الأنقطاع خلاني اكتشف نفسي !!

[جواد الليل]

اولا الحمدلله انه سوالف رجعت .

بس موضوعي هو اني اكتشفت اني انا مدمن انترنت وسوالف بصفة خاصه,
امس الدعوة خربانة , عادي ممكن تصير , لكن انا حابس نفسي وما ارد على التليفونات ومطفي الجوال والشباب يسيرون علي واصرفهم مثل العادة, لأني في العادة مشغول بسوالف وماليه دنيتي وما ابي اطلع ولا اقابل احد ومقتنع بجلستي مقابل هالجهاز اللي بيحولني .
لكن حتى امس كان ممكن اطلع مع الشباب وارتاح اضطراريا من الأنترنت.
لكن تصدقون اني ما قدرت ولقيت نفسي متقوقع في البيت وقلطع نفسي عن العالم الخارجي , وكل شوي اشيك على سوالف ومن ثم اروح اتجول في المنتديات الثاتية واتحسر ان سوالف خربانة.
يعني ما ادري ! ! بس حسيت اني لقيت في سوالف مكان اهرب فيه , ومن ايش اهرب ما ادري ! !
الدعوة مشغلتني .
والله يستر من اللي بيجيني اذا بقيت على ذا الحال .