لو سمحت

[الجمل]

من اختياري
سمحت منك غصب ماهوبكيفي سمحت,,,يكفي كلام سمعته ليله البارحه
اجرحك بشويش وانت بكل حيلك جرحت,,,قلب زمانه قبل مايعرفك جارحه
تصدق اني نهار اقفيت عنك فرحت,,,لكن وربي هواجيسي معك سارحه
وصلتها حدها وانا ليا رحت رحت,,,لو مرت عيون عذال الهوى فارحه
ياكثر ما اخطيت في حقي وانا لك دمحت,,,الاعمودالكرامه ماني بطارحه
الله يجبر عزاي بطفلي اللي ذبحت,,,طفل بعد ماتكلم جيته تصارحه
تكفى عشان المحبه خلني لو سمحت,,,يكفي كلام سمعته ليله البارحه

[شجون المحبه]

اهـــلا الجمل ....:)

اختيار موفق ....

شكرا لك ....

[شرخشين2000]

صح لسانك يالجمل ،،
الى الامام دائماً

[الجمل]

شكرا لك
شرخشين:شكرا وصح بدنك
عنددي سؤال ودي اطرحه عليك اذا ماعندك مانع:)ممكن ولا لا

[عبودي 1]

صح لسانك :)

[توتة]

ياليت دايما تثرينا باختياراتك الموفقة :)
وينك ما نشوفك في الطرائف ... :(



تحياتي ,,,
توتوة

[مدردش متقاعد]

شوفي تاريخ الموضوع.. بتعرفين وين الجمل سار:)

[توتة]

طلع أخونا عبودي نابش المواضيع ....

أخوي مدردش ...
كيف نسوي بحث في سوالف اذا حبينا نقرا مواضيع عضو معيّن ..؟؟؟



تحياتي ,,,
:) ماما توتة

[مدردش متقاعد]

علشان مرة ثانية تنتبهين:)

علشان تدورين موضوع عضو معين أعتقد الموضوع سهل جدا... اكتبي اسم العضو في خانة البحث.. و اختاري القسم الي تريدين تبحثين فيه.. و الفترة الزمنية

إنتي روحي قسم البحث.. و ماأعقد الموضوع معقد لهالدرجة:)

تحياتي