدارس http://www.swalif.net/swalif1/ubb/smile.gif
سلامات اوركيد
عسى ما شر؟؟ شو اللي تاعبج؟؟
على فكرة
انا قصدت بالرد اللي فوق
رد الزوج العزيز على زوجته وكيف انه طنش اللي تعانيه بلا مبالاة http://www.swalif.net/swalif1/ubb/frown.gif
اوركيد
طمنيني
شو اللي تاعبج؟؟
شرخشين2000
23-04-2000, 05:42 AM
يا بنت الناس روحي بيت زوجك ،، البنت مالها الا بيت زوجها ،، لكن اذا
وصلت المواصيل زي كذا مومعقول ،، على العموم اذا مد ايده نادي اسمي 3 مرات ،، وصدقيني اني انا اول من ينحاش ،،،
تحياتـــــــــــــي
------------------
صحيح ان الزعل قاسي
......كبير ويجرح احساسي
ولو اخطيت صدقني
......غرامك تاجي في راسي
wildorchid
23-04-2000, 05:42 AM
منال...
ههههههههههههههههههها http://www.swalif.net/swalif1/ubb/smile.gif http://www.swalif.net/swalif1/ubb/smile.gif
بصراحه رد رهييييب http://www.swalif.net/swalif1/ubb/smile.gif
لا ابد سلامتك...
ولكني ماني في احسن حالاتي.. http://www.swalif.net/swalif1/ubb/frown.gif
طفشت....
الناس ماهم زي اول...
العالم صاروا ماديين اكثر من اللازم...
الله يعين بس...
لا تشغلين بالك http://www.swalif.net/swalif1/ubb/smile.gif
واشكرك على اهتمامك http://www.swalif.net/swalif1/ubb/smile.gif والله انك اخت وحبيبه كمان http://www.swalif.net/swalif1/ubb/smile.gif
بنت الديره...
تربية مدارس اذن؟؟؟؟
والله ان معاكي حق في كل كلمه انتي قلتيها...
الوحده تكون بنت رجّال او بنت حموله لما توقف مع زوجها
في كل وقت...لكن ماالمفروض انها تستحمل الاهانه ابدا..
كيف اقدر اهين ام عيالي؟؟؟
كيف يهون علي اني امد يدي على شريكة حياتي؟؟؟؟؟
شيء غريب فعلا....
ليش هو مايتحملني اذن اذا انا مديت يدي عليه؟ http://www.swalif.net/swalif1/ubb/smile.gif
الحياة تفاهم..اخذ وعطا...
كيف تتوقع ان احنا ممكن راح نستمر اذا ماقدرنا
نفهم بعض ونوصل لنفس الهدف..ونلتقي عند نفس المصالح
والاهتمامات؟؟
ليش انا المفروض اني اتنازل لاني انثى؟؟
كونك رجل مايعفيك من مسئوليات كثيره اولها واهمها
زوجتك....
wildorchid
23-04-2000, 05:49 AM
شرخشين http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
فعلا الوحده مالها الا بيت زوجها
بس لو كان هذا البيت هو مصدر تعاستها...هل من المعقول
انها تستمر عايشه فيه؟؟
عدم رضاها مو دلع ابدا..
انما هو بسبب تقصير الزوج...
اهماله لواجباته..
عدم احترامها كانسانه اولا وكزوجه ثانيا
شرخشين شرخشين شرخشين
-
-
-
-
-
وين راح؟؟ http://www.swalif.net/swalif1/ubb/smile.gif http://www.swalif.net/swalif1/ubb/smile.gif
بحور_الشوق
23-04-2000, 05:49 AM
مستمعه http://www.swalif.net/swalif1/ubb/smile.gif
------------------
واعنا قلب تزيدون التياعه..كل ما ونيت قلتولي يحب
وينه النجم اللذي يغري شعاعه..وين شمس ما تواريها السحب
wildorchid
23-04-2000, 06:06 AM
هلا بحور الشوق....
مستمعه والا قارئه؟؟
انتي عارفه ان هالقصه تصير كثير في مجتمعاتنا
بس رده فعل الزوجه تختلف من وحده للثانيه....
اقري واسمعي واحكمي....
دموع حائرة
23-04-2000, 07:30 AM
حبيبتي ......
صراحة كلامك منطقي جدا و موضوعك حاصل كثير في مجتمعنا ..
اوافقك ارائك تماما..
------------------
دموع حائرة
md@swalif.com
اوركيد
قصة واقعية وتحصل كثيرا في مجتمعنا
وقرارها سليم بتركه ( لكن اتمنى انها اعطته فرص لتحسين علاقته معها )
عموما الله يعينها على بلواها .. ويكون قرارها صادر عن اقتناع ( وبدون ضغوط أخرى )
------------------
تحياتي / الســــــديــم
http://www.zyworld.com/khawater
ALSADEEM@HOTMAIL.COM
للاسف هذا داء منتشر فالمجتمعات العربيه http://www.swalif.net/swalif1/ubb/frown.gif
------------------
انساك لحظه واذكرك باقي العام
حتى وانا ناسي نسيت وذكرتك
wildorchid
23-04-2000, 08:29 AM
دموع حائره...
A.J
والله ترى الموضوع او اتخاذ قرار زي كذا ماهو سهل ابدا
مادري ليه ظاهرة عدم الاحترام المتبادل بين الزوجين
منتشره عندنا بكثره...
هل لان مفهومنا للعلاقه الزوجيه مازال قاصر؟؟
هل للي تربينا عليه دور فيه؟
هل لانانية الرجل دور اكبر؟؟
اسئله كثيره مالها اجابات....بس الاكيد لها حلول
سديم
صدقني قرارها كان لازم تاخذه على هذا النحو...
لا وكان لازم تاخذه ومن زمان...
مافيه احد يرضى انه ينهان في كل وقت...
ياخي الانسان وشو هو الا كتله من المشاعر
وكل انسان وله حد معين للاحتمال....
مو معقوله ان عمري كله يروح في رجا واحد ما احترم انسانيتي
ولا قدر مشاعري ولا حبي لبيتي او له هو...
بس مهما كان حبي له لابد ماالنقط تحط فوق الحروف والحدود
تعرف....
مافيه وحده ممكن ترمي كل حاجه ورا ظهرها من اول موقف
لابد ماتحاول لكن اكيد راح يجي الوقت اللي مقدرتها على
التحمل تخلص....
وتقول...
آسفه
زيـــــــــــن ...وشهو الحل البديل ....رجال ثاني فوق الخمسين http://www.swalif.net/swalif1/ubb/frown.gif
الواحد لازم يفكر زين ويصبر ....
قال تعالى ..بسم الله الرحمن الرحيم
ْ............{وبشر الصابرينْ}............
.............................الاية
-------------------------------------------------
عســـــ http://www.swalif.net/swalif1/ubb/smile.gif يالله انا موافق http://www.swalif.net/swalif1/ubb/smile.gif ـــــــل
كوايت
23-04-2000, 11:54 AM
والله أنتً يابنات الوقت هذا
عجيبات؟؟؟
شنو تبينة يقابلك 24 ساعة
أرجعي لبيت زوجك ....
تراء المرة مالها الى زوجها
مثل مايقولون أخواننا المصرين
ظل رجال والى ظل حيطة...
ماعلية أصبري ...
الصبر مفتاح الفرج
http://www.swalif.net/swalif1/ubb/smile.gif
wildorchid
23-04-2000, 09:48 PM
عسل..
ومن قال ان العجوز الخمسيني هو نهايتها؟؟!!
ليش ماتكون هذي الخطوه هي بدايه الحياة بالنسبه لها؟؟
ليش تختار هذي النهايه لانسانه اللي صار لها ماهي سبب
فيه؟
ظروفها هي اللي اوقعتها فيها....مافيه انسان يتمنى انه
يختار الفشل كمذهب او طريقه للحياة...
يمكن هي تتحمل نتيجة الاختيار الخاطيء...
بس كيف تعرف؟
مجتمعنا وبلارغم من انه مغلق الا ان اشياء كثيره تظل
متخبيه...حقائق تتوارى خلف جدران كل بيت ولا يمكن
انك تعرفه..
والناس راح تقول لك...مالي دخل مااقدر اقول رايي عشان
مايزعل فلان او علان....
تقول انت وكوايت كمان انها لازم تصبر...
بس لين متى؟؟؟؟
وليه اصبر؟؟
وعشان ايش؟؟
ليش ماهو اللي يحاول يغير من نفسه؟!!!!!
وش يجبرني على تحّمل الاهانه والمذله وهضم الحقوق؟؟؟
يرضيك لو زوجتك عملت فيك كذا؟؟؟؟
تخيلان زوجتك مغير لاهيه في عزايم وروحات وجيات
هات لي جب لي حطني ووديني....
وش يخليك تتحمل هذا كله؟؟؟
ليش تتزوج عليها اذن؟؟
ليش ماصبرت عليها؟؟؟؟؟؟
للاسف ما لحقت للموضوع http://www.swalif.net/swalif1/ubb/frown.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
------------------
*** SMRA ***
بياع القلوب
24-04-2000, 12:29 AM
وين راح الموضوع ؟؟؟؟ http://www.swalif.net/swalif1/ubb/frown.gif
wildorchid
24-04-2000, 12:36 AM
ذهب ادراج الرياح
وبسبب سوء الظن http://www.swalif.net/swalif1/ubb/frown.gif
الواحد لما يكتب حاجه من ارض الواقع يضيف لها بعض الاحداث
يعني مو شرط انه يحكي عن شخص بذاته..
يمكن يحكي عن نماذج مختلفه ولكنه جمعها في شخصيه واحده
هذي هي الكتابه..
جزء منها خيال وجزء اكبر...واقع نعيشه
للاسف قلمي انكسر http://www.swalif.net/swalif1/ubb/frown.gif http://www.swalif.net/swalif1/ubb/frown.gif
بياع القلوب
24-04-2000, 12:46 AM
اوركيد
ما تعودتك ترفعين الرايه البيضاء بهذه السهولة ..
وقلمك لم ولن ينكسر دام هناك أناس تقدم حسن النية في موهبتك وشخصك ..
نصيحه ( ارجعي اكتبي الموضوع مره ثانيه )
كوايت
24-04-2000, 12:03 PM
الحمد لله أني عــــزوبـــي
اللهم لك الحمد
http://www.swalif.net/swalif1/ubb/smile.gif
wildorchid
04-06-2000, 05:24 AM
وين راح الموضوع http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
UAE_BaBe
04-06-2000, 05:40 AM
شو السالفة؟؟؟؟؟؟؟؟؟؟؟؟؟؟؟؟
wildorchid
04-06-2000, 07:02 AM
شوفي الموضوع مره ثانيه..
http://www.swalif.net/swalif1/ubb/smile.gif
wildorchid
05-06-2000, 06:38 AM
ابد..سلامتك
كرامة امرأه تصرخ,,,