المرسال
03-08-2000, 03:04 PM
تخيلوا لوكان الطفل يولد عاقل ...
ويفهم كل شي حوله ..
لكن حنا ماندرك هالشي .؟؟
ونحسبه -طفل- ولايفهم !! ..
اللي ماقرا الاجزاء السابقة ..
يضغط هنا ..
الورقة الثانية (http://www.swalif.net/sforum/showthread.php?threadid=58864)
قدوم الفضوليات
بحمد الله وفضله كملت يومين من عمري ولا شفت من هالمشاكل اللي سمعت انها ماليةٍ الدنيا غير اختي هدى اللي اكبر مني بسنة .. جاء اليوم الثالث ومسكتني امي ونظفتي تنظيف (ماحصلش) ولبستني هدوم جديدة غير الخلاقين اللي وراثها من اختي هدى !!.. ولفتني بالرواق .. عفواً قصدي المهاد وخذ ياتربيط .. وحطتني بالسرير وعطتني بوسة وهي تقول (حبيبي الشاطر .. لاتصيح وتفشلني قدام الحريم اليوم) .. بصراحة أنا شكّيت إن امي تدري اني فاهم .. ولا ليش قالت لي هالكلام وأنا في نظرها طفل؟؟ .. وبعدين من هن الحريم اللي بيجن اليوم ؟ وليش جايات ؟ .. وبمبدأ حسن النية قلت اكيد يبغن يسلمن على امي ويباركن لها بقدوم حضرة جنابي .. ابتسمت يوم جتني هالفكرة وحسيت ان لي قيمة عند الناس على اني كتكوت .. وهالابتسامة ماتت بسرعة يوم تذكرت اسمي !! .. سمعت صوت الجرس وعرفت ان الحريم وصلن .. وكلها دقايق الا هن فوق راسي ...وتتجاذبني الأيدي والشفايف .. مع شوية آراء (والله حلو الله يخليه لأمه).. (وععع شوفى خشمه هالأفنس) ..(والله عيونه مثل عيون امه)..(هو حلو بس لو شفايفه صغار شوي) ... ؟؟؟!!! وش قالوا لكم سيارة !! تبون تسمكروني على كيفكم .. هذي خلق ربي ... وعاجبني وانتم بكيفكم .. اخذتني امي من بينهن وحطتني بسريري وراحت تسوي لهم الشاهي والقهوة .. ولي وقفة مع الشاهي والقهوة اللي صرت ارضعها مع الحليب .. يعني مابهالدنيا شي يشرب غير الشاهي والقهوة ؟! .. يعني ماكفاكم الحر اللي شاوي اجسامكم شوي .. وتبون تشوون كبودكم بهالبلاوي .. ليش ماتشربون عصير .. ولا تحطون أيس كريم .. اوه ولا صعبه ذي لان العصير يجي كوب واحد تشربه مرة وحدة ويادار مادخلك شر .. اما الشاهي والقهوة كل ماخلصت البيالة (صب) .. وبعد شوي (صب ثاني) ..لين يخلص البريق أو الدلة.. وتروح كل الجلسة صب ولاتصب وتقهو وبس وواحد ووثنين... جت امي شايلةٍ العدة (الدلة والبريق والمحاقين كلها) .. وانواع الصب والصبيب .. وأنا قاعد لحالي ابلع سعابيلي .. وبصراحة طلعت من طوري ونقضت العهد اللي بيني وبين أمي ... بالعربي خربتها وقمت اصيح .. قامت أمي وهي تقول (الله ياخذ روحك) .. سكت وأنا مبسوط اول مرة تدعي لي دعوة زينة .. ليت الله ياخذ روحي وأنا بهالعمر واسلم من مشاكل هالدنيا وأولهم اختي ! .. وفوق كذا أصير من طويرات الجنة .. شالتني امي ونزلتني على الأرض عند الحرمّا (جمع حرمة) .. وليتها مانزلتني .. استلمّني هالشريطيات للمرة الثانية .. (شعره قليل)...(خدوده كبار) .. (عيونه غاطسات) .. قعدت اصيح أنا من القهر ابيهن يغيرن السالفة .. وتجي أمي تبي تسكتني وتاخذني بحضنها وتحط شي عند فمي وأنا افتح فمي كله وأنا مدري وشو هالشي .. المهم وأنا اشرب واقرطع لين خلصته .. ودخت وصرت سكران الا شوي .. وتنزلني على الأرض وأنا دايخ بس عرفت ان اللي شربته قهوة ... ومفعولها غير طبيعي ... يعني وشلون أنا من أول فنجال دخت .. وهالعالم لها سنين تحقن من هالقهوة ماصار لهم شي .. ايه هين .. خلهم يصبرون يومين من دون قهوة .. قسم بالله ليجيك الواحد كنه محشش الله لايبلانا .. بدى النوم يدغدغ جفوني وبديت اطفي شوي شوي .. وقبل انام لمحت الخدامة داخلة وشايلة معها جبل اخضر ... يظهر لي انه فيتامين "كاف" أو اللي يسمونه كراث ... كان ودي آكل منه لكن النوم أقوى مني ...
نمت لين زهقت ... وصحيت على ضحك الحريم .. ناظرت لصحن الكراث الله يذكره بالخير .. مالقيت الا الاطلال .. والدلة والبريق غير اللي أنا خابر .. كل شي تغير ماعدا سوالف الحريم ..(خشمه مايل) .. (اذنه اليمنى اطول من اليسرى) .. (واااااا) صحت بأقوى ماعندي كأني مقروص .. بس كذا أبغاهن يغيرن السالفة .. التفتت لي وحدة منهن وقالت (سبحان الله! لهاته كنها كبيرة شوي !) .. وأنا اللي أكتم الصيحة ووجهي أحمر .. وانا أقول في نفسي ... الحمد لله اني ماصرت بنت !!
ويوم الله هداهن ولقن موضوع يسولفن فيه ... كان فيه زواج بنفس يوم ولادتي ولا حضرته امي .. ومعروف ان الزواجات منجم سوالف وأخبار عند الحريم .. (يووه شفتي فلانة وش لابسة وععع تنورة زرقاء وبلوزة صفراء) .. (لا والا هذي الدبية ام المعرس شفتي شكلها وهي ترقص) ...(ماشفتي فلانة اهبي ياطول شعرها وأنا الللي احسبه قصير ) .. ويبدا الحماس بالكلام اللي كله حش وحسد لخلق الله ... وبعد خمس دقايق من بداية ماراثون الكلام .. صارن كل الأربع يتكلمن بنفس الوقت .. وأمي الوحيدة اللي تسمع ... وعلى فكرة كان سمعها ثقيل بعد ...
ويفهم كل شي حوله ..
لكن حنا ماندرك هالشي .؟؟
ونحسبه -طفل- ولايفهم !! ..
اللي ماقرا الاجزاء السابقة ..
يضغط هنا ..
الورقة الثانية (http://www.swalif.net/sforum/showthread.php?threadid=58864)
قدوم الفضوليات
بحمد الله وفضله كملت يومين من عمري ولا شفت من هالمشاكل اللي سمعت انها ماليةٍ الدنيا غير اختي هدى اللي اكبر مني بسنة .. جاء اليوم الثالث ومسكتني امي ونظفتي تنظيف (ماحصلش) ولبستني هدوم جديدة غير الخلاقين اللي وراثها من اختي هدى !!.. ولفتني بالرواق .. عفواً قصدي المهاد وخذ ياتربيط .. وحطتني بالسرير وعطتني بوسة وهي تقول (حبيبي الشاطر .. لاتصيح وتفشلني قدام الحريم اليوم) .. بصراحة أنا شكّيت إن امي تدري اني فاهم .. ولا ليش قالت لي هالكلام وأنا في نظرها طفل؟؟ .. وبعدين من هن الحريم اللي بيجن اليوم ؟ وليش جايات ؟ .. وبمبدأ حسن النية قلت اكيد يبغن يسلمن على امي ويباركن لها بقدوم حضرة جنابي .. ابتسمت يوم جتني هالفكرة وحسيت ان لي قيمة عند الناس على اني كتكوت .. وهالابتسامة ماتت بسرعة يوم تذكرت اسمي !! .. سمعت صوت الجرس وعرفت ان الحريم وصلن .. وكلها دقايق الا هن فوق راسي ...وتتجاذبني الأيدي والشفايف .. مع شوية آراء (والله حلو الله يخليه لأمه).. (وععع شوفى خشمه هالأفنس) ..(والله عيونه مثل عيون امه)..(هو حلو بس لو شفايفه صغار شوي) ... ؟؟؟!!! وش قالوا لكم سيارة !! تبون تسمكروني على كيفكم .. هذي خلق ربي ... وعاجبني وانتم بكيفكم .. اخذتني امي من بينهن وحطتني بسريري وراحت تسوي لهم الشاهي والقهوة .. ولي وقفة مع الشاهي والقهوة اللي صرت ارضعها مع الحليب .. يعني مابهالدنيا شي يشرب غير الشاهي والقهوة ؟! .. يعني ماكفاكم الحر اللي شاوي اجسامكم شوي .. وتبون تشوون كبودكم بهالبلاوي .. ليش ماتشربون عصير .. ولا تحطون أيس كريم .. اوه ولا صعبه ذي لان العصير يجي كوب واحد تشربه مرة وحدة ويادار مادخلك شر .. اما الشاهي والقهوة كل ماخلصت البيالة (صب) .. وبعد شوي (صب ثاني) ..لين يخلص البريق أو الدلة.. وتروح كل الجلسة صب ولاتصب وتقهو وبس وواحد ووثنين... جت امي شايلةٍ العدة (الدلة والبريق والمحاقين كلها) .. وانواع الصب والصبيب .. وأنا قاعد لحالي ابلع سعابيلي .. وبصراحة طلعت من طوري ونقضت العهد اللي بيني وبين أمي ... بالعربي خربتها وقمت اصيح .. قامت أمي وهي تقول (الله ياخذ روحك) .. سكت وأنا مبسوط اول مرة تدعي لي دعوة زينة .. ليت الله ياخذ روحي وأنا بهالعمر واسلم من مشاكل هالدنيا وأولهم اختي ! .. وفوق كذا أصير من طويرات الجنة .. شالتني امي ونزلتني على الأرض عند الحرمّا (جمع حرمة) .. وليتها مانزلتني .. استلمّني هالشريطيات للمرة الثانية .. (شعره قليل)...(خدوده كبار) .. (عيونه غاطسات) .. قعدت اصيح أنا من القهر ابيهن يغيرن السالفة .. وتجي أمي تبي تسكتني وتاخذني بحضنها وتحط شي عند فمي وأنا افتح فمي كله وأنا مدري وشو هالشي .. المهم وأنا اشرب واقرطع لين خلصته .. ودخت وصرت سكران الا شوي .. وتنزلني على الأرض وأنا دايخ بس عرفت ان اللي شربته قهوة ... ومفعولها غير طبيعي ... يعني وشلون أنا من أول فنجال دخت .. وهالعالم لها سنين تحقن من هالقهوة ماصار لهم شي .. ايه هين .. خلهم يصبرون يومين من دون قهوة .. قسم بالله ليجيك الواحد كنه محشش الله لايبلانا .. بدى النوم يدغدغ جفوني وبديت اطفي شوي شوي .. وقبل انام لمحت الخدامة داخلة وشايلة معها جبل اخضر ... يظهر لي انه فيتامين "كاف" أو اللي يسمونه كراث ... كان ودي آكل منه لكن النوم أقوى مني ...
نمت لين زهقت ... وصحيت على ضحك الحريم .. ناظرت لصحن الكراث الله يذكره بالخير .. مالقيت الا الاطلال .. والدلة والبريق غير اللي أنا خابر .. كل شي تغير ماعدا سوالف الحريم ..(خشمه مايل) .. (اذنه اليمنى اطول من اليسرى) .. (واااااا) صحت بأقوى ماعندي كأني مقروص .. بس كذا أبغاهن يغيرن السالفة .. التفتت لي وحدة منهن وقالت (سبحان الله! لهاته كنها كبيرة شوي !) .. وأنا اللي أكتم الصيحة ووجهي أحمر .. وانا أقول في نفسي ... الحمد لله اني ماصرت بنت !!
ويوم الله هداهن ولقن موضوع يسولفن فيه ... كان فيه زواج بنفس يوم ولادتي ولا حضرته امي .. ومعروف ان الزواجات منجم سوالف وأخبار عند الحريم .. (يووه شفتي فلانة وش لابسة وععع تنورة زرقاء وبلوزة صفراء) .. (لا والا هذي الدبية ام المعرس شفتي شكلها وهي ترقص) ...(ماشفتي فلانة اهبي ياطول شعرها وأنا الللي احسبه قصير ) .. ويبدا الحماس بالكلام اللي كله حش وحسد لخلق الله ... وبعد خمس دقايق من بداية ماراثون الكلام .. صارن كل الأربع يتكلمن بنفس الوقت .. وأمي الوحيدة اللي تسمع ... وعلى فكرة كان سمعها ثقيل بعد ...