سؤال للكبـــــــــــــار بس !!

[دكتور / مجنون]

انا واحد خلصت الثانويه و بأدخل الجامعه ...

في كليه الحاسب في 3 تخصصات
1- علوم الحاسب
2- هندسه الحاسب
3- نظم الحاسب

بغيت اسأل وش الفرق بينهم و بعد وين الاحسن فيهم ؟!؟! :)

[wildorchid]

كان بودي اساعدك :(

اجل ليش مسمي نفسك دكتور؟:)

[شرخشين2000]

الله يرجّك ،، دكتور ولسّه ما خلّصت الجامعة !!!!

على العموم رح خذ لك دورة حاسب آلي وشف لك أحد هالشركات أحسن لك من الجامعة ،،

تحياتـــــ اسمك تمويه ههههههه ــــــي

[ملقوف]

هلا دكتور :)

الله يوفقك في دراستك :)

وخل عنك الإنتر نت بس !! هع مجنوووووووووووون !!!

[شجون المحبه]

هـلا اخوي ....:)

اتمنى اني اساعدك ...بس انا لي معرفه مو كبيره في هذي السالفه ...


اولا اهم شيء لازم تعرفه انه هندسه الحاسب هي افضل شيء...لانها تلم اعلب الاشياء الثانيه ...
بس لا تنسى انك لما رح تدرس هندسه رح تدرسها بوجه عام وبعدين تتخصص حاسب ...

هندسه الحاسب ..تتعلم كيفيه تركيب كل الاجزاء الحاسب ..ويكون عندك خلفيه كبيره عن عمل كل جء ..بحيث انك ممكن انك تصنع اي جزء بنفسك ..بالاضافه الى خلفيه عن برامج الحاسب المختلفه وانظمتها ,,,


نظم الحاسب ..اللي اعتقد انها نظم معلومات ...هي ايضا جيده وجميله..وكل دراستك فيها رح تكون عن انظمة الحاسب وكيفيه عملها ...ورح تعرف تستخدم كل نظام وكيف تستفيد منه وهذا مطلوب جدا هالايام وله مستقبل حلو

اما علوم الحاسب ...فهذا انا ما احبه وايد ...يعني تكون عندك خلفيه عن كل برامج وانظمته الحاسب وتاريخها ..يعني تدرس كل برامج الحاسب القديمه وبعدين الجديده ..وتقدر تتعامل مع الحاسب فقط عن طريق الكي بورد بس ...

شوف انا ما اسوي دعايا للهندسه لانها تخصصي :) ..بس لانها افضل الجميع ...لانك تقدر تتعامل مع الحاسب عن طرق كثيره غير الكي بورد ..تقدر تركب اجزاء ..تقدر تصلح اجزاء ..لانك تكون عارف كل شيء عن الحاسب من اصغر جزء فيه الى اكبر جزء..:)..ويكفي يكون اسمك مهندس ..:) صح والا لا ...

[نجمة المساء]

مجال الحاسب الالي من اروع ما يكون
اخذ لك هندسه الحاسب او علوم الحاسب

كل مكان مطلوبين ومثل ما قالت شجون المحبه
يفضل الهندسه

[القط الوردي]

الاخ الدكتور مجنون , عقله الله :)
بصراحة انا مبسوط انك اخترت تخصص
الهندسة الغير تقليدية وانت اكيد تعرف
وش الهندسة التقليدية , ( الميكانيكية , الكهربائية, المدنية )
طبعا ماراح اقولك المعمارية لان المعماري بامريكا مايسمونه
مهندس ويسمونه معماري فقط .
شوف اول انا على استعداد اني اساعدك سوى بسوالف او عن طريق
الجـوال لاني مهندس وتخصصي هو احد فروع هندسة النظم .
قبل لا اشرح لك .... اذا تبي اني اشرح لك ارسل لي جوالك او تليفونك على ايميلي بسوالف وياما تبشر :)

حبيبي مجــــنون :
اولا : عـلوم الحـاسب وهي تخصص يعطيك القدرة على التعامل مع
( السوفت وير )يعني برمجيات الحاسبات من عمليات اضافة البرامج
وتعديلها والتعامل مع مشاكل الشبكة وحلها وبمعنى اسهل مثل برنامج
الويندوز لما يكون جديد يقوم اختصاصي علوم الحاسب بفتح البرنامج وانزاله على الاجهزة وحل مشاكله عن طريق اللغات المستعمله في الحاسبات.وكذلك تصميم البرامج البسيطة .
وهذا التخصص انصحك اذا تبيه انك تأخذ فيه دبلوم وماله داعي
اخذ بكلوريوس فيه لان المطلوب فيه الدبلوم واكثر من يطلب هذا التخصص الان وزارة الداخلية ومقدمي خدمات الانترنت , اما البكالوريوس فمظلوم عند تصنيفه في ديوان الخدمة.
مع العلم انه تخصص متعب وشاق وفيه مواد قد تهبط من عزيمتك
لانها تخليك تدرس كيف تحفظ انظمة عملها غيرك وعليك تشغيلها وحل مشاكلها بناء على نظريات مخترعها .

ثانيا: هندسة الحاسب وهذا التخصص سهل نوعا ما ( سهل بلغة المهندسين ) وفيه تدرس كيفية اختراع وتصميم حاسب اللي ( هارد وير )يعني وشلون تصمم جهاز كمبيوتر من الالف الى الياء مثل الدوائر الكهربائية والالواح الالكترونية والقطع يعني اسهلها عليك كيف تخترع كمبيوتر ويكون شغال مضبوط بس بدون برامج لان البرامج يصممها
واحد ثاني جايين عليه. وفي هندسة الحاسب تدرس شوي برمجيات وسوفت وير من ضمن المتطلب .
وهذا التخصص حلو لكن مجالات عمله لازالت نادره في كل الخليج والخريجين
من هذا القسم الان بالسعودية اغلبهم يعمل في وظائف مخصصه اصلا لخريجي علوم الحاسب وليس لخريج هندسة الحاسب لكن مـضطرين الا اذا ربنا سهل لك الانظمام لشركة كبيرة مثل ارامكو او سابك .

اما التخصص الثالث وهو .. : هندسة النظم
فيعيني عليه لانه تخصصي وينقسم الى قسمين :
-1 هندسة صــناعية وهو تخصص تدرس فيه كيفية ادارة نظم المنشأت
الصناعية العملاقة اكترونيا وعمل التحكم عن طريق الحاسب الالي لها
وحل مشاكلها اكترونيا , وكيفية انشاء المشاريع الصناعية العملاقة
وتصميم برامجها الالكترونية .
وهذا القسم ليس له وظائف في نفس التخصص الا في ارامكو وسابك
اما الدولة فممكن توضفك في التحلية او الكهرباء لكن لا يعتبر هذا نفس مجال التخصص .
-2 القسم الثاني والاخير وهو قسمي وهو ماانصحك به يامجنون
وهو قسـم يسما ( الاتوميشن ) يعني بالعربي كلو تومتيك ههههه
وفيه تدرس كيفية تصميم انظمة يمكن استخدامها لمشروع جديد بحيت ان هذه الانظمة تجعل المصنع يدار بمايسمى ( فل اتوميشن ) واقربها لك يعني لو عندنا مصنع او معمل كيميائي او نووي او صناعي او كهربائي وفيه عمال كثير وطلبت الدولة او الشركة من مهندس النظم حل مشكلة العمالة الكبيرة وعمل انظمة الية لبناء مصنع او معل جديد يكون كله اكتروني من الف الى ياء خلاص يقوم مهندس النظم بعمل الانظمة الحاسبية والالكترونية لتنفيد المطلوب بحيث بعد انشاء المشروع يثم اذارة المصنع من قبل اقل عذذ من العاملين يعني بعد ما يكونوا الف يصيروا عشرين ( قطاع ارزاق ههههههه) وطبعا دائما يكون العمل ضمن ( تيم ورك ) مو لوحده لانها مشاريع جبارة .
وهذا التخصص عليه طلب الان كبير جدا جدا من قبل ارامكو وسابك والجيش والخطوط السعودية وشركات النفط والدراسة فيه مي سهلة لكنها رائعة ومشوقة وفيها ابتكار وتصرف للمهندسين في هذا التخصص رواتب ضخمة بمقياس الرواتب في الخليج .
ارجو ان اكون وضحت لك المطلوب واذا تبي استفاظه وشرح جاد ممكن تتصل علي .
لكن عموما اذا كنت راح تدرس في جامعة البترول والمعادن( افضل جامعة سعودية في تخصص هندسة نظم وهندسة حاسب وعلوم حاسب ) فلاتقلق
لانهم في اول سنة راح يدرسونك سنة تجريبية لكل الثلاث تخصصات وبعدها يمكنك التخصص حسب قدراتك :)

[سليمان.]

انا ودي اقول لك هندسة الحاسب
مدري ليه يمكن على شان اني احب شيء اسمه هندسة وخاصة حاسب آلي كملت

[القط الوردي]

دكتور مهســتر :):)
قصدي دكتور مجنون .. مساء الخير .
اشوفك مارديت علىّ ليكون خفت
وهــونت :)انا منتظــرك .

[دكتور / مجنون]

هلا القط الوردي .. ممكن الايمل حقك بغيت اتكلم معاك اكثر في هذا المجال ...

او الايمل حقي : dr_mjnooon@hotmail.com

بســــــــــــــــرعه الرد :)

[القط الوردي]

هلا مــجــنـــون:):)
يـااخـي ايمــيـلي قـدام عـينك
بســـوالـف ..اتـفـقـنا:)
عموما انا راح ارسـل لك رقم
الموبيل على الايمـيل .

[ونات]

نظم الحاسب تخصص مطلوب ...صدقني هذا الافضل ثم الهندسة ثم البرمجة...
الله يعينك على الاختيار

[دكتور / مجنون]

مشكوووووووووووووربن على كل الردود ::

لكن والله دخت ما اعرف وش اختار : واحد يقول هندسه حاسب و الثاني علوم الحاسب و الثالث نظم الحاسب ( نظم المعومات )

ودي اسأل سؤال واحد : من ناحيه الوظايف و الرواتب ( اهم شئ )
وش الاحسن في المستقبل يعني بعد 5 سنوات تعرفون ان في السعوديه بتدخل شركات كبار للغاز و غيرها ... يعني بيصير هناك وظايف كثيره لكن سؤالي الوحيد : التخصصات اللي تكلمنها عنها قبل شوي ، كيف وطريقه العمل بها : حقيقه انا مو عارف اعبر :( :(

هندسه الحاسب ----> وشو الوظيفه اللي انا بأدخل فيها مستقبلا
علوم الحاسب ----> وشو الوظيفه اللي انا بأدخل فيها مستقبلا
نظم الحاسب ----> وشو الوظيفه اللي انا بأدخل فيها مستقبلا

و لا تنسون سالفه الراتب ( ما يعيب الرجال اللا الراتب القليل )

ورانا زواج و عيال و زحمه .... و الله يعين كل واحد على هذي الدنيا ........... :) :)

[القط الوردي]

عقـب كل هالشرح وبــاقي تســـأل؟؟
اسمع الكلام انت ياولد شكلك مجنون بصدق
أهــم شيء هو التخصص وهو اللي يوصلك
لباقي الامتيازات.
انا قلت لك نظــم يعني نظــم اذا فيك
عــقـل وبجد مؤهـل عقليا أدخلها والراتب
أأكد لك انه يعطى لك حسب التخصص وعن
النظم لايقل في اسواء الشركات وفي اسوء الاحوال
عـن 9000 الاف ريال هذا اول راتب تقريبا
اما اذا لقيت شركة كبيره فاحسب من فوق
الـ 12000 , اما قطاع الغـاز فهو يطلب تخصص
الـنظـم لانهـا معامــل تدار الياً لخطورتها.
وتوكل على الله وخل عنك التفكير بالراتب
واقفل هالموضوع .

[دكتور / مجنون]

http://www.geocities.com/dr_mjnooon/comp6.gif


الموضوع قيد الدراسه :
http://www.geocities.com/dr_mjnooon/uc.gif